東記上海麵

营业中

休息中

已經唔係第一次黎食, 但次次都冇俾食評今日帶朋友黎食Lunch, 一定要俾個好食評先=)我地點左一齊食, 可以同時間食豬扒同雞翼...我地點左...牛丸豬扒米線菜肉餃雞翼米線凍咖啡, 凍奶茶豬扒, 雞翼同之前一樣咁好食, 好開心好滿足!

大埔熟食市場上的東記上海麵,係由舊臨時街市轉到此的老字号~~~好評:獨孤一味的炸豬扒,入口外脆內軟,炸後仍然多汁!其實此店亦有炸雞翼,亦好受歡迎!

今期新發現...我朋友介紹我去大埔街市間豬扒麵度食豬扒麵,我上星期一同我老公一齊去食.一個人先$22蚊.仲要多到食唔曬,佢有一碗面再加一碟豬扒or雞亦.真係好平...未試過...$22可以食唔曬仲係好好味既豬扒面同雞亦面,如果佢有旺角分店就好啦.我日日都會去幫親架.我之前見到評語話佢地樓面d姐姐態度唔好,我又唔覺喔,講真啦.....人地係街市黎架,周圍d食物都可以過台,人地又忙,豬扒面又甘多人食.人地阿姐送面黎要收錢先真係正常咯,嘩....如果唔係你食完走左人地去邊度搵你啊....仲要係甘多人食喔....我同老公同埋d朋友都覺得好好味咯....$22蚊你去邊度搵到甘好食既豬扒面啊....我只會覺得係呢間大埔墟街市東記上海面...真的好好味...仲有啊...呢一點係最好既...我同老公行左一圈街市,唯有發覺東記上海面呢間鋪係好乾淨架.睇佢地既地面,用具我同老公都讚不絕口.真係洗到好乾淨,對比其他間就真係無得比喇...真係又乾淨又好味....

大埔真是個天堂 買東西較九龍區便宜熟食中心質素較好今天終於試了豬扒米線 如果米線再多一點就好 豬扒十分大塊+ juciy....難得鬆軟...同埋會分開上...有一個專人負責斬豬扒....... 咁岩佢差唔多關門...從窗口位見到好多黑油流出黎......證明左...1日都炸好多豬扒 (好多油煙) 讚:油菜好味..."送"的份量也很多..價錢也十分便宜 下次會試埋雞翼....... 另外試了隔離右手邊的店(賣粥品)的熱奶茶..不錯!!!!

豬扒算係ok,無落甘多食粉炸,但粗面勁散,一截截斷晒!!!!湯底又好似咪精+水甘....廿三蚊食炸豬扒.....服務五洗多講,先比$後食當然無問題,但連找番泥既$都充滿油脂....噢......當我食緊時,同枱有三位師奶應該第一次食,五係好識點叫.樓面阿姐就好五耐煩.之後其中一個師奶想要一杯滾水,樓面阿姐一句嘢都無講,灑手走左!!!!哇!完全五明點解甘多好食評!!!隔離好多間廿三蚊有粉面連餐飲拉!今日一食,永不回頭!

某日在此店旁邊飲奶茶, 見佢有上海麵食, 心想好耐冇食過上海粗麵, 就一試.店員好hard sell 炸豬排, 佢地句句都會加...."" 加唔加豬排,加唔加豬排,加唔加豬排,....""我不斷say no, 真系好煩.我見又系個d 用厚粉deep fly的豬排, 我不大興趣了, 只想要雲吞上海麵...整體上我的評語是不及格, 湯底淡而充滿著味精的味道, 雲吞就幾滑及被簿, 都ok.上海麵不是真的上海麵, 只是粗的油麵, 即系食車仔麵個d, 而且又林bear bear.. very 難食..... 都系個句... 冇下次.喜歡上海麵的我, 唯有去元朗擊襄路and 西環水街了.

豬扒好味唔多講啦,大大件又新鮮竹筍味道一流,再加小小辣油wooo.......不過一定要食粗面,其他我覺得一般

好一排冇食呢度的炸豬扒, 今日和大豬女友在大埔午餐, 就決定上來街市食喇!22蚊連碗麵, 都算經濟抵食;塊扒都夠份量, 炸得唔算油, 好脆, 好香.和日式豬扒好唔同, 港式的d 粉冇咁厚.炸得唔乾, 肉汁多, 一讚.但碗麵略為遜色, 湯底係冇味的, 要改善喇!好采都有兩條介蘭!

記得上次來的時候是2年前在恩主教考(中文科)會考完的時候和一大班同學吃午餐!真的已今不在!這次是放工後和媽媽去回味一下炸豬扒的味道!雖然這裡是在街市樓上，但同樣是人多多!點了一個雪菜肉絲米線配炸雞翼&雪菜肉絲河配炸豬扒，加凍檸茶!炸豬扒和米線是分開上的!份量也不少，真的炸得熱辣辣，夠香口，又不會勁厚粉，炸雞翼，脆脆的，肉質很滑溜果然是名不虛傳!不過杯檸茶就貴了一點~飽飽的一個午餐!已經很滿足.....

