上野鐵板燒專門店

營業中

休息中

同事約左我放工去旺角食鐵板燒，訂左上野鉄板專門店，她喜歡上野質高價平，我們坐在店內吧枱，可以邊食邊欣賞廚師工架。要鉄板帶子皇套餐，活蜆雜菇麵豉湯，湯香甜夠濃味。冷盤是豆腐和風沙律，沙律菜爽口，豆腐滑溜。刺身是北寄貝，口感爽口。廚師將北海道帶子皇放上鐵板上，三兩下動作加埋調味，就將燒好的帶子放在我們面前，味道鮮甜可口。將日本原隻魷魚筒邊燒邊切段，灑下調味好快又完成了，有煙靭的口感但並不硬，味道不錯。朋友吾食牛，所以轉了食雞扒，大大塊的雞扒在鐵板上煎至金黃色，之後切粒加調味再炒。皮香脆，肉質鮮嫩夠香口。日式炒時菜，廚師將一大盆蔬菜倒落鐵板，不停地翻炒，夠曬穫氣。同樣炒得有穫氣的是三文魚炒烏冬，新鮮的三文魚切粒在鐵板上散發著魚脂的香味，和烏冬一起炒，烏冬吸左魚油的香味，味道濃郁又惹味。最後食埋自家製甜品，雞蛋布甸又滑又甜。

放工同朋友去旺角行下，下雨天都冇乜心情睇嘢，一於揾間食店坐下倾下，順便食晚餐，剛剛到左上野鐵板燒專門店，朋友說都想試下，我們便入座去。餐廳有鐵板位和普通枱位，我們幸運地被安排鐵板位，可以近距離欣賞到廚師精湛的廚藝。首先來個豆腐和風沙律，沙律菜清新爽口。北寄貝刺身新鮮爽口。活蜆雜菇麵豉湯味濃，還有蜆肉和香菇。北海道帶子夠大隻，經過廚師在鐵板上又切又燒，一份鮮甜美味的帶子令我們食不停口。雞柳皮脆肉嫩，醬汁調得夠味。日本原隻魷魚筒，炒得夠香，加左幾款醬汁夠曬惹味。日式炒時菜用牛油炒特別香，菜爽口有甜味，三文魚炒烏冬，用新鮮三文魚炒，烏冬有魚油香味又彈牙，好味！甜品芝麻雪糕，香甜滑溜。

今日去了旺角女人街一嘗這間日式鐵板燒！店內設有Bar位，可以欣賞師傅的功架! 我們選擇了鐵板帶子皇套餐(二人前) !豆腐和風沙律香滑的豆腐，新鮮爽口的沙律菜，配上酸酸甜甜的沙律醬汁，清新開胃！活蜆雜菇麵豉湯麵豉湯中加入了蜆肉和雜菇，令整個湯帶鮮甜和香味！北寄貝刺身北寄貝非常新鮮，爽口甜美！日本原隻魷魚筒魷魚炒至剛好，嫩滑彈牙! 再加上蒜蓉一起炒，倍添惹味，極速吃光！北海道帶子皇帶子厚身大隻，鮮味十足又甜美! 加上蟹籽口感更豐富，更滋味！美國頂級牛柳牛柳五成熟，切成粒狀更方便享用! 牛肉味香濃，而且肉汁豐富！加上少許炸蒜更香口！鐵板配菜份量十足，蔬菜新鮮爽口，很健康！炒飯炒飯加了肉粒、香蔥、洋蔥、芝麻和蒜蓉等配料，很惹味又飽肚！甜品牛奶布甸芝麻雪糕

旺角除左食店數量多之外，佢地食店嘅種類都好多。好多時喺中環、銅鑼灣要過千per head食嘅野，你會平一半價錢喺旺角搵到。而呢晚我就同朋友試左呢間旺角通菜街嘅鐵板燒餐廳。我地揀左$667嘅二人餐，有活鮑魚、銀雪魚等海鮮。我最中意係銀雪魚。銀雪魚本身魚肉雪白，肉質超超超嫩滑。而經過鐵板燒後，雖然水份蒸發左啲，但銀肉食落依然有啲juicy，而且皮燒到脆卜卜，正！燒安格斯牛同我想像嘅一大塊angus steak唔同，但牛肉卷嘅做法都唔錯，而且牛肉中間夾住蒜粒、蔥等材料，食落幾惹味。最後，呢個餐仲有炒飯、炒雜菜同甜品（芝麻雪糕/牛奶布甸），咁嘅價錢真係抵到爆！

