三日月

營業中

休息中

今年既生日飯，黎試下三日月。係假日既晏晝去食，除左包間，都滿坐，所以要食既吃貨們要提前訂位啦。*日本赤鮑魚鵝肝和牛二人前套餐*～前菜有三道，最特別係煙燻雞肉刺身，第一次食雞肉刺身，口感煙韌，十分特別。～生蠔有手掌咁大隻，非常鮮甜，應該係近呢幾年食過最好食嘅生蠔！同黑門市場有得比！～日本赤鮑魚鮑魚非常新鮮，口感係爽口，但係個醬有少少偏鹹。～香煎鵝肝入口即溶，鵝油非常之香，配埋鐵板燒蔬菜，唔會太油膩。～A5宮崎和牛牛味濃郁，油脂豐富，好彩份量唔大，唔係嘅話會好油膩。～鐵板燒炒飯好香櫻花蝦味，食到一半，加入茶，變成茶漬飯，又係另一番風味。整體嚟講，價錢雖然有啲貴，但係質素係對得起個價錢嘅，所以性價比高。但係因為唔係坐卡位，所以就會少咗一種食鐵板燒嘅感覺。

今日同朋友過咗嚟尖沙咀度行街，冇得去日本，梗係想喺香港搵吓啲日本嘅好嘢食啦，俾我哋發現咗依間高質嘅鐵板燒餐廳😛✌🏻 聽朋友講呢間餐廳好出名，成日都full booking，所以有興趣食嘅朋友記得早啲訂枱啦！呢度除咗服務質素好好之外，嘢食都好高質，每一道菜都煮得好細心，睇得出廚師嘅功力🥳海葡萄沙律🥗配刺身首先離做一個沙律，沙律嘅味道好fresh，清新開胃又健康，重點係個刺身味道超級鮮甜💓鮮活南非鮑魚另一樣嘅必食推介，同平時鮑魚唔同嘅係依度嘅鮑魚口感好豐富，而且好彈牙，加上因為係鮮活直送過嚟，所以味道好鮮🥳龍蝦🦞味噌湯，仲可以撈住鐵板櫻花蝦茶漬炒飯一齊食😚最後梗係食返個甜品啦，今日嘅甜品係抹茶雪糕🍦加左啲燕麥碎碎，食落去更加有口感同埋層次💗👍🏻

經過兩年多疫情的影響，好多店舖都無奈結業😥難得這間逆境重生的‘三日月’開幕，一於要嚟支持下豪食一餐。A5宮崎和牛龍蝦鮑魚二人套餐👍🏻首先上的前菜一點也不馬虎，刺身有牡丹蝦帶子拖羅，生蠔大隻又爽甜。主菜的鮑魚淋滑。而那個龍蝦配上那道鮮味的醬汁簡直連碟都想食埋….非常惹味👍🏻另外再上的和牛不單油脂丰富配上不同的醬汁又有不同的口感和風味，配埋那些香烤的蒜片和雜菜簡直唔停得口😋非常滿足！飲埋個龍蝦湯再加埋個櫻花蝦炒飯，最後配埋茶漬飯，簡直Full House💓✌🏻點都唔少得要有一個甜品作為完美句號啦🍧在這艱難的時刻睇得出廚師對食物的認真和用心！服務員對客人的細心和熱誠！希望大家繼續堅持✊這餐廳直得支持💪🏻下次和朋友來再食👍🏻

