旺角海鮮菜館

睇食評，大量好評。三人晚飯，套餐每人$500 唔洗，最好嘅海鮮齊晒，龍蝦，炒蜆，粉絲蒸扇貝，鮑魚，菜霸王雞同靚菜。食落就知物有所值。套餐又高質！一定要再嚟！讚讚讚！…查看更多

同家人慶生，咁啱見到網上呢間幾多好評，地點近旺角東地鐵站，就曬腳，屋企人又鐘意食海鮮，最後決定一試。果然冇揀錯，好多款海鮮可以揀，小菜又多款。黎到嘅每樣餸都鑊氣十足！勁似喺大排檔食到嘅感覺，超級入味！柚子蝦球 小炒王 炸子雞 龍蝦粉絲煲全部都一級棒！！！…查看更多

米芝蓮級數地道小菜超值美味以平民嘅價錢能夠食到五星級嘅質素，值得推薦，他是港式菜式，有芝士澳洲龍蝦伊麵，炸子雞，油浸虎杉班，粉絲蒸元貝，翡翠金沙蝦球，這幾款值得推薦。…查看更多

這家餐廳環境潔淨雅致，紅色桌布搭配精緻餐具，用餐體驗舒適。豉椒炒蜆醬香濃郁，蜆肉鮮嫩入味；金沙蝦球外酥裏嫩，鹹蛋黃香氣撲鼻，搭配翠綠西蘭花很加分；蒜香鮑魚鮮香彈牙，調味恰到好處；胡椒豬肚雞湯濃郁醇厚，豬肚爽脆、雞肉入味，整體菜式味道都很不錯，值得一試。…查看更多

同屋企人隨意搵左間中菜食入到去員工非常熱情仲請我地食豉椒炒蜆叫左沙薑雞肉質好嫩小炒王非常足料炒麵非常香口，炒得好入味最推介係個白肺湯，下次我一定叫一壺！誠意推介呢間可試！ …查看更多

旺角海鮮菜館服務態度一流，三小福海哲頭口感咬落去脆卜卜，杏汁白肺湯雪白清甜潤喉，芝士龍蝦芝士香濃龍蝦爽口，豉汁炒蜆隻隻食落都沒沙，蒜蓉粉絲蒸帶子極之入味，豉汁蒸鮑魚蒸得剛好入味。…查看更多

今晚同朋友去咗旺角海鮮菜館晚餐，整體體驗都幾好。環境乾淨企理，雖然唔算特別豪華，但坐得舒服，氣氛都唔錯。服務態度值得一讚，侍應好有禮貌，而且落單同上菜都幾快。今次試咗幾道海鮮菜式，包括瀨尿蝦、薑蔥炒蟹同炒蜆。瀨尿蝦夠新鮮，肉質彈牙；薑蔥炒蟹好香，醬汁入味，蟹肉都幾多；炒蜆就炒得啱啱好，冇沙，夠惹味。整體味道滿意，食得出用料新鮮。價錢屬中上，但以海鮮嚟講算合理，性價比唔錯。如果鍾意食海鮮，呢間值得一試。我自己都會考慮再嚟。…查看更多

諗住去食油浸筍殼魚點知無貨🥺但發現餐牌仲有另一款油浸杉青班出邊食肆從來未見過就試試佢原來好好食🤤夠多肉😬下次可以再encore👍🏻另外再叫咗椒鹽瀨尿蝦，唔記得影相老人家話好好食好新鮮，唔會乾身👍🏻雖然價錢比較貴，但值得一試…查看更多

朋友生日希望食海鮮，過去幾次去西貢食都覺得水準下降，興記同竹家莊嗰啲又食過，今年就試吓搵間酒樓食。OpenRice見到旺角海鮮酒家，睇相覺得幾有feel，細細間專做海鮮，地點又勁方便喺Moko 5分鐘路程，即管試吓。見到有幾個負評，話蜆有沙同服務差，琴晚嘅體驗真係完全冇喎；服務勁friendly，係有傾有講嗰隻，係一個好開心嘅飯局，所以我都的起心肝寫個食評為佢哋平反吓😆我哋6個大人叫咗6人餐，份量好足夠，味道方面中上，絕對係可以回頭嘅餐廳👍🏻WhatsApp訂位時，我問有冇壽桃同價錢，老闆知道係生日飯就慷慨話贈送，仲要唔係迷你嗰啲，呢啲訂位過程都令我覺得呢間餐廳幾有人情味，唔係連鎖嗰啲機械式操作😇…查看更多

最近我去了一間位於香港的小炒餐廳，整體體驗讓我感到驚喜。首先，服務態度非常周到，讓人感受到賓至如歸的感覺。這在香港的小炒店中實屬罕見，令我更加期待接下來的美食。菜品方面，我點了豉椒炒蜆，這道菜的蜆肉嫩滑，口感極佳，配上豉椒的香味，讓人一試成主顧。每一口都充滿了海鮮的鮮甜，搭配著豉椒的微辣，真是令人陶醉。另一道必試的就是菠蘿咕嚕肉，外皮脆卜卜，肉質鮮嫩，更添香口。我特別喜歡它的菠蘿帶來的甜酸味，完美地平衡了咕嚕肉的油膩感，讓人一口接一口，停不下來。最後，最讓我滿意的還是餐廳的環境。座位設計得相當舒適，讓人可以悠然自得地享受美食。這樣的就餐體驗，真的讓我感到非常愉快。總結來說，這間小炒餐廳不僅菜品美味，服務周到，還提供了舒適的用餐環境，值得一再光顧！🥰💜服務周到 ，喺香港食小炒好少見到豉椒炒蜆夠嫩滑 🥰💜 菠蘿咕嚕肉脆卜卜 夠香口。 最緊要坐得好舒服。🥰💜 …查看更多

