上野鐵板燒專門店

營業中

休息中

放左工同朋友去左旺角行街街買野～行到累了 就去左通菜街搵下有咩好食～ 見到間鐵板燒感覺都幾似模似樣 咁我同個朋友就入去試下啦～～～入到去店員安排我地坐喺師傅正前方，我地一路食一路就可以望住佢 (仲要係靚女) 安頓好 店員就推介了鐵板餐，我們揀左鐵板帶子皇套餐。餐內包括埋前菜，刺身，湯，甜品等，足足有九道之多。除了上述所提及的還包括有帶子皇，魷魚筒，牛柳，炒野菜，炒烏冬等。這裡用料好新鮮帶子鮮甜肉厚，經過巧手處理，令其鮮甜味更上一層樓～ 跟住魷魚筒燒得好香 啖啖彈牙飽滿喺整牛柳既時候 佢好每次都會上演一幕大火燒景致！ 燒既時候 全店燈光會較暗 一上鐵板 嘩 火燭一樣🔥 牛肉肉質鮮嫩 一啲都唔韌雜菜和炒烏冬，份量頗大，烏冬加入三文魚來炒製，多了一份魚油的香味充斥在烏冬中。總結這餐是令我們感到滿足，又充滿驚喜，眼球上亦很滿足，尤其在燒製牛柳上，廚師帶了一點點的表演給我們，所以鐵板燒除了味覺享受，視覺亦能飽足一番。而店內服務也恰當，廚師會按照我們的進度來配合烹調的時間。是非常貼心的表現。