何車車仔麵 (大南街)

車仔麵喺傳統嗰種車仔麵嘅湯底，甜甜地嘅腩汁。可以配辣汁、麻辣汁同咖喱汁。麻辣汁係辣好多微辣都覺得有譚仔5-4小辣。不過好香好開胃。而間鋪最特別可以揀撈烏冬或者菜底，仲有好多小食，今次就試咗蒜香牛油雞翼，好香牛油味，雞翼皮煎得好脆，內裡又好嫩多汁。不過出面個牛油醬有小小鹹，重口味者先好嗌。如果諗唔到可以食咩，就可以揀配好嗰啲五餸麵 或者十餸，今次我就揀咗五餸-「細何麵五餸」！全部餸都好入味！推薦！而間鋪最可愛個位就係可以畫畫😭等餸期間或者食完飯都可以坐低畫吓先走冇人催你！好開心！…Read More

何車車仔麵係香港一間備受歡迎嘅老字號，創立多年以嚟一直以物超所值嘅美味吸引唔少食客。佢哋嘅湯底清淡且鮮甜，唔會過鹹，特別係啱鍾意簡單自然口味嘅人。叫左個乜餸都有啲既十餸車仔面，餸料豐富，有經典嘅豬紅、蘿蔔、雞翼、陳皮魚蛋、雞翼尖、豬大腸、豬頸肉、炸魚片頭、魚肉春卷、炸腐皮蝦卷，款式多樣且新穎。當中我最欣賞既係陳皮魚皮，細細粒陳皮味又唔會令魚味冇左，蘿蔔煲得超入味，雞翼尖炆得好腍，入口即溶嘅感覺，雖然我唔係好食得辣，但係我都好鍾意食，但如果有得揀唔辣嘅就最好啦🥹而我覺得佢哋最特別嘅係可以揀撈麵同埋蕎麥麵，而且，餸料份量充足，性價比高，尤其係經濟套餐非常適合打工仔食晏。服務方面，員工態度熱情有禮又細心，當日員工見我食得慢個湯都冇曬既時候主動加湯俾我，真係好好。雖然經常人流多，但等待時間都唔算長。整體嚟講，何車車仔麵以其優質嘅食材、豐富嘅選擇同實惠嘅價錢，都會令我再想光顧！…Read More

原本係唔識呢間車仔麵，但每次經過都見到門口排起長龍，所以好奇心爆棚嘅我即刻上網睇下，見到好評如潮，終於忍唔住去排隊試下。等咗大約20分鐘左右，先至輪到我入去坐低我就叫咗糖心蘿蔔、冬菇同腐皮韭菜角三款配料。食車仔麵嘅第一件事，當然係飲啖湯先！湯頭清甜可口，加埋香噴噴嘅蒜乾同咖哩汁同中辣，瞬間令成個湯底昇華到更高層次，味道層次分明，辣勁開胃又唔會過火，飲落暖胃又解渴。糖心蘿蔔煮得超透，入口即溶化，甜味自然清新，無半點渣滓，感覺好養生。冬菇就講真，質感正常 ，但無特別驚喜。最最最出乎意料嘅係腐皮韭菜角！入面包住新鮮韭菜同豬肉餡，已經索晒周圍嘅湯汁，咬落去一啖爆汁，韭菜香氣撲鼻，韭菜多豬肉少比例啱啱好 下次都必定會嗌腐皮韭菜角…Read More

這次在中午放飯的時間第二次來這家車仔麵真的很值得來吃。走進何車車仔麵，這次我點了一份自選麵搭配——蕎麥麵、豬紅、西蘭花、陳皮魚蛋，並佐以獨家調製的日式冷麵汁，為傳統港式車仔麵帶來新鮮的日式風味。入口鮮嫩多汁，帶有微妙的豬血香氣，與麵條完美融合，增添層次感。則保持脆嫩，帶來清新口感，平衡了油脂的濃郁。則是點睛之筆，魚蛋的Q彈配上陳皮的微苦香氣，展現出獨特的層次。搭配的則是整體的亮點。這款冷麵汁清爽不失濃郁，帶有淡淡的醋香，完美中和了豬紅與魚蛋的油脂，讓整體口感更加清新開胃。冷麵汁的微酸微甜，為整份車仔麵添加了一抹日式風情，令人一試難忘。整體而言，這份車仔麵不僅延續了傳統的港式風味，更融入了日式元素，帶來令人驚喜的味覺體驗。麵條彈牙，配料豐富，冷麵汁的加入更是畫龍點睛，值得一…Read More

