一鳴屋台料理

營業中

休息中

一鳴！驚人！今日係上水搵野食,細個果陣老豆尼上水都會帶去上海小館食嘢👦🏻👶🏻👩🏻所以你都熟熟地馬會道嗰邊 今日經過見到有間新開嘅一鳴🤓門口裝修幾靚幾新淨所以入去試一試個拉麵 小弟比較鍾意食拉麵👀🙈裏面整齊企理 裝修都幾有日本feel作為拉麵迷二話不說叫咗個黑蒜叉燒太麺（拉麵嘅一種）😼我跟套餐飲青檸青蘋果梳打+4件炸雞 以及辛口芽菜拉麵自選湯底有四種 一鳴 黑蒜 赤辛 香菜麵菜 軟 中 硬自決成碗就似<黑海>勁多黑蒜油🤪正！叉燒肥瘦合宜 呢個係題外話 每張枱上面都有五種調味配料分別有干蒜 拉麵胡椒 七味粉 炒香左嘅白芝麻 同埋拉麵辣油👏🏻好欣賞呢點 🙌🏼落重本 調味配料都唔hea你 甘個主菜都唔會差得去邊 青檸青蘋果梳打酸酸甜甜幾開胃 特別想講一講個炸雞 最好食我認為！😋😋加個套戲感覺都加得抵 仲有一小碗嘅芽菜 辛口但唔會好辣 幾特別會番轉頭再試下其他野🤭

去開龍琛路體育館，見呢間拉麵店都幾多人食，就去試下。座位都幾闊落，檯面一早已經放咗張點餐紙。今日嘅限定口味係墨魚汁黑松露豬骨湯($88)，都幾吸引，不過我哋第一次嚟，就試吓啲恆常口味先啦我哋兩個人點咗一碗香菜拉麵、一碗黑蒜拉麵同埋一份小食。芝士明太子玉子燒玉子燒口感軟熟，蛋味澎湃，同香濃嘅芝士+鹹鹹地嘅明太子醬好夾，邪惡美味香菜拉麵拉麵揀咗細麵，香菜即係芫茜，咁特別嘅湯底梗係要試吓！嚟到果然冇令我哋失望，芫茜味香得嚟唔over，芫茜控必點呢款湯底！！豬軟骨好正！軟腍入味，食完好想再追加黑蒜拉麵黑蒜好香，拉麵揀咗太麵，口感彈牙，掛滿黑蒜湯汁，非常香濃；我自己慣咗濃味嘅湯底就配粗身啲嘅麵，清淡啲嘅就配幼身啲嘅麵，今次黑蒜湯底配太麵，濃而不膩，唔錯！叉燒都好食，帶點微焦，加分！

聽聞一鳴嘅芫茜拉麵好食，梗係要嚟試吓～有五款湯底（豬骨／黑蒜／赤辛／香菜／限定：墨魚汁黑松露豬骨湯）可以揀，我哋分別揀咗黑蒜同香菜湯底，再追加咗份玉子燒。黑蒜／太麵／少唐辛醬　$78湯底黑蒜香撲鼻，加埋少少唐辛醬，香而不嗆；太麵唔算好粗，幾有咬口，帶有蛋味；配料我揀咗叉燒，肥瘦適中；隻溏心蛋醃得好好食，個黃少少流心，蛋黃味濃郁香菜／細麵／少唐辛醬　$78有驚喜！超香芫茜味，非常清新幼身嘅細麵掛湯力高，同口味清新嘅湯底非常之夾，唔會有油膩感；豬軟骨好腍好入味，個人認為比叉燒更好食。芝士明太子玉子燒　$88拉絲芝士玉子燒燒得啱啱好，香軟又厚身，明太子鹹味突出，好好味好滿足。

❤️北區街坊有食神啦😋😋😋大埔人氣拉麵店🍜 #一鳴屋台料理 開到黎上水啦😍🎉我真的很興奮🥳放工去食好多人等位😳不過好食就唔怕等！🍜🍜🍜🍜🍜#赤辛秘製地獄醬 🔥辣得過癮🔥#豬軟骨 🐷好軟好入味, 正！！！✨#一鳴豬骨濃湯 招牌湯底夠香濃😋唔覺意飲咗半碗湯😝#芝士明太子玉子燒 🌟人氣推介夠滑又有拉絲, 仲好大份添💛💛💛🍜🍜🍜🍜🍜💁🏻‍♀️試業期間職員雖然好忙碌但係態度友善, 上菜都好快手😊抵讚除咗拉麵仲有好多款串燒和小食等我下次再去試先😍😍😍要試埋我最愛嘅芫荽湯底💚💚💚😝✨

