何車車仔麵 (大南街)

營業中

休息中

已經係第N次再黎到 今次揀左星期日下午茶時間 3點零4點先黎。因為午市晚市應該都係要排隊。 想即刻入座要呢啲時間黎。每次黎到都會選擇困難症🤣湯麵又想要撈麵又想要，好在今次同朋友黎 2款都可以試到蒜油蝦子撈麵。手撕雞，滷水魷魚，鯪魚球 蒜油蝦子撈麵我覺得係呢度既特色👍🏻 蝦子鋪滿成碗撈麵，重口味的我加蔥蒜同埋辣椒 手撕雞已經撈好有底味，有少少似台灣嘅鹽水雞。滷水魷魚同鯪魚球都會分開另外再上一份。何車湯麵。牛舌芯。炸魚皮頭 湯底好似係有少少當歸嘅味道？ 但我個人係幾ok既 幾有特色牛舌心係有少少彈牙嗰種，而且份量都幾足，一份都已經有六七片。

何車成為咗我心目中Top3好味嘅車仔麵🌟🍜湯底好 啲餸又好食 仲要好大份 真係好飽肚🙈〈三餸車仔麵 〉~$60 一飲湯底 係清甜嘅味道 飲落去好舒服～佢哋咖喱&麻辣（微辣）都唔會太辣 相比起係麵尊叫少辣 已經辣到濁親🤣 食唔到太辣嘅朋友可以安心叫微辣🌶️〈油麵〉 $11比一般嘅油麵粗身 鹼水味唔太重 麵質唔太掛湯 〈糖心蘿蔔〉 $12 🍢平時食車仔麵冇特別鍾意叫蘿蔔 但朋友極力推薦呢度嘅蘿蔔係好食好多 蘿蔔一入口係軟綿綿 超級甜 調味應該用咗日式調味料 食落去好似濃郁版關東煮入邊嘅蘿蔔😆〈燒牛舌芯〉🐮👅 $18以為牛舌會好韌 點知出乎意料 呢度嘅牛舌 切片厚度啱啱好 好有咬口 牛肉味都幾出😳 〈燒豬頸肉〉 🐖$16 係厚身冇肥肉嘅豬頸肉 調味啱啱好 唔會好鹹 食落口啖啖肉😆

食第二次，食物愈來愈一般 湯又好清 最差就係在場幾位女職員態度全程西口西面 完全唔想撈咁，眼見在場食客 叫佢哋倒杯水 / 想轉位睇車 / 其他少少要求，都立即西面。可笑既係 你哋班職員又需要客人轉位就你比客人入來食野，咁你哋又識唔識將心比心呢 再者冇食客應該受你哋喱d西面樣我唔會再食 想食既客人睇路 ，喱類店 出面仲有好多可以支持

唔係第一次食，覺得好食先會想再食，但今次有啲失望，我曾經覺得何車係俾車仔麵延誤咗嘅炸大腸，但今次個炸大腸真係好過份車仔麵好食，每一樣餸都好味，但價錢略貴明顯炸到燶咗乾晒，炸衰咗真係寧願再做過遲啲上，好過個客食完唔會再食

何車車仔麵都好出名，係人都知，今次就吓佢嘅招牌雞扒飯先佢個招牌雞扒飯有兩個口味選擇，大阪燒或者蒜蓉牛油，大阪燒就要加錢但好似冇咁肥膩佢嘅佢嘅炸雞扒大大塊，外皮勁脆，但係雞肉一樣咁多汁好嫩，配上佢嘅大阪燒醬汁，好惹味飯都一流！大約50蚊可以食到咁大份嘅午餐，性價比極高極推薦！

今次Bellyjai係平日嘅兩點嚟到都要排隊，咁當然要一試佢嘅好味！見到個menu 有超多選擇，除左普通湯麵仲有蒟蒻麵同撈麵，而且撈麵見都幾多人推薦只係我地今次都係揀左普通嘅車仔麵嚟試試成個鋪頭都痴滿左客人自己畫嘅食評同圖案，大家嚟食都可以拎張紙仔畫畫比佢地貼堂啊！！• 自選車仔麵（米線＋燒牛舌芯＋糖心蘿蔔＋鮮蝦雲吞）個湯底本身都幾甜加上我3款醬汁都揀曬小辣，所以湯味都唔錯～燒牛舌芯係車麵店比較少見，咬落有口感！而蘿蔔本身就好甜，雲吞都好入味添• 自選車仔麵（烏冬＋秘製冬菇＋何車水魷＋爆汁牛丸）有三粒大大粒嘅冬菇！水魷仲會分開上，本身水魷就有辣味⑤可以分開食唔洗浸落個麵到啊～何車車仔麵地址：太子大南街28號地舖

中午食飯時間緊迫，明白要搭枱，但員工叫本人坐半個位就唔合理，本人見其他枱有人埋單，於是再進入鋪內就坐，點知店員無禮對待，要求本人在店外等候。中午食飯時間得一小時，左等右等之下本人決定離場，永不幫襯。