三日月係日式鐵板燒店，由日藉師傅席前主理，出品質素好好！可以近距離欣賞師傅烹調手藝嘅Bar枱坐位數量不多，一早已經full booking，建議大家提早訂坐！希望下次有機會欣賞師傳嘅席前表演！日本赤鮑魚鵝肝和牛二人前套餐 $2,280前菜三小點包括有煙燻雞肉刺身、茄子及味噌豆腐，令人開胃！第一次食煙燻雞肉刺身，帶淡淡煙燻味，口感爽嫩，有驚喜！極上刺身包括有帶子、油甘魚、牡丹蝦 及 拖羅！帶子 清甜嫩滑！油甘魚 爽口鮮甜！牡丹蝦 大大隻，鮮美軟糯！拖羅 富天然魚油甘香，有入口即溶之感！海葡萄沙律海葡萄質感爽脆，帶少少海水咸味，令整個沙律更開胃！季節時令生蠔今次係北海道嘅厚岸町生蠔， 蠔身夠晒巨型，肉身厚肥，口感creamy，甘甜鮮味突出，配上辣蘿蔔蓉 及 酸汁，令人一試難忘！鮮活日本赤飽魚日本赤飽魚味道鮮甜，口感軟淋中帶少許爽彈，再配上昆布一齊食，帶有海水天然咸味，好味道！茶碗蒸蒸蛋好嫩滑，有入口即化之感，加上蟹肉及三文魚籽等，增添不少鮮美！香煎鵝肝 及 鐵板燒日本蔬菜鵝肝大大件，外層煎至金黃香脆，中間嫩滑，充滿油香，餘韻在口腔內久久不散，令人回味無窮！將蔬菜點少少鵝肝油同吃，滋味倍增！

真係唔知經過幾耐都已經冇食過好嘢每日同老公都係喺屋企煮飯仔所以今晚就出街試下一啲新嘢而且仲要係要特別啲嘅所以老公就選擇咗今晚食鐵板燒去到尖沙咀之後上咗樓上鋪就簡直好似去咗日本嘅居酒屋咁而且仲非常之咁好服務同埋好feel坐喺鐵板燒爐枱上面廚師為我們介紹咗餐單之後我哋就選擇左這一款$2千多元啲嘅鐵板套餐好多野食好抵食 第一樣 上嘅就係前菜前菜有三款包括呢個炸蟹仔味噌茄子同埋柚子雞肉刺身估唔到作為川菜佢嘅水準都非常之咁高味噌茄子非常之咁濃郁茄子入味之餘仲唔會過分油膩二雞肉刺身清新嘅味道再加上雞肉嘅濃郁程度非常之咁夾而新鮮嘅蟹仔炸起上嚟都非常之咁好食之後就係海葡萄沙律用上了黑醋汁再配上了新鮮嘅海葡萄海葡萄簡直好似脆卜卜嘅魚子咁再加上了蕃茄同埋沙律菜簡直令人非常之咁開胃到了細三道菜估唔到竟然就已經係一款清酒煮鮑魚廚師喺我哋面前用上芭蕉葉加上喜馬拉雅山粉紅色鹽為鮑魚煙燻，再為隻鮑魚解體再用上了群大賽放底加上了清酒煮了這隻非常之咁大隻嘅鮑魚再為佢切成薄片再臨上了鮑魚汁非常之咁好食鮑魚煮得非常之咁好唔會過分腦仲保持到爽口嘅感覺非常之咁旦啦而且下便嘅群大賽再吸收晒鮑魚嘅味道令人食指大動而且之後便上了一款

今日同阿媽慶祝母親節，上OpenRice book枱，打埋要坐吧枱，餐廳都有幫我哋安排到，非常好一坐低都有唔同嘅套餐選擇，揀咗一個有鵝肝，大蝦，A4和牛等等既套餐，都係八百幾蚊一位十分抵食。最精彩係個大蝦，用蝦膏造成嘅醬汁，好好味！A4和牛入面包住一堆本菇，仲有炸到好脆既蒜片可以夾住食！！因為order左薄切，所以唔太油膩下次有其他節日,諗唔到去邊,都會考慮來返呢一間,試吓佢其他套餐。值得一提嘅係，我地今次既主廚喺日本師傅