今日午餐去左一鳴屋台料理，之前都有食過大埔分店，性價比高得黎又幾好食。今次就去左上水呢間，鋪頭由門面到鋪裏面都好日式拉麵店嘅方法，離遠就認得到。餐廳乾淨，位之間有距離，卡位私隱度高。枱上面有哂水杯，餐具，凍檸檬水。午市拉麵一款$70,拉麵黎講算係幾平。我就加$20叫左餐連烏龍茶，加4隻餃子。叉燒拉麵湯底要香菜，係芫茜醬加落豬骨湯底，加埋秘製豬軟骨，同埋味荀。湯底望落係超級濃，飲落就係清新嘅芫茜味，豬骨湯味都幾出，仲有好香嘅麻油味，叉燒嘅份量都幾多，有四五片左右，厚度啱啱好，叉燒肥瘦適中。秘製豬軟骨就有兩大件，食落有咬口，軟骨嘅部份都好易咬開，調味唔會過鹹，好食！溏心蛋，木耳絲味道正常，不錯。而麵要左軟身，不過都仲keep到有咬口。味荀係淡淡豉油加麻油香，食落爽口，唔會太老或者乾，$10嘅份量黎講都幾多，抵食而且可口。面餃子有驚喜，食落好脆，新鮮整好，裏面肉餡同菜帶微甜嘅調味。整體好夾，係好食嘅日式餃子。烏龍茶味道正常，都幾香濃。呢區拉麵店唔多，午市天係抵食又好味，絕對可以食多幾次~

今日天氣好好☀️，試下沿住條單車徑去上水，跟住就係附近搵食醫肚。見到呢間拉麵店嘅門面幾靚，午市又免收加一，就入去試下。拉麵 $70🔸香菜湯底：清新芫荽醬混入豬骨湯，香口濃郁，配埋多細蔥、少少唐辛醬🌶️，整體係幾豐富嘅配搭。🔸配料🔅叉燒：有兩片，唔會有太多肥膏，肉質香嫩有咬口。🔅豬軟骨 +$20：大力推薦呢個❗️份量多，豬軟骨嘅醬汁整得幾入味，肉質鮮嫩可口，軟骨部位好好咬，非常Q彈。🔸麵條：我揀咗普通硬度嘅太麵，麵質會較細麵更為煙韌彈牙。如果想掛汁啲嘅話，就可以揀細麵。🥟 餃子x4免費送嘅小食，質素唔錯👍🏻 外層炸得酥脆，內裡嘅豬肉餡肥美多汁。🍏 青檸青蘋果梳打（走冰）+$30有得走冰，而且仲斟到滿一滿，呢一點確實佛心👍🏻 味道方面都幾有驚喜，清甜爽口，唔會假甜，仲有個青檸仔添。職員態度好好，上菜又快，唔錯！

今日去完上水搵朋友，朋友同唔到我食，所以就自己去食lunch！呢間舖頭大埔都有，都幫襯過幾次，見佢新開張d lunch set學生既話真係幾抵，所以就黎回味下～我叫左香菜拉麵，因為係芫茜fans！佢個湯係綠色，中係好重芫茜味keep到水準而且仲有好多芫茜係裡面，fans一定好鍾意我叫左細麵，因為鍾意佢幼身D！佢d麵你可以揀淋度，好細心，叫左淋真係超淋而且唔會溶曬咁～仲幾彈牙！佢碗麵好夠份量！跟住我叫埋佢個辣芽菜少少辣可以解到有時拉麵裡面既膩！我加左$30 要個小食同埋野飲！餃子煎得好脆而且金黃色！配個酸酸地既汁好醒胃！餃子餡正常發揮都係肉餡咁樣！西柚soda好解渴，甜甜酸酸，味道剛好唔會超級甜！

