陳儀興飯店 (嘉悅)

營業中

休息中

電視節目介紹潮州美食，又勾起對潮州菜的思念，所以今晚來到屋企附近的潮州餐館晚餐。 平日也几乎滿座，果真受街坊歡迎。就座後，職員上茶芥小食。淥過餐盤碗筷後，要做最重要的事：點菜潮州蠔餅      到潮州餐館，當要來一份潮州名物～蠔餅。一碟二大塊厚厚的蠔餅，蠔仔勁多不吝嗇，蠔仔飽滿又爆漿，配鴨蛋香的餅身，外脆內軟，難怪多枱客人皆選擇蠔餅。間中來一口鹹酸菜解膩。鹵水鵝件   在鵝片和鵝件之間，最終選擇鵝件。除了價格平尐尐，還因為帶骨的鵝肉更滑溜。椒鹽鱔球      真身：薄薄的金黃色炸皮包著薄身鱔片，並非用粉漿扮大隻。炸過後的鱔片，魚皮收縮，捲起如金錢。 而鱔片薄切，魚骨變得唔明顯唔㓤牙，可直接咬碎，無需吐骨，整體感覺似椒鹽九肚魚。鱔球沾上喼汁，似九肚魚。有蠔餅，鹵水鵝，今期有新款，一於試試。特色懷舊焗魚腸        表面金黃，下層是細碎的魚腸和蛋。魚腸中有薑絲，中和了魚腸的腥，無需再加胡椒粉了！  底層較濕潤，而金黃色表層較薄而軟，估計是先蒸後焗。 涼瓜炆魚雲     看到涼瓜又心思思想來一份。枱上美食都是煎呀炸呀，有涼瓜，感覺健康左。魚雲表面漿粉煙煙韌韌，是地瓜粉?手工芋泥   反沙

🙋🏻‍♂️餓底探員今晚去咗將軍澳調查呢間潮州打冷，呢個老字號餓底之前已經調查過佢嘅潮州菜，牛什粉麵同火鍋，今次就嚟到呢間潮州打冷店，去到餐廳已經好多人等位，要食記得提早預訂，食物高質夠地道，性價比高🔥老火燉湯 $68🙋🏻‍♂️表示個燉湯有兩款，一款係蟲草花燉雞，另一款係茶樹菇燉烏雞，燉湯口味會定期更改，蟲草花燉雞飲落好清甜，蟲草花味道甘香，茶樹菇燉烏雞飲落有濃郁菇菌味，加上烏雞夠晒滋補，兩款燉湯都好足料，無味精，充滿住家味道🪿鹵水鵝件 $148🙋🏻‍♂️表示個鹵水鵝件份量多，鵝件染上鹵水汁顏色，底下墊有花生同大荳牙，鵝件厚切，食落肉質嫩滑，皮層脂香，充滿鹵水汁嘅鹹香，非常入味🦑椒鹽百花大腸 $118🙋🏻‍♂️表示個百花大腸將墨魚滑釀咗喺豬大腸入面再落鑊炸，面頭灑上椒鹽，食落夾雜住酥脆嘅大腸同爽口鮮甜嘅墨魚滑，口感層次豐富🦪潮州蠔餅 $98🙋🏻‍♂️表示個蠔餅有兩大塊，炸到脆卜卜，口感酥脆，食落充滿蛋香，蠔仔大粒，食落好有鮮味，點埋魚露食更加提鮮📈吃貨指數😋好味度 9/10🔙返啅度 9/10

