六公館

營業中

休息中

之前有留意我IG嘅應該都發現介紹過呢間餐廳不過其實呢間餐廳午市同晚市做嘅菜式係唔同午市做點心，晚市做有少少fusion嘅中菜其實兩樣都有水準，不過價錢就偏貴同3個朋友一齊食，埋單都要過千架八味金磚豆腐與其話係八味，其實佢係類似椒鹽豆腐個皮都幾脆，不過相比起椒鹽茄子就厚咗少少豆腐係好熱好嫩滑避風塘茄子呢個茄子好好食，個炸皮係超薄連埋入邊好柔嫩嘅茄子可以話係入口即溶加上係避風塘，所以調味係好惹味龍井燻太爺雞其實茶味都算濃，雞都算滑不過我之前食過另外一間餐廳嘅菜燻雞都好好食不過好可惜嗰間餐廳已經執咗笠呢間嘅茶燻雞我覺得算合格但係唔係好出色西班牙黑豚叉燒蜜糖味好勁嘅叉燒，直頭有拉絲豚肉嘅豬肉味算有，但唔騷有咬口得黎，又唔鞋口算對得住呢個價錢其他冇寫嘅就唔算太特別，不過都絕對合格以上其實呢間餐廳價格都係偏貴有好大部份嘅價值都去咗服務同環境仲有出邊個海景真係無得輸如果有特別日子都可以去試試我自己就幾鐘意餐廳成個用餐體驗Jan B重點推介

和老友好耐無見，要搵個好啲嘅地方悠悠閒閒聚聚傾餐飽食吓好西！佢知我鍾意「集郵」試新嘢，搵嚟依間我未試過嘅試吓。老友返半畫工下午放假，我哋Book2:30。好彩Book咗位，我哋下午2:20左右到，見walk in嘅客無得入！一坐低，侍應問飲咩茶，我問返佢有咩茶😆，侍應都細心介紹，最後我哋揀咗桂花烏龍。不錯！食物方面，食點心為主，我哋先Order：和牛黑椒酥👍🏼👍🏼👍🏼海膽蝦春卷👍🏼👍🏼👍🏼黑金蝦餃👍🏼👍🏼👍🏼同一碟桂花蟹肉炒新竹米粉👍🏼👍🏼👍🏼依碟推介呀！份量雖然細又唔平，但真係好好味！我哋見點心都好「精緻」😅，食完都只係半飽，所以再order：松露野菌餃👍🏼👍🏼👍🏼金菇牛肉腸粉👍🏼👍🏼👍🏼其實樣樣都好食，不過份量就真係細咗啲，而且價錢都唔平，但食埋餐廳裝修同外面嘅無敵大海景，都值咗一半價錢！他他條條又半Day☺️，努力工作，繼續賺錢食好西！💪🏼🤗

作為港女母親的生日飯，除咗食物質素，環境都是十分重要。母親大人鐘意食中菜，所以今年選擇了六公館。今天雖然間中有驟雨，但還算天清。維港夜景相伴，打咭絕對無問題。一家四口，先order三餸一飯，以免眼闊肚窄。但分量頗少，最後再追加一餸一米。龍井熏太爺雞 - 我喜歡滑嘟嘟的雞肉，而且食出有微微茶香，但雞味略嫌不足。黑蒜焗羊架 - 羊架上鋪滿滿的黑蒜泥。黑蒜泥沒有想像中濃味，亦沒有搶過羊架的原味。而且羊架肉質夠淋，同枱都讚好吃。48小時慢煮牛肋骨 - 靚牛肉只要簡簡單單的調味已經足夠。油脂分布平均，而且用慢煮，肉質夠嫩滑。松茸羊肚菌海膽燴飯 - 是中式的意大利飯嗎？想不到用中式菌類燴飯會咁出色，飯是不淋不硬剛剛好。加上海膽毫無違和感，質素好，無海腥味，好食。蜜汁黑豚叉燒 - 肉質軟腍，肥瘦適中，叉燒有少少燶邊而且麥芽糖面做得好好，不失為好叉燒啊。桂花蟹肉炒新竹米粉 - 蟹肉分量不算少，但最重要炒得夠乾身。甜品拼盤 - 除左個燉蛋比較正常，其他應該是拌碟？特別兩粒黑色東西似冧咗嘅金沙。$308當買一個驚喜給媽媽。👍🏻👍🏻👍🏻值得一提，找服務員幫手拍照，他們會一手拿著「打光燈」，一手「拍照」。人又

