何車車仔麵 (大南街)

營業中

休息中

車仔麵本身比人印象會係開於街市或者一啲麵檔 同會走港式風格 但依間既風格就大相徑庭貴店位置於太子站C2 出口行上去直行 會見到有短馬路 再直行 轉右手邊就見到雖然門面無特別 但裏面會令你感覺舒服有別於一般車仔麵檔 坐得寬落又乾淨門口有哂menu 仲有外賣熱線可以預早落單不過OpenRice 都有得外賣自取 今次係OpenRice 點餐 半個鐘好準時有得拎何車自選車仔麵(蒜油蝦子麵撈麵$15, 飛天牛腩$15, 燒豬頸肉$15)首先店員分開麵同湯裝起 一打開牛腩分量十足但食啖牛腩有啲粉 唔夠實之後碗麵上面鋪左約4舊豬頸肉 都大舊豬頸肉燒得幾好 唔鞋口而且成舊都有孜然粉幾惹味 麵底揀左蝦子撈麵 如圖啦蝦子好足料基本上撈匀之後就每啖都食到食到最後碗底都無多餘既油何車自選車仔麵(蒜油咖哩撈麵$15,豬大腸$14,陳皮魚蛋$10）依碗就一般 魚蛋都算彈牙但就唔入味 如圖啦無校過色 魚蛋就係咁淡色啦之後豬大腸無試 內臟就免啦麵底係加左蒜油既咖哩撈麵 算惹味 撈得夠匀題外話 無必要專登去試隨心經過就去啦

太子美食: 何車車仔麵(大南街店) (車仔麵)食佢老味指數: 🌕🌕🌕🌗🌑-我哋去食嗰陣舖頭啱啱新開嘅，見有其他foodie推薦所以就去試吓，去到幾鍾意嗰度既裝修(˶‾᷄ ⁻̫ ‾᷅˵)打卡唔錯，最衰有啲板格住晒🥲究竟武肺幾時完啊啊啊啊(´°̥̥̥̥̥̥̥̥ω°̥̥̥̥̥̥̥̥｀)-🔥手撕雞糖心蘿蔔蒜油麻辣撈粗($40):🌕🌕🌕🌗🌑蒜油好香再加上自己本身都幾鍾意麻辣嘅味道，所以覺得唔錯！而手撕雞同埋糖心蘿蔔呢就正常發揮冇乜特別~ 🔥豬大腸燒牛舌心蒜油蝦子撈麵($44):🌕🌕🌕🌗🌑對蝦子撈麵來講唔係我好既野🤣 不過味道都香嘅，豬大腸味道可以亦都乾淨嘅！至於牛舌心咬口有少少un🤔冇乜串燒嗰種味道🔥脆炸豬腸($18): 🌕🌕🌑🌑🌑呢個小食有啲太油，而且咬落去唔算話好脆，口感麻麻地，可以唔使嗌~-整體來講：價錢來講其實都相當抵既~ 服務亦都唔錯，所以大家可以去試下! 但係如果問我會唔會再去，未必luuu

車仔麵雖說價錢越來越貴, 用料越來越越特別, 但感覺依然本土而在地. 何車店舖的裝修沒有刻意賣弄本土情懷, 木色的主調有點日系, 還以為它的車仔麵也會同樣走日系風格, 基本上除了炸物比較日式外, 其他的也甚為傳統. 炸物中以炸蠔做得最出色, 內裡多汁而且口感粉嫩, 外面炸皮香脆而厚薄平均. 整個炸物拼盤除了有蠔外, 也有雞翼, 蝦和豆皮, 只需四十元也算相當佛心.車仔麵的麵底除了基本類型如粗/幼麵, 米粉或即食麵外, 也有蝦子撈麵這類巧手傳統麵食. 蝦子加上蒜油, 惹味非常, 更重要的是蝦子份量非常慷慨, 不比劉森記的小. 麵身夠挺身, 沒有梘水味, 表現同樣不俗. 配菜的牛舌芯和牛腩, 在香港車仔麵界來說, 真的相當出色. 前者口感爽彈帶稔, 牛香濃烈, 沒有舐苔更沒有腥味, 薄薄一切, 是牛舌滑的精華所在. 後者以自家製的藥材湯底熬製, 甘香清甜的湯底, 滲入口感嫩滑的牛腩之中, 有點八寶清湯腩的味道呢!Ho Che Noodles is different from traditional cart noodles shop in HK with brightened and w

