東記上海麵

营业中

休息中

好鍾意食呢度嘅炸豬扒，好脆又唔太油^^（我細細個食到而家）熟食中心有兩間食炸豬扒，我覺得呢間好食啲~除咗炸豬扒，仲有炸雞翼同其他餸可以揀（不過炸豬扒最好食)另外炸豬扒凍咗都仲係好好食架，唔會淋咗，所以可以淨買一盒炸豬扒夜晚加餸

又來大埔搵食，試了東記的炸豬扒上海麵和炸雞翼上海麵。因為假日同午飯時間，所以來到時好多人，需要等一陣位先可以進餐，一早已到環境沒有期待，所以亦沒有失望。炸豬扒雲吞上海麵 ~ 豬扒大大塊炸到好金黃，食落唔會鞋，都幾鬆軟，雲吞不過不失啦。炸雞翼雪菜上海麵 ~ 雞翼都是炸到金黃色，好香，雪菜就差左少許，沒有味的，見對面枱的妹妹叫了炸菜，望到就較雪菜吸引，應該會較濃味，後悔沒有叫炸菜而叫了雪菜。

一講大埔的豬扒麵，無可否應東記的豬扒是很強，所以一逢休息的日子，總愛吃碗豬扒雞翼麵，$25很抵飽足兩餐，計落真係很化算！今天又早上來一碗豬扒雞翼粗麵，是日隔離的茶檔休息，所以冇叫飲品，既然沒有飲品，我亦都不加辣椒油落碗麵到，因為呢到Ｄ辣油都幾辣！有時辣到真係不知碗麵味道，真是又愛又恨！今天的豬扒同雞翼剛炸起，所以熱辣辣，很吃豬扒的外脆內軟，豬扒其實帶點點”SO“味，但個人亦都很接受，覺得這點豬味令到豬扒更好食，雞翼亦都很入味，今天只是加點醋及豉油，味道梗加原汁原味，在黃雨下的一個早午餐，滿足矣！

我超愛吃台灣的雞排, 不論是炸雞排啦碳烤雞排我都很喜歡~! 在香港的話呢, 我就喜歡吃茶餐廳的那種豬排, 覺得香港人做豬排就是特別好吃男友住大埔, 知道熟食中心有很多好吃的, 中午就來吃午餐星期六的熟食中心有很多人, 也要等位子. 但幾分鐘後就有位子了一人點了一份豬排麵, 男友點了豬排雲吞米線, 我選了豬排雪菜粗麵豬排是後上的, 很大一碟. 都是立即炸起立即上給客人的鬆軟香口的豬排, 一點都不會油, 調味也很恰到好處, 很不錯呢聽朋友說這裡還有一家叫世記的也很好吃, 下次有機會一定會試試

朋友話大埔有間炸豬扒好好食，要我們一定要試試，咁就要去去，我對炸野就興趣麻麻，但身邊的女性就眼裡發光，炸豬扒的魅力，真的咁難抵擋..........我要了炸醬炸豬扒米線，炸醬米線上先，炸醬味有些酸辣的feel，隨後豬扒送到，外皮甘香鬆脆，內裡肉質軟滑，口感多層次，味道濃郁，食完後，身邊的朋友說：今餐咁肥，又要減過。又要愛，又要恨…矛盾矛盾

以前黎呢度食過覺得唔錯, 所以今次再黎呢度食午餐搵左好耐先有位本人叫左一碗雪菜肉絲炸豬扒米線其他同事們就叫左墨魚丸米線, 豬肉丸米線同菜肉雲吞米線 + 炸豬扒/炸雞翼豬扒一如以往咁, 香口, 鬆脆, 有肉味, 雖然知道應該有用梳打粉, 但佢腌得幾好其實呢度係得豬扒幾好, 個麵真係無乜特別, 都係好普通既米線, 無話特別好味, 彈牙咁呢度係街市, 坐既地方其實有一陣臭味+尿臭味, 不過來到呢D環境食野我地都唔要求咁多D阿姐就叫左好耐好耐先黎理我地, 都明白, 午市真係好多人, 總之有人理我地就OK 一路食都無問題, 但食食下竟然, 我碗雪菜肉絲米底到俾我見到隻死蟑螂係裡面:我見到呢隻蟑螂時, 真係覺得非常嘔心咁我叫個阿姐過黎問佢你可唔可解釋下咩事, 但叫左佢好耐都唔理搞左一陣, 佢就叫我自己去搵老闆娘期間個女工話: 呢d細細隻, 梗有ga la咁既食物+態度令到我好嬲, 我行左去舖面話搵老闆娘, 點知無人理我我叫左一陣, 頭先個女工又走埋黎話, 老闆娘要炸豬扒行唔開, d豬扒會燶ga我就話我只係要求你地搵人出黎同我道歉o者, 又唔係要d咩, 真係咁困難?佢都係話d豬扒唔燶得我即刻返埋位影