車仔麵係香港地道美食之一，而何車車仔麵就更加係車仔麵迷必去嘅小店！今次我點咗粗麵，配料有燒牛舌心、燒腩肉、魚腐、糖心蘿蔔，加埋乾蒜，微辣口味，絕對係一碗滿足感爆棚嘅車仔麵。燒牛舌心係最大亮點，口感超嫩滑，咬落去仲帶少少燒香味。燒腩肉脂香而不膩，皮脆肉嫩，配麵一流！魚腐吸晒湯汁，鮮味十足，而糖心蘿蔔軟糯入味，仲有少少甜香，成碗麵更加多層次感。乾蒜提升咗整碗麵嘅香氣，食落每一啖都係滋味！店內環境簡約，主打地道街坊情懷，價錢平實又大份，係上班族同街坊嘅首選。

簡單的美味對於越來越年長的我, 已經是一種幸福的追求, 正如何車的車仔麵, 沒有什麼很高深的煮法, 將傳統車仔麵和廣東麵食夾起來, 效果已經相當不錯. 今次選擇的是撈麵底, 而且是有蝦子附加上去的蝦子撈麵, 蝦子甘香而且鹹鮮味濃厚, 用上粗麵更能讓蝦子黏附在身上. 牛舌芯和豬頸肉是在這裏必點的, 兩者也烤得很香, 肉汁豐富, 前者比一般吃到的更厚, 內裏保持嫩滑的口感. 後者外脆內腍, 而且不會烤得過久而變得太乾, 同樣吸引. 唯一不太喜歡的是魷魚的醬汁, 不夠辣有點過甜, 所以店家很細心地將其分碟另上, 不會破壞蝦子撈麵本身的味道, 這種細心補救了，魷魚本身的小小瑕疵, 這就打和吧!

每次網上推介車仔麵，都一定會見到呢間榜上有名，當日下午3點去雖然坐滿，但唔駛排隊，牆上有好多顧客社嘅評價🥢雞翼+腩肉河粉河粉偏有，但唔會一夾就斷，但湯河味道偏鹹，唔覺太特別，滷水雞翼好食，但腩肉有啲韌🥢鬼佬炸豆卜食落偏硬，而且唔太夠味如果經過可以一試，但唔駛特登排隊食

初初聽朋友推介話何車值得一試即刻慕名而來可惜嚟到門口排隊排左超過半個鐘入到店內手機落單，然後等足九個字碗麵都未到問個啲staff點解等咁耐？佢就敷衍話多人落單完全冇諗幫客人催促廚房同事一直無了期等待 就算嘢食有好食都好以後都唔會幫襯

湯底好濃好入味，啲料俾得足，我覺得一定要試嘅係溏心蘿蔔，每次都必叫！佢係超級淋同甜，如果切得大粒啲會好啲，覺得有啲唔夠食🥹其實其他餸都好好食，尤其係吉列炸蠔，超香口，黑松露薯條都好食下次再試下其他小食

湯底接近冇味！叫員工人手下單，即刻黑我面。熱到傻，唔知個冷氣係咪壞咗。見佢係黃店先比面幫襯下，但係中伏囉好明顯！如果大家係排隊去食嘅話就真係傻仔啦！點解咁多好評，大家自己心照啦下！

上次食完何車車，話下次一定要食佢個試吓佢個撈麵，有選擇困難症嘅我都係要返十餸麵，原本配料包括豬紅、豬皮、豬腸、蘿蔔、腩肉、魚片頭、魚蛋、雞翼、雞翼尖、腐皮卷，但係嚟到我發覺有兩個紅腸，冇雞翼尖，於是就查詢店員，佢話如果冇其中一樣，店配料就會自選一個配料補，今次我轉了咖喱撈油同埋店舖極力推介嘅牛舌心就要額外加錢。10餸車仔撈麵上桌，同上次一樣擺上精緻之前，十餸唔再多介紹啦，試咗佢個牛舌心先，佢係薄切爽口，但係我個人口味鍾意厚切，所以我覺得麻麻地，另外試一試佢個咖喱油撈油面夠晒味，佢啲油面幾好食，不過可能食嗰個湯係甜，所以今次覺得略鹹，同埋有啲乾，我下次都係叫返湯，比較啱我個人口味😂

我今次食咗何車車仔麵，真係令我驚喜十足！佢哋嘅牛吞芯同雞翼皇真係店家推介，味道超濃郁。而最特別嘅係何車水魷，啲魷魚好鮮嫩彈牙，特色撈面底令人回味無窮。仲有咖哩五寶，令我味蕾大開，真係鋪天蓋地嘅風味！如果你想食一啲味道地道又特別嘅車仔麵，絕對要試下何車車仔麵啦！係一個值得推薦嘅餐廳！