This is my first time having teppanyaki in MK so I decided to write a review about my experience.We were seated at the bar counter, which we preferred as we would like to see the chef work👌🏻 We chose the more expensive set with abalones, angus beef etc.The best thing about teppanyaki is that you get to eat the food right after the chef has finished cooking, so every dish is smoking hot!The abalones were fresh and their sizes were pretty good👌🏻 I also liked the angus sliced steak and I liked how

收工約左朋友去旺角行街，經過呢間鐵板燒見餐牌又幾抵食就入去試下😌都幾多套餐可以選擇，我地左揀右揀，最後選擇左鉄板大蝦套餐😍🦐木魚絲蟹籽沙律先來個沙律前菜 fresh fresh口😉雙色刺身三文魚同赤海蝦刺身🍣 三文魚好厚切，蝦都好鮮甜🥰老虎大蝦開始鐵板既部分👏 先黎主角老虎大蝦，加左少少調味更惹味👍🏻但我最欣賞既係肉質，起級爽口☺️香煎三文魚扒魚肉夠滑，另外大廚刻要分開魚皮煎，好脆😛美國安格斯肉眼扒呢幕除左有得食仲有得睇，店員會刻意熄燈再點火🤣肉眼扒唔靭，好食牛肉炒烏冬其實已經開始飽😂炒烏冬唔會油淋淋，而且好滑😆日式炒時菜啲菜好甜，同食下菜感覺健康點😋甜品最後有個紅豆雪糕，滿足得黎飽到上心口，好抵食🥳

好耐無食過鐵板燒，朋友話旺角西洋菜街有間幾大件夾抵食帶我去，食之前已經幾期待我地要咗呢個餐，呢個價錢睇返啲食材都幾值，不過都要食埋再落結論前菜係沙律，幾清新後面兩個醬，左邊洋蔥汁，右邊燒肉汁雙色剌身，我地有甜蝦同赤貝兩樣都好新鮮，蝦肉鮮甜結實，赤貝都好脆同鮮味唔腥廚房準備好所有食材會放晒出嚟俾客人睇，無花無假師傅話虎蝦係沙巴嚟，全世界最鮮😂 咁就真係要好好品嚐牛油同植物油煎香龍脷柳，件魚好大片煎完好香好脆，入面仲係軟熟唔老好香牛油味但又唔會覺得好膩好滯，好好食好多肉呀，期待師傅手起刀落好快完成開邊，啲膏煎到好香好彈牙，師傅果然無講大話蝦味好濃，肉質彈到好似龍蝦咁蝦頭同蝦膏都好香安格斯牛扒雖然有7-8成熟，但肉仍然有好多肉汁而且唔韌，唔錯食咗咁多大魚大肉食返啲菜平衡返下冬菇同翠肉瓜片都好腍，有少少牛油味，好香口師傅將飯壓開，務求令飯粒炒得更均勻，食落粒粒分明，正好香嘅炒飯，已經8成飽了🤤最後仲有個甜品雞蛋布甸作結整體而言非常抵食三個魚同肉類無得彈，材料好而且煮得好尤其龍脷柳，睇到師傅好有耐性去煎香剌身好新鮮，好喜出望外服務態度好好，不斷有人添茶師傅都問咗幾次啲嘢啱唔啱食，好貼心而且見佢地

同朋友係旺角行完街，講起之前一齊去旅行係日本食鐵板燒，傾得興起想食下，search下見到呢間人地話唔太貴又好食，即刻就行過嚟試下。我地見到有大蝦個個餐兩個人都只係$658，就叫咗呢個。首先嚟個沙津，係木魚絲蟹子沙津，好開胃呀。跟住就嚟咗個麵豉湯。之後就嚟咗個雙色刺身，有甜蝦同赤貝，好鮮甜，唔錯。職員拎一陣會煎既食材俾我地睇下先，見到塊扒同大大隻虎蝦已經好期待！香草龍脷柳，師傅係我地面前整，燒得好冧，味道好香，小小咸，幾鐘意呢個口味。重頭戲嚟啦，隻蝦超大隻，師傅話好出面好少有呢啲老虎大蝦。師傅放上嚟枱面個陣已經好香，個蝦肉勁大舊勁厚實，再加啲調味料更加香，超好味！第三個重頭戲，美國安格斯肉眼扒，又係好香，燒得好均勻，啲肉又係好冧好好食。食咗咁多肉，好彩有返啲菜平衡返，個大菇都好好食。最後食埋個飯就真係飽晒，呢個係煙肉黃金炒飯，好香口呀！最後有個甜品，呢個係雞蛋布甸，仲加咗練奶係面，好香好好食。

