旺角海鮮菜館

营业中

休息中

海鮮新鮮，  味道不錯波士頓龍蝦新鮮 $268 一隻， 黑胡椒味重 ， 價錢就少少貴貝殼🐚蜆太辣，夠大隻， 汁有點咸海哲頭小心有沙， 最後話送糖水， 其實台台都有， 我地由七點半坐到十點， 八點落order , 九點四十一分先送一品炒飯， 當然最後叫佢比返個糖水， 估吾到話送曬！ 好野 ，樓底低，講野好應聲， 最欣賞既係茶葉一品炒飯正， 吾錯牛柳粒份量太少服務態度和藹， 努力推廣👍 最可怕係所有菜都等最少半小時，其他都吾錯， 可一試最搞笑講左慶祝生日， 禮物就係乜都冇， 朋友失望我沒面

同班FD一齊去食個飯，有時人多多都真係食中菜最好。但海鮮控的我，當然愛揀返海鮮啦～～先黎食個頭盤，都唔錯丫～避風塘辣蟹黎食海鮮，當然少不了要食蟹。今次食的，是大大隻的避風塘辣蟹。個份量都唔少喎。蟹肉夠新鮮，而且也辣度適中，不會過辣，蟹肉也不會過老，鮮甜呢～油鹽水浸大蜆愛食貝類的我，又點可以錯過？逼裡的油鹽水大蜆，用上的蜆可不細，而且食起上黎，也食得出蜆的鮮甜。淡淡地用油鹽水吊一吊味，更能帶出蜆的鮮味呢～蜆肉都唔係細架！黑胡椒波士頓龍蝦哇，十分惹味的醬汁，微辣。而且入味十足！波士頓龍蝦仲要十分厚肉，食起上黎啖啖肉好爽！新鮮菠蘿咕嚕肉用上新鮮菠蘿黎炒，個汁夠晒酸甜。而咕嚕肉也肥瘦適中，十分入味。啫啫唐生菜最惹味的生菜，當然是用啫啫煲上啦，新鮮熱辣呢～～

菠蘿炒咕嚕肉排骨炸得十分香脆，而且啖啖肉，而且配有唔少菠蘿，青椒，紅椒等配料，茨汁亦都酸酸甜甜，配搭一流。避風塘炒辣蟹呢到d炒蟹炒得十分香口，肉質鮮嫩，而且亦都加左唔少炒得好香既炸蒜，令到呢味菜更加惹味香脆。黑椒波士頓龍蝦呢味菜真係值得一讚，平時食龍蝦總係會覺得好煩，d殼好難開，但呢間餐廳好貼心，每舊龍蝦都會一早就夾個開口，只要用手拉開少少，龍蝦肉就好輕易取出，食落啖啖肉咁。另外，個汁值得一讚，食落黑椒味濃得黎又唔會嗆喉，十分惹味。油浸沙巴龍躉仔睇落個樣好似好混亂咁，但其實十分有驚喜，肉質紥實，十分鮮甜，油浸方式處理令條魚食落更香口，食過返尋味杏汁豬肺湯食中餐必點既湯黎，杏汁豬肺飲落十分順喉滋潤，近排有幾聲咳真係好岩飲! 豬肺洗得都好乾淨，食落十分爽口，杏汁同埋豬肺配搭得直，都係perfect match!

裝修精緻，貴氣得嚟又唔顯得太俗。七小福有軟熟豬肚,爽口韭菜,新鮮魷魚,彈牙海蜇頭,粉嫩豬腸 ，軟淋淋嘅豬舌，任君選擇。杏汁豬肺湯奶白色嘅湯，淡淡嘅杏汁味，無任何味精，值得一試。避風塘炒辣蟹隻蟹好大隻而且多肉。蟹蓋多膏，香而濃郁。蟹鉗D肉鮮味十足，而且碎埋殼，好user-friendly。黑胡椒波士頓龍蝦 比較少食到嘅配搭，黑椒龍蝦。黑椒味十足，又唔會太辣。龍蝦淡淡肉，而且好彈牙，黑椒味入哂D肉到，個人更鐘意呢個餸相比炒蟹。新鮮菠蘿咕嚕肉酸度適中，炸粉同D肉比例勻稱。唔似出面D咕嚕肉，差唔多全部都係炸粉。