朋友推介，一間裝修充滿青春氣息嘅車仔麵店。✨牛舌芯，豬大腸，魚肉春卷，辣汁中辣，米粉叫左3款餸，3款配料都好味，第一次見車仔麵店有牛舌，口感爽口彈牙，呢個餸推介，米粉掛湯都OK。呢度好多學生黎食，檯面有評價紙同筆，隨客人喜歡，可以自己畫低/寫低想要表達嘅野，真係高手在民間，好多arts人，基本上成間舖嘅牆都貼滿紙，呢度只係其中一個角落⋯⋯⋯⋯⋯P.S. 何車名字取音自合晒合尺，意思指啱心水，啱心意。…Read More

今日我試咗間車仔麵，點咗十個餸，整體感覺唔錯。首先，湯底真係唔鹹，味道清新，飲落去有種舒服嘅感覺，唔會覺得膩。呢個對於鍾意清淡口味嘅人真係一個好選擇。至於我點嘅餸，個蓮藕餅就有啲普通，咬下去覺得有啲乾，冇咩特別嘅味道，可能我期待得太高。其他餸例如牛腩、陳皮魚蛋幾好，滷水雞翼，肉質嫩滑，味道吸收得好好，搭配車仔麵一齊食，真係冇得輸。總括來講，呢間車仔麵嘅湯底真係值得推介，但如果你對餸嘅質素要求高，可能要再考慮一下。不過，整體上都係一個幾愉快嘅用餐體驗！…Read More

車仔麵好少有賣撈麵及炸薯條，仲有黑松露，價錢實惠，於是揀咗黑松露撈幼麵，餸揀雲吞及鯪魚球。賣相係算精緻嘅，個麵質唔錯，黑松露醬咁嘅價錢ok，雲吞細粒咗d,鯪魚球都係但感覺精緻，湯冇乜味。人多要等15分鐘入座，環境唔算太迫，上菜較慢,但好在有80年代英文勁歌聽住等(近廚房位置?)...下次試下黑松露薯條…Read More

車仔麵重點餸及湯底要正!蘿白牛腩好入味，比個Good, 豬腸厚而彈牙，咬下多汁濃味，真要添加，雞翼大隻而厚肉，雲吞大粒，好好味，加上特製湯底，正啊!冇飯開既時候，會來幫襯。…Read More

喺我第4次嚟食嘅車仔麵，佢嘅裝修行文青風、感覺溫馨，遠睇會以為喺一間Cafe~佢嘅車仔麵配料加咗日式元素～有竹輪、日式叉燒、溫泉蛋等，麵底可以揀拉麵、烏冬，仲有低卡低脂嘅蒟蒻麵！同傳統嘅車仔麵檔好唔同呢😚👉🏻細何五餸車仔麵💰46揀咗麻辣汁，叫咗微辣都覺得幾辣下（食開譚仔十小表示受不了） 但成個湯甜甜辣辣咁真喺好開胃❤️魚蛋、豬紅：中規中矩魚肉春卷：冇乜魚肉味⋯普通滷水雞翼皇：夠大隻，肉質嫩滑👍🏻糖心蘿蔔：大推！好甜！冇渣～好淋好入味👍🏻👍🏻另外加咗何b雞翼尖，覺得普通唔似出面食個啲b仔雞翼尖，加上冇分開上，一嚟就浸咗落個湯到，食嘅時候淨係得麻辣湯嘅味😅👉🏻自選車仔麵💰51加咗陳皮魚蛋、好淋好入味嘅豬皮、同爽滑彈牙嘅何車水魷😋整體水準中上，值得一試～最後建議大家可以叫自選車仔麵，揀番比較好食、有推薦嘅配料😆…Read More

喺我一日嘅下午我同女朋友嚟到呢一間openrice嗰度好多好評嘅車仔麵我滿心期待因為我本身係一個好鍾意食車仔麵嘅人，咁呀我見佢個價錢其實都適中嘅唔係好貴但一定唔係平。咁我就嗌咗三餸嘅油麵啦，包括係豬頸肉，牛丸，陳皮魚蛋，然後嗌咗小辣嘅辣汁同埋中辣嘅咖哩汁。點知呀，個麵一嚟到，我第一時間一定飲湯先嘅因為佢車仔麵吖嘛，嘩個湯驚醒咗我呀，因為係淡而無味呀得個辣字，到底佢個廚師知唔知道個湯底係車仔麵嘅靈魂？？豬頸肉都可以冇味㗎，真係世一嘅奇怪，世一嘅難食。我女朋友就嗌左腩肉，嘩，又韌又痴牙又係無味，初初我以為我哋嘅味覺冇咗啦，原來唔係嘅因為我哋飲咗一罐忌廉係甜架。真係好心提醒呢一間嘢，車仔麵嘅湯同埋佢啲汁係車仔麵嘅靈魂，如果呢樣嘢都做唔到我建議執咗間鋪去…Read More

