影片
更多
2022-05-14
26 瀏覽
工作咁辛苦，美食就成為咗我返工嘅動力💪🏻今次再返嚟三日月食嘢，上次只能夠食個quick lunch，適逢假日就可以慢慢坐底嘆返個鐵板燒😌望住師傅料理嘅過程好似睇緊表演咁，視覺味覺同時享受到，我同朋友都幾enjoy😼• 三日月極上一人前鐵板餐 $798精緻嘅前菜包括煙燻雞肉刺身、茄子漬物同螢光魷魚。突破心理關口初嘗雞肉刺身，其實冇想像中難接受，口感同味道都有啲似煙三文魚咁。螢光魷魚醃得入味，鹹鹹香香，略嫌有些微腥味😗沙律菜放上沖繩特產海葡萄，多份脆卜卜嘅口感。時令生蠔非常巨型飽滿，一啖食唔晒要分兩啖🤣，海水味較淡身，餘韻超鮮甜，大大隻特別滿足！刺身三點有油甘魚、中拖羅同牡丹蝦，一貫新鮮高質素貨色🧡食完豐富嘅前菜先啱啱到重頭戲！師傅用咗大量牛油將北海道帆立貝煎香，烹煮期間已經聞到陣陣香味喇🤤帆立貝外層微脆而裡面保持半生嘅彈牙口感，生熟度啱啱好，牛油香味加上帆立貝自身嘅鮮甜令人意猶未盡，舖墊喺底部嘅菠菜亦都吸收到香味，成件事好正😚！二選一嘅海鮮則同朋友各選一款Share嚟食。師傅將深海野生白鱈魚嘅魚皮片起再另外煎香，令魚片好似薯片咁脆，魚肉嘅部分亦柔嫩得令人驚喜。帝王虎蝦蝦肉新鮮爽口，師傅更
今次再返嚟三日月食嘢，上次只能夠食個quick lunch，適逢假日就可以慢慢坐底嘆返個鐵板燒😌望住師傅料理嘅過程好似睇緊表演咁，視覺味覺同時享受到，我同朋友都幾enjoy😼
• 三日月極上一人前鐵板餐 $798
精緻嘅前菜包括煙燻雞肉刺身、茄子漬物同螢光魷魚。突破心理關口初嘗雞肉刺身，其實冇想像中難接受，口感同味道都有啲似煙三文魚咁。螢光魷魚醃得入味，鹹鹹香香，略嫌有些微腥味😗
沙律菜放上沖繩特產海葡萄，多份脆卜卜嘅口感。時令生蠔非常巨型飽滿，一啖食唔晒要分兩啖🤣，海水味較淡身，餘韻超鮮甜，大大隻特別滿足！刺身三點有油甘魚、中拖羅同牡丹蝦，一貫新鮮高質素貨色🧡
食完豐富嘅前菜先啱啱到重頭戲！師傅用咗大量牛油將北海道帆立貝煎香，烹煮期間已經聞到陣陣香味喇🤤帆立貝外層微脆而裡面保持半生嘅彈牙口感，生熟度啱啱好，牛油香味加上帆立貝自身嘅鮮甜令人意猶未盡，舖墊喺底部嘅菠菜亦都吸收到香味，成件事好正😚！
二選一嘅海鮮則同朋友各選一款Share嚟食。師傅將深海野生白鱈魚嘅魚皮片起再另外煎香，令魚片好似薯片咁脆，魚肉嘅部分亦柔嫩得令人驚喜。帝王虎蝦蝦肉新鮮爽口，師傅更將蝦膏喺鐵板上煮成香濃醬汁，不得不佩服師傅嘅功架😳
肉類方面揀咗美國安格斯牛柳同和牛封門柳兩款牛，個人鐘意和牛封門柳多啲，肉質比起牛柳細緻，另外我亦都鐘意佢有唔少嘅蔬菜伴碟，梅花間竹咁食冇咁膩😌
最後仲有個用咗銀魚、櫻花蝦同酸梅去炒嘅鐵板炒飯，師傅提到落酸梅嘅用意係為咗降低膩感，會開胃一啲。附上茶湯加落飯到就會變成茶漬飯，不過我覺得咁樣食冇咁香，變咗普通泡飯咁。是日甜品為紅豆雪糕，同上次一樣正常發揮🥰
張貼
