東記上海麵

营业中

休息中

星期日在大埔食早/午餐, 最佳既目的地, 當然是大埔街市啦. 是日, 我一於找返一間老字號, 懷念一下當年的味道. 大埔街市的東記同世記, 之前說過是源出同一世家. 只是兄弟要分開做而已. 上次試過世記, 感覺有點不像話, 傳說中, 東記才是真傳, 食過世記, 當然要試埋東記才安心. 不過, 來街市多次, 一直都不記得要完成食上海麵呢一個任務. 直至這一次再來, 才再次想起, 這個於大埔墟, 家傳戶曉的上海麵世家.一塊大豬扒, 一碗上海湯粗麵. 同上次世記比, 一看就知道, 此店的出品, 只論賣相, 已經比起世記, 做得更好.豬扒, 夠乾身, 蒜片, 蔥片, 香茅味道, 完全的滲入了豬扒的肉芯內. 夠腍, 聞到有香味, 食到有香味. 而且, 薄薄的炸粉, 咬落輕脆. 亦是因為面頭的炸粉夠薄, 炸扒的油可以完全的滴出, 未食之前, 翻開看一看碟底, 沒有油, 已經令我覺得有一點滿足的感覺. 味道夠香, 入味, 不油膩, 是一塊非常出色的豬扒. 而麵, 湯底清清地, 有少少胡椒味, 麵條爽爽地, 食落有味有口惑. 好食.大埔街市的老字號, 好似已經食得七七八八了, 改日再來, 真的要想想下