影片
更多
2023-02-05
207 瀏覽
如果想食打冷，陳儀興都係一個信心嘅選擇，新蒲崗老店都幫襯咗好多年，知道將軍澳開咗新店，梗係過嚟試吓。當行入一間裝修雅緻咁新淨嘅舖頭時，雖然佢個招牌係寫住陳儀興，但內心不免都會有一絲懷疑，但當我將個韭菜豬紅放入口嘅時候，我就知道呢一間同老店係無分別，依然食到老店嘅水準同埋味道。#鹵水鵝粉肝 $178除咗法國嘅鵝肝出名，潮州其實都有一味鹵水鵝肝，鵝肝吸足鹵水汁，口感柔嫩，甘香鮮味，入口即化。#鹵水拼盤 $138比出面打冷大碟，有墨魚片、腩肉、大腸、紅腸、生腸、豬耳、豬頭肉、鹵蛋及豆腐墊底。每間店嘅鹵水汁都唔同味，有啲偏甜或有啲重鹹，呢度鹵水汁係屬於鹹香濃郁，全部鹵得入味，而且能保留食物原本嘅味道，沾上潮州辣椒油加蒜蓉白醋一流。#潮州蠔餅 $93新鮮炸起兩大塊，上枱時熱辣辣，炸得酥脆但唔油膩，唔會話一咬落去就標晒油出嚟，外脆內軟，一定要用鴨蛋先可以炸到呢個效果，蠔仔飽滿足料，充滿蛋香，加埋蔥粒，沾埋魚露更惹味。#韭菜豬紅 $70食打冷必點韭菜豬紅，醬汁味濃複雜，用咗唔同調味料去熬製，豬紅處理得好好無腥味，吸晒醬汁好入味，韭菜好嫩無渣，份量都幾大碗，不過豬紅就鹹咗啲，應該送潮州粥食味道就剛剛好
當行入一間裝修雅緻咁新淨嘅舖頭時，雖然佢個招牌係寫住陳儀興，但內心不免都會有一絲懷疑，但當我將個韭菜豬紅放入口嘅時候，我就知道呢一間同老店係無分別，依然食到老店嘅水準同埋味道。
鹵水鵝粉肝
5 瀏覽
0 讚好
0 留言
除咗法國嘅鵝肝出名，潮州其實都有一味鹵水鵝肝，鵝肝吸足鹵水汁，口感柔嫩，甘香鮮味，入口即化。
鹵水拼盤
7 瀏覽
0 讚好
0 留言
比出面打冷大碟，有墨魚片、腩肉、大腸、紅腸、生腸、豬耳、豬頭肉、鹵蛋及豆腐墊底。每間店嘅鹵水汁都唔同味，有啲偏甜或有啲重鹹，呢度鹵水汁係屬於鹹香濃郁，全部鹵得入味，而且能保留食物原本嘅味道，沾上潮州辣椒油加蒜蓉白醋一流。
潮州蠔餅
8 瀏覽
0 讚好
0 留言
新鮮炸起兩大塊，上枱時熱辣辣，炸得酥脆但唔油膩，唔會話一咬落去就標晒油出嚟，外脆內軟，一定要用鴨蛋先可以炸到呢個效果，蠔仔飽滿足料，充滿蛋香，加埋蔥粒，沾埋魚露更惹味。
韭菜豬紅
9 瀏覽
0 讚好
0 留言
#韭菜豬紅 $70食打冷必點韭菜豬紅，醬汁味濃複雜，用咗唔同調味料去熬製，豬紅處理得好好無腥味，吸晒醬汁好入味，韭菜好嫩無渣，份量都幾大碗，不過豬紅就鹹咗啲，應該送潮州粥食味道就剛剛好。
#陳儀興飯店地址：將軍澳至善街9號嘉悅地下2-3號舖
張貼