#何車車仔麵 #sorriso_油尖旺區-呢間本身都想試好耐，再加上睇埋Alfred條片，更加想去試，不過好似加左價，留意返想堂食嘅話，記得係去大南街嗰間，今餐真係食到超飽配料：蔥/芫茜/乾蒜/蒜（兩碗都揀左all in)加色：滷水汁/腩汁/兩溝🍜【老何麵十餸】 $62 +$8豆卜 (8.4/10)揀左辣汁小辣、兩溝滷水汁+腩汁本身十餸麵係$58，可能物價上脹嘅關係，所以加左價-入面有3塊辣豬皮、豬腸、3粒豬紅、3小塊糖心蘿蔔、3件辣翼尖、1隻雞翼、3粒陳皮魚蛋、1塊肥牛、2塊魚片頭、2塊燒腩肉，魚蛋我覺得真係好濃陳皮味、冇左魚味，我麻麻，豬皮就偏薄，燒腩肉有驚喜😮，佢係豬扒嚟啲，浸左湯咁耐都仲咁有孜然粉味，仲要好食，蘿蔔冇渣，都唔錯😌-⚠️一飲個湯就飲到藥材嘅味道，我自己幾鍾意，不過後悔叫左小辣，有好多辣椒，食開3小辣嘅我有少少應付唔到，因為有啲嗱喉嚨，所以先另外有加$12一枝豆漿飲，張包裝紙冇左，望落似係壹品豆漿-🍜【蒜油蝦子撈麵】 $15，大辣、牛舌芯$15、飛天牛腩$15、唐揚炸雞$15 (9.6/10)個撈麵好香口，好多蝦子，配埋個辣有食上癮嘅感覺，我好鍾意牛舌芯有9塊，每塊都

-{太子車仔麵🍜}依間最近IG老是常出現 直接叫左個十餸加豬頸肉同飛天牛腩😂😂🤤鹵水汁腩汁加油麵🤤湯底偏甜個湯飲完唔口渴嘅👀麵就正正常常啦😂以下順序排最推薦嘅餸😛牛舌芯(+$15): 份量好多！試左一塊肉味好濃🥰友人話叫三份都冇問題😂😂😂溏心蘿蔔:蘿蔔好淋而且好甜🤩仲要冇乜渣😋飛天牛腩(+$15): 又係好淋！每塊都有啲厚度🥳又係好抵食😎豬頸肉(+$15): 係切到一條條嘅！入邊好肥😆脆到有啲脆口😚正正常常😗: 陳皮魚蛋 豬紅 肥牛 魚腐唔推🤢: 雞翼唔熟🥲👖褲評: 7/10🤤樽仔奶茶🤤 ($25)茶走嘅味道！茶底好香濃😋個樽好有特色🤓👖褲評: 7.8/10好多餸嘅選擇！當日12點到5至10分鐘就黎齊曬野食🤟質素唔錯但覺得有啲吹大左😬界限街分店依加淨係做外賣 想堂食嘅去大南街分店~性價比: 7/10服務: 8/10環境: 7.5/10🚩 何車車仔麵 🚩地址: 太子界限街41C號長勝大廈地舖太子大南街28號地舖#fuudjai #fuudjai港式 #fuudjai太子

“老何麵十餸”($58)“蒜油麻辣撈粗+燒豬頸肉+燒牛舌芯”($45)終於食到呢間最近超人氣嘅何車車仔麵🤤大南街分店裝修行小清新風,似一間cafe多啲☺️入座後scan qrcode落單好方便~唔想煩嘅我地叫咗碗十餸老何麵預設有豬皮,豬腸,豬紅,蘿蔔,翼尖,雞翼,魚蛋,肥牛🐮,魚片頭,燒腩肉🐷但我地係下晝4點到有啲餸已經賣哂所以有幾款都轉咗其他嘢🥲🤧湯底就揀咗鹵水汁同腩汁2溝味道幾清甜,的確係幾出色🤤同其他車仔麵舖好唔同☺️另一碗就要咗蒜油麻辣撈粗+燒豬頸肉+燒牛舌芯蒜味超香濃🧄加上麻辣勁惹味🌶😍大力推個燒牛舌芯🤤好爽口完全唔韌😋下次再嚟要試埋啲小食先😝

