東記上海麵

营业中

休息中

朋友帶領大埔一天遊，當然行到邊食到邊，第一站來到東記，要咗期待已久嘅朱扒雲吞幼麵，朱扒鬆軟多汁，幼麵彈牙，雲吞細細粒，冇蝦，多菜少肉，同枱食客多叫上海麵及雞翼，下次要再試，另朋友買來鵪鶉蛋燒賣及豬潤腸粉，同樣不俗。

週六和友人來此,我試雪菜豬扒麵,朋友試炸菜豬扒麵,其中以炸菜較好,豬扒脆但食味一般,總括而言只屬一般貨色,試過一次便算!!

在大埔墟這個熟食街市，已是第二次作食客，今次試了這裡馳名的炸豬扒麵。廿元價錢，有兩大塊炸豬扒，另有湯麵一碗，由於溝通有誤，以為是上海幼麵，變了廣東式的幼麵，係就係爽口，唯有少許鹼水味。豬扒新鮮炸起，係幾厚身，表面有些脆口，肉質也鬆化，唯味道不算豐富，本身口味問題，喜歡一些經過醃製的豬扒，天后天氣道的順豐，是自家的心水之愛。這裡叫做「抵食夾大件」而已。另外也有雪菜肉絲、牛腩、雲吞和雞翼等，但有沒有下次，自己也不敢肯定!!!!!

試o左雪菜豬排粗面,豬排好大份,很鬆化,但係冇乜味,好似冇醃過咁,食後comment:just so so

首先表明，筆者不太鍾情炸雞翼及炸豬扒，在睇完OR不小食家食評對這讚多於彈，故來到舊墟熟食市場，在眾多食店內找到她了。點了炸雞翼及炸豬扒雙并配上海粗麵，落單的阿姐唔該前多謝後，詳細介紹及建議，很窩心是的！看到廚房師傅邊炸邊切，新鮮熱辣，三數分鐘內已經上檯。雞翼及豬扒好像仍有滋滋作響，而狹著油炸的香味，食指大動了；先嘗口湯，不是味精湯底，應是用豬骨熬成的，可用鮮味來形容，配合甜甜的上海粗麵，只是這樣的配答已經可進二大碗；而上面兩條青綠的菜心，正如其他食家所說，是鮮甜的，相當滿意；說回主角，雞翼及豬扒份量很足，胃口大一點絕對足夠；論食味，雞翼已算不俗，掌握炸的時間剛好，外皮脆口內裡的肉汁仍豐，而豬扒比雞翼更優勝，夠厚之餘還有豬肉的鮮味，可能是新鮮豬扒的制作；另外試了雞翼及豬扒放湯，食味更好，這點亦是估計不到，想不到小小的一碗上海粗麵都有這樣多變化，絕對有無窮驚喜！這裡的炸雞翼及炸豬扒改變了一直不鍾情的看法，影響頗深，由此証明這裡的食味真的不錯，簡簡單單的麵食及青菜都有不俗水準，可想而知！服務窩心，價錢更可以超值形容，正如筆者所說，這舊墟熟食檔樓層果然是臥虎藏龍之地！

呢堆食評suppose係三個一齊睇, 因為係一齊食的。星期六中午, 同男朋友2人, 到大埔墟街市食個靚brunch.不嬲豬扒米線都係我首選的。名副其實的大件夾抵食! 20大洋有一碗永遠食不完的米線, 同2件好大, 飽死都係要食埋的豬扒, 仲有條永遠都咁甜的菜心。次次扣左底都仲十分大碗......仲有次次要多蔥都永不手軟地落三大匙蔥! 不過都係如我之前的食評, 豬扒愈來愈瘦。之前我叫肥豬扒時, 真係件件肥肉, 肥肉的甘香現在只能留在我回憶中...... 而家我叫親肥豬扒, 都唔夠以前的肥, 不過叫做好過冇。就係呢份豪邁作風, 東記永遠係我早餐之膽。

大埔熟食中心食肆林立，確令人眼花撩亂，當中東記的豬扒麵確是做得不錯!大大塊金黃色的豬扒真是令人唾延欲滴，當然以我個人眼濶肚窄的食量，是需要與人分享的，再加上獨食真是很容易肥, 兩個人一份豬扒就剛好。除了豬扒外，其他配菜亦不錯，我喜歡荀絲，除了舖滿了半碗外，每一條都很粗壯，而且也很甜。菜肉雲吞亦是令我喜出望外的配菜，這兒的菜肉雲吞有很多菜，咬下去時不會有肥膩的感覺，反而吃到菜的那種味道。其粗麵是上海麵，幼麵則是平時食開的雲吞麵，上海麵煙靭，幼麵彈牙，還有米線，河粉任君選擇。價錢經濟，一個配菜加豬扒都是20個大洋, 如果選擇兩種配菜，(不是豬扒、雞翼)就14個大洋, 可謂大件夾抵食!東記是沒有茶水供應，因此亦造就機會給其左右兩邊的茶水檔,甫一坐下，就會有人問要唔要野飲，可見競爭激烈，不過同一屋簷下，檔與檔之間亦是唇齒相依，互惠互利。

