何車車仔麵 (大南街)

營業中

休息中

在旺角大球場觀賞足球賽事後就到附近覓食，時間不早所以想速戰速決，因此選擇了車仔麵店～之前一直光顧舊分店，座位有限，新分店的座位更多又更闊落，十分舒適😊我們共點了兩碗車仔麵及兩份小食燒牛舌芯﹑媽媽水餃﹑麻辣（微辣）油麵 $43牛舌芯果然是何車的招牌餸菜之一🤤厚薄及大細適中，咀嚼時滲出啖啖牛香味，而且份量還有好幾片，絕不吝嗇。不知是否因為麻辣會較為刺激，感覺上雖然與辣汁一樣選了微辣，但相比之下麻辣較重口味呢～糖心蘿蔔﹑鮮蝦雲吞﹑魚肉春卷﹑辣汁（微辣）幼麵 $52糖心蘿蔔一樣是世一！🤤蘿蔔切成一小塊，確保能預先煮至非常軟淋，亦如其名一樣好清甜！必點！鮮蝦雲吞亦有啖啖蝦肉，調味帶點麻油香氣。魚肉春卷非常彈牙，而且有兩大條，非常抵食～關東煮娃娃菜 $18每次都必吃的娃娃菜，何南的關東煮湯底同樣十分出色，娃娃菜吸滿了湯底精華，相信不愛吃菜的人也不會抗拒🤣黑松露薯條 $18CP值很高的薯條，新鮮炸起，薯條粗身裡面充滿薯肉，蘸了黑松露味沙律醬絕對是不敗的組合，如果不夠沙律醬也可請店員補充呢～想不到吃甚麼的時候，車仔麵的確是平靚正的最好選擇！😋

晚上經過，難得尚未滿座，終於有機會一嘗堂食滋味。之前試過叫外賣，因為我一向喜歡藥材味重的湯底，難得車仔麵店有如此濃郁的湯底，初次印象已經非常不錯。今次叫了兩碗車仔麵，分別是燒腩肉、竹笙、水魷出前一丁麵，糖心蘿蔔、牛柏葉、飛天牛腩讚岐烏冬。車仔麵方面可以選擇加汁：鹵水汁、腩汁、兩溝。而秘製醬汁則有辣汁、咖哩、麻辣，辣度可自由選擇。小食有關東煮、炸腐皮蝦卷、炸腐皮角。車仔麵燒腩肉惹味香口，油香肉香口味平衡。何車水魷另上，另外配有辣醬，水魷用鹵水浸住，鹵水味道帶甜，本身都相當入味，辣醬令水魷的味道更豐富。糖心蘿蔔非常出色，高湯煨至十分入味，清甜無渣。牛柏葉一點也不韌，火候掌握不錯。飛天牛腩入味，入口軟淋。留意何車車仔麵的辣度頗高，雖然今次叫小辣，不過跟外面餐廳的中辣程度差不多，因此不能吃辣又想嘗試的話，可先叫微辣試試水溫。小吃關東煮味道清淡，湯頭有蔬菜的清甜，相對清新。不過裡面的食材可能煮的時間比較長，口味偏淋。炸腐皮蝦卷、炸腐皮角都是即叫即炸，入口時熱辣香口，不過如果可以再炸得透一點，會更香脆。整體而言，食材處理的是相當認真，一點都不馬虎。湯底沒有添加味精，入口舒服，即使有飲湯，亦不會口渴

何車車仔麵成日都聽人講呢間車仔麵，今日終於有機會試下平日中午十二點半去到唔洗等就入得車仔麵黎講都算坐得舒服，唔算太迫係用Qr code 落單嘅，如果有選擇困難症可以揀佢啲五餸或拍十餸麵唔洗諗我覺得佢個user interface 可以改善下，因為係睇唔到究竟個五餸同十餸係包左啲乜，結果我都係要睇返枱面嘅menu最後我自己揀左四個餸先講講個湯底，我揀左清湯加滷水汁清底係清甜嘅，食得出係有心機去熬，應該落左唔少香料加左滷水汁咸味就啱啱好，我估唔加可能會覺得淡食完無口乾燒牛舌芯$16我見OpenRice 個個都話係必點，咁就梗係要試下啦分量比我想像中多，有五塊薄牛舌，size都唔算細燒得夠香口唔會韌，調味都恰到好處，難怪係大熱之選糖心蘿蔔$12有五六舊，清甜無渣好入味，高質豬紅$14都係有五六舊，口感ok 滑得來有少少煙韌但唔算超入味韭菜花$11真係唔係到到食到，好索味，美中不足係切得太長食嗰時有啲難搞整體體驗黎講唔錯，可以encore但係冷氣嚴重唔夠，我估係因為樓底超高嘅原因下次要過左夏天先再黎

