何車車仔麵 (大南街)

營業中

休息中

本身好少食車仔面，但係朋友話推介呢間所以去試下食左個魚蛋，生根，燒牛舌芯面。湯底甘甜，好特別，唔係平時會食到嘅米線底，有少少藥材味似湯多啲。面同餸唔係話好惹味，私心覺得文記好似吸引啲。坐座較少，可能坐唔耐。食面之餘可以望下牆上面嘅memo

每次經過何車都係有條人龍在外面排隊，非常好奇究竟有咩咁吸引呢？.有缘經過此店冇人排隊，立即入來坐低。炎炎夏日想食涼拌set,但配炸物比較熱氣，於是改配細何麵5餸。烏冬微涼，配麻酱、蒜、香菜，吃起來十分香口、透心涼。糖心蘿白，炆得捻和非常入味鲜甜。滷汁雞翼也很美味。車仔麵配飛天牛腩、豬皮蘿白，加上蒜、乾蒜、芫茜、滷水汁，吃起來色香味俱全。水鱿容易咬，少少辣十分野味。 见到有炸生蠔可選4件或6件，即點即炸，值得等待。炸生蠔炸成金黄色，外層脆口，裏面十分juicy熱辣辣。何車嘅車仔麵值得再食，下次想试丼飯。

原來史努比冇同大家介紹過車仔麵😳早幾日去咗太子大南街食呢間都幾出名嘅何車車仔麵真系超多選揀😳怕肥除咗可以揀菜底仲可以揀䈮篛麵!!配料方面亦有啲比較特別嘅option 好似溫泉蛋、日式叉燒咁史努比本來想揀牛筋嘅 但點知冇喎即刻有啲失望 不過好彩佢選擇多😆仲有大把嘢揀🤭見到佢冇寫minimum嘅消費 即系可以揀1餸?🧐不過1餸太少啦 點夠喉😂最後我哋每人揀兩個餸加兩個小食😍-👌🏿䈮篛麵 $16湯底唔會好鹹 加咗啲生蒜真系好香好濃蒜味🤪麵質非常爽口 即使浸耐咗個湯都依然彈牙啱晒史努比呢啲食嘢慢吞吞嘅人😂😂䈮篛麵掛湯能力低 加上本身湯底唔算濃味食落會冇咁鹹 我鐘意🤣不過媽媽就嫌佢淡味咗啲食開重口味嘅話可以加滷汁或腩汁😆唔使加錢配料方面史努比揀咗溫泉蛋同魚肉春卷♡ 溫泉蛋 $9大家可以睇P.3超正嘅流心蛋😍用嘅蛋絕對唔系啲cheap cheap嘢蛋黃有蛋香😆♡ 魚肉春卷 $16見到佢隔離有個推薦嘅符號本身滿心期待😚可惜佢唔系我哋想要嘅魚肉春卷春卷都頗油 搞到個湯油晒🥹食落彈牙 可惜唔系好食到魚肉味應該話成條春卷冇乜味唔推薦大家嗌😗味道: 6/10(比春卷拖低咗個分)性價比: 7/10-❓出前一丁

比起米線，其實我更愛車仔麵，同同事約左好耐終於成功去「何車車仔麵」，今日好餓呀，所以我揀左「老何十餸」.老何十餸油麵 咖哩汁 微辣（豬皮 雞翼尖 雞翼 豬紅 大腸 蘿白 腩肉 肥牛 魚蛋 魚片頭）十個餸就係我杯茶，全部都鹵得入味，腩肉係有d 孜然味，蘿白淋；原湯底係有d中藥藥膳香味，真心高質，食完好飽好滿足。另外分享膳事叫既小食同sour cream雞扒飯，一樣吸引，炸得香口鬆脆。依間車仔面好地，緊貼時事，唯一係食完後個身會有浸油煙味，但絕對要encore.

黎開太子，去左附近既車仔麵鋪食🤓🍜人地出名食車仔面但我果日比較想食烏冬~ o(*￣▽￣*)ブ叫左個涼拌set食涼拌烏冬配唐揚炸雞🍗🍗另外加左個何車水魷等待期間周圍望下發現成間鋪既牆身都痴滿左食客既comment有d人會講下自己心目中ranking有d人畫下公仔咁都幾得意(*￣︶￣)個烏冬黎到係微涼，溫度適中面質食落煙un，加埋個麻醬好有夏天既感覺另外，個炸雞幾有驚喜一黎個份量好抵食，有6件而且皮薄肉嫩滑加埋個蜜糖芥末醬好好味🙉🧡🧡何車水魷反而覺得冇咩特別同出門食既水魷差唔多係一樣😂😂