是日放假，回上水老媽家做冬，晏晝搵下有乜好食先，路過馬會道見到一間拉麵店，店舖外觀好有日本feel ，啱晒我。店舖寬躺，入到去裝修及擺設更加似日本，坐位有一排是卡座，大約有10個左右，對住煮拉麵既廚房，當然有布簾遮擋少少🤣，就好似日本一樣，另外有十多張其他坐位，坐得非常舒服。Lunch Time 主要食拉麵及小食，枱面已放好一張點餐紙，隨自己喜好選擇食物，拉麵種類配料等等…….一人一張好方便，食拉麵既配料eg : 芝麻，炸蒜，胡椒辣粉，七味粉，辣油應有盡有，乾淨企理，任君選擇。是日午餐一人前👧🏻拉麵我選擇了最傳統既叉燒豬骨濃湯拉麵，貪心鬼的我又想食埋豬軟骨，因為聽聞好出名，所以加錢就可以享用💛🍜▪️一鳴（豬骨濃湯拉麵）$70湯底超濃香呈乳白色，飲落去湯帶少少黏口，好濃郁，可想言之店家落咗幾多豬骨同時間去熬製呢個湯，非常正🐷▪️秘制豬軟骨 $20好彩有加錢食，份量好多，有3大舊，炆得好淋好入味，味道帶甜滷水既濃香，舊軟骨保留了少少咬口，肉既位置好多肉汁，讚👍🏻🐽▫️配料~叉燒傳統日式拉麵叉燒既做法，半肥瘦，煎完再滷，好入味，好好食🥚▫️糖心蛋睇相知道好糖心，入晒味🥦▫️木耳絲拉麵必備佳品，切得幼細

上水呢頭開咗間新嘅居酒屋，佢中午係食拉麵晚上食日料，呢日見到佢中午唔洗等位就入去食。佢嘅拉麵有四款湯底，我地分別叫咗黑蒜同香茜拉麵，仲加咗小食黑蒜湯底一上枱就聞到濃濃的黑蒜味，好濃郁，蒜味撲鼻，加埋叉燒肉浸係當中，直情變咗香蒜叉燒味。叉燒肥瘦適中，少少微焦，恰恰好吃😋香茜湯底係一大遍碎香茜係湯底當中，成碗麵麵係綠色，超治癒。我揀咗豬軟骨，佢嘅豬軟骨好鬆軟，肉質好腍好入味。值得一讚係佢嘅溏心蛋，好香好甜，半生熟有啲醬油味，好想encore加錢要咗餃子同炸雞小食，兩樣麵發揮出色，餃子皮香，炸雞係熱辣辣同埋鎖緊雞汁係入面，真係好回味！

今日同朋友去試下呢間新開既日本餐廳首先入到去見到環境好舒服同乾淨已經好驚喜同朋友慢慢食下野傾係計幾正👍🏻👍🏻👍🏻之後打開餐牌見到有好多選擇同埋啲湯底都幾特別，同普通拉面店唔同睇到湯底有花心思設計☺️跟住我地叫咗兩碗拉麵兩個麵各有特色同埋重點係成個麵都好足料就算係配料都好足我自己就鍾意食豬軟骨所以揀咗佢做餸豬軟骨都超淋超入味！正！朋友就叫咗一碗芫荽麵雖然我平時唔係好識芫荽但見佢食得咁好味所以都試咗兩啖發現原來唔係咁難入口因為平時好驚芫荽味好重但係呢個面嘅芫荽味唔算好濃烈所以就算唔鍾意食芫荽嘅人都可以試吓呢個湯底🥰因為其他舖頭都好少見有芫荽湯底，所以值得一試另外我地再叫咗兩杯野飲估唔到呢到既飲品都幾有質素淡淡的薄荷葉香味加埋梳打幾好飲🥰🥰🥰

同朋友係龍琛路體育館做完運動,行咗去附近嘅一鳴屋台料理開餐。呢間日式餐廳開咗冇幾耐,好新淨。實木檯凳,加上木飯碗,播放著日文歌,幾有日本feel。檯上放有日式調味醬料,調出自我口味！🥙一鳴炒雜菜芽菜、蒜心、香菇、椰菜絲等多種蔬菜,簡簡單單鮮嫩爽口,加上薑汁微辣,非常健康!🍝野菜叉燒炒拉麵朋友比較喜歡食香口嘢,佢話呢個炒拉麵好爽幹身,勁多叉燒同蛋絲,仲有椰菜絲、香菇絲,再撒入芝麻粒,多重口感又美味！🍜一鳴豬骨濃湯拉麵湯拉麵有五種口味外,仲可以選擇麵質感、要吾要蔥、辣定走辣,由我話事。我就要咗個豬軟骨、多蔥少辣拉麵,拉麵口感軟中帶煙韌,豬骨湯底够濃,而豬軟骨就好腍,再加埋半個溏心蛋,相當豐富!俩個人食咗三樣嘢,份量都唔少,下次再嚟試下黑蒜湯拉麵先!