👧🏻😋👅🍽✨打冷要食鹵水鵝😎-陳儀興飯店🇭🇰 將軍澳至善街9號嘉悅地下2-3號舖 🇭🇰-🥢嘉悅附近有好多屋苑, 有個小food court, 但要食比較decent d既小菜, 陳儀興飯店會係一個好選擇🥢7點左右已經好多枱一家大細食緊飯, 除左潮式鹵水鵝同打冷小菜, 仲有游水海鮮, 食豪d仲有紅燒翅; 有脆卜卜既花生做前菜, 晚茶都係$10/位唔算貴-🐠 凍食黃油烏頭 $188💯餐牌寫時價, 問左$188有咁大條都幾抵食; 烏頭切半飛晒骨超厚肉, 肉質嫩滑有黃油, 點埋普寧豆醬更突出魚鮮鹹香味-🦪 潮州蠔餅 $98✨成塊蠔餅都充滿肥美大粒既蠔肉; 炸得金黃酥脆唔會太乾身, 仲幾juicy但都唔油膩-🕊鹵水鵝片 $168💯啖啖肉既鵝岩晒我地懶人唔lur骨😂 師傅刀功好好, 每塊一樣大細, 份量都多, 冚住晒一大堆芽菜; 隻鵝幾肥仔, 油脂重又多肉汁-🍲 老火燉湯 $68/位✨老火燉湯大大碗, 用雞同瘦肉煲但冇油, 飲落暖胃好滋潤-🌾 白粥/白飯 $12/碗💯白粥比飯更大碗, 所以唔會唔夠飽, 粥底勁綿滑

屋企人話想打冷，OpenRice搵到將軍澳嘅陳儀興飯店，雖然唔太近地鐵站，但我哋住九龍東都算方便，亦勝在環境舒適服務周到，相信下次都會再嚟鹵水鵝有鵝肝、鵝腸、鵝件等等，但我哋揀左鵝片啖啖肉，一塊塊軟滑鵝肉片鋪喺大豆芽上面，鵝汁滲晒落去成碟餸好滋味😋天氣凍叫咗一人一碗老火燉湯，有好多菇菌同烏雞，足料鮮甜，老人家都好滿意👍🏻食打冷當然唔少得煎炸嘢，叫咗椒鹽百花釀大腸同潮州蠔餅。薄脆嘅大腸皮入面釀咗蝦膠，肥膏變左蝦膠即時香好多仲冇咁膩，蠔餅厚身大隻脆卜卜

父親節帶左屋企人黎食，當日walk-in 都唔係等得好耐(可以訂座)五個人點左7樣野+兩碗🍚🦪潮州蠔餅$98必點！估唔到份量有兩大塊，每塊都有15cm，每隻蠔都好大隻，絕對唔係蠔仔，基本上點夾都一定有原隻脹卜卜蠔，比例蠔佔左8成～超酥脆好抵食❤️🦢滷水鵝片$168適合2~3個人share，鵝片下層墊住左唔小芽菜，鵝片真係有小小入口即化，成個口腔都充斥住鵝油香🤤🐙滷水拼盤$138有九款滷水食物，最有印象係墨魚片同生腸好爽脆，但相對其他滷水味較淡🦑香脆鮮魷$128 又人必點系列👍🏻👍🏻超級惹味，外皮脆魷魚軟，仲有好多脆脆係面，有小小似避風塘，增加左味道層次，勁岩送酒送飯🍆魚香茄子黃鱔煲$118無骨岩曬懶人，黃鱔口感有小小似魚皮，不過茄子偏油，魚香味唔特出🐷京都骨$88醬汁酸酸甜甜好開胃，肉質唔乾🍲潮州蠔仔粥$72一碗都夠2~3人分，蠔仔同樣每粒脹卜卜，無腥味成個粥都好鮮甜，必食！*另收10%服務費+茶介每位$10埋單$972