跟家人逛完新世紀後，決定在附近找菜館晚餐，我喜歡吃海鮮，所以立即尋找這附近有沒有出名吃海鮮的菜館最後選擇了位於洗衣街的旺角海鮮菜館這間店打正旗號是「海鮮菜餉」，甫進店，便看見很多生猛的海鮮先點前菜，白灼韭菜花、豬肚、粉腸、魷魚，當中我最喜歡白灼韭菜花，麻油好香好醒胃，大推!再來一客傳統杏汁燉豬肺湯，好足料，但我只愛喝湯，不吃豬肺，所以豬肺全給爸爸呢! 湯好甜、好滋潤油鹽水浸大蜆，一盤有好多呀，清清地，更顯大蜆味道新鮮大蜆漲卜卜油浸沙巴龍躉，好脆口好香口黑胡椒波士頓龍蝦，龍蝦啖啖肉，黑胡椒烹調煮法好新穎，也好惹味好開胃呢!避風塘炒辣蟹，蟹好大隻呀，肉彈牙又啖啖肉，蒜香更惹味! 雖然是避風塘炒辣蟹，但不算太辣，老人家也吃到吃了一連串海鮮，也要吃點菜，啫啫唐生菜煲 ，好惹味呢!最後甜品來一碗紅豆沙，為這頓飯作一個完美的句號。總括來說: 店內位置舒適，服務一流，食物份量也很足，海鮮也很新鮮，絕對是一間不錯的海鮮菜館呢!

門名海鮮菜館，顧名思義是食中菜及海鮮的啦。友人最近生日飯吃得太豐富，西餐吃得多了，想吃得清淡一點的，中菜加海鮮正合友人心意。我跟友人都是火車沿線的人，旺角海鮮菜館鄰近旺角新世紀及旺角火車站，地點非常之便利，我們吃飽飽之後，只需幾分鐘就行到火車站了。店鋪雖小，但仍設有活海鮮區，想吃生猛海鮮，可以即叫即劏。未人齊前先點了兩個前菜，是白灼的前菜， 顧名思義味道非常清淡，對於喜歡清淡及無味精的人，是必點之選。白灼菲菜花 $48白灼魷魚 $48杏汁燉豬肺湯 $68/位；$298/盅波士頓龍蝦 （2隻）$268/隻生猛波士頓龍蝦，肉厚，吃這但醬汁會想配一個白飯，因為味道很像干炒牛肉的汁，配飯吃一流。避風塘炒辣蟹（1隻） $488大大隻肉蟹鉗，啖啖肉，非常鮮味，不太辣，但如果多番少少辣味，應該會更惹味。 對於不受辣的人， 會愛吃這個。油鹽水浸大蜆 $68/例油鹽水浸蜆湯底偏似胡椒豬肚湯那種，胡椒味很濃，蜆肉出奇地爽口、大隻。鮮菠蘿咕嚕肉 $88/例咕嚕肉整得好好味，沒有厚炸粉，車長長的咕嚕肉又瘦又彈牙，見到每枱客都幾乎會必點這味餸。

