東記上海麵

营业中

休息中

因天雨關係被迫取消郊遊攝影，時間許可決定午餐試久仰大名的東記上海麵。新春後的星期六下午大埔熟食市場仍然人山人海，食客多不聲數，幸運地等了約10分鐘就找到了座位。因為之前未試過，所以今次聽 V 先生建議，點選了炸菜肉絲米線加豬扒，而 V 先生則選擇豬扒水餃米線。建議想試既朋友可以等位期間預早同店舖姐姐落定單，因為一般都需等待二十多分鐘！無錯，係一般等待，我們進食時才來的食客見他們由落單到有麵食足要半個多小時，而且主角豬扒仲要未出爐要後上。講返食物，主角豬扒的份量是頗大件，約等於 $18 豪大大雞扒的尺寸，味道不錯，口感比較硬，較難咬開。麵的份量比較少但餸好多，所以非常飽肚，男仕們會喜歡。注重健康的朋友留意湯的表面有較多浮油。總結東記豬扒味道不俗沒有令人失望，想試的朋友只要本著沒有任何服務，不介意環境擠迫，及預留充足時間的話，這店出品值得一試。順帶一提，現在價錢又加了要 $28！

約了朋友們在大埔附近燒烤，她們還在途中，我趁早到了還有點的時間來個午飯，哈哈！！去大埔的次數十隻手指數得晒，在人生路不熟的地方搵食，真的莫過於先看一看這區的餐廳排名。排名最高、最近我當時位置而又不會讓我迷路的，找來了東記上海麵。對於熟食巿場始終有點芥蒂，我們這些女生們永遠帶著個大手袋，去到熟食巿場手袋究竟可以擺放在哪？剛好坐位與坐位間並無多餘的摺椅，可以讓我安頓那個大手袋，今次唯有攬住嚟食。不愛吃豬扒的我叫了碗豬扒麵，其實心裏是想要試豬扒雞翼雙拼麵的，雞翼是最想食的反而豬扒是其次，可是點菜時有點手忙腳亂，只叫了豬扒 激死，叫錯便算了，因為他們都忙得很，免得亂了他們。好開心豬扒跟麵是分開上的，一向好怕豬扒被浸淋的口感，豬扒好入味好好食，最意想不到的是以$27 這個價錢一碗豬扒麵竟然有兩大塊豬扒真的超值，麵是比較粗身但太淋，口感麻麻，不過分數已被豬扒扯高了，麵質已經不是重點，吃下了兩塊美味的豬扒，麵只吃了一半已再吃不下了，真的好滿足，完全要對豬扒改觀。如果下次再到大埔，要再到東記吃那個被遺漏了的雞翼 ，豬扒當然也是必然之選啦。

來到大埔熟食中心便會想起新加坡的熟食中心, 坐座無虛席, 人太多, 冷氣不夠, 風味搭救上次下午2時多到東記, 雞亦一早已經賣光光, 也好, 造就今天特意早上11時多再來一試位置不少, 店員除了兼顧樓面, 也要處理大量的外賣, 等了一陣子, 店員才能分身下單, 港式風味也包含人情味, 等一會兒也不過份叫了一客豬扒米線, 一客雞亦米線米線份量很多, 肚窄的記得要扣底雞亦有五隻之多, 用南乳醃得入味, 熱辣辣而不油, 香脆非常, 一口氣可吃數隻厚切脆豬扒啖啖肉, 啖啖滿足, 若果肉能更入味更佳為免眼闊肚窄, 食量少的記得扣底, 雞亦香脆入味值得一試*