唔知點解到左呢幾個月，特別想去旅行😍，可能係身邊嘅同事紛紛咁出國休息吧。😂真係好掛住之前去沖繩嘅海灘同美食。🤤記得個陣食左個好好食嘅鐵板燒，咁岩同事近期去左呢一個食，佢話性價比好高，所以我就book 左呢到食了。😍好在有book，平日嘅晚上鐵板位都差不多滿，😊如果唔鐘意d煙同味，佢呢到都有卡位啊。我地揀左個二人前嘅set。✌🏻🌟鐵板大蝦套餐⭐️木魚絲蟹籽沙拉🥗先上沙拉跟湯。⭐️活蜆雜菇麵豉湯有好幾隻蜆係到啊😍⭐️雙色刺身有三文魚同蝦，都幾大份又新鮮！⭐️鐵板配菜佢會係煮之前攞出d食材俾我地睇先啊！⭐️老虎🐯大蝦🍤❤️師傅用佢三兩下功夫，將蝦切好，仲挑埋蝦腸。d虎蝦大隻不在話下，仲要好新鮮，食到爽口同鮮甜！⭐️美國安格斯肉眼扒🔥Show timeee. 師傅知道我呢到會post Ig 嘅港女會好想捕捉到有火個一幕，所以佢每次都會同客人講一講同熄一熄燈。叫左六成熟嘅牛。⭐️香草三文魚扒🔥煎三文魚扒跟本就冇得輸。又香又甜又脆！⭐️牛肉炒烏冬⭐️日式炒時菜⭐️甜品🍮係紅豆雪糕啊！仲有一粒粒嘅紅豆係入面的！

我是旺角的常客，此間上野鐵板燒專門店是我早已安排好的今晚晚餐。餐廳的枱非常寛敞，能夠一邊食一邊欣賞廚師為客人做晚餐。餐廳有鐵板活龍蝦套餐，及鐵板大蝦套餐...等多款選擇，最後我們選擇了鐵板大蝦套餐。沙律先上的是沙律，有蟹柳條及青瓜絲，再加上沙律醬，酸酸甜甜，為今晚的鐵板晚餐展開序幕。刺身刺身有三文魚及北寄貝，兩款刺身都很新鮮，三文魚切得夠厚身，入口軟滑油香。龍脷柳龍脷柳煎得表皮帶㸃脆，𥚃面肉質嫩滑多汁，牛油令龍脷柳更惹味。老虎大蝦老虎大蝦，廚師將大蝦切成大約一件一口，蝦肉新鮮又爽口。安格斯肉眼安格斯肉眼，可以揀生熟度，我揀了7成熟，廚師將安格斯肉眼切成粒粒的一口牛，啖啖肉，配上蒜片令牛肉更為惹味。炒飯炒飯裡有蛋及蔥花...等，炒飯炒得夠乾身又夠入味，非常可口。日式炒菜有茄子、菇及椰菜，味道清新，茄子軟滑，椰菜非常爽口特別清甜。最後，以一個軟軟滑滑的甜品，為今晚的鐵板晚餐畫上完滿句號。

雖然係香港鐵板燒選擇唔少, 想食平既可以選擇鐵板燒放題, 但嫌質素參差; 想食好少少, 每位人均消費都頗貴。經同事推介, 旺角通菜街側邊巷仔有一間隱世鐵板燒餐廳, 雖然裝修唔係走高檔路線, 但勝在有多款鐵板套餐選擇, 每人平均三百蚊都可以食得飽飽。餐廳內有三個鐵板位, 可以邊食邊近距離欣賞師傅處理鐵板燒過程, 但注意如果想坐鐵板位, 建議先跟餐廳預約安排啊~我地揀左【鐵板帶子皇套餐】HK$528豆腐沙律: 清爽沙律菜加左少少芝麻醬, 味道偏淡, 正好清新一下口腔, 為美味鐵板燒打開味蕾活蜆麵豉湯: 味道濃郁, 但未至於過鹹北寄貝刺身: 雖然是薄切, 但依然爽中帶鮮甜魷魚筒: 原條魷魚大大隻, 熟度剛剛好, 唔會燒得太乾, 口感爽, 魷魚筒切成一個個圈方便入口, 加入了蒜蓉同埋香蔥, 夠哂香口~北海道帶子皇: 帶子大粒又厚身, 師傅將帶子開邊, 表面煎至金黃, 中心位keep到些少刺身口感, 以牛油作調味, 加入了蟹籽增加口感, 帶子鮮甜亦多了一份牛油既鹹香, 惹味~美國安格斯牛: 呢個set焦點絕對係呢款牛! 除左滿足味蕾, 仲滿足埋視覺!可以自選幾成熟, 師傅稍為調暗燈光, 倒上酒精