🥢🥣🥄二訪，質素變差了▫️90分鐘用餐時間🆗胡椒豬肚湯 - $118上次食過好味又足料，所以今次忍唔住再叫。但冇估到變差左，湯少左，只有8成滿，配料豬肚同酸菜都少左好多，酸菜冇味全白色的，湯嘅味道都冇上次甘濃。🔘脆盞拔絲咕嚕肉 -$108失望，竟然吾熱，只有暖，咕嚕肉理應炸過再煮，應該又熱又脆，但可惜吾熱都吾脆，好似擺咗好耐咁，酸甜汁嘅味道還好但量吾夠，雀巢炸得好靚，有橙、黃色2層，但都係吾脆，吾好食，配料吾用菠蘿，用上楊桃，係成碟最好食嘅，另外仲有三色椒，切得好細粒。☑️潮州蠔餅 -$98 呢個係3道菜內最好食嘅，大碟，有2大塊，新鮮炸起，真係脆口同熱辣辣嘅，蠔仔吾腥，蠔嘅份量都好多，就甘食或配搭魚露都好味。但因比較油膩所以比較滯。

超過半世紀歷史的陳儀興潮州打冷在新蒲崗區算是街知巷聞的老店，一直都很想試一下但始終不在就近地區所以提不起勁來。近年這老店大展拳腳一口氣開了多間分店，而原來將軍澳也佔其中一席位，之前在該區探朋友就順路來探店一下。🔹交通還算方便，離港鐵站僅數分鐘腳程，附近一帶都是新落成的住宅區，靜中帶旺。🔹小店裝潢平實整潔，擺脫了老舖的陳舊土味，座位雖不算太闊落但尚算舒適。🔹有別於傳統打冷店，菜式選擇頗廣泛，除了必食滷水打冷和傳統潮洲菜之外，還有不少中式小炒和避風塘菜式，就連生醃海鮮和燉湯也有供應，懷舊得來又富潮食的味道。🦀霸王醃膏蟹 $538，一上菜已是終極目標，生醃膏蟹！以價格來說沒預期中的大隻，但勝在醬汁蒜辣十足，比起韓式醬油蟹多上了一份刺激，鹹鮮惹味，啫喱狀的蟹肉順滑嫩口，加上橙黃蟹膏濃郁甘香，餘韻在味蕾間縈繞不散，讓人欲罷不能。🐚醃螄蚶 $98，又是另一至愛，這裡的螄蚶隻頭雖偏細打開時難就力有點困難，但清潔得十分乾淨，而且極入味鹹鮮多汁；蚶肉略嫌不夠大有點不夠喉，要多吃幾隻才能止「渴」。🍗滷水鵝片 $168，打冷食鵝片是必須的，這店的陳年滷水鵝片份量算多，塊塊厚肉鬆軟，色澤琥珀肥瘦適中，皮滑肉嫩

小妹好耐冇食潮州打冷啦🙈尋晚同屋企人去咗間50年老店食飯我哋6點半walk in可以直接入去食飽出嚟嘅時候見到都幾多人排隊同埋好多人都book咗位如果住得遠嚟食嘅book定位就穩陣啲啦😆-♥︎ 潮州蠔餅 $93唔好睇張相覺得好似好細塊咁其實系兩塊大大塊嘅炸蠔餅嚟架😍嚟到嘅時候啱啱炸起熱辣辣炸嘅火喉控制得幾好外面酥脆🤪食落唔會好油膩粉漿比例適中入面超多蠔仔好足料😳♥️粒粒都肥美飽滿🤤冇腥味之餘仲食到蠔嘅鮮甜呢個真系必食😋味道: 9/10性價比: 8/10-♥︎ 滷水鵝片(例牌) $168小妹唔鐘意一啲太肥膩嘅肉類呢碟滷水鵝片肥瘦適中😆肉質夠嫩 好容易就咬得開滷得入味又唔會過鹹不過冇花椒八角嘅香味 但正正就啱我哋口味😂要彈嘅系份量真系偏少睇落好高好多但底部墊住好多芽菜呢個價錢有啲貴😗味道: 9/10性價比: 5/10-㋡ 黃金鮮魷 $128呢碟先至系邪惡之王😈炸完再加埋鹹蛋黃😍當然冇得輸外面脆卜卜 唔會好厚粉😜魷魚爽口彈牙條條都沾滿邪惡嘅鹹蛋黃😍略嫌佢鹹咗少少如果淡味翻少少就”perfect池”啦🙈味道: 8/10性價比: 7/10-♡ 避風塘大蜆 $98呢款小妹就唔太推薦啦可能因為本身我哋都