其實今次已經係第三次黎食 今次叫埋公司另外三個同事一齊嚟食特登搭車過嚟 我都係叫咗10餸 車仔麵 湯底依舊出色係你一飲落去就會鍾意嗰一種車仔麵湯底 腩汁同辣汁都好夾 今次仲發現咗一樣好特別嘅嘢 就係配料蔥同埋芫荽 如果你+5 係會多啲 呢個舉動，好貼心 因為我發現落咗多啲芫荽同埋蔥 會令到車仔麵昇華 油面 分量充足 我覺得蘿蔔清甜 豬腸夠味 雞中翼夠大隻同埋入味 豬紅咬落去有口感唔會一下就散 魚蛋係用陳皮魚蛋有驚喜 其他餸就中規中矩 每次嚟親都係食10餸 性價比都算高 同埋環境坐得好舒服 可以話係食車仔麵嘅豪宅 我啲同事食過都話好好食 之後都會keep住嚟食 值得推介 利申車仔麵好食過好多間 紅磡出名深水埗出名嗰啲都食過 但係呢間真係最正 當日食完我都寫咗一張食評貼係店內個牆

作為太子嘅街坊，由佢喺界限街到而家大南街一直有幫襯外賣，但每次都要等20-25分鐘，我只係買一人份量嘢食。試過同我講電話死機落唔到單、系統壞、嚟到門口，諗住拎先再落單….話OpenRice 平台費貴，我就用佢哋個外賣系統，以為會順暢啲，每次落完單，依然要等好耐，其實我係街坊叫外賣，唔佔你堂食個位，但可唔可以理下等外賣嘅人？一個菜底加兩個餸真係要煮咁耐？堂食嘅人都入去食緊啦⋯⋯無言我一直推薦俾好多人，讚佢個車仔麵好食，但完全無服務，無效率，極失望。等完個外賣都已經唔想食。希望你哋會改善下。

話說呢間店係係朋友個ig 分享而得知既，見到幅相好吸引！忍唔住即日衝左去試！賣相都幾吸引既我叫左個5餸既比較抵食樣樣都有2粒每樣都好細件！我最鍾意既蘿蔔都係得兩小粒…😭😭唔開心….雖然好腍，不過唔甜比起另一家既蘿蔔差好遠……湯底方面都一般般，好稀咁就好似醬油溝水…可能我個人比較鍾意濃味所以鍾意清清地既朋友會比較適合👍🏻仲有一點係好搞笑既我叫左支豆漿，但居然枝飲筒係唔夠長🤣🤣🤣🤣用左等於冇用總括嚟講： 如果要食車仔麵，我會選擇其他，起碼蘿蔔都大舊啲🤣🤣🤣（究竟我係有幾鍾意蘿蔔）

I recently had the pleasure of trying the cart noodles at this restaurant and I must say they were incredible. My order consisted of the beef tongue, beef brisket, pork intestine and squid and each one was cooked to perfection. The noodles were perfectly al dente and the broth was rich and flavorful. The meats were all succulent and juicy, adding a great texture to the dish. I was thoroughly impressed with the quality of the ingredients and the generous portions. I highly recommend this restaura

Intro: 太子附近一間車仔麵近年做得唔錯，成日都有唔少年輕人排隊幫襯，除左餸嘅款式多同特別之外，店員比人有年輕活力嘅感覺，雖然叫餸嘅價錢比坊間車仔麵店貴少少，但可能真係好好食呢？___________________🍽 湯車仔麵 - 日式拉麵 + 日式叉燒 + 何車水魷 - 鹵水汁、辣汁💰 54（12+16+16+11）⭐️ 8/10✍🏻 西蘭花無乜青味，煮得夠冧，但唔會比湯汁浸冧，每粒西蘭花切得夠細舊，花嘅部分唔易散，易入口；✍🏻 日式叉燒有三塊，每塊偏薄而有陣臘肉嘅味道，味道同拉麵嘅叉燒差好遠，同預期有一點嘅落差，唔建議再叫；✍🏻 $16蚊魷魚合理，每條都好晶凝通透，好爽口又彈牙，辣汁好夾魷魚；✍🏻 日式拉麵有一點嘅驚喜，雖然唔會似拉麵店嘅質感，但又唔似出前一丁拉麵嘅質感；✍🏻 湯底揀左鹵水汁同辣汁，辣辣地湯底都幾濃，但賣相係湯多過麵同餸，整體令人感覺份量唔夠；___________________🏠 何車車仔麵📍 太子大南街28號地舖⭐️ 8.5/10___________________

第一次來到何車車仔麵，當然要嘗試其招牌老何麵十餸，集齊豬皮、豬腸、豬紅、蘿蔔、雞翼尖、雞翼、魚蛋、肥牛、魚片頭及燒腩肉，一網打盡店內所有王牌配料，每樣配料都處理得宜，吃得出新鮮及用心製作。再添加一份肉味濃郁的飛天牛腩，大食如我亦臣服於其驚人的份量。Ho Che Noodles offers a shortcut for first time comers with its signature noodles with 10 toppings, such as pig intestine, radish, fish egg and roasted pork belly.