我成日都會去食麵好鍾意豬扒雲吞米線大大碗先$20有時就會叫雞翼新鮮炸起真係好好食有時都會叫一盒雙併(豬扒+雞翼)返屋企做餸 一盒$45 可能會覺得貴左d 但係我覺得好低因為真係好大盒次次都多到個盒合唔到要用橡筋紮著先得所以我會keep著去食

好食，大份。個人覺得比斜對面的世記好食。旺場時等最多15分鐘就有，算快手啦。重有，由於唔包0野飲，強烈推荐去隔離茶水檔叫凍檸賓，十四蚊大大杯(用啤酒杯裝的)，唔淡味，兩個人飲啱啱好。

第一次食這麼好味的豬扒, 好有口感, 唔會覺得好油, 食得出係剛剛炸起, 正! 重叫左菜肉雲吞, 皮薄餡靚, 不過細粒左小小, 但係雙拼有4粒都算係咁.. 粗麵聴講係手打的, 所以平時唔食粗麵的我今天都食左, 食落都幾滑同彈牙, 但因個人間題始終都係鍾意食幼麵多D. 下次會試下米線. 重有食上海麵好想飲豆漿, 不過無得賣.....

我地J.A.M.專登入去大埔,就係為咗碗豬扖麵,上次入去食唔到好失望,今次我地一早入去,重搵埋當地的導遊+領隊(亞J既亞姨),一定得既今日假期好鬼多人,我地都等左一陣先有位,己急不及待叫咗4碗麵2份豬扖亞J亞姨叫左菜肉雲吞米線拚豬扖+熱檸茶–個菜肉雲吞好味,最正係豬扖炸到好鬆化,大大件,好食到停唔到口亞J叫左米線+凍檸茶- 米線夠滑,重有菜芯架亞A叫左雪菜肉絲粗麵拚豬扖+汽水- 粗麵幾得意, 咬落幾彈牙亞M叫左榨菜肉絲米線+凍檸茶- 榨菜夠爽口1份豬扖2人分就岩岩好,又唔會浪費,正所謂少食多滋味,多食壞肚皮,下次會再黎同介紹俾更多的人黎試架...

呢度d豬扒同群記d牛湯一樣, 唔食一排係會心思思想食的。只可惜佢收得早, 唔係我幫襯的frequency會高返!呢度食粉麵有14蚊同20蚊2隻, 都係2個菜的。what if你叫一款, 佢會俾double份量你。有豬扒or雞翼的20蚊, 冇的則14就ok~豬扒其實想好食, 不難。呢度的係沾滿炸粉的, 雞翼都係。我平時麻麻地炸粉炸野的, 但呢個豬扒完全係一個例外! 如果叫呢2味, 佢會有個碗蓋分開上的, 唔駛淋batbat!講左碗麵先, 通常我就食開米線。係極之十分咁大碗! 次次我都要幾經辛苦至食得完! 有次叫左佢扣底, 咁先變返正常份量! 真是厲害! 大胃王一定唔怕唔夠飽! 仲有, 淥麵呀姐的強項係碗內果三兩條菜心! 青綠得來又鮮甜~ 出街d油菜都冇咁靚呀! 真係抵讚!佢有好多一兜兜的料, 好似雪菜, 搾菜, 筍呀等等... 嘩又係唔駛錢咁架! 一大殼"畢"上碗粉度, 係成碗都滿曬咁多! 食到最後一啖都仲有雪菜的! 其中雪菜比搾菜好, 而筍呢, sorry, 好想試但未試過。咩雲吞牛丸果d都有, 都係提下大家有咁啦。傳聞牛筋同牛腩都幾得手, 佢係用柱侯醬炆的那種。牛筋一般, 牛腩太硬,

今次我已經第3次去東記,佢地既豬扒面係一大碗面加二塊大豬扒,以我既食量,只係食到一半已經覺得好飽,佢地既豬扒又炸得鬆趣,又多汁,又大件,真係好抵,下次2個人食既時候可以叫2碗面,1份豬扒,唔使食唔哂咁浪費。

大埔墟新街市東記豬扒麵好好食,除此之外,仲有雞翼都炸得好脆,如果你想食豬扒,但唔想食到d肥肉,可以係落單個陣同佢講,咁就唔使食到肥肉之餘,又唔使麻煩人地去換.

因為東記的炸豬排好出名,所以我叫左個"炸豬排+雪菜"米粉($20)。首先我食d米。米粉同其他店一樣,不過雪菜就幾好味,有d餐廳會整到有甜咪,但佢冇。0個塊豬排係我擺左一陣先食,但依然好脆,仲好juicy~ 而且豬排係另外上ga!本來仲想叫荀,不過賣晒。唯一唔好的係冇飲品。