旺角海鮮菜館

营业中

休息中

今晚OT，於是約先生出來旺角海鮮菜館食飯，因平時行旺角見到旺角海鮮菜館平時都開到很夜，及見到海鮮蟹，龍蝦.....等菜，經過見到都已令我垂涎三尺，都想來試很久了，今晚OT開得夜了，正是宵夜時段，知道旺角海鮮菜館宵夜有特價，當然趁機來試嚇。餐廳門口已貼滿了海鮮招牌菜，及介紹餐廳乃米芝蓮星級廚師班底，真是見到已令人垂涎，餐廳裝修十分雅致，枱擺設得不是很密，牆上貼了餐廳的招牌菜，更是令人食欲大增。海鮮菜館，自然就是以海鮮𤔡主，我最最喜歡的蟹及龍蝦有多種煮法，最後我們要了一個越南大青蟹套餐$698。套餐內有多款選擇，我們選擇了:白灼深海鮮魷魚及白灼海蜇頭。豉椒炒蜆，沙田滑雞粥，至於主角我們選擇了黑胡椒越南大青蟹。等上菜其間，先送上套餐內包的小食白灼深海鮮魷魚及白灼海蜇頭，非常爽口，不錯的餐前海鮮小食。豉椒炒蜆米之蓮星級廚師班底真是名不虛傅，豉椒炒蜆炒得非常夠鑊氣，蜆肉飽滿鮮甜。沙田滑雞粥。滑雞粥每人一碗，雞粥帶有酒的香味，十分綿密清甜。主角黑胡椒越南大青蟹終於上枱。其實一到餐廳已見到貼滿招牌蟹，經已令人垂涎欲滴，現在見到真真正正的黑胡椒越南大青蟹上枱，而且比想像中還要大隻，嘩，深紅色的蟹，配上

平時海鮮菜館給我的印象係要多人去至有 feel，不過呢次兩個人去到 旺角海鮮菜館 又發現有另一番風味。其實入到裡面，客人挺多的，而白中帶黃的燈光配搭大紅的桌布，很有傳統菜館的味道。而職員也非常熱情的招待，笑著介紹他們有名的菜式，以及跟我們聊天。我們一邊點菜，一邊喝著茶和餐前小點。先來兩個前菜 - 白灼海蜇頭 和 白灼韭菜花，滑滑的海蜇頭很厚身，很有口感彈牙，而韭菜花味道清清地好爽口。豉椒炒大蜆一上枱經已聞到陣陣豆豉香，而且蜆肉夠厚身，醬汁非常入味，索一索真係超惹味，如果側邊有碗白飯送呢個汁都係無得彈。白胡椒龍蝦粉絲煲呢個粉絲煲不斷標煙，粉絲好煙韌彈口。另外龍蝦大大隻，非常厚肉，味道有點辣辣的，食完一隻又一隻，仲要啜埋手指上的汁。旺角豉油皇炒麵食完粉絲，仲有個炒麵，豉汁味非常濃郁，仲有濃烈的炒香。新鮮菠蘿咕嚕肉職員推介呢度的菠蘿，因為選用的是新鮮菠蘿製成，而不是罐頭的，所以咬落較有鮮果肉的口感而帶甜甜酸酸，配合脆口的咕噜肉，同平時出面食到的零舍不同。

今日同太太做到差唔多9點才收工，OT到這麼夜當然要化悲憤為食量，我們去旺角海鮮菜館當食飯又當消夜。見到有個海鮮套餐，夠吸引，於是就要了個海鮮套餐$398。叫了壺鐵觀音，淡淡的飄著茶香，此鐵觀音真是少有在餐廳飲到的，我太太對於此茶非常欣賞！餐有兩碟頭盤。白灼韭菜1，沒有花巧，隻是簡單白灼，但韭菜花好嫩，食到口中還滲出淡淡的麻油香。而海蜇不是海蜇絲，是粗切的！彈口爽口，都非常不錯！兩樣都清清地，原來這個都隻是熱身，之後就味蕾大刺激了👍🏽白胡椒粉絲龍蝦煲，一絕！熱辣辣的煲，底層用香葉調味，上面鋪了龍蝦、粉絲和白胡椒粒。上菜時已經覺得好澎湃，好多龍蝦，鋪滿粉絲，而粉絲吸收了龍蝦及底汁的精華，見到已經feel 到粉絲好入味！果然不出所料，粉絲絕對都算是這個煲的重點，入味之餘還好彈口。龍蝦方面都很正，啖啖肉又爽口，廚師切件都好細心，可以令食客隻用筷子就容易將殼肉分離。再來豉椒炒蜆，蜆肉大小適中，而且沒有沙，配合豉椒炒，蜆肉非常惹味，再配合三色椒當然錦上添花啦！最後到沙田滑雞粥，先放粥入口，已感覺到雞的精華盡在其中，而個粥亦好綿，雞肉亦已煲到骨肉分離，好粥好粥！這個餐很夠份量，其實3個人食份量都夠飽