自從第五波疫情之後都冇食過好嘢所以啱啱經過左解禁之後開返晒所有糖食所以就即刻約晒朋友出去試食好嘢今日行油站預約咗呢一間餐廳食鐵板燒去到尖沙咀鐵板燒嘅餐廳多數成行成市但係朋友話呢間係非常之咁開心又舒服唔使仲有表演睇所以就即管來試一試一坐低就嚟咗前菜三味包括有有柚子雞肉刺身炸茄子同埋炸蟹仔之前喺沖繩都食過雞肉刺身喺香港真係第一次試呢度係比較細細班細細件而且仲合埋柚子嘅味道非常之咁清新炸茄子亦都非常甘入味再加埋味噌嘅味道非常出色炸蟹仔就10分鮮味好似我哋平時食嘅小食咁海葡萄沙律海葡萄就10分新鮮10分隨口再配合沙律醬非常之咁開胃黑醋汁配日本燒汁再加上了鐵板燒鵝肝鵝肝處理得非常之好唔會有蘇媚之餘仲非常之咁濃郁再加上黑醋汁完全化解晒嗰種油膩咁之後主菜就係和牛薄燒A四嘅黃牛片入面見到佢哋嘅牛乳油分布非常之咁充足而且入面再包上了香蔥同埋菇類非常之咁爽口仲有菇嘅味道外邊就係有濃郁嘅牛油牛肉包着非常之咁出色銀魚乾櫻花蝦木魚絲炒成嘅炒飯所以佢嘅鹹鮮味道非常之咁濃郁而且炒飯炒得非常之咁乾身食到一半嘅時候再可以加入雞湯變成泡飯日食兩味非常之咁開心最後甜品就係抹茶雪糕令到今餐畫上了完美句號

放監呢兩個字好似唔係咁好聽，但係咁耐冇出嚟食飯真係有呢一個感覺，哈哈。而且呢餐甘正，食完之後真係好開心，好滿足。頭盤先嚟一個三小碟。有絹頭腐，醬茄子同煙燻雞肉。呢個煙燻雞肉真係十分之特別，喺出面完全冇食過，佢係用生嘅雞肉煙燻，聽落好似比較奇怪，但係食落去味道十分之好，好鮮味，口感好特別，而且師傅嘅刀工十分之好，係雞肉的面𠝹出一層層嘅絲，令雞肉更易入味，一定要試吓。之後就有吞拿魚沙律，味道酸酸甜甜，為將要食嘅主菜打開序幕。三色刺身有甜蝦，油甘魚同埋吞拿魚，甜蝦雖然唔係好大隻，但係佢嘅味道十分之鮮甜，有種留香嘅口感。到食主菜嘅時候，首先就係食呢一個阿拉斯加銀鱈魚，食日本菜銀鱈魚係我必叫嘅食品，呢度食嘅銀鱈魚同一般出邊用咗西京汁整嘅銀鱈魚唔同，佢只係用咗少少嘅胡椒，鹽，同埋自家製嘅汁嚟調味，所以除了提升味道外，鱈魚嘅味道可以完全咁保留住。之後就係帝王虎蝦，未食見到咁大隻虎蝦已經流晒口水 一路睇師傅整發現師傅嘅手藝非常之好，慢慢用工具將蝦分開，然後將蝦頭嘅蝦膏取出製作汁料，最後淋在大蝦上面，整到菜蝦味十足。到咗我最鍾意食嘅鵝肝出場 ，鵝肝嘅厚度非常之厚，並唔係出邊嘅紙甘薄，煎完之後都完全無縮水

工作咁辛苦，美食就成為咗我返工嘅動力💪🏻今次再返嚟三日月食嘢，上次只能夠食個quick lunch，適逢假日就可以慢慢坐底嘆返個鐵板燒😌望住師傅料理嘅過程好似睇緊表演咁，視覺味覺同時享受到，我同朋友都幾enjoy😼• 三日月極上一人前鐵板餐 $798精緻嘅前菜包括煙燻雞肉刺身、茄子漬物同螢光魷魚。突破心理關口初嘗雞肉刺身，其實冇想像中難接受，口感同味道都有啲似煙三文魚咁。螢光魷魚醃得入味，鹹鹹香香，略嫌有些微腥味😗沙律菜放上沖繩特產海葡萄，多份脆卜卜嘅口感。時令生蠔非常巨型飽滿，一啖食唔晒要分兩啖🤣，海水味較淡身，餘韻超鮮甜，大大隻特別滿足！刺身三點有油甘魚、中拖羅同牡丹蝦，一貫新鮮高質素貨色🧡食完豐富嘅前菜先啱啱到重頭戲！師傅用咗大量牛油將北海道帆立貝煎香，烹煮期間已經聞到陣陣香味喇🤤帆立貝外層微脆而裡面保持半生嘅彈牙口感，生熟度啱啱好，牛油香味加上帆立貝自身嘅鮮甜令人意猶未盡，舖墊喺底部嘅菠菜亦都吸收到香味，成件事好正😚！二選一嘅海鮮則同朋友各選一款Share嚟食。師傅將深海野生白鱈魚嘅魚皮片起再另外煎香，令魚片好似薯片咁脆，魚肉嘅部分亦柔嫩得令人驚喜。帝王虎蝦蝦肉新鮮爽口，師傅更

