東記上海麵

营业中

休息中

雖然住係大埔，但好少去新街市食，一去既話就會黎呢度食野。講環境，呢到就當然比較嘈吵，座位亦唔舒適，感覺就好似去左街邊大排檔。不過好在有冷氣，即使係夏天都唔會身水身汁，比起舊式既熟食中心已經好好多!黎到就當然要黎碗豬扒上海粗麵。仲可以雙拼的，不過一心黎食豬扒既我，單單係豬扒已經夠滿足。麵首先黎到，粗麵比起一般既粗身，麵條彈牙煙韌。若果只食麵，感覺係會覺得好淡而冇味，因為湯底半身都幾淡味。但配上炸豬扒時就唔同哂了，豬扒份量好多而且厚厚既，炸得熱辣兼金黃。食落味道比較咸，但配埋麵食就會岩岩好了，一咸一淡十分配合。豬扒肉質鬆軟而且肉味亦足夠。由於豬扒份量十足，只食豬扒亦足以夠飽，十分抵食。不過唯一唔好係好熱氣姐!總括來說雖然比普通的麵貴少少，但也覺得物超所值。一定會再去食過!

I guess that's the best quality pork chop noodle I have ever taste in terms of food quality, quantity with reasonable pricing. The coating is so crispy and the pork meat is kind of juicy indeed. The beef gelatin w/ bamboo shoot noodle is rarely found in Hong Kong nowadays. I strongly suggest all of you to visit the Hong Kong Railyway Museum nearby after the meal as well. This place is great for sightseeing as you can see the historical train compartment there.

香港最多的食物應該就是粉面每天地鐵上都播公仔面的廣告還有翻山蹈海的出前一丁200多個日子過去了我確信自己不喜歡粉面是次，是關鍵的一步————————————果壳苏三饕餮走四方 餐厅名称 香港东记上海面 餐厅地址 大埔鄉事會路大埔墟街市二樓熟食中心CSF27舖 交通 大埔火車站出來后，跟著人流走，就能到大埔街市 就餐时间 2009 年 1 月 11 日 14 时第几次用餐 第 1 次 可否刷卡、八達通 使用現金 如何知道该餐厅 約了人一起在大埔尋覓沒食，做大埔美食天后，通過openrice找了一些食店，一一吃過。 用餐目的 午餐加下午茶 菜名 豬扒面 价格 22元，剛才研究了一下菜單，怎么覺得當時沒有吃到單拼或者雙拼，只吃了豬扒，怎么還這么貴？ 评价 點了細面，豬扒量挺大的，我們兩個人吃，好不容易吃下去了。但是味道不敢恭維，只能用okay形容，面沒有什么特別；豬扒哩，我覺得灣仔開心面皇的炸豬扒12元，更香更好吃。 环境如何 操作間是一個鋪位，吃飯的桌子全是人，根本沒地方做，我們倆人不是一起吃的，我吃完了，同行的金雷才開始吃。搞得很艱苦啊～基本上可以用沒有環境來形容它家的環境——整個大埔墟

星期六甚少要返工，橫掂返九點，返工前不如食個靚早餐。上到街市，倒不如食碗馳名豬扒麵，一來好食，二來食完呢個豐富早餐，午餐也不用吃！點了一碗豬扒幼麵，豬扒即炸，所以都等了頗耐，好彩有時間，否則就要滾水淥腳咁食。豬扒雖然係雪藏貨，但好鬆，炸得香脆，厚身，一碗豬扒麵有兩大塊，所以好多人都會食唔晒打包豬扒走.....而豬扒亦會和麵分開上，豬扒得以保持脆口，唔會比啲湯整淋晒！幼麵唔係上海麵，係一般嘅梘水麵，但又比一般雲吞麵粗身少許，最正就係冇梘水味，正合我心意！一碗豬扒麵22蚊，能夠飽肚到下午，抵！

