上野鐵板燒專門店

營業中

休息中

日本菜雖然成日食，但日式鐵板燒就比較少，前幾日咁啱同朋友去開旺角行街，經過女人街呢間鐵板燒餐廳，就決定試一試佢啦。我地叫左個鐵板大蝦套餐，價錢中等但共總有成10樣野食，食到我地兩個都好滿足。先有木魚絲蟹子沙律同埋麵豉湯，之後就到雙色刺身啦，雙色刺身包括左三文魚同埋甜蝦刺身，兩款都好新鮮，而且三文魚仲要係厚切，令到口感變到更加豐富。老虎大蝦係我最欣賞既一道菜，大蝦一食已經知道好新鮮，好爽甜之餘，最抵讚嘅係，師傅會喺鐵板上面用佢純熟嘅刀工幫食客拆曬啲蝦殼，所以我哋可以啖啖肉咁，好方便就進食到。美國安格斯肉眼扒呢份牛扒份量亦都好大，我哋當日叫左五成熟，但師傅係鐵板上煎完之後，五成熟嘅牛扒熟都係啱啱好，好有口感之餘亦都唔會帶有血水，食嘢比較重口味嘅朋友仔更可以加上師傅為你準備嘅生蒜或者炸蒜。香草龍脷柳既調味調得岩岩好，而且煎到表面帶少少脆，口感好好。而牛肉炒烏冬同日式炒時菜加既醬汁都令到碟野更惹味。最後甜品我地就分別要左黑芝麻雪糕同埋雞蛋布丁，雪糕既芝麻味好濃好香，而布丁口感都好滑。