數年前錯失一次食東記的機會 今次認真要食番夠本 我未試過食lee度o既豬扒麵 亦知道好出名 今日嚟大埔踩單車 當然要試試 我哋未夠兩點嚟到 已經超多人 等咗差唔多四個字先有位坐 四個人點咗一個豬扒幼 雞翼雪菜肉絲粗 豬扒炸菜肉絲粗 雞翼炸菜肉絲米線 等咗三個字先有得食 雞翼炸得香脆 我的朋友話好出色 食過後都會係心目中最好味雞翼頭三位 值得一提的是 d麵都幾大碗 其他配料唔會話得幾粒 我覺得咁先係做生意 唔會因為通脹就縮水 最後豬扒嚟到 啱啱炸完好熱好油 但又真係好好味 而且又大塊 但係食完會好口渴 大埔街市真係好有特色 好難得唔sell服務淨係賣味道 今時今日好罕見 最後食咗114

去大埔踩單車,先到熟食中心搵食,用openrice app快速搜尋一下,見「東記」多好評就選了它$25可以揀雙拼粉一碗,其中一樣可拼炸雞翼/炸豬扒等的時間有點久,可能炸野需時吧食物送來,果然炸雞翼和炸豬扒都好熱好脆,豬扒的肉沒想像中的鬆軟,雞翼就好脆菜肉雲吞就普通,幼麵煮久了/放久了有點吸了水發漲雞翼有4隻,菜肉雲吞有4粒,加上微漲的麵,實在是很飽呢還送上一條幾fresh的菜整體都幾滿意~~

同媽咪去食, 分別點了 香脆炸豬扒 和 雞翼 上海粗面豬扒和雞翼 都炸得香脆通透而且醃製得好入味雞翼好大隻仲有成5隻多.... 正豬扒亦炸得岩岩好,炸粉好薄但唔會乾,好脆又夠腍, 有 蒜蔥, 香茅味道, 食同聞都好香噴噴, 同埋豬扒和雞翼會自動另上, 唔怕會腍晒。題外話, 叫了鄰店的 冰凍檸樂, 配埋呢碗面!! 美味午餐!!

今次我哋都係第一次嚟呀，點了香脆 炸豬扒米線 和 雞翼米線 同 凍檸檬茶豬扒和雞翼 都炸得香脆通透而且醃製得好入味，夠味道之餘有口感，但非常油膩。檸檬茶夠茶味，偏甜。提提大家：依檔係食物到時需要即時付款

黎到大埔搵朋友，順便搵野食~朋友首推熟食中心既豬扒面~去到既時候正好係係lunch時間，超多人，好彩有個地頭虫朋友，等左一陣就搵到位喇~一坐低，就有人黎問我地飲咩野，我就叫「豬扒河+可樂」，點知原來佢唔係面店既店員，淨係賣飲品.咁搞笑既....到最後都係由朋友去點單，可能真係好多人,等左都幾耐先黎到.一黎到,碟豬扒好香~~~份量都ok~即刻試食,好味!!!炸得岩岩好,唔會乾,好脆~加埋個河粉真係一流~不過如果淨食豬扒既都會幾油,要浸一浸湯再食會好d~