何車車仔麵 （大南街店）位置易搵 ，不過黎到都要排返15-30分鐘，ok既😆，啱晒夏天無晒食慾時食返餐湯麵🍜呢間就近太子出口少少，但想打卡靚要去到界限街個間🏠————————————☘特色撈麵（跟油麵）👍🏻 $45➪ 有得揀麵，既然食撈麵，當然要揀返啲粗身掛汁既麵類啦😆—油麵醬汁係🧄🌶蒜油麻辣，食得出粒粒乾蒜，落多啲都唔驚，麻辣味唔算出，但汁可能加咗少少甜豉油調味😆-跟媽媽水餃🥟（3粒），算幾大粒，似雲吞多過水餃，咬落有啲散-燒腩肉🥓，有3大舊，咬落有少少乾，不過唔會過肥啱晒夏日食，一碗唔過$50，抵食😋但就唔算大份————————————☘湯麵跟麻辣底 $37➪ 我太想食啲湯水嘢，叫咗米粉+麻辣底麻辣係幾香辣椒味，都幾夠辣-跟牛栢葉，處理得唔腥，份量ok ，食落爽口 😋-燒牛舌芯，好似有啲硬？🤣想食多汁嫩滑既燒牛舌，可能要揀返間靚靚居酒屋

今次我哋第一次食就叫咗一湯一撈麵，蒜油蝦子撈麵啲蝦子俾得好足，醬汁我就覺得偏甜咗啲…湯麵我就揀咗鹵水腩汁2溝，麻辣少辣醬，2款都唔錯嘅，發揮到車仔麵正常水準～-配料方面：牛舌芯的確係唔錯嘅，唔會韌！另外仲有腩肉、冬菇同蘿蔔，3款都唔錯，發揮到車仔麵應有嘅水準！至於魷魚就差啲啦，佢就係冇乜味嘅魷魚浸落甜甜地嘅醬汁到，唔算太差但好一般🙈-我哋仲叫咗幾個小食share～【醉炸雞翼】、【炸媽媽餃】：呢2款小食都唔錯！個雞翼真係有淡淡嘅酒味😳而餃子雖然唔算好大粒，但都好足料，炸起熱辣辣好好食！😋【炸腐皮角】、【吉列炸蠔】：非常一般，建議唔洗試，留肚食其他😂-雖然嘢食質素偏高，但價錢亦偏高，性價比就不算高🙈另外餐廳坐位較少，好多時都需要排隊😂如果排less than 20mins的話我覺得都值得排隊試下嘅～

今日試嘅呢間車仔麵並唔係以傳統印象呈現，店舖入面比人一種好舒服嘅感覺，環境乾淨企理，樓底夠高好有空間感，比起一間麵檔，佢更似一間小清新cafe🌱.老何麵十餸 HKD62如果有選擇困難症嘅，可以試下佢地嘅十餸麵，咩都有啲亦都可以試多啲唔同餸！佢入面有豬皮、糖心蘿蔔、魚蛋、豬紅、雞翼、雞翼尖、腩肉、豬腸、肥牛、魚片頭佢每樣餸都好好食，好入味，唔會有種白烚或者冇味嘅情況出現特別想講講佢個腩肉係燒過黎，好香口，而且完全冇果種好好臭嘅豬肉味，諗番起都吞左啖口水差啲唔記得咗提佢嘅湯底，係用左蜂蜜桔梗川貝等等去熬製，好清甜差啲連湯都成碗飲晒今次我地仲叫左個蒜香麻辣撈粗同埋兩個自選餸，一個係飛天牛腩，一個係燒牛舌芯，牛腩重牛味而且爽軟不韌，燒牛吞亦都外脆內軟🐂一般車仔麵嘅選擇同配搭都已經好多，而佢地除左一般米粉米線油麵河粉之外，仲有讚岐烏冬，拉麵，黑松露撈麵，涼拌麵等等，菜底亦都唔只得菜心生菜，佢仲有西蘭花、關東煮或者係野菜，好多選擇之餘亦都非常之有特色行開呢頭如果諗唔到食乜嘢想簡簡單單食個麵都不妨嚟呢度試吓啦！何車拼盤 HKD40港式絲襪奶茶 HKD25.何車車仔麵地址 ｜太子大南街28號地舖