今晚探望媽媽的時間比較晚，記起坐小巴時，經常看這間旺角海鮮菜館，便約九時來到，不過來到還有兩枱等位，我們等了一會，便可入內。原來九點十五分是宵夜時間，我們選了白胡椒粉絲蟹套餐$698。包兩小食、蜆、粉麵。小食要了豬脷和海蜇頭，豬脷爽中帶腍，不會靱而有嚼勁，是我喜歡的味道。海蜇頭夠厚身而爽脆，口感一流，是太太最喜歡的。兩者都可以配上辣椒豉油，味道更佳。油鹽水蜆，做法雖然簡單，不過我試過很多食肆都做得不好，想不到這裡的味道，是這麼好味，除了蜆夠新鮮，還有粉絲墊底，結果我們連個湯都喝完。主角白胡椒粉絲蟹煲，終於出埸。熱騰騰加上香氣四溢，未吃已經垂涎欲滴，加上隻蟹大隻，多糕又多肉，而粉絲吸收了白胡椒和蟹肉的鮮甜，連我這個不大吃蟹的人，都忍不住吃了三份之一隻蟹，而喜歡吃蟹的太太更不在話下。到最後每人還有一碗燒鴨河。這個燒鴨河，是我喜歡的味道，而太太因為吃飽蟹，所以她的燒鴨河都給我消滅了，一個人吃兩碗燒鴨河簡直是大滿足。

今晚同朋友睇完夜場，又化身餓底搵食。上網搜「旺角宵夜」搵到旺角海鮮菜館有【旺角夜消磨超值套餐】，晚上9:15後就有得食，仲有米芝連二星大厨「加持」，即去。門面同餐廳名都係老牌餐館格局，但入到去其實都幾企理，碗碟餐具都好新淨，海鮮水池水質清澈，衛生方面完全唔駛擔心。套餐有係蟹$698、瀨尿蝦$598、龍蝦$398再配搭【旺角六小福】- 白灼六選二，靚蜆煮法三選一同埋粥/粉/麵三選一。【白灼鮮豬肚】- 豬肚洗得乾凈。【白灼鮮魷魚】- 晶瑩剔透，爽口味鮮。兩碟嘅份量都算多。蟹我哋揀咗【白胡椒粉絲煲】煮法。粉絲煲拎過嚟仲係啱啱煲起，嗞嗞聲啪啪聲；再打開蓋就一陣好惹味嘅噴鼻胡椒香味。蟹係越南大青蟹，好鬼大隻，啲胡椒味入晒蟹肉；蟹肉就勁鮮甜爽口，而且煲咗咁耐都仲係好juicy，食到煲底嘅蟹仲係熱辣辣。除咗主角蟹之外，配角粉絲亦唔係等閒之輩；夾起粉絲見到掛滿晒胡椒粒，食落好香口，最後俾我哋餓底殺個片甲不流。【豉椒炒靚蜆】隻隻都幾大隻，浸到完全無沙，感覺有啲水潤。豉椒炒唔辣但都惹味，正。【沙田滑雞粥】有兩碗。雞件極嫩滑，粥亦都煲得幾綿。一路食一路聽到厨房傳出「Hur Hur」聲，鑊氣十足，淨係聽到都想

