東記上海麵

营业中

休息中

嗌左一個炸豬排+牛根米線,,1. 豬排: 餣得太咸, 外面既炸粒太硬, 豬排又"鞋"左啲, 唔夠鬆化2. 牛根: 斬得太大舊, 一般人既口好難一啖食哂, 牛根又講算唔係好夠味. 但係側根啲牛肉都算林, 3. 米線: 一般 =]4. 菜心: 一般 =]5. 湯底: 應該係用牛肉同牛根煲既, 總好過清湯湯底 =D整體來說, 份量太大, 一個女仔要非常肚餓先食得哂 =,=PS: 落單時先付錢PS: 現場情況黎睇, 東記都算係多空位, 係咪真係其他檔鋪唔夠佢好食? 係咪真係其他食評講到佢咁好?

每次都叫豬排雲吞粗, 加辣椒油加醋, 睇落好大碗, 但一定食得晒提供的食物十分簡單,豬排,雲吞,雞翼,炸菜肉絲,雪菜肉絲+粗麵,幼麵, 這是專精的好處一碗麵只有一塊炸得厚厚的,香香的切片豬排另上, yum, 中學食到而家都未厭

補寫食評5月頭去大埔行街近近地去左熟食中心光顧食店林立，行左一圈見到東記，想起炸豬扒人人皆讚，決定試試是日牛根沽清，和友人同樣叫了炸豬扒拼炸雞翼order左。炸豬扒拼炸雞翼米線 ($22)。炸豬扒拼炸雞翼河 ($22)。支裝汽水 ($7) (隔離鋪order)炸豬扒大大件，數落也有四、五塊之多， 豬扒炸得脆口，尚算鬆軟，粉炸得不厚身咬一口覺得油溢味甚重亦沒甚食味，淡淡的另外，油膩膩的，有一股令人作嘔的感覺是因為用了千年油的緣故嗎??反而炸雞翼不錯，吃下三隻也覺不夠總括:大埔大把好野食，真係試一次就夠晒數

星期天的中午，和左先生 一起到此午餐，公眾假期的關係，人不少，大部分都是街坊鄰里。坐下來二人點了豬排竹筍粗麵和雞翼粗麵。一直喜歡這裡食物，炸得香香脆脆，份量也足，男孩子也一定可以食飽。不過據報這次雞翼不熱，味道一般。豬排倒是不錯，香﹑熱﹑脆兼備。竹筍也很好吃，不過有陣特別味道，不一定人人愛吃。熟食中心環境當然不能要求太高，不過也希望店舖職員可以盡量改善衛生，因為從坐下十多分鐘一直對著上一手食完的碗筷和食物確令人有點倒了胃口。若非上班上學一族建議可以平日去光顧，換得水準必然更佳。

補寫5月頭一行3人去左東記食叫左1個雞翼拼豬扒麵 ; 1個豬扒河 ; 1個雞翼粗麵共66蚊 (係隔離檔叫野飲)好大份 我個人覺得雞翼好味d但d麵就真係無味(無味精=.=)掋食!!

到大埔室內街市food court的東記, 叫了炸豬扒米線, 炸雞翼粗麵及淨菜肉雲吞, 共$70, 所有炸的食物即叫即炸, 除了香口亦很入味, 菜肉雲吞亦出奇地好吃, 但如想淨叫炸豬扒或炸雞翼, 要收$50, 當一盒外賣計

記得上趟過來幫襯這裡已經是去年的事，炸豬扒及雞亦的味美仍記憶尤新；見是日跟小朋友到火車博物館遊玩，午餐當然帶他們來一試小朋友絕對不能抗拒的炸豬扒及雞亦。假日來這裡，真的插針不下，尤甚是以東記的名號，怎有可能進佔整張檯椅，故用了特別方法才能安頓妥當。主打當然是炸豬扒與雞亦上海麵及後追加的一碗水餃幼麵。當日光顧的人客實在太多，這裡的廚房還沒奉上炸好的豬扒及雞亦，這邊廂的現貨已沽清，故都等了段時間才上檯。炸豬扒已沒有往時的鮮味多汁，尤以豬扒為甚，沒有鬆化的咬口之餘亦沒有鮮味，真懷疑食材本身已經改動了，可幸的是豬扒夠肥美甘香，可彌補一點；雞亦可能時間不夠，炸得不夠透身，但總比豬扒好多了；另外附上的菜心已沒有往時的鮮甜，失色了！追加的水餃幼麵反而是得著，水餃雖然是滬式的，但是鮮甜多汁，配上沒鹼水味及蛋味香溢的幼麵，其他的比下去了。其實今趟的豬扒有點失望，希望只是假日人多之故，否則真的是退步了。但這個笑臉，部份是來自碗水餃麵的，算是一種補償！後話：近期百物騰飛，食肆的價格普遍已經向上調整，而部份沒有調整的，就在食物選料上或份量上改動，更甚的連食味都受影響，有時遇到這情況真的是幾無奈。

年前到熟食中心掃街,見到在門口的"東記"門前,人人一碟炸豬扒.原來這店的炸豬扒,也受到大埔人的喜愛.轉眼又一年,這次來,為了吃豬扒.人山人海的熟食中心,在東記門外,仍然有空檯.來個炸豬扒粗麵,兩者分開上,無非是避免豬扒放湯之後,失卻香脆的口感,這個道理,無須講都明白.粗麵真的夠粗,湯底喝落竟然有很濃烈的大地魚味.另上的炸豬扒,外層炸漿不厚,一口咬下,肉質鬆化,肉汁四溢,果真名不虛傳.話須如此,如果要同龍城街市樂園,文叔的一哥豬扒比,又影相輸Short head.都話我經常感情用事架啦.