話說有一段時間未有外出食中菜海鮮，今晚約了久未露面的大學同學和朋友，去食中菜大家可以圍著圓桌一起坐，一起分享美食就好適合不過了。餐廳地址位於鬧市中心的旺角，又近東鐵綫，交通極方便，住港島九龍新界的朋友都不怕夜了沒車回家。因為女仔多，所以點了6-8道菜式，加一煲湯，就夠了，最怕做眼闊肚窄大晒鬼。聽餐廳經理推薦，試了這裡的有名前菜「六小福」，其實分別是：豬脷、豬肚、豬小腸、韮菜、尤魚，海踅頭。因為係前菜，故沒有加以過多的調味，單以微辣的豉油配搭已有開胃之效。豬脷軟淋韮菜爽脆微甜海踅頭好爽口我想推薦店中的傳統杏汁豬肺湯，因為它帶來意想不到的驚喜。奶白的湯汁除了加入杏汁外，也加了很多花奶，入口順滑濃郁，一試就知烹調良久。而豬肺也洗得很乾淨，價錢又公道，值得一試。主菜當然少不了海鮮！之前喺新加坡食過，香港版嘅黑胡椒我道未試過。又係另一道好值得推薦的菜色！黑胡椒汁好香，波士頓龍蝦啖啖肉，煮得好入味！好快就被人「圍剿」完畢！香港名菜-避風塘炒辣蟹辣度只係微辣，怕辣又想要滋味的朋友都食到。油浸沙巴龍躉仔油浸過法令龍躉仔外脆內嫩，好香口。比一般蒸煮更令人食指大動。油鹽水浸大蜆蜆肉大大粒，肉質飽滿此外，還

北方/上海野成日見，今日同學聚會黎左旺角海鮮菜館!難得一大班人，食下粵菜!menu太多選擇，但主打似乎係海鮮類但緊係要食返啲傳統廣東人會食既頭盤!先黎一份招牌六小福!鮮魷魚，口感好爽好彈牙，魷魚味都幾重海哲頭!呢個比魷魚更有咬口更爽，鍾意食彈牙爽口口感既人一定好鍾意!白灼粉腸，粉腸香腍軟身，而且夠哂粉，靚野如果平時食笈第都有呢個質素就好了。白灼豬脷，朋友們唔太鍾意，我一個人清哂好香豬肉既味道，而且肉質好滑好嫩的韮菜花，比平時食既韮菜軟身，而且比較好有甜味中菜一定唔少得老火湯水!杏汁豬肺湯豬肺洗得夠乾淨!顏色洗到偏白，湯煲完買黎雪白。加埋娃娃菜，甜味十足，入口好舒服好順有淡淡南杏既香甜夠哂潤!油盬水浸大蜆個人就唔太鍾意食蜆，因為重秤得黎又無乜肉食，但好多人都話想試。蜆的確夠大，厚身多肉，而且洗得好乾淨，食落無沙油浸沙巴龍躉仔清蒸就食得多，油浸真係少食。但唔好睇佢樣衰衰咁，食落外皮脆身，魚肉好嫩好多汁，可能因為用走油既方式煮熟條魚。所以香口之餘又保持到魚肉嫩滑，唔會鞋口。油香加上醬油，食落既有醬汁既咸香，又有魚肉既鮮甜，唔錯!新鮮菠蘿咕嚕肉咕嚕肉超好食!!!要做出酥脆口感，一定要炸兩次，而

自從重新裝修之後都未抽到空到訪，今天一行8人，舊雨新知，約了一個多月的聚會，最後決定了這𥚃。Um......傾開以為轉了老闆，原來是轉了廚房師博，新人事新作風，試下又無防。整體上不算差但始終有比較，個人仍然懷念舊有的味道現在香口菜式比較有水準，可能師博班底是由著名XX莊主理，椒鹽功力真的有一手。當晚點了六人套餐再加單點小菜。前菜三小碟頗有特色，可惜稍鹹了杏汁豬肺湯黑椒鵝掌粉絲煲首次品嚐，黑椒味道滲透粉絲，是一道令味蕾又愛又恨的菜式龍蝦一件身肉也沒有，只有頭，爪，殻，失望炒麵，椒鹽鮮魷，咕嚕肉都是水準之作至於服務親民，是這裡其中欣賞的地方，如果一班朋友要求不太高便可列入考慮之列