星期日在大埔食早/午餐, 最佳既目的地, 當然是大埔街市啦. 是日, 我一於找返一間老字號, 懷念一下當年的味道. 大埔街市的東記同世記, 之前說過是源出同一世家. 只是兄弟要分開做而已. 上次試過世記, 感覺有點不像話, 傳說中, 東記才是真傳, 食過世記, 當然要試埋東記才安心. 不過, 來街市多次, 一直都不記得要完成食上海麵呢一個任務. 直至這一次再來, 才再次想起, 這個於大埔墟, 家傳戶曉的上海麵世家.一塊大豬扒, 一碗上海湯粗麵. 同上次世記比, 一看就知道, 此店的出品, 只論賣相, 已經比起世記, 做得更好.豬扒, 夠乾身, 蒜片, 蔥片, 香茅味道, 完全的滲入了豬扒的肉芯內. 夠腍, 聞到有香味, 食到有香味. 而且, 薄薄的炸粉, 咬落輕脆. 亦是因為面頭的炸粉夠薄, 炸扒的油可以完全的滴出, 未食之前, 翻開看一看碟底, 沒有油, 已經令我覺得有一點滿足的感覺. 味道夠香, 入味, 不油膩, 是一塊非常出色的豬扒. 而麵, 湯底清清地, 有少少胡椒味, 麵條爽爽地, 食落有味有口惑. 好食.大埔街市的老字號, 好似已經食得七七八八了, 改日再來, 真的要想想下

第三站，是吃過返尋味的東記。其實本來是想吃群記清湯腩的，但後來才知道原來星期日不開門，只好另選地方。在這個熟食中心，我就只吃過三小姐和東記，其實可能有一些更好吃的，但我只是外來人，就吃些穩陣的好了。在熟食中心，雖然檯椅可能都是一樣，但其實各店都各有自己的山頭地盤。一坐下，下單後，才給旁邊的侍應告之這裡不是東記的位置；找了一張檯上有東記字樣辣椒油的檯，移位後，馬上告訴下單的東記侍應，到麵來了，又給東記的侍應詢問為甚麼移位不告訴他們。這就是香港的地道飲食文化特色了，不過我真的覺得我第一張檯完全是灰色地帶，因為我坐下的時候，上一手的東記戰鬥碗，還在檯上啊！說回我吃的，叫了一碗豬扒併竹筍肉絲粗麵，他們的幼麵，其實是全蛋麵，粗麵才是上海麵。竹筍肉絲粗麵先來，不用特別要求豬扒另上，這裡是自動的服務，應該是因為怕豬扒放湯會易腍吧。這裡的竹筍肉絲很有趣，你永遠會以為自己叫錯了齋竹筍，因為那是消失的肉絲！只有幾條的肉絲實在彌足珍貴，我曾經就試過以為叫錯了再問東記，換回來的也不會多很多肉絲，其實從門口的廚房就可看到。還好醉翁之意在竹筍，所以我們今次也是收貨的。竹筍無渣爽口，切粗條狀口感更佳，竹筍獨有的味道

環境熟食中心的冷氣強勁，盛夏吃湯麵也不至於大汗淋漓跟以往舊街市一地污水、免得過只會冬天前來的情景，如今作為顧客的也幸福得多食物竹筍肉絲豬扒粗麵 竹筍：比麵條還要粗，覆蓋了整個碗面 肉絲：明顯是湯渣，本人未有嚐一囗 豬扒：表面炸得金黃，入口不夠鬆化但勝在醃料入味，齒頰留香，帶骨的豬扒永遠最棒 粗麵：此乃敗筆之處，麵條外表偏白似烏冬，既軟又欠彈性 湯底：出奇地清淡，能吃出肴肉的甜味服務街坊式的招待價錢$24，取食物時即付球

今次第2次去大埔街市食野...第一次哩朋友介紹左哩間東記食過之後回味再介紹比朋友食...同以往一樣在食飯時間去...係超多人...要自己找位...D侍應忙到係唔會彩你ga...最好佢一行埋黎係就要好流利叫晒d野la..唔係你有排等...而且佢飲品係另外一間負責的..so..都係一樣找唔到人...一係就唔知係邊個野邊個la..d野食到晒就要就要付款..以免佢地會混淆...都係好ga~不過d常客好識做ga...食完就會即走...唔洗大家等咁耐...講到炸豬扒同雞翼都炸得好香口...好好食....