百分百慕名而來，剛過去o既星期日(11/1)專程入大埔，就係想試下佢o既豬扒係咪真係咁正？由於遷就太太上堂時間，入到大埔已經係中午一點幾。略為過o左午飯時間，點知都係勁多人。雖然係第一次o黎，但都好快就搵到東記個舖位。當然同想像中一樣咁多人，好彩等o左十幾分鐘就有位。未坐落o黎已經諗定食乜，所以可以即刻落order，同太太都係要o左簡單o既豬扒粗麵。由於一早睇過食評o的相，又見到隔離哥哥仔碗麵，應該冇走雞o卦！？果然，豬扒超好味！我o固塊扒比較厚身，但仍然醃得好入味，再加上帶少少肥膏，炸得透徹、香脆！相反，太太o固塊豬扒係乾身同瘦o既，由於肉質唔同，可以炸得更香口，總之同樣係高質素是也！而且超大塊…差o的食唔晒！因為豬扒太出色，粗麵無可避免淪為大茄，加上的確唔係咁特別，只係俾到合格o既分數。唯一要彈，湯底陣荀味實在太勁喇！？響呢o的地方食飯，阿姐們o既服務已經超出預期，落單快又冇黑面，算係咁啦！？行兩步去隔離張煥記買o左杯熱奶茶同一支大可樂，快樂又美味o既一餐，就係咁簡單之o麻！

在大埔墟街市熟食中心人來人往,有不少大排檔的店鋪搬遷到這裏,人說這間店鋪出多炸豬扒.不得不嘗試一下,來得這些地方,不要介意環境等等,就如大排檔,難道會有一張張非常高貴的抬和櫈,但這邊店鋪帶點香港食店的特色.因為店名不同,所以有點猶疑,這裏只賣數款食物,連飲品也不賣,聯同旁邊的店鋪.想飲一杯飲品還是光顧旁邊.剛有一張空抬,慢慢地坐下,這裏是先收錢.當然只叫炸豬扒幼麵,如果想食淨豬扒要五十元一盒,在廚房的師傳則炸豬扒,外面的一邊煮麵,一邊砍豬扒,有如街市豬肉檔的情況.豬扒和麵分開上,.豬扒份量不少,豬扒炸得不懶,食下去帶脆口,但出現金蟬脫殼.豬扒的脂肪部份炸得美味,凍了少許不減其吸引,炸得有少許油,所以伴著清淡的幼麵則最好選擇,淡帶滿有咬口的幼麵,來控制豬扒的油膩的感覺,食一碗也滿到飽.二十二元也不貴,質素不算高,但值得一食.

好耐冇黎食啦，今日終於襯放假可以黎食我至愛既"豬扒雞翼粗"，仲一樣係咁好食，d豬扒、雞翼醃得好入味而且炸得鬆化，肉質鮮嫩冇喳，食完一碗後覺得整個人o既身心都好滿足 但每次黎親都好多人，d 姐姐好忙，環境有d dirty....>.<"

好耐都冇黎新街市呢度食lunch難得黎圖書館．順便o係度搵野食啦第2次o係呢間食今次叫左豬扒牛腩米線 ( 奇怪的組合@@" )上次食好似有人同我share所以好似岩岩好今次我一個人食...先發現個量好多@@平時叫雙併每樣料會比單料少d ga嘛呢度就唔係喇牛腩好多..炸豬扒仲要係有2塊*照片不用了吧 其他人已放了很多一個人默默食...默默食竟然差唔多食晒......( 心感不妙...我原來咁大食既 )然後..我決定行樓梯上返5樓 = ="

上個星期在趕紙之際忙裡偷閒去大埔食飯一向食開炸菜肉絲今次試炸醬豬扒豬扒繼續香口鬆化醃得好夠味炸醬唔係一向食廣東面那些橙紅色的是肉碎加辣椒加西芹頗乾身的，很清爽，又惹味絕對是驚喜發現越黎越鍾意呢度又多豬扒又平好抵食

今朝訓醒突然醒起好耐冇幫襯.....一個人走左黎食....要左碗豬扒粗...$22今日d粗麵好似失色左..可幸豬扒仍然美味.....又脆....真係好好味....加多杯張煥記的涷檸茶...呢個早餐...會唔會大碗左d 呢????

