影片
港鐵上水站 A4 出口, 步行約8分鐘
繼續閱讀
電話號碼
66831412
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
以上資料只供參考, 請與餐廳確認詳情
這家店光顧了好幾次，無論主食或小食都在水準之上，舖仔不大但有温馨感覺，久不久在對面街打波後都會來吃一敞。最飽肚之醫是明太子芝士玉子燒，厚實的日本蛋層層疊上。蛋味香濃而鬆，每啖都是滿足感滿分。芝士則夾在蛋漿的內層，用刀切開熱騰騰的玉子燒中會發現拉絲的芝士，芝士味道適中，即使不是芝士愛好者亦能接受。明太子醬鋪陳在玉子表面，剛好與清淡的蛋香互相輝映。總體來說，這份玉子燒飽肚感和滿足感 MAX, 值得一試。炸魷魚酥炸得香脆，薄粉漿恰好能保存魷魚的肉汁，魷魚或是新鮮貨？肉質Q彈。作為居酒屋的下酒菜，這份魷魚天婦羅實在是必點的菜式。如果想吃得豪華一點，就是叫刺身丼了。海鮮刺身丼套餐包括面豉湯，茄子漬物，以及中華沙律，味道多元化且菜式豐富。單憑菜單，原以為是普通丼飯，沒想到是刺身盛合形式上枱。與朋友分享的話實在是不錯的選擇。綜合的刺身附有三文魚、油甘魚、劍魚、帶子、磯煮鮑魚、赤貝。三文魚夠肥，油甘魚和帶子鮮甜、及爽脆的劍魚亦算是高質素的表現。補點蔬菜也吃了蔬菜天婦羅，當中包含秋蒸葵、冬菇、茄子、蕃薯仔，最特別是冬菇那濃濃的菇香，同時內裏爆汁。整體清爽，蔬菜沒有吸油處理得得好。作為上水的小店，不論熟食和刺身的出品也如此高質，實在令人驚喜。補上前一個月吃的炸雞丼，一份有四大件雞只是$78超讚。拉麵也有濃郁背脂油香，略嫌拉麵份量偏少，也許居酒屋就是預客人另加小食就剛好了。
繼續閱讀
早幾日喺上水行街，無意中發現咗間低調嘅小店——一鳴屋台料理，一推門入去就俾嗰陣濃濃嘅日式氣氛吸引住。睇到個菜單，嗰啲菜名即刻令我肚餓，梗係要試晒幾樣啦！首先上場嘅係鰻魚玉子燒，嗰啲蛋燒煎到靚靚金黃色，外層滑溜，內層仲夾住香噴噴嘅鰻魚，咬落去鹹甜啱啱好，配埋啲淡淡嘅醬汁，入口即溶，好似喺口腔度跳舞咁！主菜當然要試佢哋招牌豬骨濃湯配自家製黑蒜油拉麵。嗰碗湯一上檯就香到不得了，濃稠又帶豬骨膠質嘅口感，加埋自家製嘅黑蒜油，真係畫龍點睛，味道層次好豐富。麵條彈牙又掛湯，食得出係用心煮過嘅。另外嗌咗油甘魚腩刺身，魚腩厚切，入口有種天然嘅油脂香，好新鮮，食到停唔到口！最後仲點咗雜果檸檬薄荷梳打作結尾，酸酸甜甜，飲完真係清新醒胃，完美收尾！呢間店真係隱世之選，無論係食物質素定係整體氛圍都令人滿意，絕對值得專程嚟試下！
繼續閱讀
2025年1月1號，難得嚟到上水，泊低架單車。搵到一間可以食拉麵，點都要試吓啦。店面同埋店入邊都環境好好，就好似去咗日本咁。有陣時就係鍾意呢種感覺，你知啦我哋呢啲打工仔唔係下下都可以即刻飛到日本鄉下㗎嘛。二話不說，坐低之後就嗌咗個一鳴拉麵，仲加咗個餃子。本身諗住飲番杯啤酒，但一陣要踩車（踩單車），注意安全，咁就飲少咗杯啦。為己為人呀嘛。講返啲嘢食先，個拉麵我揀咗太麵。太麵嘅麵質一流，簡直係無得頂。咁當然塊叉燒都重要啦，外軟內脆。唔係，係外脆內軟先啱。食過返尋味。當然，個餃子都超正。如果假期難得踩單車，或者都可以過呢邊食個拉麵補充體力。 順祝各位新一年身體健康。
繼續閱讀
以前住大埔成日去一鳴食拉麵，今次去上水分店，地點唔算十分方便，不過都可以喺上水港鐵站步行過去。 🌕🌕🌕🌑🌑土佐豆腐質地細滑，外層炸得幾香口，內裏都保持嫰滑。 🌕🌕🌕🌕🌑芝士粟米玉子燒係我以前嘅飛佛，濃郁嘅芝士與玉子燒完美結合，不過粟米好似比起之前喺大埔食嗰陣少左。 🌕🌕🌕🌑🌑野菜叉燒炒拉麵不過不失，都係啲野菜同叉燒炒埋啲拉麵咁啦。 🌕🌕🌕🌑🌑七味唐揚墨魚咀外皮香脆，墨魚咀彈牙，搭配七味粉好惹味。 🌕🌕🌕🌑🌑素菜天婦混合了冬菇、秋葵、茄子和甜薯，適合唔想食肉類天婦羅嘅朋友。 最初去一鳴只有拉麵同少量串燒，而家已經有好大變化。
繼續閱讀
今日天氣少少轉涼，好適合去食拉麵，呢間拉麵店仲有日式丼飯同小食，比一般拉麵店多好多選擇，可以食得更豐富，同朋友share，款款都試吓。環境充滿日式風格，燈光微暗，份外有格調。豬骨濃湯拉麵湯底就係拉麵嘅靈魂，呢個豬骨濃湯好香濃，比較杰身，充滿骨膠原。豬軟骨好腍好入味，溏心蛋煮得啱啱好，少少流心，又唔會太鹹。鐵火丼呢個鐵火丼有吞拿魚赤身，吞拿魚蓉，玉子燒，非常豐富。特別鍾意佢嘅吞拿魚蓉加香葱，拌飯一流。另外個味噌湯都幾好飲。芝士粟米玉子燒玉子燒超軟滑，勁juicy ，再加埋流心拉絲芝士，真係不得了唐揚雞軟骨雞軟骨香脆，炸得比較乾身，由於我個人比較重口味，自己加咗七味粉調味，更加惹味。總括嚟講，個人推介一定要試嘅係拉麵，另外玉子燒都非常有驚喜
繼續閱讀