朋友想食海鮮，我又不想去屯門三聖，因為對我來說實在太遠，朋友又說不要入西貢，最後就找到旺角海鮮菜館，朋友說看上去也不錯，一行十人就去旺角海鮮菜館，朋友之前已經安排好有什麼菜色，我安靜等吃就可以。杏汁豬肺湯原本我想不喝的，因為我很討厭杏汁，朋友說杏汁味很淡，我嘗了一口，的確杏汁味不重，清甜，很好入口，不喜歡杏汁味的我也可以喝。黑椒波士頓龍蝦喝過湯之後就上主菜了，今天的主菜當然是海鮮，黑椒波士頓龍蝦大部份穀已經被廚師處理好，很易就可以拆出肉，入口後，龍蝦非常惹味，很香口，味道上是偏濃郁，肉質都很彈牙。油浸沙巴龍躉仔一般來說，我都是喜歡吃蒸魚，不過朋友點了這個，我就一試，坦白說它的樣子有點醜，究竟是原本就是這樣還是經過炸後才變成這樣呢。外皮酥脆，入口卜卜脆，而內層的魚肉蠻鮮甜，這個魚真的有驚喜。避風塘炒辣蟹看上去份量都很足的，而且辣蟹也滿大隻，蟹穀一樣已經處理好，輕易就可以把穀拆出來，雖然說是辣蟹，但我個人覺得它不算是很辣的，蟹肉都保留了原有的鮮甜味。不過朋友就覺得有點辣，所以我跟另外一個辣妹朋友吃光光了。豉椒蟶子皇煎米粉豉椒蟶子我比較少吃到，一般我都會揀蒸，但也可以一嘗，豉椒它的味道是偏濃

一間出面望落似普通既海鮮菜館但入面好靚好新，菜館以金黃啡為主，令人眼前一亮。檯數目唔算多，亦因為甘變相位置唔逼。同大班朋友食飯當然要叫多款餸菜。6小福有海蜇頭，豬粉腸，韭菜 ，豬肚，豬利 ，魷魚海蜇頭好爽脆，食落卜卜聲好過癮。豬粉腸好軟一d都唔un，易咬斷。豬利厚身，極身已經左麻油，就甘食都好香。6小福唔一定要嗌哂6款，可只叫2，3款的員工仲提點我地，點辣椒會較好味杏汁豬肺湯一打開見到奶白色既湯，已經好吸引。成煲湯煲得好入味。內臟我唔食肺，但呢隻湯既豬肺好彈牙，我一口氣食左幾舊避風塘蟹+胡椒龍蝦（焦點2者一上菜都好震撼，份量多。蟹上面有好多炸蒜，連蟹肉食又軟又脆。胡椒龍蝦惹味程度爆燈 好味到要算埋d汁但2者比較，後者會比較入味同埋啖啖肉呢到服務態度都一流 好多時都會主動幫忙，係意想不到的好餐廳。

旺角好少話有專門食海鮮嘅菜館，呢間睇網上評價唔錯，所以黎試。今次叫白胡椒蟹煲，白胡椒够香，味道入晒隻蟹度。隻肉蟹堅大隻，個蓋成個煲咁大(有圖)，隻鉗成部電話咁大，d胡椒蟹汁滲晒落個粉絲度，味道唔過龍，剛剛好，超惹味~ 杏汁豬肺湯值得一試，杏汁够濃，漿口，滋潤非常。食蟹前黎左6款小食，基本上只有豬脷够味，其他都系偏清淡，要點辣椒豉油。韮菜唔够嫩，海蜇頭可以落下醋……佢送左個炒蜆，但過份重口味，搞到d小食更失色。不過，最後要讚下佢個飯後甜品紅豆沙(送嘅)，超起沙之餘勁足料，紅豆又够大粒，超滿足