讚1 食物水準係高既，湯底唔係死味精果種味，配料好似蘿蔔、大腸都有高水準表現，大腸肥美入味2 環境好計理，車仔麵店黎講真係無得頂彈1 點菜過程有啲混亂，有啲檯係剔紙，有啲又係scan2 餃子既肉質好削

見有人介紹呢間黃店車仔麵 話樣樣嘢都好高質 我就抱住勁期待嘅心情去食一到餐廳門口 好多人排隊 不過好食嘅當然係正常現象啦 所以我同朋友就照攞飛等～我哋排咗大概50分鐘就入得去，一個叫咗十餸咖哩汁小辣，一個叫咗牛舌芯、水魷丶牛腩配麻辣汁中辣，兩碗都叫佢加色兩溝，葱蒜芫茜任落單，就咁睇個menu都覺得正碗麵到咗，睇落好吸引～我哋兩個第一件做嘅事就係試湯底，點知。。。點解咁清嘅？好似清水加汁咁，完全唔覺得個湯好濃郁厚實，同我哋預期嘅好大落差。。。 我哋諗唔緊要，湯底差小小，可能啲餸好食呢～ 我試咗個水魷先，彈牙但唔入味；蘿蔔冧但唔入味；麵質軟硬適中但無味；豬腸豬紅雞翼魚蛋叫正常水準，唯一好食係牛舌芯，燒得岩岩好又夠味。要排半個鐘以上尼講，何車係完全唔值。唔明點解食評咁多人話好食🤦🏻‍♀️可能今日星期日多人食，好多食材都未醃夠味，湯底仲要係完全唔合格，真係有啲失望。希望何車可以改善下，保持應有嘅水準。Btw提提第一次食何車嘅你：記得要拎飛等位～ 香港人好守禮，拎咗飛都照排隊，所以唔好俾條隊呃咗🙈 (因為見到有人冇拎飛跟條隊排咗半粒錯先知要拎飛)

據上次去過麵尊之後，都對佢嘅車仔麵念念不忘，佢個湯底/豬大腸真心回味，而今次去到呢間車仔麵店係近期嘅熱門，亦都成為我嘅新寵🤣。 何車車仔麵位於太子界限街，但後來界限街店只做外賣，堂食要行去大南街店，千其唔好去錯。麵店老闆以前係designer，擁有經營了十年嘅男裝店。有次有緣同朋友吹水，兩位都想從事飲食業，一拍即合，共同創立此店。 餐廳裝修呈文青木系風，又好高樓底，簡潔明亮，告別傳統車仔麵店舊式裝修，但店內只有四/五張枱。據社交平台講話，「何車」/hoche與「合尺」同音，餐廳希望每碗麵都合符你嘅心意，因此佢嘅食物選擇都有D特別。 大家留意到，餐牌除咗有大腸/肥牛等基本野外，仲有豬頸肉，日式嘅牛舌/叉燒/温泉蛋/丼飯等。麵底有多款馳名撈麵，仲有關東煮菜底。小食都好特別，有吉列蠔/炸雞/餃子雞翼等。 當日諗住叫咗正餐先，再睇吓叫唔叫多款小食，但都費事啦，隔離枱遲過我入黎嘅已經有得食。最後我吹咗佢地兩次，等了45分鐘後先有嘢食上枱。 蒜油蝦籽撈麵$15(3餸)合共$56 因為等咗九個字，已經想盡快食嘢醫肚，所以相片就冇詳細影，但其實賣相就冇特別嘅，價錢都算係接受範圍內。 話明蝦籽撈麵，面頭