琴日同朋友嚟咗上水舊墟呢間叫一鳴嘅拉麵店食晚飯，店舖裝修有日本風味，乾淨企理，仲有卡位，又坐得幾舒服。睇睇佢個餐牌，不得不說佢嘅設計真係好有心，餐牌嘅拉麵同埋食物插圖都係人手繪畫再印出嚟，可愛嘅卡通食物插圖令人嘅食慾大增。店舖除咗拉麵之外，仲有好多小食串燒嘅選擇，不過我同朋友都好肚餓，所以就決定叫兩碗拉麵。我一見到餐牌上面有香菜湯底嘅選擇，就好不猶豫咁捨棄左其他湯底選擇左佢，配料方面我揀咗豬軟骨。而我朋友就揀咗黑蒜湯底配豬軟骨。飲品方面，我叫咗白桃一千零一夜，而朋友就叫咗士多啤梨一千零一夜，感覺加咗薄荷葉嘅嘢飲都特別吸引。食物話咁快已經送到黎啦，湯底一望落去就好濃郁，飲咗一啖湯頭先，果然夠晒濃尾，適合我哋呢啲重口味嘅人。試一試佢個面條，軟硬適中，糖心蛋好味流心，正！埋底都只係二百幾蚊，食物有質素，環境舒服，可以encore ！

天氣凍一直想食熱騰騰嘅拉麵，今日喺上水見到一間門面堂皇嘅拉麵店，立即吸引咗我入去。店內有卡位亦都有吧枱位，而我被分配咗喺吧枱位，可以見住師傅煮麵，別具一番風味！點菜方面會用剔剔紙，整個拉麵都可以因應個人喜好而選擇，另外仲有飲品同小食，樣樣都非常吸引。同朋友一齊見到拉麵嘅湯底竟然有得選擇芫荽，作為芫荽控嘅我哋異口同聲話一定要食呢個！湯底非常濃郁，芫荽味重，絕對冇令人失望！常言道，拉麵湯底係拉麵嘅一個靈魂，呢個湯底極為推薦！Topping方面會有豬軟骨同叉燒選擇，朋友選擇左豬軟骨，一啖咬落去非常大滿足，軟骨部份有咬勁，滿滿的骨膠原，養顏必選！ 叉燒方面，係經過火炙烹調，見到兩面同埋邊位都有微焦狀態，帶有微微嘅焦香，美味程度升級！溏心蛋亦都非常出色，蛋漿令人回味，顏色通透，賣相一流！麵底方面，有比較吸汁的細麵與比較有嚼勁的太麵選擇，各人喜好唔同，但都可以滿足到💯

上水終於開新既拉麵鋪啦😍✨一鳴拉麵 & 黑蒜拉麵因為兩碗麵其實食落不過不失，豬骨味唔算係好濃，但就比較適合淡口味人士麵既軟硬適中，拿捏得好好，好有咬口呀👍🏻麵有太麵同細麵揀，個人偏好太麵😆餸方面，豬軟骨同叉燒都好味🥰可以加$20套餐有一份炸雞同可樂，我覺得都抵食😋

最近忙到無時間搵好野食 好傷心🤦🏻‍♂️係上水見完個客，竟然發現左有間拉麵開在龍琛體育館對面，見咁多人排隊食，想食野嘅心又俾激發到🤤即刻排隊試下哩間拉麵店😂😂入到店鋪入面，真心覺得好似去左一間正式嘅拉麵店😃我就特登揀坐拉麵師傅對面張枱，睇清楚師傅點整麵，正🤣🤣講返拉麵先🙊🙊🙊 我叫左個黑蒜豬軟骨拉麵，再額外加左份溏心蛋同櫻花蝦😋 個拉麵份量算大份，重點係佢個湯底好濃郁，一啲都唔係味精湯咁，豬骨味好夠，再有陣淡淡嘅蒜香味，食下就食左一大部分😂而且豬軟骨好腍，唔洗咬就化開，食落相當唔錯，而佢個溏心蛋真心好正，蛋黃有小小流心，好彩有叫多份，可以慢慢品嘗😍😍另外，小弟好耐無食好野啦 🙈🙈就貪心叫埋個小食(肥死左 🤦🏻‍♂️) 叫左小食炸雞再配佢個西柚梳打去飲😃炸雞即叫即炸，香口卜卜脆，無得彈 😋西柚梳汁酸酸地，啱啱好如炸雞好夾😳真心食完而家仲回味緊 😖總括而言，哩間拉麵認真唔錯，下次去開上水一定會黎食，見到隔黎食辛辣味嘅拉麵，我都好想食啊😭