舉高雙手🙌🏻，趷高囉柚🍑，鬆開褲頭🤰，隊晒入口🧋！

・・・・・・・・・・・・・・・・・・・・

🧋 閨蜜奶茶 少少甜 HK$30
＞配芋圓及西米，紅茶底
・味道：一入口，濃郁奶香同甘甜紅茶一齊搶閘跑出🐎！兩者互搶C位同時又平衡得好好，少一個都唔得啊(=´∀｀)人(´∀｀=)！鮮奶濃郁，紅茶唔澀，嗒耐咗仲有餘韻🤌🏻，但唔會停喺口好耐。係水準以上嘅奶茶👍🏻，主觀啲嘅話，本波覺得再少甜啲就perfect池喇🤓
・口感：芋圓同西米比平時出面飲開嘅更煙韌，係去到彈牙有㬭口嘅香口膠級數XD 煙韌控肚波表示大喜😚
🥭 楊枝玉茗甘露 少甜 HK$38
・味道：係純芒果汁，唔係芒果糖漿就基本啦！本波幾欣賞佢有構思過甜品轉嘢飲點做，唔係直接將一碗糖水倒落個杯就算。芒果汁好輕身但唔係溝浠，解暑必備🌞！
・口感：料好足，西柚粒酸酸甜甜一啲都唔苦！寒天波波好彈XD 唔似平時飲楊枝甘露會好漿口，呢款甜度同厚度平衡得好好👍🏻
・・・・・・・・・・・・・・・・・・・・

🤰性價比：高～
🤰9衝度：9衝～
🤰結論：除咗甜度可以再調整之外，本波覺得呢間一級棒，值得我用珍貴quota飲嘅肥仔水👅！
・・・・・・・・・・・・・・・・・・・・

daitouball

哭𠹌咗🥹金鐘終於有好西！米芝蓮泰菜大份好食，讚喔！・・・・・・・・・・・・・・・・・・・・

🍢 泰式東北小食拼盤 HK$168
＞東北豬肉丸、東北肉腸、肉碎沙律、香脆泰式香葉配茄子
・味道：豬肉丸乾咗啲，似係純瘦肉。反而肉腸有夾啲脂肪食落濕潤啲香口啲。肉碎沙律係生菜包，正常。泰式香葉係冇咩味食個脆口口感，茄子都係食返佢原本嘅味道。
・口感：整體正常的，份量好大，建議4人以上share會好啲XD🍜 泰式和牛船麵 HK$168
・味道：和牛肉幾香口，脂香＞肉香，牛丸幾juicy！牛板腱好厚，軟筋同肉嘅比例3：7到幾好食啱啱好。個湯底好甘好醇，甜甜鹹鹹幾濃厚牛肉湯，加少少辣調味，好好飲～
・口感：牛肉軟腍嫩滑🥘 青咖哩雞 HK$148
・味道：雞肉嫩滑但冇咩雞味，不過都冇雪味嘅。青咖喱幾香口，少少辣，奶香味重。
・口感：幾鍾意佢幾杰身嘅醬汁，平時好多都係汁為主，個人唔鍾意咁浠。呢款醬質地用嚟撈飯一流。🫓 印度薄餅 HK$38
・味道：脆口油香足，麥味都好夠，好食。
・口感：一開始切細嚟食好難切，食落好煙韌，有拉扯感，但唔會好韌好難咬嘅，不錯。🥭 鮮芒果沙冰 HK$65
・味道：呢個真係飲得出係呂宋芒，比起腰芒多咗陣清甜，個甜味冇腰芒嚟得咁蜂蜜漿口嘅甜。好飲！
・口感：有啲冰粒，雖然唔影響飲用，但打得再smooth啲就perfect喇！🥥 鮮椰子沙冰 HK$65
・味道：真係鮮打椰子，所以好多泡係面，同椰子渣係底，但椰香好足，純椰子天然奶香同甜味，想像到嘅正。
・口感：少啲渣同泡更好哈哈・・・・・・・・・・・・・・・・・・・・

🤰性價比：高～
🤰9衝度：9衝～
🤰結論：以太古廣場嘅地段，用中價位食到平均中上水平嘅正宗泰菜，仲要大大份唔係玩埋晒啲細細份cafe size，本波與波妹好滿意😎！