今次係帶爸媽食好嘢.我爸媽淨係鍾意食中菜, 出街諗食咩真係諗到頭都爆.依間六公館長期係OpenRice最高瀏覽嘅首位, 所以今次就同佢地嚟試下.我地4個都係叫Lunch Set B (HK$348/人)［三文魚籽燒賣］平時食嘅燒賣上面多數都係蟹子.依個燒賣就特別少少, 上面係三文魚籽.入面有好大隻蝦, 蝦肉都好脆.［南翔小籠包］賣相同味道都冇咩特別.［六公館黑豚叉燒］依個叉燒肥瘦適中.不過蜜汁好似濃咗少少, 味道偏甜.但都係好食嘅.［松茸雪蓮子燉日本蘋果］個湯真係真材實料, 除咗有松茸、雪蓮子、日本蘋果, 仲有原粒江瑤柱、雞肉&豬肉.味道好清甜, 完全冇味精.雞肉&豬肉都燉到好腍.湯下面係有蠟燭㗎, 令到個湯可以keep住暖, 好正!［羊肚菌露筍炒帶子］帶子好大粒, 外層煎得好香, 入面軟軟的, 好有口感.露筍好爽.整碟餸都係偏重味, 但好好食.［野生竹笙浸菜苗］依個波菜苗味道比羊肚菌露筍炒帶子清淡D.雞湯真係好濃郁, 成個菜都好好食. ［桂花蟹肉炒新竹米粉］裡面加咗炸江瑤柱&蛋醉, 所以食落好香口.如果蟹肉再多D就好喇.［桂花杞子配桃膠］依個甜品甜而不膩.有勁多桃膠, 食落有清清地嘅

Book 咗6pm-8pm 食dinner 疫情下嘅維港xHEXAHexa 亦有口罩套提供，可以問staff拎上次喺度食午餐嗰陣時又會提早擺枱面可能因晚市較忙緣故所以無放到~叫咗2份dinner set $788/每位同埋散叫咗其他嘢食~唸住試多d嘢French beans 好脆口 叉燒肥瘦適中 好juicy 海膽蝦春卷 脆口 蝦肉彈牙，但今次食唔到有海膽味可能太細舊haha!7/10分Crispy pork belly $198呢個好正切開咗細細塊一口一個 滿足感爆登😂😂🤣下次嚟都會再食9/10分Golden brick silky beancurd 表皮脆 內裏豆腐滑嘟嘟48Hours slow-cooked beef ribs 呢嗰我覺得係今晚最好食嘅！牛肋骨肉十分嫩滑肥瘦分佈平均9.5/10分Steam grouper fillet,crab meat and red ginger and topped with crispy conpoy 斑件嫩滑有蟹肉同蛋白，西蘭花等等6.5/10分Sautéed beef cubes with okra 牛柳粒好香，夠腍配秋葵芥末好好食8

📍#六公館📍#Hexa.🇭🇰香港尖沙咀廣東道3-27號海港城海運大廈地下OTE101號舖🇭🇰Shop OTE 101, G/F, Ocean Terminal, Harbour City, 3-27 Canton Road, Tsim Sha Tsui, HK.人均消費: HKD600.味道: 👅👅👅👅👅賣相: 👀👀👀👀👀價格: 💰💰💰環境: 🌹🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.六公館位於尖沙咀海運大廈地下的最盡頭，室內環境好靚好Grand，燈光暗暗的，超級Fine Dining 嘅感覺！室外環境更驚喜！大概有十張枱左右，隔住個大草地就係維港，飽覽維港景色，真心靚到癲！.⭐️#龍眼蜜生煎金蠔 HKD228+78金蠔一份三隻要HKD228，加一隻要HKD78🙈金蠔算大隻但唔肥，但煎得超好，用龍眼蜜一啲都唔甜，成隻金蠔煎得好靚，口感十分不錯！味感唔濃，少少甜帶少許金蠔香，不錯.💯#鴛鴦蝦球 HKD368完全出乎意料之外的鴛鴦蝦球！三隻係咸蛋醬味，三隻係蜜糖芥末醬味！咸蛋醬味好正，蝦炸得脆卜卜，咸蛋分佈得剛剛好十分均，每一口都有咸蛋黃嘅沙感！另外三隻蜜糖芥末

