上野鐵板燒專門店

營業中

休息中

旺角除左食店數量多之外，佢地食店嘅種類都好多。好多時喺中環、銅鑼灣要過千per head食嘅野，你會平一半價錢喺旺角搵到。而呢晚我就同朋友試左呢間旺角通菜街嘅鐵板燒餐廳。我地揀左$667嘅二人餐，有活鮑魚、銀雪魚等海鮮。我最中意係銀雪魚。銀雪魚本身魚肉雪白，肉質超超超嫩滑。而經過鐵板燒後，雖然水份蒸發左啲，但銀肉食落依然有啲juicy，而且皮燒到脆卜卜，正！燒安格斯牛同我想像嘅一大塊angus steak唔同，但牛肉卷嘅做法都唔錯，而且牛肉中間夾住蒜粒、蔥等材料，食落幾惹味。最後，呢個餐仲有炒飯、炒雜菜同甜品（芝麻雪糕/牛奶布甸），咁嘅價錢真係抵到爆！