朋友是一位擁有兩位小朋友的年青媽媽，日常生活簡約，相夫教子，主理早午晚三餐兼家務等，就是典型稱職家庭主婦的模樣。因為這朋友的事務太繁重，好不容易才相約到她一起進膳，這次就到朋友家附近的東記上海麵來個短聚吧。帶同仔女前來的她雖然有點疲態，但依家親切可人、一見如故。東記上海麵是她與家人經常光顧的食店，據說附近的街坊們也認為她"大件夾扺食"，以27元的價錢可以吃到一碗雙拼麵食算是十分划算嘛? 筆者又認為可以接受吧，大概主因是麵店在大埔的歷史悠久，麵食與招牌炸豬扒、雞翼的份量是重型的，真材實料的大前題下發現食店內總座無虛席。東記又是一位處街市熟食檔的傳統格局，顧客先下單，食物隨後送到後再即時付款，店內沒有飲品供應，口渴的唯有請移玉步到鄰近餐店購買了。與友人談著近況，店員已迅速地將兩款麵食呈上，是意想不到的大份量，當中一款是炸豬扒拼榨菜米線，新鮮的現炸酥香向來就是讓人難以抗拒的誘惑，豬扒大大件又厚身，與坊間常見的"發育不良或如紙薄"的豬扒種類不能相提並論。外皮炸的金黃酥脆還佈著蒜粒便為惹味、肉質鬆化軟腍，鹹度也適中，配上滿滿爽口惹味且粗身的榨菜絲，味道也滲進了湯底裡，乾脆與滑溜溜又富彈性的米線同

這天太座想到三門仔一遊，看資料要到大埔墟轉車，來到時已是中午，吃些東西才繼續。太座問我想吃甚麼，商場內有連鎖的食肆，我嫌千篇一律，倒不如多走幾步到大埔墟熟食中心內找找看。這熟食中心頗大，中午時間，人頭湧湧，食肆眾多，哪間好與不好？我們靠感覺去找，見這檔人人都吃炸豬扒，而且賣相不錯，一於跟隊。好不容易才找到兩個搭檯位，座位非常狹窄，等了一會才有阿姐來聽柯打，要了一碗豬扒麵，問要幼麵還是粗麵，我要了幼麵，太座要了菜肉雲吞米線。約等了十多分鐘，終於輪到我們的食物到來，豬扒麵，以免給湯水浸腍，豬扒是另上的，這點值得一讚，小店也算細心，豬扒顏色金金黃黃，散發著迷人的油炸肉的香味，也因切得不厚，肉炸得香脆入味，麵條要幼的，卻來了粗麵，因是用了上海麵，粗麵條像是幼烏冬，質素普通，麵還伴了兩條菜心，算是誠意十足。菜肉雲吞米線，有幾顆大大粒的菜肉雲吞，餡料切得精細，味道調得不錯，米線很滑。下次來大埔，一定會再來吃這炸豬扒麵。

大埔美食真係好似一個大寶藏。只係猪排麵都係兩間爭得你死我活。這兩家就係「世記」同「東記」， 聽前輩說，佢地本來係兩叔姪，吵到不可開交之時，就拆伙，之后自立門戶，現在各自一個山頭。世記既食物不可以過檔超這東記那一邊， 東記既食物也不可以越界。比楚河漢界更分白不過了。 不過各人都有自已既FANS， 誰也搶不了誰的光環。本是同根生嘛！ 不過說到豬排，雲吞，麵底，辣椒油，我個人偏好「東記」。1） 豬排 東記: 入味同肉質比較軟身，而炸粉厚薄均勻 。（勝) 世記：炸粉太厚，豬排不夠入味，肉質較硬。2) 菜肉雲吞 東記: 比較有味， 菜同肉比例剛好。不會偏重那一種味道 (勝) 世記: 肉比菜多了些，而肉本身欠肉味，所以比較淡味。3）醬酒 東記: 辣椒油香口 世記: 以前既酸辣底真係天下無敵，可惜現在因為太忙， 所以要客人自已在台上加醋同辣椒油， 大大失色了。但醬酒方面同東記是打平手的。（和）在東記閒閒底要等20﹣30分鐘， 不過，我寧願等一下， 因為新鮮炸出來既豬排同放了一會兒既豬排大大不同的。