我係O係呢間店食過兩次,兩次都係住O係大埔既朋友帶我去食....兩次都係食Lunch.第一次,我係食左雞亦豬扒麵,整體味道唔錯! 麵係粗粗地既麵,雞亦同豬扒係新鮮炸起,熱辣辣,好鬆脆,唔錯....我係會再黎食...試下埋其他野既...因為第一次食左之後,感覺唔錯.於是再去,今次我同J一齊去..我地一齊都係揀左牛丸豬扒麵,(因為我係好鍾意食牛丸,而J因為係外國人,佢以為我地既牛丸係外國既Meatball)好啦..等左一陣.d野黎齊喇...唔.....有d失望,因為...牛丸真係好.......唔得....!!!!我食左一粒就...冇再食...而J都係食左半粒...因為呢隻唔係佢想既牛丸....而豬扒同麵就維持到一貫水準....唔......總括...豬扒同麵係好味...而牛丸就麻麻...價錢大眾化.都算抵食既...有大大件豬扒....服務就可以既..始終係熟食中心..唔會話有好好既服務唔....我係俾OKAY既...PS,唔知係咪油膩得滯,J食完有D唔舒服...應該係佢唔慣食油膩野...唯有同佢食粥啦..

今日唸住去圖c館溫c~突然想試下街市個豬扒面~見到好多人食~坐低~叫左個豬扒粗上海面~面質唔靚~咬落有粉的感覺清湯底~好似落左雞精粉豬扒係用大量梳打粉處理過而令肉質鬆軟~調味恰宜~炸得岩岩好說實在的~咁多人食的原因應該係22蚊有咁大塊咁香口的豬扒食味就只係一般ja~未必會再食

熟食中心感覺很衛生清潔, 花多眼亂的小鋪, 想在旁邊睇清楚餐牌, 已不繼有人過來拉客, 唔通真係競爭好大? 唯有睇下人地食緊咩, 發現有人食緊塊炸得好靚既豬扒, 唔知係邊檔....... 見到東記招招牌, 記得openrice 見過, 諗住應該冇衰. 本來自己滿口痱滋, 唔想再食熱氣野, 但係坐底發現麵食冇乜餸選擇, 炸豬扒同炸雞翼睇來係必然之選, 見佢有剩餸炸豬扒炸雞翼一盒$50就知係招牌貨. 炸豬扒夠份量外脆內厚肉, 肉汁保留不乾身, 仲要係半肥瘦, 很少有. 在唔想食炸野既時候都俾佢吸引左.炸雞翼同樣出色, 基本上外皮味道同炸豬扒差唔多, 份量有4隻.牛丸米線, 牛丸一般, 不夠牛味不夠彈牙. 菜肉雲吞米線, 雲吞都唔錯, 皮夠薄, 大少有點像鮮蝦雲吞. 香港應該很少地方可以用呢個價錢食到甘既炸豬扒質素!

今日同fd 去試下，去到都唔難搵，我地自成一角坐o係店旁邊~炸醬豬扒粗麵($22) ︰d 炸醬唔係我地食炸醬麵既果d，係佢自己整既，有紅辣椒、西芹、肉碎、蒜蓉~ 由於我叫雙拼，所以有一塊豬扒~ 其實，佢d炸醬都ok既，有新鮮感，不過d紅辣椒唔辣~ 塊豬扒真係厚切架！好味，好脆！佢既粗麵有d 烏冬feel~ 呢個價錢真係抵！牛丸豬扒粗麵($22) ︰我朋友叫我記住講你地知佢既牛丸超唔得！唔彈牙之餘仲要似貢丸多，一咬即散，似係冇打過~ 不過，佢都話豬扒好味！下次都應該會再黎，加上冇乜味精既感覺~P.S. 唔知點解，我個胃有d痛...我相信佢d野食應該唔會dirty 呱~

今天與爸爸到大埔墟街市吃午飯, 我選了東記的豬扒粗, 因一進去便見很多人都吃這個便試試看. 麵端上來時與豬扒是分開上的, 盛載豬扒的碗內共有6塊中size的豬扒, 真的是淨吃豬扒都飽,何況還有一碗粗麵. 豬扒看出是新鮮炸的, 味道算O.K., 在這個時勢真的算是抵食夾大件.順便一提我在另一檔叫了一杯檸樂, 盛惠11.00, 但想不到檸檬和可樂也是分開上的, 那枝可樂還要是355ML, 即大裝. 又是抵飲之選.

去左附近果楝熟食中心摷野食，住左咁耐都係第 1 次向呢樹食午餐 ...聽講有間好美味嘅豬扒食店，1 入門口立即見到，坐低之後諗下食乜 ... 又望下人地食乜 ... 真係圍圍枱都有碟豬扒，細佬 2 話不說梗係叫豬扒米線，我就要雪菜豬扒米線，等野食黎時，實在太肚餓，我地先去 '學利' 叫左碗淨魚蛋（又係好出名架！）... 跟住豬扒米線就陸續黎 ... 睇下塊豬扒幾厚，好鬼大塊添呀，新鮮炸起熱辣辣，好鬆軟唔韌，味道醃得剛剛好，雖然熱氣，但照食可也！