・・・・・・・・・・・・・・・・・・・・

細細份開心share台灣嘢，正宗好食嘅台東好西😚

・・・・・・・・・・・・・・・・・・・・

🍢 炸花枝丸 HK$39
・味道&口感：花枝好香，炸皮脆薄，彈牙好吃！

🥬 燙青菜 HK$26
・味道&口感：青菜爽脆唔苦，配魯肉惹味不錯～

🍳特濃起司蛋餅 HK$36
・味道&口感：拉絲車打芝士配香脆蛋餅皮，想像到嘅好食。

🍚 鹵肉飯(小碗) HK$32
・味道&口感：配肉鬆甜甜鹹鹹係必定好食的XD！

🐤 夜市鹽水雞 HK$40
・味道&口感：肉算嫩滑唔會好鹹，胡椒味好香，夠juicy～

◻️ 鹵豆乾 HK$25
・味道&口感：呢個冇咩記憶點，麻麻地。

🐤 鹽酥雞 HK$39
・味道&口感：炸皮薄脆，內里雞肉juicy好食，不錯～

🥤 蜂蜜鮮檸紅茶 微糖少冰 HK$26
・味道&口感：蜂蜜青檸紅茶，正常！

・・・・・・・・・・・・・・・・・・・・

🤰性價比：高～
🤰9衝度：9衝～
🤰結論：食OT飯嘅小確幸，台東的好味道，嘻！

・・・・・・・・・・・・・・・・・・・・

明星掠水店！味道中下，份量細又mark up，不了✋🏻

・・・・・・・・・・・・・・・・・・・・

🥣 菜干豬骨粥 HK$25
・味道：菜干同豬骨份量都幾多，味道主要靠菜干調味，唔淡正常的～
・口感：杰身。
🍍 奶皇菠蘿包 HK$25
・味道：奶皇偏少而且冇奶皇味，菠蘿包正常發揮，不過唔算好甜。
・口感：奶皇都唔沙，失望～
🦐 星點蝦餃皇 HK$34
・味道：味道正常，不過偏散，易爛。
・口感：蝦夠大夠彈。
🫑 香煎虎皮椒 HK$26
・味道：魚肉好多啖啖肉，虎皮椒正常唔青，煎得幾香，唔辣但幾惹味。
・口感：啖啖肉幾好食的。
💛 鴛鴦燒賣皇 HK$29
・味道：普通酒樓燒賣＋牛肉球味燒賣XD
・口感：冇特別。
🐮 香茜牛肉球 HK$23
・味道：超重茜，牛肉味都算重。
・口感：太淋了～
🥕 香煎蘿蔔糕 HK$21
・味道：幾香臘腸味，不過太油。
・口感：冇特別。
🥐 金珠咸水角 HK$22
・味道：好細粒，比平時酒樓嘅細3分1。味道正常冇特別。
・口感：外皮幾脆入面軟熟的～
🍚 北菇棉花雞飯 HK$32
・味道：同酒樓差不多，係個量嚟膠睇就偏貴。
・口感：飯粒偏硬。
🍳 煎蛋牛肉飯 HK$32
・味道：牛肉球＋蛋，想像到嘅味。係啲料太少，牛肉餅好薄，唔夠撈飯。
・口感：同上。
🐖 蜜汁叉燒腸 HK$26
・味道：叉燒瘦、削、散，不了。
・口感：皮太厚。
🦐 原隻鮮蝦腸 HK$32
・味道：味道正常但蝦太細粒～
・口感：同上。
🥭 凍香芒布甸 HK$18
・味道：回憶中酒樓布甸嘅味，本波FF太多以為會好食啲，都係收皮算～假芒果味但未去到死甜。
・口感：滑但好少芒果～
・・・・・・・・・・・・・・・・・・・・

🤰性價比：低～
🤰9衝度：不了～
🤰結論：排咗半粒鐘食啲咁嘅嘢，我是但去間酒樓算了-3-

・・・・・・・・・・・・・・・・・・・・

不過不失嘅味道，但以價錢嚟睇就麻麻喇😗～

・・・・・・・・・・・・・・・・・・・・
Set Lunch 配湯 + 薄荷茶
🍝 SPICY CRAB PASTA HK$188
＞ angel hair, garlic, chili, emon zest crumbe
・味道：係有啲似冬蔭功嘅酸辣汁，仲有洋蔥同啲香料，成件事好東南亞XD，配天使麵幾香口。蟹肉份量幾多，不過被啲汁蓋過咗啲味。
・口感：不過可能天使麵幼，蟹又幫手搣到好細，所以食落口唔滿足，冇塞爆個口XDDDD
🐠 BAKED SALMON HK$198
＞stone fruit, cherry tomato, croutons, carrot puree, yoghurt herbs
・味道：酸乳酪醬係幾特別，甜甜酸酸咁有啲似甜品嘅醬。三文魚焗得好香，輕輕調味，食返三文魚原本魚味為主。
・口感：外皮香脆魚肉濕嫩
・・・・・・・・・・・・・・・・・・・・

