勝博殿日式炸豬排

營業中

休息中

不論入坐等野吃還是埋單都等超久 我追咗兩次單 職員完全唔理我 職員只會走來走去 白色衫的那位經理都不知道做什麼😡😡隔籬枱仲有曱甴出現 衛生問題嚴重 🥶🥶😫😫完全不推薦 都唔知點解openrice有咁多好評 😒😒食物質素一般 🙂‍↕️🙂‍↕️我叫了一個豬肉卷 簡直不知所謂所 可能唯一嘅好處就係可以加菜、飯同麵豉湯🫠🫠超級overprice 坊間喺呢個價位有大把選擇 簡言而之 不推薦 永久black list

好耐好耐無嚟⋯應識耐過疫情前吧⋯大約下午1:45左右到達，2:45收場，夠時間食嘅點餐後先來椰菜絲和前菜，食住先！主食合格的Yuki Roll Combo味噌汁是海帶菇的，味噌比往日淡了好多⋯燕麥飯的燕麥比例也少了⋯一邊食一邊望見員工執拾清潔，員工忙於清理檯面的餐具及抹檯執好檯面，一塊粉紅色抹布（應該用嚟抹醬油樽）和一條藍綠色抹布（應該用嚟抹檯）。見佢用粉紅色布抹豬扒汁個罌，之後有一下佢唔小心掃跌咗支沙律醋汁落地下，佢執番上檯就用粉紅紅色抹布抹個跌落地嘅醬油瓶⋯之後去另一張檯繼續清理，依舊用果兩塊布抹野；同時，佢一直戴著一雙藍色即棄手套除咗用嚟清潔執拾外，拎清潔餐具食具都係同一雙！眼見佢啲手指也會不停接觸食具中心（即係放食物的位置）一些乾淨紙巾又係用果對手套接觸王塞入紙巾桶仔內⋯衛生意識真係有待加強整頓午餐，感覺少了舊日殷勤服務態度哩⋯

首先呢個價錢唔應該比呢個質素嘅食物我哋，之前見到有人話劣評係因為職員服務態度唔好。我哋嚟到發現冇呢個問題，因為冇職員閒理我哋，等咗成10分鐘先有人走過嚟。叫咗$248嘅特級炸豬扒，但係豬扒切開之後，咁都夠咬落都係韌，而且炸粉太多、豬扒中間仲係凍嘅。然後從來冇諗過，每日返工經過，曾經滿心期待嘅一間餐廳，嚟到之後失望到咁。朋友叫咗味噌豬扒鍋，不過不失啦，但係唔值成$200囉，舊豬扒都係又韌又有筋。真係唔值，失望到極。

這家店吃了好幾年了，食物品質還是不錯的，環境也可以，在銅鑼灣價位算中等價位，但服務一年比一年差，真的是好差，從進店到出店服務生一直黑口黑面，下單和追加食物也不理人，看到也當看不到。真是只有最差沒有更差，讓你整個人吃飯的心情很差，不要求你笑著服務，但至少也不要好像別人欠你錢那樣吧。

沒有日本餐廳一貫的態度，只有好快餐食嘅招呼，由落單到送餐都非常趕，已經幫襯過好多次，服務員都係一貫嘅又趕又快嘅招呼，對熟客係冇客氣一點，佢哋堅守營業時間非常緊將，係1分鐘都唔會遲。食物質素係好嘅。

本身幾次去已經有非常不好感受，之前幾次樓面員工都是惡劣，今次傳菜很好，點知點餐後d豬柳勁細，炸漿又吾好，點知最衰係埋單話張咭碌左好多次都吾得，咁最後我親自去佢碌卡位都碌佢就即時碌倒，之前都留過言話佢地試過出單開左隔來個台三倍價格的單！今時今日的服務同質素，所以大家一定要留言！

幫襯了Saboten十多年，食物質素已是無可挑惕，不過最近一次幫襯就出現了一段小插曲。話說一家三口食晚飯，孩子已吃過東西，所以就order兩人分量，可是店員卻剎有介事的表示：「你地三個人，點兩個餐，咁樣飯湯菜就無。得。添」我兩公婆唔大食，細路又食飽，無必要貪任食飯菜，就接受咗，照叫兩份。老實講在商言商，香港乜都貴，你因為多個人搭檯唔比我添我係理解嘅。但當侍者向客人提出如此條款時，講聲「唔好意思」就會理順件事好多。強調「無。得。添」實在帶有客人定必攞你著數之意，絕不是待客應有之道。這一餐，我吃得不高興，並非食物不好，也不是不飽，條氣有些唔順，但我更擔心香港的未來。