新派的車仔麵店，除了清湯、辣汁、腩汁、咖喱汁湯底，還可以選擇蒜油撈麵底，不能吃辣的話微辣湯底已經夠濃味。想要咩都試下的話，點何車十餸或五餸麵就可滿足多個願望。配料方面，除一般車仔麵的配料，大推炭燒牛舌芯—牛味濃而不柴，吃出了日式燒物的講究。燒豬頸肉有一股香濃的酒香，一樣大推！還有糖心蘿蔔，非常清甜，每項配料都俾足分量，絕不吝嗇。還有多款丼飯和小吃可以選擇，呢日叫了一份蓮藕餅，亦都保持水準。由於即叫即燒即煮的關係，有心理準備要等候一段時間才出菜。…Read More

等一個車仔麵有幾耐？原來係一場耐性大挑戰。我19:43落單，App話20:06有得攞，我八點準時到，心諗應該啱啱好。結果呢？等！等！再等！20:07 App顯示「等候取餐」，但個外賣連影都冇。我企喺鋪頭外面一直等，等到8:15終於忍唔住入去問，然後個職員話「整緊」。整緊？你唔係話等候取餐㗎咩？最後20:20先攞到個外賣。食物係唔錯嘅，但你叫我等咁耐，你整得咁慢，啲單又亂（途中見到有比我遲落單嘅出咗外賣），App又唔準，搞到我白白浪費時間。下次再好食，我都唔敢再試。等到我肚餓變晒火氣，食咩都冇心情。…Read More

由於港島區食車仔麵嘅地方唔多，去到九龍就決定先搵車仔麵店舖試一試，過下口癮。.用QR code落單，自選油麵，選擇餐牌上推介嘅食物 - 魚蛋、魚肉春卷、雞翼，醬料選擇乾蒜、蒜、咖喱汁微辣，另外叫咗杯凍奶茶。.由於我食量比較少，正常麵底對我嚟講比較多，湯底略為微甜，油麵感覺有點麵粉feel，食到尾就覺得有點膩，魚蛋正常，魚肉春卷比較鹹但肉質實的的，雞翼入味雞肉嫩口。·凍奶茶並非茶記嘅凍奶茶味道，长似茶包沖出嚟嘅濃茶味道，味道一般。.…Read More

之前喺附近做嘢 呢間食過一次之後就成為咗我嘅飯堂 幾乎每一次都係嗌同一樣野食😂(好彩我冇食厭)有一年時間未食過 舊地重遊 今次再嗌返同一樣野食 睇下有冇唔同先😎- 老何十餸*2 $68*2 跟餐 黑松露薯條 +$27我每次都係揀蒜油咖哩撈麵底 個人認為呢間撈麵底好食過湯麵(個人口味嚟😂)十餸有魚春卷 豬大腸 豬紅 糖心蘿蔔 何B雞翼尖 鹵水雞翼皇 陳皮魚蛋 燒腩肉 炸魚片頭 炸腐皮蝦卷溫馨提示 如果有食材賣灑 佢哋係會隨機轉做其他餸燒腩肉 腐皮蝦卷都幾香口同相對幾特別 陳皮魚蛋就唔係度度有得食 我都好鍾意食陳皮魚蛋 因為比較易入味同有嚼勁 如果十餸食唔晒 佢仲有個細何五餸😎佢哋嘅份量真係依舊好足料👍🏻我有啲佩服當年嘅自己點解咁大食 伊家再食返 已經飽到不要不要的😂由於口痕嘅關係 我哋仲叫咗黑松露薯條 鍾意黑松露嘅朋友可以試吓 跟餐又幾抵💰$163…Read More

今日中午去食，冷氣弱到飛起，又唔關門吹走晒冷氣，未食都開始出汗，一碗面已經唔算特別平，全部人都抹汗，撥扇，老闆出小小錢整好個冷氣等顧客食得舒服d 啦，如果唔係想人夏天去幫襯都難熱熱熱熱熱熱熱熱熱熱熱熱…Read More