☀️ 最近天時暑熱，搞到小編冇乜胃口 🥵，但又唔可以唔食晚餐，所以食啲有湯有水嘅嘢，諗住容易入口啲，最後去咗何車車仔麵嘅大南街分店。 ［ 亂闖試食 ］🍜 細何五餸麵 😋😋😋😋😋五餸包括︰豬皮、豬紅、蘿蔔、雞翼同陳皮魚蛋，因為本身小編唔食豬紅，落單嘅時間備註走豬紅，得返四個餸，揀配米粉，要兩溝汁(鹵水汁&腩汁)，加蔥同蒜。 依碗車仔麵內有幾片豬皮、幾舊蘿蔔、一隻雞翼同幾粒陳皮魚蛋，份量都好充足！👌🏻 最深印象係蘿蔔幾清甜，夠腍身；陳皮魚蛋夠香，食落有咬口，其他都唔錯！小編最後飲晒啲湯，叫咗兩溝汁都唔會好咸，飲完都唔會口渴。😉晚餐 💵 約港幣$50/人 💁🏻‍♀️ 分店地方比較大，可以容納到多啲食客。不過冷氣唔多夠，炎炎夏日坐近門口就有啲熱喇！🙆🏻‍♀️ 最後，喜歡嘅話，歡迎follow @foodirectory.hk ！

係間幾特別同新式既車仔麵店唔單止淨係食車仔麵咁簡單 仲有好多抵食小食自選 蒜油蝦子撈麵 $15幼麵底 麵質ok 軟硬適中蒜味濃 汁比較甜 燒牛舌芯 $15 小有車仔麵配料 牛舌彈牙入味 同撈麵好夾真係必點餸菜之一豬大腸$14 都係好入味同乾淨 唔會有異味 燒腩肉$15 即叫即燒 就好似平時一串串燒咁 非常高質 肉質彈牙肥瘦均勻 入味自選 黑松露撈麵 $15冇黑松露味 有啲失望 對比之下 蒜油蝦子好味好多日式叉燒 $15叉燒肉係唔錯燒得好好但佢用左麵豉醬去醃製 令到麵豉醬搶晒其他味就咁用鹽調味可能仲好唐楊炸雞$14即叫即炸 但有少少overcook配埋蜜糖芥茉醬唔錯 黑松露薯條$15性價比超高小食 味道正常 黑松露醬同薯條永遠都係咁夾每個餸嘅份量都好足夠 仲可以自己揀唔同配料 蔥蒜辣油 撈麵仲可以加瑞士汁滷水汁 兩溝不過夜晚食預咗要等耐少少 都比較多人同埋外賣多

今次終於去岩有堂食既鋪啦！上次去左界限街果間，原來無堂食今次朋友到先坐低先，QRcode 點餐，小插曲係朋友先幫我點餐，但忘記嗌汁，同辣度，之後去同番同事講番我想加番，佢地一個傳一個，叫我同第二個講，有一下無奈左。不過最後解決左，都有加番哂。講番啲麵先！我叫左個幼麵，大腸，水魷，燒牛舌芯水魷魚分上，有汁浸住，個汁好好味，明明我係叫湯麵，但個水魷汁係想撈麵食整體麵同牛舌同大腸都好食！朋友就叫左糖心蘿蔔，大腸，腩肉蝦子撈麵，朋友話都幾好，但有啲孜然味，有少少怪，不過蝦子幾多

而家既車仔麵🍲日新月異，好多店舖加添左唔少創意🌟入去。就好似今次介紹哩一間咁，除左好多秘製既餸菜，仲推出唔少撈麵款式，將新舊共融，一於試試佢🤩。細何五餸麵轉配蒜油蝦子撈麵 + 凍蜂蜜紅棗茶 $45細何五餸包括有豬皮🐷、豬紅、蘿蔔、雞翼🐤同陳皮魚旦🐟，佢既豬皮入味得黎，係爽身個種，而雞翼就煮到化開哂，滷水入哂肉，其他就正常發揮。至於麵🍜方面，眼見相當多蝦子，仲可以點單既時候自行選擇添加蔥、芫茜、乾蒜同濕蒜，我就緊係全部都揀哂。蝦子加埋蒜油本身都相當香，再加埋乾濕蒜🧄，令到個香味再提升左，一啖接住一啖咁。佢送晚田蜂蜜紅棗茶🥤就比較淡，無咩特別。炸媽媽餃(三粒) $15媽媽餃原來就係韭菜餃🥟，粒粒都好飽滿，炸到相當金黃。入口香脆，韭菜同肥肉🐷比例大概係七三，係調味淡左少少。另外配有一個黑松露醬🍄，但我覺得同韭菜味唔係咁夾。