4月1日晚上大約1915黎何車買外賣返到屋企一肚氣， 我不是第一次去何車食外賣， 覺得都ok 首先買咗個五送係冇問題嘅因為我要中辣， 第二碗我買咗個十餸要腩汁唔辣嘅，點知返到屋企第二碗係辣嘅， 因為我哋特登行過去幫襯佢嘅比我個女食。。小朋友食吾到，我就打去問下點解會甘，佢既回覆話10餸係 魚旦同雞翼尖 辣嘅，第一我就問佢點解吾係張外賣紙講係 辣嘅，點解我叫5餸食就 有魚蛋都唔辣嘅， 佢冇回覆真係好激氣

第一次黎到何車車仔麵menu款式都算多入到門口坐底，感覺好舒服似係去左cafe多啲一開始係用QR CODE落單但我唔知點解掃極個CODE都無反應店員好好地幫忙蒜油咖哩撈麵蒜油味係0，因為個咖哩好惹味而家好少係車仔麵舖食到惹味既咖哩咖哩5寶，所有材料都好入味特別要講既係蘿蔔，食落仲甜既，好鬼正吉列炸蠔，一咬落去裡面既蠔汁支出黎建議真係要灘耐少少先食蠔味好足，好正唯一不足係佢都算厚粉，但咬落脆卜卜，所以都係好味蒜油蝦籽撈麵，正，難以挑剔最開心係食車仔麵有清漉飲

Overrated😐。幾好食但唔係必食，價錢進取，整體還好。・・・・・・・・・・・・・・・・・・・・🍜 自選4餸車仔麵 HK$71揀咗 ＞ 燒牛舌芯、燒豬頸肉、糖心蘿蔔、何車水魷（油麵）湯底 ＞ 滷水腩汁兩溝，麻辣小辣・味道 & 口感：糖心蘿蔔 ＞ 燒豬頸肉 > 何車水魷，牛舌芯不了，失望☹️。🥕糖心蘿蔔真係甜而冇渣，嗰種甜係蘿蔔天然甜味非後天加工/滷水，係而家車仔麵好少食到嘅甜蘿蔔，一咬即散。🐷燒豬頸肉係條狀，燒得面頭焦脆，咬落就夠豬油香。🦑何車水魷係附滷水汁另上，好輕微嘅辣加埋滷水汁嘅甜，水魷爽脆唔係烚到淋哂，都OK。🐮燒牛舌芯好失望，超薄片狀發揮唔到牛舌芯嘅軟嫩，薄過肥牛🥲。而且食落0牛味⋯而且太薄其實食唔出燒肉香，一食得出嘅話多數係燶咗炒車先食到出，寧願畀得兩塊都畀厚切我喇，大失望😮‍💨。🍜油麵正常，湯底幾好喎唔係出面啲咸到洗腎嘅湯底，有淡淡似係滷水嘅甜味。份量幾多，每款餸都有6-7舊wow。//🐟 炸魚肉春卷 六件 HK$30 ・味道：食得出有魚肉味，配個泰式酸辣醬，就係想像到嘅正常味道。・口感：彈牙有咬口，炸面都微脆嘅～//🍜老何十餸麵 HK$64包括：豬皮、豬大腸、

車仔麵和之前提及到的大排檔小菜一樣，都是香港的地道小食。在香港相對落後時，令有經濟困難的人可以享受便宜又美味的一頓飯。不過，何車車仔麵並不是傳統車仔麵店。根據網上資料，店主喜歡日本的食物，又喜愛港式車仔麵多變靈活的形式，便將兩者結合。所以，店舖的裝潢走日系路線，Menu有日式叉燒、手撕雞、溫泉蛋、竹輪竹、拉麵等等。可見，店家提供的是refined車仔麵。何車的主食除了麵食，還有丼飯，並且有大量小食和炸物提供。麵食有湯麵和撈麵，這次兩款都吃了。麵食可以自選餸，或者選店家預設的5餸或10餸。湯麵(圖1️⃣-5️⃣)自選了豬紅、冬菇、牛柏葉、水魷，粗麵加鹵水汁。各款餸也不錯，牛柏葉爽，水魷彈牙，豬紅新鮮不會臭，冬菇入味。但不會是非常出色，因為這個車仔麵較一般車仔麵貴，要$65，只能說食物水準符合它的價格定位。不過份量略小，要令人regularly回訪，阿薯認為價格要調低一點。值得一點讚的是，它的湯底不是味精湯，味道有層次。根據網上資料，店主於訪問中表示，湯底是用了豬骨、全雞和中藥熬製。阿薯更喜歡的是撈麵(圖5️⃣️-7️⃣)，選了老何麵10餸配黑松露撈。這個黑松露撈麵惹味非常，極濃味，再配上黑松露的香氣，喜歡