尖沙咀嘅三日月係日式高級鐵板燒店，由日藉鐵板師傅主理，晚市堂食重開之後都幾旺場，有得望住師傳表演嘅Bar位一早就Book滿晒，坐Table位靜靜地欣賞下街景，個feel都唔錯！日本赤鮑魚鵝肝和牛二人前套餐 $2,280前菜煙燻雞肉刺身 - 淡淡嘅煙燻味，帶少少爽口，都幾清新！茄子 - 茄子軟綿，索滿上湯！味噌豆腐 - 咸香度頗高，食完啲味蕾醒晒！極上刺身帶子 - 頗為鮮甜清新！油甘魚 - 鮮美可口嘅魚味同埋油脂，營養仲好豐富！牡丹蝦 - 軟糯甘甜，Size巨大！拖羅 - 脂肪比例極高，用舌頭輕輕一頂已溶化，油香滿分！海葡萄沙律加入沖繩特產海葡萄嘅沙律，特別Fresh！季節時令生蠔來自北海道厚岸町嘅生蠔， 蠔身厚肥，海水味淡，以酸汁同埋辣蘿蔔蓉襯托，相當滋味！鮮活日本赤飽魚巨型嘅日本赤飽魚，浸煮過再製成冷盤，做到肉身軟腍，邊位爽脆嘅雙重口感，加埋海帶同昆布帶來嘅鮮味，真係鮮上加鮮！茶碗蒸蛋極滑溜，帶蟹嘅鮮味，唔錯！鐵板燒日本蔬菜香煎鵝肝厚身嘅鵝肝煎至外脆內嫩，勁爆多汁，甘香美味而且餘韻長，大滿足！蔬菜煎得頗為香口，索少少鵝肝嘅肥油同食，滋味無窮！A4鹿兒島和牛薄燒卷師傅嘅調味拿捏得好精準

朋友生日, 知佢好鐘意食鐵板燒, 但因為疫情D幾個月少左收入, 想可以平D埋到單好彩有另一位朋友介紹, 話尖沙咀三日月性價比好高, 就BOOK D間先餐廳係以木系無印風既裝修為主, 令食客覺得舒服我地叫左$798 promotion 和牛餐, 師父好快就拎D食材比我地睇啦, 好靚!!! 令我地食得放心前菜有四款:刺身: 超級新鮮, 油甘魚真係好味到有今生無來世, 而赤身&蝦都好正!海葡萄沙律: 海葡萄少少既咸味更來帶出沙律菜既清新!三小點: 整體都好開胃, 最特別係雞肉刺身, 同熟既完全唔同口感, 但都好好味茶碗蒸: 得岩岩好, 唔會過熟, 保持嫩滑, 而且有唔少料增加味道&口感香煎鵝肝X日本野菜: 鵝肝煎到外脆內軟, D肝既脂味滲出口中, 超級香口, 配上黑醋真係perfect match。而D野菜雖然係鵝肝隔離似係伴碟ONLY, 但味道好日本, 之係好甜呀!帝王虎蝦: 朋友都話食咁多次鐵板燒, 第一次見到成隻蝦拼返晒出黎, 令人驚喜, 而且蝦肉好爽口, 加上蝦膏煮成既汁, 一口一啖, 諗起都想再去食過阿拉斯加銀鱈魚: 銀鱈魚煮得岩岩好, 好嫩滑, 而且魚皮係拆出黎再煎脆, 勁香口,