承上水林德記食評。上午在上水睇完風水，也在大埔探探舊友"東記"。因只自己一個，在這星期日午餐繁忙時段好彩只等了5分鐘便有位。座位還是以住的狹窄、枱面還是以住的油光閃閃; nevermind 食品味道好便可扳係失分吧。姐姐們實在太忙了，等5分鐘才有姐姐為我的炸豬扒炸菜上海麵($27，第一次幫襯時大約$21？)落單。全靠同枱等咗25分鐘嘅家庭追單，我至可以只等5分鐘有得食。不禁開口多謝佢哋！榨菜仍是少咸帶爽勁。炸豬扒的調味與以前一樣，下了大量葱、乾葱、薑汁、蒜等來醃製; 而外面仍是炸得香酥。可惜扒扒不再juicy.....記得十多年前是以冰鮮扒來炸的，今天則用上一般茶餐廳雪至死實的肉........又係用貨問題.....嗚呼..... Anyway, 現今百物驣貴，以$27吃到這水準還算是頗花算的。

在群記吃過清湯腩後，前大埔之花帶我到大埔墟街市上的熟食中心，回味她的大學時光…打工後的早晨，她會去東記上海麵買炸豬扒回家。今天的炸豬扒麵也只是$26，非常實惠。因為光顧的客人很多，所以炸豬扒還是熱的，剛炸好的豬扒當然好吃，上了粉，有點脆，我最喜歡骨肉相連的部份。比起同樣以豬扒聞名的爽爽麵店，東記炸豬扒是比較樸實，而且「大件夾抵食」。爽爽的豬扒是煎的，用的豬扒比較講究，一般是半肥瘦，客人也可根據自己的喜好指定要瘦或肥的豬扒，但就別妄想$30以下能吃到豬扒麵…我看著其他客人吃的上海麵，覺得對辦，但友人說要吃米線，米線煮淋了。下次還是吃上海麵吧！

多年前大埔墟街市落成, 便聽到有間好出名嘅豬扒上海麵, 於是搵咗個星期日去到。 到達後由於人太多, 又唔知道間豬扒麵叫乜名, 於是随意揾間舖頭問一問。 點知個呀姐話我哋揾啱啦! 佢哋(張煥記)就正是豬扒出名啦! 於是我哋就梗係落order啦。 點知...碗豬扒上海麵送到時, 我哋嚇咗一跳! 不但又薄又乾又燶, 仲咬唔到。 最核突係問個呀姐有冇辣油時, 佢竟然遞上一樽滿佈烏漬嘅辣油不特止, 仲喺自己條褲嘅後袋拎出一個細匙羹, 用嚟畢d辣油㗎! 真嚇死! 之後, 我哋當然知道邊間東記啦, 仲偶爾都會嚟食吓。 今日, 又嚟食佢嘅又香又脆豬扒拼雲吞, 水準依然保持到, 難怪一到午飯時候總要等位, 公眾假期就更加水洩不通啦! 物價高漲, 呢碗豬扒上海麵己由當年$18加到今日嘅$26, 但依然都係合理。

行完山去呢度食下午茶, 呢度好多野食, 咩野食都有, 冷氣夠勁, 舒服!但個地下有點滑, 不過街市食店, 應該吾可要求太高了...我地選左呢間食麵, 叫左豬扒河,雞翼河, 佢地送同麵分開上的, 吾會整林d送, 幾好!河粉都夠大碗的, 豬扒正到不得了, 夠大塊, 外面香脆, 入面豬扒鬆軟, 好好味!雞翼亦一樣, 外面炸到脆脆的, 裡面好嫩滑, 吾會話炸到太乾同縮水, 都幾大隻的!26幾蚊一碗, 吾算好平, 但咁既質素, 都叫做合理, 食完下次會想去再食的!

上次踩完單車, 朋友介紹黎食, 點知冇開門.今天又是打算踩單車, 結果太多人同太貴, 放棄了, 上來食同類啦~^^首先超多人, 場面混亂, 因為實在太多人, 侍應完全係0招呼, 結果喺一片混亂之下, 終於有野食.係野食, 呢間係冇野飲嘅, 要另外叫.可能太多人啦, d豬排炸得唔夠脆同化, 普通咗 d反而d雞翼唔錯, 唔會乾淨淨~都有d肉汁~

同一個熟食中心，東記也是很久沒有來，不過沒有發記的那麼久，五年啦。差不多人人一件炸豬扒，來伴麵吃，而我，亦不例外。不要太過重的上海麵了，要米線，雪菜肉絲是新鮮貨色，啖啖皆香甜，湯身味道則略為淡了一點。因為流量大，所有豬扒即叫即炸，豬扒薄薄的外層入口香脆，豬扒肉質鬆化，味道香甜，醃得很入味。我不知道怎去界別此豬扒是甚麼類別，是港式？是北方風味？姑勿論點，好吃便是。下一次再來街市，試試場內另一間豬扒麵店，作個比較。