一家人食飯，媽媽話想食潮州菜，懷念一下家鄉的味道，但我們又不想去連鎖的潮州酒樓，感覺既不正宗又不划算。剛好之前在將軍澳行街時，經過這間「陳儀興飯店」，每次經過都見到餐廳人頭湧湧，非常受歡迎，相信陳儀興絕對有返相當質素。雖然陳儀興並不是開在將軍澳地鐵站，但真的有很多食客會走過來嘉悅這邊，甚至聽到有不少食客專程搭地鐵過來。我們平日來到亦都要等大約5分鐘左右，飯店坐無虛席，每個人都食得興高采烈。飯店有不少圓枱，所以都非常適合一家人過來聚餐。看到陳儀興的廚房，已經急不及待地想品嚐一下潮州美食了。難怪會有咁多人過來，陳儀興的餐牌有着非常多選擇的潮州菜，想到的都應有盡有。無論是潮州小食、滷水、打冷、小炒、湯水、甜品，全部都可以在這裡一次過品嚐晒。，比起大酒樓甚至有更加多的選擇。幸好我們今次是一家人食飯，所以可以點多幾樣菜式，讓媽媽品嚐不同的味道。⚉ 1. 潮州蠔餅潮州菜最香口惹味的，第一道必食之選絕對是蠔餅。陳儀興的蠔餅非常大塊，炸得香脆爽口之餘，內裡亦藏有大量蠔仔。蠔粒食得出其鮮味，不是那些急凍無味蠔仔。一份蠔餅都足夠供4-5人食用，成為必食推介之一。⚉ 2. 滷水拼盤滷水拼盤都係走唔甩的其中一

如果想食打冷，陳儀興都係一個信心嘅選擇，新蒲崗老店都幫襯咗好多年，知道將軍澳開咗新店，梗係過嚟試吓。當行入一間裝修雅緻咁新淨嘅舖頭時，雖然佢個招牌係寫住陳儀興，但內心不免都會有一絲懷疑，但當我將個韭菜豬紅放入口嘅時候，我就知道呢一間同老店係無分別，依然食到老店嘅水準同埋味道。#鹵水鵝粉肝 $178除咗法國嘅鵝肝出名，潮州其實都有一味鹵水鵝肝，鵝肝吸足鹵水汁，口感柔嫩，甘香鮮味，入口即化。#鹵水拼盤 $138比出面打冷大碟，有墨魚片、腩肉、大腸、紅腸、生腸、豬耳、豬頭肉、鹵蛋及豆腐墊底。每間店嘅鹵水汁都唔同味，有啲偏甜或有啲重鹹，呢度鹵水汁係屬於鹹香濃郁，全部鹵得入味，而且能保留食物原本嘅味道，沾上潮州辣椒油加蒜蓉白醋一流。#潮州蠔餅 $93新鮮炸起兩大塊，上枱時熱辣辣，炸得酥脆但唔油膩，唔會話一咬落去就標晒油出嚟，外脆內軟，一定要用鴨蛋先可以炸到呢個效果，蠔仔飽滿足料，充滿蛋香，加埋蔥粒，沾埋魚露更惹味。#韭菜豬紅 $70食打冷必點韭菜豬紅，醬汁味濃複雜，用咗唔同調味料去熬製，豬紅處理得好好無腥味，吸晒醬汁好入味，韭菜好嫩無渣，份量都幾大碗，不過豬紅就鹹咗啲，應該送潮州粥食味道就剛剛好