蟶子炒蜆入味！豉椒炒好好食。店員態度非常有禮！今日朋友生日選擇了在這裡celebrate,唔錯！另外小炒王都係驚喜，有埋蝦係入面。仲叫左蒜蓉扇貝，都係非常入味。會再黎我地係度切埋餅，經歷非常好…查看更多

海鲜新鮮，份量十足，廚藝好有 heart，收費老實! 味感滿足的一餐😋😋😋之前在這店食過一次生日飯，6大1小食到個個都捧住個肚😁😁離開。今次又再嚟encore，冇失望啊！…查看更多

旺角老餐館😍朋友介紹決定帶屋企人試下呢間餐廳今日星期日餐廳都好多人叫左招牌菜黎試下一黎到，個個都睇到心心眼完全係色香味俱全！豉 汁炒蜆超肥美!炸子雞多嫩滑!黃金鮮魷炸到脆卜卜!小炒王好有鑊氣!仲有xo醬係面咕嚕肉酸甜適中!而且仲係熱辣辣，又唔會太乾個個都一路食一路讚餐廳環境非常舒適,經理仲會介紹唔同菜式😍原本想叫個豆苗食下經理即話而家唔靚，真係夠哂老實見到隔籬枱叫左龍蝦同鮑魚下次都一定會再過黎食過😍…查看更多

朋友自外地回來，首選港式中菜。找一個舒服，有氣氛的地方用餐。港式中菜館是一個艱深的課題，要調和味道、環境、氣氛和衞生。這間菜館恰如其分。門口光鮮，燈火通明，店員自信，感覺不輕率將就。白皚皚的招牌簡簡單單清清白白，自信大方。前菜是大膽的白灼豬粉腸，甚是欣賞。如果餐店「食老本」，就不需要選用大膽的菜式。苦腸不苦，可見用心。來一客招牌炒蜆。蜆肉壯碩，滿口鮮汁，配以藍妹苦啤，絕妙。食到最後只有一隻蜆殼未開，可以了，是火喉的取捨。胡椒粉絲蟹煲，啫聲不絕。喚來店員表演即場兜亂，欣然接受，輕鬆應對。用料紮實，粉絲焦香，引出椒味，味道稍濃，配搭微醺，恰到好處。椒鹽鮮魷，不過不失，談不上驚喜，咕嚕肉亦然。小炒王用料紮實，偶爾夾一口，尋個寶，是良朋歡聚的一大點綴。服務方面主動換碟，大碟轉細碟，也是貼心。店員與客人之間的平等互動，㜺鬼生動，正是最難以調和的味道。作為一間港式中菜館，恰如其分就是同聲同氣的體驗。…查看更多

3個男人支持本地經濟唔北上，點知遇到特別體驗。🥲一入去正常招待，係坐低洗野遇著個似賭輸馬既阿伯特別禮貌招呼之外，一心諗住好食就ok啦，係我地唔好累阿伯輸錢。🥲叫前菜白灼魷魚同海蜇頭，食落同喺屋企拎煲滾水自己烚無分別，海蜇頭唔夠爽有少少靭，或者係我地唔識食。🥲之後尼左杏汁菜乾豬肺燉湯，熱辣辣拎出尼，個碗好熱，但個湯係凍，或者又係我地唔啱，我地7點去食太夜，應該4 5點去先啱。🥲跟住咕嚕肉無乜特別，唯一賣點係用新鮮菠蘿，可能佢地以為全港佢地獨有，所以收得價錢較高，btw起碼呢個餸唔會太刺激情緒先。跟住朋友話見佢餐廳名海鮮菜館，就試一試佢，餐牌好多寫左「時價」，我地咪問下幾多錢。一問完之後成晚招呼就好似去左澳牛咁，我地問海中蝦幾錢斤，位女士話「有平有貴，睇你地想點先」，咁我哋就問貴幾錢平幾錢，跟住女士話「貴就600-700蚊斤，平就300-400蚊斤」，我再問清楚平既即係300定400蚊斤，佢即刻話「400蚊」（都唔形容佢面口係咩色同當中對話態度），對於一個食開海鮮既人就會明白個價錢發生咩事，但一心支持本地食店就試下佢，尼到係7隻中size既鬼蝦（都唔計較佢有無一斤），粉絲底好正常係食得既，蝦就有少少過熟咁，或者再次係我地唔啱，食炒食炸咪算囉，學咩人蒸粉絲。🥲食完都無一半飽問朋友仲要唔要加餸，大家意見一致要去拜個神轉轉運先，要趕住走都係我地問題。🥲食食下見到有幾張枱特別好招呼，每個行埋去都好似返左大陸餐廳食野咁好招呼，先發現果幾枱講普通話，原來佢地好貼心比佢地有返家鄉服務，我地港人就有港人服務👍👍🥲或者唔關人地又開酒又食海鮮食幾錢事既，係我地3個唔啱食左1000蚊。🥲埋單走既時候都禮貌地唔該佢地，佢地依然保持澳牛服務，好野👍🥲另外，朋友本身經平台book左枱，佢地會叫你取消就送半份炒蜆，我地見枱枱都係咁，個炒蜆食剩一半有多，或者果日天氣熱我地無乜胃口同蜆應該要有沙先好食，都係我地問題。🥲保障人身安全，淨post一張相證明真實用餐食評。…查看更多