Bookmarked 左好耐出太子終於有時間試，去到界限街舖頭先知原來只做外賣，喺大南街開嘅新鋪先有堂食。去到大南街一點多dd好彩唔係好多人，順利入坐，牆壁貼滿客人留下嘅好評～小店主力以QR code 落單但一旁都有hardcopy比顧客參考。Order 左燒牛舌芯($15)、媽媽水餃($15)、米線($10)加色(腩汁)同秘製醬汁(小辣)，另加炸腐皮角($15)。牛舌芯薄身有五片，超爽口彈牙超高質，媽媽水餃係韭菜豬肉餡料都唔錯，湯底加左色甜甜地好特別，加埋蒜蓉好香，米線軟硬適中份量都唔少，唔錯唔錯！加香口嘅炸腐皮角perfecto!難得九龍有咁高質嘅車仔麵，I will be back~

呢間車仔麵紅左一排雖然未有機會去鋪頭堂食但見到熊貓有外賣😂😂😂又試下佢啦！熊貓外賣價同堂食價一樣所以都無咩所謂啦🤣非常中意佢地可以麵底都2溝，可以揀一個麵底之餘再揀菜底咁就有菜食而且碗菜都唔少架 成碗裝唔會因為兩溝就兩樣都縮晒水至於麵底 非常推介蝦子撈汁2溝加辣好惹味不推介黑松露撈 完全無味好失望餸方面推介：牛舌芯，燒得好好有口感何車水尤，爽滑彈牙夠味道仲有小食脆炸豬腸非常好味😋脆得黎極香不過雲吞水餃魚腐就好似唔太特別

呢度環境比一般車仔麵乾淨企理，亦都有一啲比較特別嘅配料例如牛舌芯、日式叉燒、唐揚炸雞。最特別應該係麵底，有各種特色撈麵、蒟蒻麵同埋菜底。🍜蒜油蝦子撈麵$15 + 燒牛舌芯$15 + 何車水魷$15 + 豬紅$12 (8/10)🍜今次就揀咗蒜油蝦子撈麵！蝦子分量十足，亦都有足夠蒜香，個麵真係大到食唔晒🤣推介燒牛舌芯！好香口一啲都唔韌，如果係厚切一定更加正！豬紅唔散，水魷都大大份😝食車仔麵都唔會期望驚為天人嘅美食，不過佢整體真係唔錯，平平地食個飯之選🥳

呢度近期都幾hit, 所以前後我黎左兩次，相隔兩個星期佢鋪面又整得幾乾淨同企理，一張枱最多坐4人，再入d嘅位置都有2人細枱。牆上面黐左d食客嘅留言，我見多質都讚話佢d餸高質、制作用心、何車水魷好正等等..... 第一次食叫左何車水魷、何車雞翼尖、豬腸、豬紅，配米線， 鹵水汁&沙嗲汁兩溝我見d食客話個水魷係辣嘅，不過我果日只係食到淡淡嘅醬油味😅其實可以話有咩味添... 而個湯我飲落又係比較淡口，唔覺得有沙嗲香囉 米線好幼身同爽口，我仲以為點錯左米粉大腸大件厚肉，好食，豬紅正常貨色，白色嘅雞翼尖真係比較少見，味道比較淡口。第二次黎我就食左個『叫雞套餐』$68。亞媽食左叉燒豬紅雞翼尖河粉加腩汁味道尚可，老人家話佢d配料全部口味偏甜，台式得滯..... 唔啱佢食。『叫雞套餐』其實都唔係大份，不過因為全部都係炸物，比較易飽滯，食呢個真係要加番罐凍汽水我最期待嘅炸酥雞翼終於都食到，聞落都有少少花雕酒味，一咬落去係酒味湧出黎不過原來炸嘅冇煮嘅好食😅😅😅我個人都係比較like普通嘅凍食酥雞翼多dd 個蜜糖醬又真係好正喎我食炸雞點晒呢個醬 黑松露薯條食落都香整體而言我覺得幾貴🤔

想食何車車仔麵，去到先發現冇開門，上網 check 下，原來附近開咗分店，即刻過去望望。大南街呢間店原來 1 月已經開張，呢邊新淨啲企理啲地方寬敞啲。原本有個十餸麵好抵食，不過我唔食豬紅豬腸，於是散叫。我揀咗油麵腩汁底少辣，蔥芫茜乾蒜全部都要，餸就要肥牛媽媽水餃同糖心蘿蔔。呢度嘅車仔麵畀我印象最深刻嘅係湯底少油味道清甜，感覺較為健康。配料中以糖心蘿蔔最出色，真係非常甜非常腍非常好食；媽媽水餃係三粒韮菜餃，雖然 size 唔算大，但係皮薄薄餡料滿滿，唔錯；肥牛就正常水準。