陳儀興飯店有三間分店，今日就去左位於將軍澳嘉悅嘅分店，一聽將軍澳以為好遠，但原來個位置都方便，由將軍澳站A2出口行六分鐘就到。因為訂左位，但遲左小小到，但職員嘅服務都好好，優先安排我地入座，所以去到好快就有位。入座後，見到環境都乾淨、企理、舒服，落單時職員都有推介我地食乜，態度親切。🤡潮州蠔餅 $93上枱時熱辣辣，炸得鬆脆可口，蠔餅入面又足料，唔會話偷減料，加上不同配料，味道一流。🤡鹵水雙拼(墨魚片、紅腸) $108墨魚片十分爽口，紅腸又唔會薄切，一啲都唔會同你慳，鹵水味十足，但又唔會咸！🤡韭菜豬紅 $70一大碗豬紅，份量十足，豬紅香滑，唔會一夾就散，配上辣辣地嘅湯，令人回味。🤡霸王醃蟹膏 時價潮州式”醬油蟹”，唔洗去韓國都食到，香甜嘅蟹膏爆曬出泥，值得你一試再試。🤡醃螄蚶 $98螄蚶好似硯一樣，平時食硯就食得多，今次試下凍食嘅打冷螄蚶，別有一番風味！唔會腥，超有鮮味！🤡臘味炒芥蘭 估唔到臘味同芥蘭係咁夾！臘味嘅味道完全融入到芥蘭入面，一啖臘味一啖芥蘭，令你一食再食！強烈推介！🤡潮州蠔仔粥 $148/窩必食足料蠔仔粥，一窩足夠每人食兩碗，雖然一大窩，但味道並唔會分薄，每一啖都充滿蠔味！

喜歡吃潮州打冷菜的朋友對「陳儀興」這個名字應該都不會陌生，超過半世紀的歷史，從新蒲崗起家到現在擁有多家分店，分店的裝潢比老舖新穎，但出品依然保持一貫水準。今次來到這家位於將軍澳的分店，離港鐵站數分鐘步程，附近一帶都是新落成的住宅區，所以吸引到不少家庭客，一家大小來用膳。▶️潮州鵝件（$148）潮州滷水最聞名，是潮州打冷必點菜式。滷水鵝件的外皮色澤均勻，肉質鮮嫩多汁並帶有絲絲的滷水香料的味道。▶️潮州蠔餅（$93）金黃色的蠔餅，大大隻的蠔仔口感軟綿，加上脆脆的炸漿，外脆內軟，形成强烈的口感對比。▶️凍食黃油烏頭（$188）黃油烏頭的價錢是時價的，價錢會以大小和來貨有所不同。來自元朗的烏頭，尾巴夾了出產商的名字，有名有姓，當然有品質保證。▶️老火燉湯（$136）可以在潮州打冷店飲盅粵式的老火燉湯，材料、味道和火喉都到位，十分滋潤又清甜。兩款的燉湯分別是五指毛桃無花果燉烏雞和蟲草花雪耳燉雞。▶️白飯（$12）▶️茶芥 （$10）Storefront Interior Menu

屋企人好鍾意食潮州野，一search之下見到陳儀興呢間老字號，就決定「飄洋過海」都要來食下😆餐廳入面裝修幾新，坐得夠舒服，上菜快靚正～🌟鹵水鵝片係去陳儀興都幾乎必點的，大大份之餘鹵水調味香口得來不會好鹹，鵝肉肉質有嚼勁之餘啖啖肉😋🌟潮州蠔餅食落去幾特別，炸到蛋味非常濃香，配上粒粒飽滿嘅蠔仔，口感不錯。🌟避風塘炒蜆係惹味之選，蜆肉size大小剛剛好，味道鮮甜中帶有避風塘的辣香，好有風味。🌟燉湯真材實料，入面超多料，有無花果、圓肉、雪耳、南北杏、豬肉等，清甜入味😋打冷來說，呢到真係數一數二地值得一去！下次再來食其他鹵水食物！