好耐都冇出街食啦, 所以一可以出街食, 就想揀D根本冇可能外賣既野食, 其中鐵板燒就係其中一樣最想食既野, 友人介紹係TST有問$798可能食晚餐鐵板燒的,所以就好快BOOK左位去食啦 D間三日月係TST B2出口行幾步就到, 好方便入到去覺得環境好好, 因為我地有訂到枱, 所以可以坐係BAR枱, 食鐵板燒一定要睇住師父煮先開心依架出街食始終有少少怕肺腅既, 三日月就放左好多部呢隻空氣清新機, 令我地都食得特別放心前菜三小點分別有螢光魷魚, 矮瓜同埋雞肉刺身, 都係D好開胃既前菜, 而其中螢光魷魚同雞肉刺身都幾特別, 螢光魷魚幾鮮甜, 而雞肉刺身都幾嫩滑, 唔會有怪味刺身刺身分別有牡丹蝦, 吞拿魚&油甘魚, 好新鮮, 完全冇腥味, 我最鐘意就係吞拿魚, 完全冇渣, 口感好好海葡萄沙律D度既海葡萄唔似係沖繩食到果D咁咸, 而係帶有清新既感覺, 配合其他好新鮮既沙律菜, 口感提升度大大增加茶碗蒸無比既嫩滑, 係自己屋企永遠都蒸唔出, 而且同蛋蒸既唔係水, 而係好好味既高汁, 令到味道層次提昇鐵板燒日本野菜+香煎鵝肝野菜係有南瓜, 露荀, 冬菇, 蓮藕, 係鐵板既熱力力逼下, 令到菜既汁液都

21/4晚就有堂食啦，呢段日子可能你會好驚堂食，但應該也有不少朋友唔會驚，會繼續出去食，由求係有好多飲食優惠的餐廳。三日月又係其中一間有做late lunch同early dinner的餐廳，一人前鐵板餐，有齊鵝肝、帝王虎蝦、宮崎和牛，大部分的貴價食材，基本上食完唔駛食晚飯。不如就睇下有乜，前菜三小點，當中雞刺身係重點，無諗過係呢到食到，沒有大調味，只係簡單的檸檬調味，但都吃到其精彩。豆腐同茄子，相對自然不造作，一定要鮮食計時三，如果唔係個味道會完全唔同。刺身三點，赤身、甜蝦同油甘魚，最愛就係油甘魚，油香一流，赤身你睇過色彩都知唔會差得去邊，最普通就一定係甜蝦。我個人唔特別愛海葡萄，但呢個海葡萄沙律做得特別好，因為海葡萄選得靚，不會死鹹而吃不到其和沙律混合起來的層次。茶碗蒸簡單同食到餐廳的真功夫，入面有多種蝦肉，配菜，食落口感豐盛，滿足。師傅上場，同平時一樣，先上碟俾你睇當日食嘅嘢，當然宮崎和牛、鵝肝、帝王虎蝦，野菜、阿拉斯加銀鱈魚全部在位，你見呢個陳容，講真個價錢真係幾震撼。先上阿拉斯加銀鱈魚，師傅個汁係重點，銀鱈魚嘅滑同埋軟綿綿，係令人吃得感動的，可惜這天下午無得飲酒，唔係送杯白酒

老細請食飯梗係揀間好啲嘅餐廳啦你都尖沙咀嘅呢間三日月鐵板燒 餐廳有師傅喺面前親自主理 非常高級首先有三款前菜 麻醬味增絹豆腐 柚子汁茄子 經過煙燻嘅雞肉刺身海葡萄柚子醋沙律 海葡萄脆卜卜好得意牡丹蝦 油甘魚 赤身茶碗蒸 蛋香味濃沃 十分滑溜帝王虎蝦 好巨型呀大過我前臂咁長 醬汁係用咗蝦頭膏同牛油去做非常香濃 肉質彈牙 鮮味十足阿拉斯加銀鱈魚 火喉控制得啱啱好夠滑溜勁正嘅厚切鵝肝 配上黑醋汁一啲都唔油膩A5宮崎和牛 今日嘅重頭戲用咗西冷去做 五成熟仲係粉紅色 油花分佈均勻 極香牛油味炒飯用左 櫻花蝦 白飯魚 日本酸梅 份量都幾大 加埋鰹魚高湯做茶漬飯雲呢拿雪糕配草莓脆脆