東記上海麵

营业中

休息中

剛巧入大埔,在openrice serach到這間距離我不遠又多好評的食店,於是便在這裡吃午餐......叫了一個炸豬排米線,豬排跟米線是分開上的,米線味道不錯,而豬排真的十分香脆,吃完會想再來的感覺,不過落單及收錢的態度都不太好,可能因為多客的問題,好像有招呼不完的客人,但我認為總應該改善一下......還有原來他們沒有供應飲品的,要飲品便要向旁邊一檔的姐姐叫了......

今天到了東記吃豬扒麵，可能時間尚早，十二點未夠，不用等太久便有位了。豬扒新鮮炸起，很好吃！但不知為什麼，粗麵煮得很淋、爛爛的。不過，到這裡都是為了吃炸豬扒，算吧！一碗豬扒麵再加一杯惠陽茶水檔的凍檸茶，正呀！

朋友介紹下去了大埔熟食中心，食好出名的豬扒！叫左一碗豬扒米線！碟豬扒一黎度.呆左...冇諗過咁大碟！每一舊都好好肉！好好食！不停食！不過我食之前浸一浸佢，會好好多，因為會冇咁油！食下食下，好快就飽了.....結果食唔哂細食的朋友，建議你哋同朋友share 碟豬扒，一人一碗麵會好啲！！話雖如此...不過...環境就真係.......大家唔好EXPECT 有好服務好環境..只有好吃的炸豬扒!!!

此檔經常爆滿, 有時都要等十幾分鐘才有位, 試過等45分鐘才有得食! D夥計態度一般都麻麻! 大概是忙到失晒魂, 不過, 我還是覺得值得等吓. 牛腩不是一般潮洲那一種, 而是有奌嚼勁及带着濃濃牛腩的香酥味, 吃時加多一些辣椒酱, 我只能說出一個「正」字。牛腩通常在中午前已被賣清, 要吃須趁早. 我建議加一杯大檸樂加薑, 完全可以幫助消化, Perfect Match! 心滿意足了! 有些女仔嫌炸豬扒「鞋」改要炸雞翼, 其實炸雞翼也不錯, 只是相對豬扒而言, 沒有太大驚喜.此檔同時賣拃菜和臭筍等上海風味的配料, 不喜歡臭筍味的人要留意, 那故怪味不時會在你旁邊散發著.

約fd去火車博物館到影相呀,未去之前先要醫肚,聽講大埔綜合大樓好多野食呀,特別係個炸豬扒出名,so來試下,原來有得雙拼既,出名唔至炸豬扒,仲有雞翼同雲吞呀,去到都幾多人,搵左陣先有位呀,即叫炸豬扒米線,不過d阿姐(職員)成日唔理人要落單,又黑面,態度OK差......之後等左好耐問佢幾時有又唔出聲,不停追call之下先上,真係要怒了><"!等左好耐既炸豬扒米線,個米線係先上既,隔左分1~2個字先上炸扒.........如果真係等埋一齊食既話一定索晒水啦,so有食住米線邊等呀,不過真係好難唔等埋個炸豬扒一齊食呀~!炸豬扒,即時炸起既熱辣辣,仲要好大件係厚切既,真係幾好味呀,炸得好鬆化,個外層幾脆下,肉質又鬆軟,好味呀~!個米線有得先行配搭竹荀肉絲,雪菜肉絲同炸菜肉絲,選左炸菜呀,不過個米線好普通,冇咩特別呀~!基本上野食幾好味,係態度差點呀唔太想又去,雖然幾想試下個雲吞~!

上星期有日去左大埔踩單車, 玩完之後呢朋友仔帶左我去大埔墟街市及熟食中心食野.我地呢就去左間叫做東記上海麵既食檔坐底左.我地呢就叫左個豬扒粗麵, 20$到~見到佢全店坐滿同無停手既~應該都幾好味, 試下先~個菜黎到個時, 嘩, 塊豬扒好大塊呀~好好味呀~佢唔係用D舊油去炸~外層脆卜卜~入面又鬆軟~好好食~好少食到咁好味既豬扒~之後呢, 我就再叫左炸雞翼,一碟4隻~大大隻又炸得好BOR~入面D肉又嫩滑~正~!!

好耐無食東記的豬扒麵, 由於時值下午二時, 午飯時間巳過, 人潮開始散, 不用花太長時間等位。點了一個豬扒粗麵, 豬扒和麵是分開上的, 為要保持豬扒鬆脆。等了近十分鐘, 新鮮即炸的豬扒送到, 一放入口, 依然好好味道呢! 豬扒大件, 肉質鮮嫩, 少肥膏, 且鬆軟無比呢!