今日和舊同學聚會，等到大家放工已是九點，正當我為晚餐苦惱不已，舊同學便建議來這裡用膳，皆因這裡有超值的宵夜套餐。朋友介紹說這間餐廳的大廚是米之蓮過江龍，當然要試試。套餐一共有三款，越南大青蟹($698)，瀨尿蝦($598)及龍蝦($398)，重點是自由度極高，可以選擇海鮮的烹調方式。我們三人都極愛瀨尿蝦，於是選擇了椒鹽瀨尿蝦作為今晚的主角🦐不消十分鐘，熱騰騰的椒鹽瀨尿蝦已出現在我們眼前，陣陣香氣撲面而來。瀨尿蝦椒鹽味香濃，肉質彈牙，夠鑊氣，而且份量十足。旺角六小福(六選二)，我們選了白灼魷魚和白灼豬肚。白灼魷魚口感爽滑，充滿鮮味，蘸上辣椒豉油後十分惹味。白灼豬肚，味道有意外驚喜，調味不錯，口感彈牙。非常推薦豉椒炒蜆👍🏻蜆洗得乾淨，完全沒有沙粒，味道夠新鮮。炒蜆鮮甜，配上香濃醬汁，十分香口。每顆蜆殼都都有大大粒蜆肉，貨真價實。沙田雞粥有兩大碗，每一口粥都有香濃雞味，口感綿滑，雞肉肉質嫩滑，為今餐畫上完美的句號。套餐明碼實價，份量十足，足夠三個人分享。而且味道和食物質素也相當有水準，難怪棒場客那麼多。

今日朋友生日，朋友最愛係食海鮮，當然不容失視啦，最後在網路上介紹有間海鮮店在旺角而且還有消夜時段，當然打電話去訂桌啦，原來這裡星期五六日還會分一二輪，但因為我地平時關係就可以訂9點45分，去到見到門口勁多海鮮，價錢都合理，等左10分鐘內就可以入去坐啦。見到有茶，辣椒豉油和花生，花生堅好吃，十分脆和香吾會有油，之後見到消夜餐已十分期待，價錢抵食，最後我地選擇咗食避風塘瀨尿蝦餐。不久旺角六小褔就黎到，韭菜花微熱堅好食又夠甜，另一款就叫了白灼魷魚，魷魚爽口配上辣椒豉油十分好味。另一款炒蜆當然叫了豉椒炒蜆，黎到沒想到份量都不少而且蜆十分大隻而且厚身鮮甜。當然主角避風塘瀨尿蝦就來到了，好香。。而且勁窩心有較剪方便食添，一拿出來之下原來有2隻而且仲要幾大隻。好香又脆，入面蝦肉好爽口新鮮，避風塘味吸晒在蝦肉十分好味，必食推介！～粥方面叫了比較少在外面看到的懷舊泥猛粥，每人一人一碗份量不少，我都係第一次食，沒想到係咁鮮甜而肉質吾好太硬食，不可不講加了陳皮和薑絲，味道提升不少。食完後朋友都滿意，而且位置方便，朋友都話下次話再來吃其他海鮮。

阿哥生日想食海鮮，我地就揀左非常就腳嘅旺角海鮮茶館，一入去已經感受到服務好熱情，個個都好有禮貌，感覺好舒舒！我地5個人叫左個4人餐，份量好足！椰汁杏仁湯本身唔係好鍾意杏仁味，但飲下飲下又覺得幾好飲XD前菜魷魚好爽口！芝士白汁焗龍蝦啖啖肉，再加上香濃白汁，冇得彈！炸子雞燒得脆口，但同時雞肉又唔會鞋。蒸魚都好足秤好大條，魚肉都好滑！扇貝超大隻！！又鮮甜！！但略嫌蒜蓉太多XD總括嚟講呢餐真係好正，服務環境食物都係一流，值得一嚟再嚟！

一直好中意食新加坡的黑椒蟹，但係香港越來越難搵好食正宗嘅黑椒炒蟹。以前食開個間美麗華商場入面間餐廳又執咗。係雜誌見到介紹呢間餐廳個廚係新加坡做過，識煮新加坡式蟹，終於搵到機會去試喇。夜晚八點幾到沒book位都即時俾到兩人臺。坐低睇咗餐牌好多套餐，但兩個人驚食唔晒叫咗個黑椒炒蟹 避風塘炒蜆 椒絲腐乳炒通菜。最先上嘅係通菜，腐乳落得太多 好鹹 賣相麻麻，第二個餸係炒蜆，食落 望落同普通炒蜆差唔多，淨係多咗少少蒜香，隻隻蜆都有沙 仲食到一隻死蜆，成個口都臭埋，沒興趣再食。唔明一間做海鮮嘅餐廳點解蜆都沒吐沙就攞來炒？最後一個亦係重頭黑椒蟹，睇個賣相就幾吸引，啲黑椒汁杰杰啲，食落口個蟹同黑椒味都好接近新加坡煮法，蟹又新鮮，值得讚。服務相當麻麻，個骨碟堆到滿晒都沒人來換碟，差唔多食完先來換個一次碟。坐低淨係畀咗壺茶，到後面好濃，飲唔到。揭開個蓋好耐都完全沒人理，惟有開聲叫加水。個蟹係值得再來嘅，但其他真係麻麻哋