之前成日經過何車界限街總店已經bookmark左呢間車仔麵，大南街分店亦都開咗一段時間，終於有機會喺weekday 6點前堂食試啦！果然係名乎其實極高質嘅車仔麵店🤩🌟燒腩肉 燒豬頸肉 唐揚炸雞 秘製冬菇 米線呢到嘅湯底極特別，並唔係普通豬骨湯底，而係加上不少中藥藥材，例如川貝、桔梗、天山雪蓮、蜂蜜🍯，難怪湯底係深啡色，偏甜一點又容易入口🤩。麵線種類繁多，例如蒜油蝦子撈麵、日式涼拌烏冬，蒟蒻麵。唔鍾意食麵的話可以揀菜底，有菜心、韭菜花、關東煮🍢等多項選擇。燒豬腩肉先用孜然粉醃製，肥瘦均勻，燒後仍然好Juicy👍🏻。燒豬頸肉總共有四塊，厚切質感幾好，帶有豐富油香🥰。唐揚炸雞🍗炸衣幾薄身，雞肉冇雪味，比起平時唐揚炸雞唔算太重薑、蒜🧄等醃料味，再點蜜糖芥末醬冇咁熱氣🤭。至於冬菇就幾厚肉，有啲草青味。🌟 燒腩肉 飛天牛腩 燒牛舌芯 溫泉蛋♨️ 黑松露撈麵幼麵份量唔算好多，不過黑松露醬份量則非常慷慨！本身都擔心撈麵會太乾，幸好撈埋溫泉蛋嘅蛋汁就冇咩個Concern🤙🏻。牛腩🐮炆得幾嫩滑同入味，可惜牛舌就表現相對普通，有啲乾爭爭同冇咩嚼勁💥。

【太子新分店開業！高質素車仔麵！】推薦程度：●●●●◐抵食程度：●●◐○○———🍜【自選車仔麵】蒜油麻辣撈粗｜糖心蘿蔔｜秘製冬菇｜蒜芯豬肉餃｜燒腩肉｜西蘭花｜$77假日午飯時間嚟到新店，大排長龍，好彩都唔係排咗好耐，15分鐘內已經可以入座。麵底唔錯，唔會因為撈底就乾爭爭痴埋一餅，可能加咗蒜油令每條都唔太乾身。冬菇夠淋，略嫌唔太夠味，但都值得一試。燒腩肉偏肥，脂肪比例多過豬肉，相對一般。同 #三一餃子 合作嘅蒜芯豬肉餃皮薄餡靚🌟 餡料夠實淨，而豬肉之間夾雜咗着蒜芯嘅爽脆，夠晒蒜味得嚟層次豐富，好食！———🐥 【叫雞群組】唐揚炸雞6件｜醉炸雞翼4件｜薯條配黑松露醬及蜜糖芥末醬｜$60唔知點解冇俾雞翼，轉咗韮菜餃。香脆唔油膩，幾好食！但大大力推薦嘅係唐揚炸雞🌟 炸衣香脆，入口唔會油膩，炸得恰到好處～ 雞肉肉質嫩滑、多汁，而且冇乜脂肪同筋，大讚！

鍾意食車仔麵既你, 一定唔可以錯過這間車仔麵. 繼界限街本店後, 太子大南街開了新店, 裝修更為寬闊, 座位之間亦有一定的距離. 除了車仔麵外, 這裡更有蝦籽撈麵, 黑松露撈麵等. 而且亦有很多款式的小食可以選擇. 大阪燒雞翼, 三一餃子, 黑松露薯條等.... 食材款式絕不單一化😍絲襪奶茶都變埋支裝飲品, 但味道又ok而且個樽又幾靚👍🏻如果有選擇困難症既你, 可以直接選擇<老何麵十餸>, 有成十個餸, 只係$58, 絕對抵食😎