宅在家已一段時間了，今日想出外走走，便約朋友到尖沙咀下午茶短聚，嚐美食抖抖氣。今次又選了六公館，皆因這位朋友未來過，而我亦有好多菜式未試，一拍即合，齊齊向目標進發。 花旗參湯鮑灌湯餃灌湯餃置於有花旗參片的上湯中，散發著清淡花旗參香味，味道甘香清甜；灌湯餃皮薄，用料足，內有隻迷你小鮑魚一只、瑤柱絲、蝦肉，非常鮮味，頓時覺得自已好有口福。  花枝米網腸粉腸粉皮包著一層脆網，脆網內包著花枝餡，一款點心，有三重口感，嫩滑、脆口、彈牙，花枝餡即是墨魚滑，煙韌彈牙，食完仲幾飽肚。  桂花蟹肉炒新竹米粉發現碟底竟然完全無油，但米粉好乾身呀，雞蛋碎(桂花)、銀芽、蟹肉又足料，可能比米粉嘅份量更多。 茉莉花茶味意式奶凍茗茶嘅造型，好有中式優雅風。意式奶凍上有茉莉花茶味啫喱，中西味道融合得啱啱好，旁邊2粒「石頭」，原來係朱古力包住泡芙，味覺、視覺都滿分﹗幸好每人叫咗一份，否則2人分享一份，一定會爭食 這裏食物有準，坐得舒服，待應有禮，景觀開揚，豪無疑問有機會我一定會再來 。

呢間係其中一間一直都想喺海港城試嘅餐廳，因為個景真係好靚本身想幫朋友慶祝生日，可惜提早一星期打去book都冇位，所以就到今日先有機會試餐廳環境好靚我地四個女仔叫咗六道餸第一樣係翡翠蟶子皇，小小辣，幾開胃第二樣係日本金柚手撕脆皮雞，個皮真係脆脆地同埋份量比想像中多，食極都仲有第三樣係鴛鴦蝦球，兩種味道都好食唔怪得咁多人叫呢樣！第四樣係咕嚕鬈毛豬脆，呢個比起前面幾樣就普通咗啲，可以唔洗試第五樣係避風塘茄子，唔錯第六樣係桂花蟹肉炒新竹米粉，我本身都鍾意食新竹米粉，呢樣都炒得幾好食食飽飽之後我地出咗露天影下相，侍應幫我地影相嗰陣仲會打燈同埋同我地講企邊到先影得好服務唔錯

自從有朋友食完介紹我話好好食之後就好想去 一直無呢個機會 今日終於等到啦！為慶祝友人既生日 幾星期前已經bk定嫁啦 唔講咁多開場白啦 開始介紹！去到早咗小小未有位既關係，我地就出咗去影相啦呢個維港景無得輸啦掛 打卡一流呀！影翻入面先，裝修極之華麗原來外面都有坐位可以坐既，不過聽侍應講坐出面最低消費要$2500 咁值唔值就睇翻你個人啦話說呢，我黎之前上網搵過餐牌睇食乜野既 黎都發現部分菜式同價錢都有變動 咁我就影咗比大家參考翻個新餐牌鴛鴦蝦球芒果味同鹹蛋黃味各有三舊，大大粒啖啖肉又有口感彈牙，芒果味甜甜地 鹹蛋黃味鹹香濃厚桂花蟹肉炒新竹米粉呢個炒米粉入面有勁多蟹肉，基本上每一啖都可以吃到蟹肉口感米粉煮得啱啱好仲帶點焦香天子蘭花膠海螺竹絲雞雞湯入面有瑤柱、竹絲雞、花膠和海螺足料 入口鮮甜味美 燉得好透徹，完全不油膩龍井熏太爺雞黎到枱到已經聞到好香 侍應再係上面灑上炸龍井茶葉 嫩滑既雞以鹵水醃製再加入龍井煙熏，食雞肉同時會食到茶香同埋食到底雞都係嫩口既蘇薑蟹肉蛋白東星斑件望上去色彩繽紛已經好想食啦 東星斑厚肉結實熟度剛好放正係碟中間魚肉鮮甜嫰滑無骨，蟹肉、蛋白煮成芡汁將口感昇華總結，呢一餐可

尖沙咀這間六公館可說是跟姊妹常到的聚會之地，除了因為這裡的食物有質素之外，更是因為這裡的環境十分舒適，是跟朋友或另一半共餐的好地方，旁邊讓可以看到維港，為整餐飯加分了不少！前菜先吃鮮柚子鱈場蟹腳，擺盤更特意放上兩隻蟹腳，夠足料，柚子拌以蟹肉，微酸清香，蟹肉鮮甜，十分開胃。然後就是這裡的熱賣菜式－蜜汁黑豚叉燒，叉燒帶點「燶邊」，特別香口，而且肉質比一般吃到的叉燒更軟腍，燒汁入味，高水準。水牛奶龍蝦球，原隻龍蝦上碟，中間是蛋白炒龍蝦，技巧甚高，蛋白香滑，讓龍蝦球口感更滑嫩。秋葵芥茉炒牛柳粒，帶黏性的秋葵與牛柳粒配搭很新穎，牛柳粒一口Size，每粒都是滿滿的醬汁，微鹹的牛柳粒跟秋葵一起吃味道剛好。桂花蟹肉炒新竹米粉，當然少不了麵食，這個炒米粉入面有滿滿的蟹肉，基本上每一口都可以吃到蟹肉的口感，米粉的乾濕度亦剛好，條條分明，帶點焦香。