第二次黎,今次係食酸辣雲吞面!<$14>,其實都幾抵,因為雙併都係14蚊!d雲吞細細粒,有6粒~都不錯~但係佢地所謂既酸辣,只不過係辣椒油><....媽咪食炸豬排,好好食呀都~~d粗面好似烏冬咁~不過係冇野飲叫,唔係咁抵,要o係隔離果間叫9蚊杯~如果係炸豬排面再加野飲要成29蚊,唔抵lor我覺得真係~其他都有d抵d!同埋味道都一般~

今早睇到東記嘅食評，有位食客話牛根比豬扒做得更出色，咁我今早去就梗係要試吓啦，我叫咗一碗牛根拼豬扒麵，碗麵嚟到，嘩~，駛唔駛咁多呀，已經唔係細食嘅我望落去真係好多餸，豬扒一大塊唔在講，連牛根都有成五、六條，仲要係粗壯型，唔係奀之之，由於我誤會咗幼麵係上海幼麵，點知係有梘水麵，所以失色咗少少，牛根食落去果然冇介紹錯，夠林夠味，唔會好似有啲麵店咁咬極都咬唔斷，而豬扒一貫水準，VERY GOOD，咁鬼死大碗都係20皮，真係抵到爛！

山長水遠去到看見豬扒大大塊炸的香脆多汁就覺得一切都是值得的!!!尤其是竹筍米線淡淡的清湯配上啖啖肉的豬扒只能說是大滿足!!!

偷閒又再嚟大埔街巿開餐...眼花繚亂。行過呢度，知道佢哋嘅豬扒唔錯，坐低實冇走雞...費事只叫豬扒麵太寡，再叫多樣牛根...豬扒咬落都算鬆軟，醃得味唔太鹹，炸粉唔算厚，份量亦十足，不錯，但未至於頂級貨色，灣仔新景園及旺角王萍記就比佢出色嘞...順便叫嘅牛根反而有意外驚喜--- 質感滑溜，膠質重，炆得夠入味，吞入喉滑到sir sir聲，確實不俗...星期天人特別多。無他嘅，夠平ma..

今日去開大埔市政街市買外賣，想想吓買一盒東記淨餸雙拼(即是豬扒拼雞翼)，好大盒，連個外賣盒都裝唔晒，要用橡筋cool住，我一路令返屋企，一路感覺到盒餸嘅熱氣蒸晒上我隻手到，盒餸實在太多，係足夠一家四口食嘅，但我一個人，只好留返第日帶返工食啦，仲可以分幾餐添，hoohoo....講返食物，豬扒係幾鬆，亦都冇炸過火，好大件！(very good)雞翼就差少少勒，好細隻，之前我食過係大大隻嘅，今日唔知點解縮咗水呢？(ok)總括嚟講，唔想煮飯買盒餸係一個不錯嘅選擇！

去試跑半馬拉松，個多小時的力拚後，除了筋疲力竭，還有非常之餓，要盡快坐低吃點東西，吃個重型的炸豬排就正好。在大埔市政的熟食中心，上次試了世紀，今次就叫東記。雖說是「雙併同價」，但一心只想吃炸豬排，就只叫了碗豬排米線。豬排也是兩大塊，新鮮炸起熱辣辣，咬落還脆口的，十分不錯；調味也做得好，豬排吃落夠味。比較之下，比世紀好一點點，這裡的豬排較軟熟，而肉汁亦較豐富，嬴了一個馬鼻。豬排米線廿蚊，另外再叫一杯熱咖啡八蚊，已吃得飽飽，非常滿足，也可以一試的。

一早講過, 大埔的東記豬扒麵是我吃過的最好豬扒。想吃了很多天, 奈何自己唔爭氣。趁今天天朗氣又清, 獎勵一下自己。肥豬扒米線扣底, 指定動作。豬扒依舊成座山咁高, 如果細食的, 建議選擇雪菜豬扒或雲吞豬扒, 雪菜爽得來有菜味, 雲吞多菜少肉, 日日包, 包新鮮。主菜豬扒鬆化肉厚有肉汁, 雖然腌味跟世記相類同, 但是所有大埔友都知道, 吃過東記是不會吃世記的。主角豬扒脆就不夠平日脆, 可是仍然鬆化, 肥肉據老闆娘所說是淘汰了, 像今天的就不夠肥, 但連及骨頭的邊位以及邊位的脆脆, 是又有嚼勁又香口的。米線的湯底濃甜, 加埋無敵鮮甜菜心, 感覺是十分好。唯一美中不足的, 是米線過腍, 以及鄰座兩位女士的"嚼嚼"聲...