隱藏於旺角的上野鐵板燒專門店，喺女人街近先達嗰邊。店內有Bar位，可以一邊食，一邊欣賞廚師嘅功架。我地聽店員嘅推介，嗌咗個「鐵板帶子皇套餐（二人前）」。豆腐和風沙律豆腐很滑，也很有豆香！菜葉也是冰涼爽脆的！活蜆雜菇麵豉湯有別於一般濃味的麵豉湯，多了蜆的鮮味和菇的香味，感覺很清新！北寄貝刺身鮮甜爽口，沒有什麼好挑剔的，正！日本原隻魷魚筒調味適當，而且加入了蒜蓉一起炒，又香口又惹味，食到停唔到！北海道帶子皇主角登場！超厚身超大隻，就算橫切一開四都仲有一定嘅厚道！帶子鮮味十足，又肥又甜美，蟹籽提鮮又豐富了口感，推介！美國頂級牛柳牛柳半生熟，肉味香濃，又腍又多汁，想惹味啲多以加啲炸蒜一齊食，別有風味！鐵板配菜份量超多，牛油味很香的！炒飯鐵板燒必備的炒飯，加入了香蔥、洋蔥和蒜蓉等佐料，極度香口，不自覺地會食晒成碗！甜品可以選牛奶布甸或芝麻雪糕，兩款都不會太甜，啱晒我！

聽朋友講旺角女人街有間鐵板燒好好食，於是就同朋友去左試下係咪真。入到去侍應帶左我地坐吧枱，我地都覺得唔錯，因為可以同廚師有互動同溝通。之後係我同朋友揀食咩既時候廚師亦有主動推薦唔同既set，非常抵讚。我同朋友最後揀左鐵板大蝦套餐（二人前）。首先餐廳會上左三文魚，甜蝦刺身，沙律同昆布湯。刺身都幾新鮮，食落鮮甜。沙律，昆布湯就都係平時唔同餐廳既水準，不過不失。之後侍應會執好一盆食材準備比廚師燒，亦會俾食客作準，見到食材都新鮮，亦無偷工減料。第一樣師傅就揀左大蝦做第一樣菜，見到師傅手勢好純熟，三兩下已經將大蝦剝殻同埋煎熟分件上碟。蝦煎得岩岩好，食落非常彈牙，調味恰到好處，一流！第二樣就係龍利，師傅依然處理得好好，個魚燒得岩岩好。用左牛油做底去煎，再配埋胡椒同鹽調味，非常正。之後就到安格斯肉眼，塊扒既size係大約8oz多小小，師傅煎前會問熟度，我地order5成，師傅都掌控得好好。我另外再問師傅拎生蒜都好願意特登幫我炒，好nice。最後就係炒烏冬同埋炒野菜。烏冬有少少牛肉碎，係用日式醬汁炒成，都唔錯。炒野菜都好好食，菜係用椰菜，爽口惹味。甜品就揀左芝麻雪糕同雞蛋布甸，兩樣都係正常水準，不過本

放工和朋友去完女人街買野就去附近搵野食醫肚。見到間上野鐵板燒專門店可以一邊食一邊睇廚師表演，便入去一試。餐廳提供很多套餐，最後點選了鐵板大蝦套餐。侍應先奉上沙律及刺身，沙津主要用生菜配上蟹柳條及青瓜絲，再加上沙律醬，挺開胃的。而刺身則有三文魚及北寄貝，兩款刺身都很新鮮，又夠厚身，如果有多幾塊就好🙈吃完頭盤廚師也同時將龍脷柳奉上。龍脷柳煎得剛好熟，表皮很脆而入面則還保持魚的質感及鮮味，加上有牛油調味，每一口魚都十分惹味。我們一邊吃的同時也開始留意廚師為我們煮下一道菜— 老虎大蝦。隻見廚師很熟練地用兩把剷將大蝦的頭和身分開，再把蝦身切成數份，轉眼間又將大蝦奉在我們面前。大蝦很新鮮，而火喉也控制得很好，不會煮得太老，吃時也感覺肉質很爽口彈牙。接著的安格斯肉眼我們要7成熟。雖然肉眼不太厚，看似平平無奇，但牛的味道卻很突出，配上蒜片吃更令牛的味道再提升。連吃三款肉後就到炒飯，隻見廚師炒好蛋就再炒飯，把每粒飯都炒得很乾身，再配上不同的配料，美味的炒飯就在眼前。炒飯不但粒粒乾身，而且鹹度適中，又不太油膩。而最後的日式炒菜則有茄子、菇及椰菜，簡簡單單清新爽口，吃了那麼多肉真的要吃些菜呢！吃埋甜品，大家