好日都唔會入嚟大埔,但呢一日,正好有需要. 老公朋友要求佢到大埔幫手,於是搵好資料, 幫完手,去食嘢加踩單車… 我最鍾意食炸豬扒,雞翼,再加上只係識去呢度,就決定一試東記…老公朋友話呢間好多人食,可能要等好耐. 但真係估唔到多人到咁… 好辛苦搵到個位,坐咗好耐,都唔見有人過嚟落單. 終於嚟啦. 我叫咗炸豬扒雪菜上海粗麵,老公叫咗炸雞翼幼麵. 落完單之後,就一去無回頭. 喂! 未抺枱喎… 之後,一路都無人過嚟. 老公忍無可忍,叫咗隔離茶餐廳,幫手抺一抺,因為係度叫咗兩杯嘢飮. 如果唔係,啲嘢食嚟到,幾好味見到張枱都食唔落.不過,呢度嘅炸豬扒同雞翼確實名不虛傳. 豬扒炸得好脆,又鬆軟,好香口, 雞翼嘅醃料同豬扒嘅應該係一樣,所以味道一樣好味,但嫌炸粉稍微厚咗少少…. 雪菜同粗麵就十分普通. 老公話幼麵仲好奇怪,彈牙嘅,廣東麵喎… 真係有少少古怪,唔係好夾…值唔值得再嚟?? 可能要等平日,無咁多人先….

琴日放假....打算o係屋企包餃子....去到買餃子皮既地方....太子仔話要3點先黎貨.....o係等既途中....又去食返碗......要慰勞下自己對豬腳......坐低....見到d人好忙...等左一陣有個阿姐得閒理我...即刻叫左個雞翼河.....等左2個幾字....有河粉食....等多一陣....有雞翼.....隔離阿e們....等左仲耐...因為佢地叫豬扒......有排等....d雞翼依然好味.....等阿b 既時間...幫佢叫左碗豬扒米線.....唔知係咪己經無乜點食豬肉既原故.....覺得d 豬有陣味....好難食呀.....始終都係雞翼最好....順便提一提各位高貴的女士......千祈唔好公眾假期去呢檔野食....d 阿姐絕對唔會耐心對你.....唔好期望有好高既清潔程度....仲唔會有任何服務態度.....緊記...價錢 & 服務係成正比的.....(因為琴日食既時候, 有位高貴女士全程左彈右彈,有感而發, 如有得罪,還望見諒)

星期日, 為左奬勵自己咁乖一早起身去學車.所以去左食東記既雞翼麵, 剛好遇到朋友要食午飯.結果2個人,可以又食雞翼又食豬扒, lucky !!!!!2個人每人叫左一個麵, 加一支大可樂, 因為時間尚早, 未到一點,所以全部野都好快就到, 一黎就黎主菜雞翼同豬扒.過多3分鐘左右就黎埋個麵底.辛苦過後既呢一餐真係特別好味, 雞翼大大隻,炸至全熟,又唔會話乾到鞋口,依然好多汁.豬扒亦炸得非常出色. 但我都係對雞翼情有獨鍾.一餐晏仔, 又唔洗30蚊, 都幾抵.

保持水準!! 好好味的炸豬扒.....因為住大埔..... 所以着不多每個星期都會幫襯........上次還試了... 竹筍肉絲+豬扒米線.... 我試過..佢斜對面...的對手......都好似唔夠佢咁好味....!!

今日第一次去東記..叫左個炸豬扒河粉加雪菜!!!等左一陣先黎.....黎左碗好淡嘅河粉..等左陣先黎炸豬扒炸扒果然好正.好味..哈哈..我一定會再去..但唔中意同人搭台