🤰性價比：中～
🤰9衝度：可試～
🤰結論：decent靚靚的，但價錢進取咗啲，還好啦～

・・・・・・・・・・・・・・・・・・・・

平價抵食港式早餐，味道正常，閒時可一戰😎！

・・・・・・・・・・・・・・・・・・・・

🍹 咸豆漿 HK$20
・味道：蝦米勁香口，食耐咗有啲鹹，但整體暖胃不錯的。
・口感：有咬口鹹豆漿～
🍹 咸粢飯 HK$20
＞炸菜、油炸鬼、肉鬆
・味道：想像到嘅好食，炸菜同肉鬆都重味，甜甜鹹鹹幾香口的，但食耐咗略嫌有啲乾。
・口感：糯米幾煙韌，啲餡幾脆口，不過都幾飽XD
🍹 肉鬆奶脆多 HK$24
・味道：外脆內軟嘅饅頭配煉奶，冇得難食啦，配埋肉鬆，一級棒(*´∀`)~♥
・口感：金黃色嘅脆口配軟熟嘅包子，掂！
🍹 秘鹵肉碎拌上海面 HK$38
・味道：鹵水豉油配肉碎嘅上海麵，大份不過普通～
・口感：都幾齋XD
🍹 鹵水三拼 HK$62
＞牛肉、肉骨、鴨腎
・味道：食耐咗真心鹹😂淨係食咗牛肉，正常的～
・口感：冇偏老偏柴，可接受。
🍹 上海小籠包 HK$30
・味道：正常發揮冇特別。
・口感：個皮厚得滯～
🍹 脆炸釀豆腐 HK$20
・味道：個釀魚肉細粒到呢⋯⋯而且冇調味的，不過幾重豆味。
・口感：外皮脆口，內里嫩滑，但都係豆腐啦冇咩特別。
🍹 凍豆腐花 HK$10
・味道：豆味唔算重，普通。
・口感：不過夠滑。
🍹 熱薑汁奶花 HK$15
・味道：係有齊薑味奶同薑汁糖漿，唔算好甜，不過薑味可以重啲～
・口感：夠滑desu
🍹 樽仔奶茶 HK$16
・味道：奶同茶味都夠出，茶奶比例算平衡。茶底係清茶，或者只係唔夠濃嘅紅茶，但本波鍾意佢唔算澀。
・口感：順滑唔澀。
🍹 凍椰汁豆漿 HK$16
・味道：呢個幾出色！重味椰子竟然冇搶咗豆漿味道。一入口先係椰汁，唔算好甜，然後豆漿味慢慢滲出嚟。
・口感：順滑香口，椰子同豆香相輔相成，呢個掂👍🏻！
・・・・・・・・・・・・・・・・・・・・

🤰性價比：中～
🤰9衝度：可試～
🤰結論：價錢與味道成正比，平價街坊廣東早餐，椰汁豆漿好飲！

・・・・・・・・・・・・・・・・・・・・

穩陣好食開心lunch，性價比高手工意粉yum yum😋

・・・・・・・・・・・・・・・・・・・・
Set Lunch

🐠 Tuna Tartare 
＞ 牛油果、醃紅洋蔥、秘製醬汁
・味道：吞拿魚好新鮮，個秘製醬汁係酸may may咁幾開胃，生洋蔥唔澀夠香，配埋牛油果醬refresh返，非常不錯！
・口感：有一兩粒有啲筋，整體都OK！
🍝 Lasagna Classica HK$168
＞ 牛肉肉醬、牛奶白醬汁、巴馬臣芝士
・味道：牛肉肉醬都啲唔少肉絲，白醬味道係白汁濃厚版，配芝士幾香口嘅。
・口感：pasta幾有咬口同麥香味，不錯～
🍰 Tiramisu
・味道：就是想像到嘅味道XD，唔算好甜，啱0甜波口味。咖啡味冇之前食咁出，可以再重味啲，但整體好食嘅！
・口感：夠creamy，蛋糕濕潤，層次感足。
・・・・・・・・・・・・・・・・・・・・

🤰性價比：高～
🤰9衝度：9衝～
🤰結論：食過幾次都係穩定發揮，不錯不錯！

・・・・・・・・・・・・・・・・・・・・

家庭式日式定食，烏冬好出色，大份抵食不錯吃！

・・・・・・・・・・・・・・・・・・・・

🍜 招牌鐵板一口牛定食 HK$78
＞配 昆布鰹魚湯烏冬＋紙包飲品
・味道：鐵板牛份量好多，燒到焦香配洋蔥好香口～烏冬幾掛湯，不錯～
・口感：牛肉幾彈口但有啲有筋咬唔開，扣咗啲分。不過！個烏冬超surprise，好彈牙有咬口🤩！
🍜 鹽燒鯖魚定食 HK$71
＞配 香濃芫荽湯烏冬＋紙包飲品
・味道：鯖魚魚肉同板燒得好香，燒出魚油一定掂，係落鹽落得重手咗，食耐咗有啲咸。個皮又薄又脆，係少有我會食嘅魚皮！個芫荽湯睇落好L癲，實際好易入口，同打邊爐嘅芫荽皮蛋湯底差唔多XD
・口感：魚肉外脆內嫩係好食嘅～
・・・・・・・・・・・・・・・・・・・・