今日和男朋友慶祝週年紀念日，決定去一個海景餐廳豪一次， 這間位於海港城盡頭的餐廳有室內及室外，無論室內定室外，裝修佈置都很豪華有格調，十分有氣氛，無論和情人來獨光晚餐或三五知己吃飯聊天，都很適合，特別喜歡室外的位置，享受微微自然風，呼吸新鮮空氣，也特別relax，說到海景更是無敵，無遮無檔的無敵海景，加上高樓大廈的繁華璀璨，東方之珠的美景盡收眼底。每一樣菜式好像有點普通，來到卻發現有點小心思，原以為是吃中菜，原來是中西fusion菜。瑰荔堂煌$30平常出外吃飯, 喝的多數是甜和冷的飲品, 難得在這可以沖一壺茶, 兩個人一起喝, 茶越喝越濃啊, 玫瑰荔枝味就不太重, 清香的茶味為主。松茸竹笙金柱燉雞湯$178 首先來了一個燉湯，特別的是以小燭火座熱燉湯，燉湯價錢不算便宜每一個燉湯要100至200之間，來到是雖然看到燉湯的分量不多，只有淺嚐，但是一試之後我和男朋友也露出了驚訝的樣子，如此一個小小的燉湯竟然帶有這樣的鮮味，極之出色及意想不到，內裡有一些竹笙、雞肉、豬肉粒可以吃。鴛鴦蝦球$298之後是openrice最多推介的鴛鴦大蝦，鴛鴦大蝦包括了三隻芥末蛋黃醬的炸大蝦及三隻咸蛋黃炸大蝦，炸

香港的維多利亞港景色舉世聞名，堪稱為世界三大夜景之一，在品嘗美食的同時，能欣賞維港的美景，可說是賞心悅事，上星期日我就來到位於海港城的六公館看著維港夜景吃大餐。餐廳裝修以60年代摩登香港作藍本，打造成為時尚卻帶懷舊情懷的新派中菜館，充滿型格格調之餘卻又散發著優雅古韻。全透明的落地玻璃窗加上戶外用餐空間，坐擁維港景致，入夜後兩岸的高樓大廈紛紛亮燈，互相輝映的迷人夜景盡入眼簾。座位寬敞舒適，燈光昏黃，良辰美景伴身旁，氛圍浪漫得讓人陶醉。就連餐具擺設份外古雅，極具中華文化風格。餐牌主打新舊融合的新派中國菜，選擇極度多元化，跳出傳統框框。八味金磚豆腐 $118豆腐炸至色澤金黃，一口一個，賣相有如小金磚。豆腐表層香脆，內裡有如鮮奶般的滑溜，配合撒在外層的調味料，讓豆腐變得份外惹味。竹笙蟹皇羹 $198橙黃色的湯頭濃滑厚身卻不膩口，以蟹肉和蟹膏作材料，帶出蟹本身的鮮味。一喝就知這碗湯羹是真材實料，差不多每口都嚐到蟹肉，充斥鮮甜無比的味道。椰子咸桔燉鮮鮑魚 $138湯頭清澈沒甚麼浮油，而且調味比較輕手，喝得出沒加味精，原汁原味。用料十足，裡面真的有原隻鮮鮑魚，鮑魚口感緊緻彈牙，滿足口腹之欲，啖啖鮮味

一直想試這間中菜館, 惟晚上只限二個時段, 分別為6:00-8:00PM及8:15PM, 今次遇上星期六不用上班, 終於可以一嘗這間高級中菜館。雖然餐廳位於尖沙咀海運中心, 但位於商場末端, 從尖沙咀地鐡站到餐廳也需要20分鐘路程, 下次一定要預留足夠時間。餐廳裝修華麗, 環境舒服, 不會太嘈吵, 食物選擇不會太多,  但味道也十分可口, 惟份量不會太大, 而且亦屬高檔餐廳, 所以價錢不會太便宜。但能夠與三五知己, 在這種環境下來一個談笑風生的晚餐, 是價得的。