❣️來了勝博殿大大話話都有五次🤣因為他們的吉列豬扒和吉列蝦本人覺得出色的，對比很多現在市面的高級吉列店便宜小小。❣️我今次品嚐了他們的香脆炸豬扒套餐和炸海蝦豬柳套餐。炸豬扒外皮酥脆、豬扒夠厚嫩，味道滿意。此外，他們提供的配菜和湯也很不錯。❣️不過，今次吃的炸豬扒皮肉稍為分離，呢個位有點小失望。❣️海蝦夠大隻和炸得酥脆，口感出色。❣️值得一提的是，他們提供了燕麥飯的選擇，我和朋友都很喜歡燕麥飯的口感。每次都會把白飯轉燕麥飯。❣️此外，椰菜、飯和湯都可以無限添食，這使得用餐體驗更加豐富和滿足。❣️另外，他們還提供自己磨芝麻搭配豬扒醬的服務，這為食物增添了額外的風味和口感。

突然有啲掛住鄉下嘅炸豬扒飯，今日就嚟到銅鑼灣呢間做咗好耐嘅日式炸豬扒醬店止下口癮。🥰呢間餐廳我地都嚟過幾次，佢係位於銅鑼灣嘅一個地牢鋪，餐廳裝修呈現日式風格。我哋分別叫咗佢最出名嘅特上炸豬排套餐。成個套餐除咗炸豬扒之外仲有椰菜絲，漬物，麵豉湯。漬物係黃菜甫同埋係青瓜粒。漬物可以任添😜飯仲可以選擇白飯或者燕麥飯，保證食飽飽。炸豬扒外脆內軟，外層鬆脆，嫩滑多汁，肉味都唔錯。🤤仲可以配埋手磨黑白芝麻一齊食。呢度嘅炸豬扒套餐非常有係日本食嘅嗰種感覺。😋

好耐冇食過勝博殿喇，咁一於同老公帶埋仔仔去食先準備入座嗰陣已經見到有两碟漬物喺枱，感覺唔太衛生，但基於食得是福，两碟漬物都食晒揀主食方面，因為有太多選擇，又想每樣都食，就決定叫個「豐盛套餐 （两位用）」套餐包括炸豬扒、炸豬柳、忌廉蟹肉餅、炸蝦同炸千層豬柳，飯類我哋選擇白飯（另有燕麥飯）炸千層豬柳卷有三款口味選擇，分別係芝士，露筍仲有紫蘇烏梅，我哋就揀左大眾化嘅芝士口味叫完餐好快上椰菜絲，麵豉湯同埋磨芝麻碗（好啱叫小朋友動動手😁）麵豉湯味道唔太重（唔太鹹）👍🏻全部炸物都炸得非常脆口，炸粉只有薄薄一層👍🏻👍🏻👍🏻炸豬扒肉質軟稔好鬆軟好易咬開，而炸豬柳味道不差不過肉質就比較有少少韌難咬開炸千層豬柳卷一樣比較韌，中間嘅芝士流心味道唔夠濃郁忌廉蟹肉餅我就冇食到，但係仔仔两件都食晒，味道應該唔錯其實食到呢到已經好飽，又係基於食得是福，都食埋隻炸蝦。炸蝦相對豬肉比較失色，冇蝦味，肉質唔夠實，有少少失望整體黎講算唔錯，希望好快再黎食過啦😁

開左咁耐都未試過有日放工同老公再加埋3歲囡囡一齊去食晚飯原來性價比咁高首先一去到 waiter已經好快手俾湯+椰菜 之後叫左個2人晚餐set 入面有2塊豬扒 2隻大蝦 仲有個蟹肉芝士+蘆筍豬肉卷白飯任添好岩有小朋友一齊食飯有需要先加飯 味道不是頂級 但豬扒肉味確實不錯小朋友都食得好滿足 但芝士蟹肉卷🫔就一般2人餐份量夠哂我地一家三口以食物質素、份量、環境，再加埋服務 連埋加一 HK$400晚餐埋單而言都算抵食，相信會再次光顧

Just yesterday visited this shop again after a while.I must say the quality of food & service declined. I ate Saboten for 10+ years already every now and then, but the post pandemic Saboten looks differ in not a good way.Few points:1. Meat quality - pork tenderloin is good, but why the crumbs were not..? It’s so easily fell off from the meat. So strange. Similarly for the shrimp, 2 shrimp have 2 different crumb texture.2. Served with incomplete portion, I ordered tenderloin and shrimp(2) combo f

