旺角海鮮菜館

这家食店屹立太子都有一段时间，以往都未曾去光顾过，今次朋友聚会大家想揾过方便嘅地方，有一天搭车经过见到结果就决定预订这间菜馆，这间菜馆服务员态度非常亲切及友善，食物质素非常之好，我们每人五百多元就食到一顿好丰富嘅海鲜晚餐，相比起去西贡或者三圣邨性价比非常之好，下次有机会都会再次光临😋…查看更多

二人餐海鲜种类繁多，有虎杉斑、元贝、金沙虾球、鲍鱼，仲有白肺汤及两样小食（我们拣了白灼粉肠及韭菜花）。海鲜新鲜，调味亦能带出海鲜嘅鲜味，食完还有糖水送，十分满足。…查看更多

食物新鲜 烹调方法 恰到好处。最钟意𠮶个胡椒猪肚汤， 十分下火。龙虾我选择咗芝士焗龙虾 龙虾我选择咗芝士焗龙虾， 十分新鲜 佢嘅芝士唔系话好浓。 但系我觉得好食过喺西贡嘅。鲍鱼同埋扇贝都好正， 材料十足十分新鲜。叫咗个二人套餐每人大概六七百蚊， 唔使山长水远去流浮山或者西贡食海鲜， 十分值得。地点亦都好方便就喺火车站对面。一定会再嚟😊👍🏻👍🏻👍🏻…查看更多

今日终于试咗期待已久嘅海鲜大餐，果然无令人失望！整体来说，食材新鲜度满分，简单烹调已经带出最原始嘅鲜甜，绝对系高质之选～圣子✨肉质饱满弹牙，咬落去爽口得嚟带点韧劲，蒜蓉蒸嘅做法更加凸显咗佢嘅鲜味，汁都捞埋！蚬🦪一上枱就闻到浓浓嘅海水香，蚬肉肥美无沙，用酒香炒过之后更加惹味，一口一只停唔到口～龙虾🦞重点推荐！龙虾肉厚实又鲜甜，焗得刚刚好，钳子轻轻一掰就开，露出完整嘅虾肉，蘸上少少牛油蒜汁… 天堂啊！其他小菜同样有惊喜，无论系清炒蔬菜定特色小食，火候同调味都恰到好处，为成餐饭画上完美句号。总结：钟意食海鲜嘅朋友绝对要试，价钱合理之余品质有保证，已经约定朋友下次再encore！…查看更多

同家人约到海鲜饭店食早秋晚饭，环境舒服，价钱合理。赠送嘅豉汁炒蚬几好，蚬肉肉鲜甜无沙，豉汁味道刚好。陈村粉炒蟹几有特色，蟹肉鲜美，陈村粉吸晒蟹汁精华。芝士龙虾伊面正常发挥，龙虾肉质结实，芝士汁唔会太腻。清蒸虎杉斑火候控制得不错，鱼肉嫩滑。鱼肚红烧豆腐普通左啲，但豆腐够滑。葱油鸡几香，鸡肉算嫩。蒜蓉炒菜心爽脆新鲜。杏汁白肺汤几润，饮完成个人都舒服。整体来讲系一顿不错的家庭晚餐，食物质素稳定，适合一家人聚餐。…查看更多