每逢星期日呢到都好多人, 叫一碗麵都話要等三十分鐘..嘩…唯有照等拉..到到都係咁多人…好在等左二十分鐘己經有得食..我地叫左一個雞翼麵同埋豬扖麵一黎到抬到見到有兩大塊豬扖…雞翼都有五隻…先食雞翼..外面真係好鬆脆又夠熱…正跟住再食豬扖..又係好鬆脆..呢個蘇炸豬扖認真一流.

今日專盛去大埔行逛遊玩，諗住順道係嗰度食好嘢，於是乎我就睇OR搵食。見到呢間東記好似幾多人讚，而老婆同仔又鍾意食麵，所以決定去呢間食。下午成兩點鐘去到，重係人山人海，無計...等位囉！好彩等咗五分鐘到就有位啦。咁立即落order...我哋一心嚟食更係乜都叫啲...於是乎就叫了豬扒粗麵，雞翼幼麵加雪菜肉絲，再加多個炸菜肉絲菜肉雲吞米線。好快啲嘢就嚟到...我一試.........豬扒係OK，可惜凍嘅...所以唔好食，加上豬扒肉質太瘦同埋無肉味，主要靠個脆漿啲味。雞翼同豬扒一樣...唔重複講啦。最差係啲麵...啲粗麵淋嘅，無味...我意思係連湯食都食到啲麵係無味！幼麵...嚟食上海麵嘅地方諗住叫幼麵一定係嚟上海幼湯麵，點知係嚟個廣東蛋麵...？再加上麵身硬(唔係爽)，又係淡而無味...又係超級失敗！雪菜...又係淡到死...點解會咁！菜肉雲吞...應該係用娃娃菜之類嘅大葉菜溝豬肉，但個涵無味兼有啲梅...我直情唔食。以上咁多樣嘢都有問題...真唔明點解係OR會有咁多好評！

除了正宗日式的吉烈，東記炸豬扒應該是我的至愛了。油，是勁油。也勁熱氣。但久不久還是很想念這新鮮炸起、連骨、肥瘦適中的豬扒。上海雲吞也很不錯，而且抵吃，一碗有十多粒！

就昨天星期日, 和兩位好朋友試試這間出名的豬扒麵,好多人, 大概等了五分鐘就有位, 不過還是很窄, 因為要搭枱,不要緊, 最過份是以下幾宗罪,1.收上一手的碗碗碟碟要叫才過來收2.等了20分鐘才來一碗淨麵3.再等多10分鐘要出去嗺才肯來一碗豬扒, 成為一碗豬扒麵4.麵已吸了4成水份5. 收錢時一聲多謝也沒有開開心心來, 卻黑住面的走, 沒有下次!

是日大埔遊午餐就黎食東記事關有我最愛o既炸雞翼個麵幾彈牙比起出面食果d麵粗食d幾得意個炸雞翼就夠哂分量一客成四隻仲要炸完隻隻都脹卜卜咬落仲好多肉汁yummy*

簡簡單單炸豬扒上海湯面+雪菜肉絲 $23 好味低食

知道大埔墟熟食街市的東記豬扒麵其門如市，趁復活節假期的下午茶時段去了一躺，果然人頭湧湧，好不容易才找到一個位坐下，菜牌選擇不算多，除了幾款麵食和兩款招牌炸物之外，也有菜肉雲吞、牛丸、牛腩和榨菜肉絲等。牛刀小試之下，叫了一碗炸雞翼搭炸豬扒，再配上一個清湯米線，基本上米線這東西很難失手，起碼爽口滑溜，喝了那清湯數口，也沒有口乾的情況出現，還是將焦點放在那碗炸物好了。先試那炸雞翼，其外皮果然十分鬆脆，非常香口，但是吃下去仍不覺過份的油膩，比任何的來路炸雞翼好吃得多了。這除了有一個調教得好的脆漿之外，也全賴火侯適中兼不停翻滾的炸功，肉質嫩滑之餘，還是存有水份，十分juicy。炸豬扒略帶厚身，其香脆程度亦是和炸雞翼相若，肉質來說，也是弄得鬆化，當然二選一之下，仍是偏好炸雞翼多些，這關乎食材之分別和偏愛，非戰之罪也。兩款肉類也經過醃製，論調味來說，仍是以天后「順豐」的蜜味炸大排略勝一籌，檯上有辣醬、黑醋和醬油等調味料，當然有枝李派林更佳。廿三元一份，也實在滿意，據聞菜肉雲吞也是有點好評，下次可免了豬扒，改為一個加了榨菜肉絲的上海粗麵，期待當中。

本好少寫完又再寫, 但今次係食唔同的炸醬麵呢.d 炸醬仲有辣椒, 炸菜等, 勁濃味.哈, 今次叫幼麵, ok 喇豬扒一碟勁油, 另一碟正常.23蚊, ok 喇!!!