勝博殿日式炸豬排今日去咗勝博殿食嘢。入到去，啱啱坐低，就已經有啲餸菜上嚟啦，有一大兜椰菜絲、兩款醃菜。我當然係要試下佢哋嘅招牌千層錦啦！佢嘅豬排肉質好層次，咀嚼之間，油脂慢慢散出，麵衣又酥又脆，唔會太膩口。配菜方面，白飯、湯同椰菜絲可以任意裝，椰菜絲係一大兜擺係台上，唔洗擔心唔夠食。芝麻同埋特製醬汁搭得好好，芝麻味好香，唔算太甜，解膩效果好好。而且飯同埋茶都係自己主動加，好貼心。白飯係用咗日本珍珠米，飯香味好足，唔會太油膩，椰菜絲口感清新，切得夠細身，好脆口。千層錦方面，豬排肉捲成卷再煮熟，肉質感覺好好，油脂剛好唔會太多，又唔會太膩。仲有一碗黑白芝麻，配上特製豬肉醬汁，味道一流。食物：午市千層棉套餐價錢：$ 168分數：8/10地址：銅鑼灣恩平道42號亨利中心地庫

💰405（堂食連加一）我哋兩個唔係第一次食呢間炸豬排🙈之前食咗幾次都覺得質素唔錯，所以今次再食就決定介紹比大家😋豐盛套餐（兩位用）一開始會有生菜同2款漬物，仲會有味噌湯同飯［有白飯同燕麥飯］全部都可以無限refill😎二人餐包括2隻炸海蝦，炸豬柳(小)，炸豬排(小)，忌廉蟹肉餅，炸豬柳卷。炸海蝦好大隻😍而且味道好鮮，食完一隻會想encore第二隻🤤上菜個時炸蝦有跟沙律醬同檸檬🍋可以揀返自己鍾意嘅口味配搭。炸豬柳同炸豬排好嫩，而且兩者都唔乾😋不過比我地揀會推薦豬柳，因為個人覺得豬排比較油🫢忌廉蟹肉餅正常發揮～而炸豬柳卷係有3隻味可以揀［芝士/露荀/紫蘇葉］我哋就揀咗芝士🧀芝士比豬柳包住再拎去炸，三重口感，十分豐富😆總括嚟講，我地十分推薦呢間炸豬排店比大家🙈雖然單價較高，但係絕對worth the price🥴如果想平啲去試可以揀平日午市，因為價錢較為親民😙✨評分✨食物：8.5/10環境：8/10衛生：8/10服務：8/10回頭率：9/10😆@2lazypigs

難得同屋企人去食炸豬排😘仲突登開門前15分鐘去餐廳門口排隊，排到第一😎一坐低就有椰菜絲，青瓜同醃蘿蔔。椰菜絲同肥仔芝麻醬簡直係絕配🤣青瓜食到有少少薑蓉，感覺清新得黎有少少刺激，醃蘿蔔最深得我心，好鍾意食呢款蘿蔔，脆脆地又唔太鹹，配飯或椰菜絲都好夾。香脆炸豬排套餐（中） $158突登揀炸豬排，一來出名，二來豬排有肥膏位有瘦肉位，感覺更好食。一上枱就淋少少豬排醬，好濃味又鹹又甜，但加左落豬排就帶起左豬排的鮮味。豬排咬落好淋，肥膏同瘦肉位都好鬆軟，炸皮又夠脆，但又唔會好肥膩，再加埋豬排醬，同現場即磨的黑白芝麻，成塊豬扒好好食😋炸豬柳鍋套餐 $168點左個乾身的炸豬排，咁就再點一個濕身的豬柳鍋。豬柳的肉比較瘦，雖然無左炸皮香脆的口感，但因為豬柳鍋是有醬汁，醬汁非常香甜濃味（唔敢肯定係上湯熬煮定照燒汁），炸皮吸收哂呢d醬汁，食落非常入味，豬柳又夠哂鬆軟，真係好好食。豬排旁邊的蛋比豬排更惹味，蛋香濃郁得黎又帶有醬汁的香甜，送飯一流！😍勝博殿日式炸豬排 (銅鑼灣)銅鑼灣恩平道42號亨利中心地庫*上述文章只供參考及以當時價格為準