除了尖沙咀，旺角就係另一個約一大班人食飯嘅好地方。始終大家都要返工，放工約個方便嘅地點食飯，就算大家收工時間唔同，旺角四圍行下都可以嘛。今次黎呢間旺角海鮮菜館，位於洗衣街近弼街，港鐵太子站、旺角站或者旺角東站都係10分步程，相當方便。門外有列出多款中午及晚市套餐推介，其中午市優惠小菜更只係$59款，價錢吸引，附近工作的話，值得一試。因為我今日OT，所以遲左少少，好友們都點了菜，咁仲好我唔駛我諗食乜。一坐低就見到呢個前菜，白灼魷魚，非常爽口，鍾意食辣嘅點下辣油又可以提一提個鮮味啦。鍾意飲湯嘅我，平日飲豬肺湯多數都係菜乾煲。今次ORDER呢個杏汁豬肺湯，用杏汁燉出黎好奶白，豬肺夠晒淋，而且味道鮮甜，強烈推介大家黎一定試呢個湯呢度嘅菠蘿夠新鮮，咕嚕肉又唔會太多粉，炸得香脆，色澤鮮明，大人細路都鍾意食。本身叫啫啫芥蘭煲，但今日無芥蘭就轉左唐生菜。但一樣做得唔錯，上檯時仲有啫啫聲，先聲奪人，肉碎又夠香口。黎海鮮菜館又點少得海鮮呢。跟住輪到海鮮排隊出場啦。打頭陣呢個油鹽水浸大蜆，大蜆食落無沙，而且鹽水吊出陣陣蜆嘅鮮味，尺寸亦真係幾大隻下。跟住黎嘅係黑胡椒波士頓龍蝦，份量都算大，龍蝦肉夠晒鮮甜，而黑

真係好耐無出過去食海鮮啦，朋友話旺角有間餐廳食海鮮好好食，心想旺角bor，係香港的中心區，附近都無海，點會好食得去邊，但朋友堅持左好耐，咁就抱住一試的心態去一去，點知真係喜出望外，意料不及。 我地點了頭盤六小福，查實係六個小菜加埋一齊的菜，由魷魚，豬腸，豬肚，海哲頭等組成。最特別係出面其它地方見唔到的海哲頭。 話明食海鮮，我地叫左個胡椒龍蝦，椒鹽炒蟹，好大碟，好夠味同好足料，係後者係略微口咸左小小。另外仲叫左個油浸魚，超級脆，上菜個下用刀叉分開一舊舊就聽到脆口的魚皮分開的聲音。總括而言，係沒有中伏且頗有驚喜，值得再去食。

又是和吃貨朋友們聚會的晚上，她們選了地點方便位於旺角的旺角海鮮菜館。朋友其實點了招牌六小碟，但其他都是內臟我根本不會吃，就沒拍照了。白灼魷魚口感夠爽又有彈性，本身沒有調味，就靠附上的辣椒豉油提味，點少許已經夠鮮辣。海蜇頭口感爽彈，浸著海蜇頭的醋微酸，很對我的口味。傳統杏汁豬肺湯我本身是很怕杏汁的味道，但這道豬肺湯聞到杏仁香但入口杏仁味不會過於強烈，味道清甜鹹淡剛好，不錯。避風塘炒辣蟹一上桌已聞到很香，很重鑊氣，味道香辣惹味，很有大排檔風味。豉椒蟶子皇煎米粉蟶子大大隻，爽口彈牙，青紅椒口感爽脆味道清新，豉椒汁味道濃郁，單吃蟶子可能略嫌濃味，配合淡味香口的煎米粉來吃更適合。油浸沙巴龍躉仔魚不可以貌相，這尾油浸沙巴龍躉仔，看起來是有點趣怪，但魚皮泡很香脆鬆化，內裡的魚肉又嫩又滑，而且味道夠新鮮，少許豉油已經很好吃。新鮮波蘿咕嚕肉咕嚕肉炸到外脆內嫩，粉漿的厚度亦恰到好處，配上味道酸甜的新鮮菠蘿，不覺得熱氣之餘更覺醒胃。旺角小炒王小炒王有多款配料，入口香口、爽脆、軟稔的口感同時出現，口味偏濃但可接受。啫啫芥蘭煲芥蘭翠綠新鮮，入口爽脆，配合味道較重肉碎，整體未算太重口味。旺角脆皮吊燒雞雞皮真的很鬆