難得可以輕輕鬆鬆逛遊大埔，重點節目當然是尋找美食。由於對這區非常陌生，我們就以OR食評作引導，走訪普羅大眾喜愛的餐廳。第一站來到東鐵站附近的熟食中心，這裏可謂小型食肆的集中地，保守估計也有十多個攤檔，售賣不同種類的食品。「東記上海麵」高踞人氣榜，當然成為我們首個目標。甫坐下即柯打這裏的名物豬扒粗麵，阿姐問是否需要冬筍、炸菜等等，因為不想吃得太雜，所以通通都免了。後來才知道加雲吞也是同一價錢，真是呻笨呢！環顧四周，店子只有兩排桌子，所以非常擠逼，即使我們在非繁忙時間幫襯，也要跟別人搭枱。不消一會食物便送到，單看份量已叫人嘩然，想不到廿五元竟可買到堆得滿滿的豬扒，抵吃得很。豬扒剛剛炸起熱辣辣，外層黃金酥脆，而又不會滿佈粉漿。肉質柔嫰且有汁，醃料非常入味，部份連骨位置帶些油脂，豐腴滿足。至於上海麵貌似白鳥冬，較為腍軟欠彈性，不是我杯茶。湯底淡淡的不突出，但配上美味的豬扒又很適合，不會讓有有過溜的感覺。另每碗麵也加有一條青綠菜心，貼心哩！臨走時見到附近小店冒出大朕白煙，原來是專賣點心的林記，下次有機會也想試試。

星期日老公一早入大埔陪我去游水, 跟住我哋去食啲o野先去大陸按摩, 住咗大埔咁多年都好少去大埔街市食o野, 所以今次決定捉老公陪我去食.一上到熟食中心, 超多人, 真係人山人海, 去到東記, 啱啱見到大人食飽諗住走, 我就一個箭步衝埋去坐低, 老公就叫o野食, 之前見到啲食評講得咁好食, 所以特別期待. 可能太多人o既關係, 所以等咗廿分鐘先有o野食.首先嚟到o既係麵先, 我叫咗炸菜肉絲併豬扒幼麵, 一心諗住係上海幼麵, 點知係鹼水麵, 原來呢度只有上海粗, 真係有啲失望, 因為我最怕食鹼水麵, 老公話同我交換, 但算數啦! 老公鍾意食上海粗, 我又點會奪佢所愛呢! 所以我都係照食, 不過, 真係唔好食, 雖然冇咩鹼水味, 但冇彈性, 鍾情鹼水麵者可以唔試, 湯底冇特別, 普通味精湯底囉! 而炸菜份量都幾多, 而且唔太鹹, 幾好!老公叫咗雞翼麵, 佢食麵一定要加辣椒油&渣, 佢話呢間辣椒油好香, 我試咗一條上海粗麵, 粗幼軟硬適中, 唔錯! 始終東記都係上海麵較優勝o既!主角出場啦! 好大份豬扒呀! 豬扒1cm厚, 外層炸得酥香熱辣辣, 肉質柔軟又juicy, 果然係名不虛傳呀! 咁怪

大埔街市的豬扒麵十分有名，好多時放假都會食，但次次有個題就係，點解你要早早煮好個麵比我，而豬扒卻遲遲未到！今日又在吃早餐，點了碗豬扒雞翼粗，呢碗麵一早就黎左，但Ｄ豬扒雞翼就冇晒影！其實我明白可能係炸唔切，但我唔介意成set野慢慢一次過黎囉，足足等左成十分鐘，最好笑仲要問我有咩未黎，唔通我食淨麵咩？豬扒同雞翼黎到時候，成碗粗都凍晒，豬扒又係凍晒，雞翼就熱辣辣，心中碎碎唸！p.s.其實我都買過外賣回家，要幼麵，又係等豬扒，街市回家只係三分鐘，因為等豬扒，湯麵都變了乾麵！