疫情肆虐，想有啖好食原來唔易！睇介紹搵到間心儀既，但去到門口先發現只提供堂食，點算？外賣？我只係慕名而來，本身唔係住附近，又無呠呠車，唔通想食好野就要踎公園？肚餓當日，我地去到舊舖：界限街41C號長勝大廈地舖，門口就大大隻字寫住「只提供外賣」😢響玻璃心碎之前，好彩見到仲有另一張紙寫左「可移玉步到大南街分店」🥳由界限街行過黎大南街，只需五分鐘時間。未到門口，先見人龍，但唔好俾呢班乖仔乖女呃左呀！要入座就要拎飛先！禮貌地推開門同職員講聲就得喇🙂有別於傳統車仔麵，呢到無論係麵底定配料都有革新既嘗試😋黎幫襯既好奇寶寶唔少，想試新奇有趣既配搭，就要早d到喇！遲左賣晒就可能要食傳統野喇😜我果日下晝點零鐘去，已經無左幾樣餸同麵底喇🥺燒牛舌芯、秘製冬菇、蒜油蝦子撈麵- 牛舌芯雖然薄切，但都唔會燒到乾爭爭，仍然食得出佢既嫩口😋冬菇十分入味，軟硬度適中，一咬落去夠哂juicy，加埋面頭既蝦子，好好味呀🤩🤩🤩感謝廚房豪爽地灑蝦子😂糖心蘿蔔、溫泉蛋、燒豬頸肉、關東煮- 少少出乎意料既係，無諗過原來係分兩碗野。驚喜既係，兩碗野既湯底同蘿蔔係唔同味架😆配料既湯底似藥膳feel，極之濃郁，成間舖都香噴噴😶‍🌫️睇番介

晚市禁堂食，難得出街食既日子，梗係要支持同路人小店 #黃店👍🏻👍🏻 太子既呢間車仔麵店最近開左新分店，分店係大南街，呢間分店近地鐵出口好多，鋪頭亦都比舊店大間同光猛。.假日下午黎到已經排晒隊，大約等左20分鐘左右先入到座，點餐用QR code落單，但我地今日晏左少少黎已經好多野沽清，好似飛天牛腩同手絲雞呢啲餸想食都無得食😭.🍴 老何麵十餸$58 +$5轉蒜油麻辣撈粗十餸麵好抵食，有：魚蛋 豬腸 雞翼 雞翼尖 魚片頭 燒腩肉 蘿蔔 豬紅 肥牛 豬皮賣晒轉魚腐，鍾意呢度既車仔麵底有好多選擇，10餸麵既餸好吸引，蘿蔔夠淋身無渣， 燒腩肉 雞翼炆得岩岩好，麻辣撈粗既粗麵夠爽身，撈麵好食入味。.🍴自選車仔麵另一個麵自選配料，擇左 燒腩肉$15/唐揚炸雞$14/媽媽水餃$15竹笙$10配蒜油蝦子撈麵$15，有湯既食材會幫手分湯上碟，好似媽媽水餃同竹笙係分開湯上，唔會整淋個蝦子撈麵，蝦子撈麵好足料，啖啖麵都食到蝦子索索聲，唐揚炸雞個餸都幾抵，會分開上，好似小食既份量咁，媽媽水餃係自家製韭菜餃。.🍴小食叫一個車仔麵就可以$15起追加小食，炸雲吞 $15and脆炸豬腸 $18，小食份量都幾多，尤其係脆炸

🌈何車車仔麵🥢陳皮魚蛋+燒腩肉+飛天牛腩+媽媽水餃+咖喱撈油麵🍢陳皮魚蛋彈的陳皮同魚味都好濃，仲好彈牙🥓燒腩肉好好食，唔係東坡肉個種，肥瘦好均勻、有點似豬頸肉但更有層次🥟水餃另外上的，皮唔厚料多🥜咖喱汁好香好惹味，伴油麵好食又fatfat🌝🥢燒牛舌芯+糖心蘿蔔+娃娃菜+蝦子撈幼麵🥩牛舌芯雖然係薄切，但很爽口，牛味很香濃，最愛牛舌芯了🥗必點糖心蘿蔔，每舊都好甜好淋🍤蝦子撈幼麵大推，超多蝦子而且麵完全唔會有鹼水味仲有好多款汁/麵類可以選擇低醣/生酮人士仲酮以選擇蒟蒻麵可外加醬汁：辣汁、咖喱、麻辣，份量自選仲有配料自行選加：芫荽、葱、蒜、炸蒜