第一次來到這間"五臟俱全"的市區海鮮菜館，未入門口，已經到座無虛席了，門口擠滿了等位食客，可推想食物應該還不錯吧！坐下之後，朋友已點了二人套餐。由於我們有三人的關係，所以額外加上一份。朋友喜歡吃海鮮，對這裏的美食讚口不絕，老闆知道朋友生日，更送上豉椒炒蜆作為"生日禮物"，非常有善親切，而且更每人送上贈券， 好讓我們推介其他朋友來。海鮮味道十足、愛心十足、熱誠十足，非常值得推介！😊👍😄👍🙃👍

第一次來到這間"五臟俱全"的市區海鮮菜館，未入門口，已經到座無虛席了，門口擠滿了等位食客，可推想食物應該還不錯吧！坐下之後，朋友已點了二人套餐。由於我們有三人的關係，所以額外加上一份。朋友喜歡吃海鮮，對這裏的美食讚口不絕，老闆知道朋友生日，更送上豉椒炒蜆作為"生日禮物"，非常有善親切，而且更每人送上贈券， 好讓我們推介其他朋友來。海鮮味道十足、愛心十足、熱誠十足，非常值得推介！😊👍👍👍

路過旺角記得上次同事IG分享過食物相，睇相覺得好似幾好食咁走入去試下，結果係喜出望外! 首先叫咗個海蜇頭係靚貨黎既，質感夠厚麻油味不足，但係都唔錯聖子同埋啫啫通菜煲，坦白講正常嘢！最正嘅係啲龍蝦！！！其實佢嘅龍蝦一啲都唔平，波士頓龍蝦要成338蚊一隻，酒樓真係買到三隻咁濟，我地先嗌咗個胡椒龍蝦粉絲煲，已經非常惹味👍🏻即時再叫多個芝士龍蝦，仲正好多 更加食得出龍蝦既鮮味😋可以話係近年內食波士頓龍蝦最好食嘅一間🤤自問都幾嘴尖😏呢個真係堅好食! 肉質爽得嚟又有芝士味又唔蓋過龍蝦嘅鮮味！另外雞煲翅都非常唔錯 魚翅爽口而雞湯味濃！

每次做節都會同屋企人搵唔同餐廳去試，今次揀左係旺角既旺角海鮮菜館試下！#花膠肉餅唔知幾時開始肉餅就係我去食中餐時必點嘅菜式。有肉汗，而且好香😋#炸子雞皮好脆，而且唔會好似平時茶樓咁肥#蒸東升斑本身同炸子雞組合係沙巴仔，餐廳話可以加一百蚊轉東升斑，所有轉左，魚肉好滑#紅豆沙餐廳送嘅糖水，都唔錯幾香，唔係hea比你總括黎講全餐都滿意😁

今次吃嘎避風塘炒辣蟹好好味！雖然已經過左吃蟹的最佳時機，但都忍唔住要吃避風塘炒蟹！今次的炒辣蟹太好味了，好送飯。我同friend一齊吃到停唔到口。仲吃到小小蟹膏，真係好抵食！

旺角這一間海鮮餐廳，環境幾舒適，又食到大排牌的風味，不錯!避風塘炒蟹食海鮮當然唔少得食蟹，呢隻蟹好大隻!!香蒜炒得脆卜卜，好入味蒸沙巴龍躉蒸得剛剛好，魚肉幼嫩，帶出魚的鮮味炒蟶子王配煎米餅—推介!我地好幾隻蟶子皇，連埋豉椒，三色椒等一齊炒，啖啖肉!! 另外，蟶子皇下有煎米餅，浸入了蟶子的精華菠蘿炒咕嚕肉豬肉鮮甜，不是雪藏貨，而菠蘿是新鮮菠蘿一品帶子鮮蝦炒飯炒飯夠哂乾身，帶子和鮮蝦都是大大粒，夠足料，個個爭住食