🤰性價比：高～
🤰9衝度：9衝～
🤰結論：屋苑倔頭路有個小日本，家庭式好味烏冬定食！

・・・・・・・・・・・・・・・・・・・・

家庭式上海X泰國菜，fusion菜有創意又好食，穩陣媽媽級好味🫶🏻

・・・・・・・・・・・・・・・・・・・・

🌭 新型熱狗 HK$36
・味道：烘底包配酸瓜醬熱狗，鹹鹹酸酸咁，又幾夾幾好食喎！
・口感：外脆內軟包底，酸瓜醬爽口，脆皮腸，掂。
🍳 蠔仔炒蛋 HK$76
・味道：好多蠔仔粒，唔腥，炒蛋嫩滑，底下仲有芽菜，惹味好食。
・口感：飽滿蠔仔，同蛋比例1：1咁多，yum。
🥟 水餃 8粒 HK$40
・味道：上海式巨大菜肉餃配醋，家常味～
・口感：好大粒XD
🥬 豬肉生菜包 HK$76
・味道： 就係平時食嘅泰式好西，豬肉粒辣辣地幾惹味，菜都新鮮，想像到嘅好味。
・口感：份量幾多～
🍛 蝦膏炒飯 HK$65
・味道：以為會好鹹，點知係甜甜鹹鹹嘅炒飯，香口，加埋肉鬆，一級棒！
・口感：飯粒乾身，粒粒都好飽滿，甜豉油包裹每一粒飯粒，好食。
🥦 炒Suki HK$64
・味道：其實係冬蔭功湯炒菜，酸辣平衡做得好好，不錯吃～
・口感：菜新鮮夾爽口～
🍹 蜜糖海底椰 HK$20
・味道：冇料的，但飲得出微甜蜜糖同海底椰嘅味，暖胃～
・口感：幾潤喉，順口輕身。
・・・・・・・・・・・・・・・・・・・・

🤰性價比：高～
🤰9衝度：9衝～
🤰結論：唔係上海菜X泰國菜，係一間餐廳有晒上海同泰國菜，兩樣都穩陣好食，掂！

・・・・・・・・・・・・・・・・・・・・

每個禮拜都要去報到嘅極品B級美食，怒轟蛋同豬扒😍！

・・・・・・・・・・・・・・・・・・・・

🍳 滑蛋魚柳飯 HK$60
・味道：超重蛋味！極嫩滑！魚柳好滑，加埋甜豉油撈飯，正！蛋同魚柳都係已調味，就咁食都好滿足！
・口感：魚柳外脆內嫩，yum！
🐷 秘制豬扒飯 HK$60
・味道：豬扒外皮煎到焦脆，仲有蜜糖香包住，甜甜鹹鹹的好正欸～個蛋流心啲更好！
・口感：軟熟的豬兒最好吃了，嘻♥(´∀` )
🐷 秘制豬扒撈米 HK$63
・味道：豬扒keep住外脆內軟，甜甜鹹鹹咁好食。蛋都係超水準發揮，重蛋味夠嫩滑。今次個重點：撈米配麻油，美味Σ>―(〃°ω°〃)♡→！
・口感：冇嘢講XD 就是正！
🐮 招牌五香牛腩飯 HK$63
・味道：五香肉丁汁好邪惡但好香口，配埋小小辣油咁好惹味！牛腩同牛筋都好入味，不過8成牛筋，好少牛腩，而且牛腩偏碎，呢個位有啲扣分TT
・口感：牛腩同牛筋都好淋好入味嘅，個五香辣汁撈飯一流，幾輕身而且食完唔會好渴嘅～
🍹 橙茶 走甜 +HK$3
・味道：真係有幾嚿橙，個人覺得少少甜係最perfect，橙同茶比例最好嘅味道，jeng！
・口感：飲到橙粒嘅呢～
・・・・・・・・・・・・・・・・・・・・

🤰性價比：高～
🤰9衝度：9衝～
🤰結論：同事推坑的好西，舌頭高潮的美味👅！

・・・・・・・・・・・・・・・・・・・・