旺角海鮮菜館

营业中

休息中

見好少人寫晚餐的食評 , 今天book左位食晚餐, 18:45 到場 , 已是第2次幫襯, 我很喜歡食蟹, 這家店蟹肉結實, 又大隻 , 好有水準 (只是價錢.......)但一分錢一分貨是永恆的道理, 其它的款式都很有水準, 希望下次不要我食得太趕, 要我8:30 交檯就好了, 畢景不是吃快餐.

今晚去食團年飯 一早已book好2130我朋友九點三到左態度好西咁話要等夠鐘 要執好張枱。。點知到九點半再入去 竟然hea我地比一張四個人坐都會迫既枱 然後咩都無執好 再放啲圓櫈仔hea我地坐住先。。。大佬 成七個人點坐啊 仲要隔黎張枱貼住我地張枱食櫈佢可憐門囗有張大枱，侍應話有人book左 但眼見半小時都未有入座 為何不可比我地先？佢解釋係有人book左？難道我地無book?唔通無流利普通話就坐櫈仔？員工既arrange十分差 希望你地多加訓練員工如何booking處理同對答 咪啲野再好食都無用我舖頭請著呢啲員工真係喊三聲

今天晚上同家人吃團年飯～～～全程由姑仔一家安排，話呢間「旺角海鮮菜館」超級好食，已成為她們的飯堂，每次食完都話想帶我們來，今次團年「飛雲，機會來了！！」令我非常期待「旺角海鮮菜館」名稱非常普通，位於旺角洗衣街～～～但原來好難訂位原本想訂19:30, 但這菜館真的太受歡迎，一早爆滿！！最後訂了20:30～～但等多一個鐘，都值得的！！菜館內裡空間不大，所以座位不算多，而枱與枱的距離很近～～～我們一行七人，他們都只可以安排到六人枱加櫈，所以都有少少迫每枱也有「花生」同「辣椒豉油」(連這些味道都很好）我們七個人，點了一個「六人餐」HK$2988 (另外加佐一隻鮑魚同一隻扇貝）加必點的「避風塘炒蟹」HK$698六人餐的「頭盤三小褔」1. 海蜇頭 - 上枱是暖暖的，好爽、好好食！！絕無平時食到的添加劑味2. 白灼豬脷 - 味調得好好味，好林 3. 韮菜花 - 味道都很好，不過有點老、有渣「杏汁豬肺湯」超級好飲！！一共可載九碗，勁足料，碗碗最少都有兩舊豬肺，豬肺好乾淨；杏汁非常香濃，稀杰度適中，味道很純不會太咸，無味精，必點！！「避風塘炒蟹」HK$698一上枱，真的忍不住「嘩！～～～」價錢唔平，但份

想食海鮮，所以決定搵左呢一間旺角海鮮菜館。呢度環境都唔錯，有大魚缸養住海鮮，海鮮都好生猛不過見到佢有個宵夜套餐好抵，所以決定試下。叫左個398蚊既龍蝦套餐，叫咗個白胡椒粉絲煲，前菜叫左海蜇頭同鮮豬脷，2個都好爽口，特別係鮮豬脷，用黎開胃啱啱好。之後再嚟一個小菜，叫咗個豉椒炒蜆，得不讚下佢嘅汁，好香，每個蜆都好入味，而且冇沙，值得一讚！最後重頭戲黎左，白胡椒粉絲龍蝦煲，粉絲勁多，又香又入味，用黎撈飯一流！重點係龍蝦，又厚肉入味，好鮮甜，個蟹鉗好大隻，啖啖肉。下次要試下其他食法最後黎左泥猛粥，粥入邊有成條細泥猛，本身以為冇乜特別，食落好香好甜。粥好綿，值得推薦！最後菜館送咗個綠豆沙，有個甜品食下，呢間菜館會再嚟食！走嗰陣先發現原來菜館係米芝蓮大廚！買單千四百幾蚊，建議大家可以試下！

自從搬進旺角後、發現好多餐廳都營業至凌晨、深夜外出覓食完全無難度。今晚夜了回來、就乾脆一試家附近的旺角海鮮菜館新推出的夜宵磨宵夜餐。難得今晚家人過來、點了很久沒吃的避風塘炒蟹套餐 $698。白灼韮菜花每條都好嫩滑啊白灼海蜇頭晶瑩透白、沾上豉油麻油吃冰凍爽口。豉椒炒蜆大小適中、爽滑惹味、加上青紅椒更添香甜。沙田滑雞粥 粥底夠綿、雞肉嫩滑、有雞粥應有的甜鮮味。重頭戲來了- 避風塘炒蟹！份量很大、被滿滿的炸蒜覆蓋、聞到都覺得好香啊～ 蟹肉好鮮甜、啖啖肉、尤其是蟹鉗、辣辣地好惹味😍 雖然好怕拆蟹肉、但每次還是愛上蟹的鮮甜。晚餐附送的喳喳糖水、好多豆。另外見到隔離枱點的燉雪梨好吸引、我們又另外再加一個、限量發售～乾燥的冬天吃這個感覺很滋潤呢。

我家住太子，這飯店裝修前食過一餐晚餐，感覺不過不失，裝修後沒有太大衝動再試。今日行過見到$398有隻波士頓龍蝦食下，雖然要9:15後，反正食左tea，夜點就夜點，反正價性比幾高。夠鐘再到飯店，看到打左米芝蓮大廚牌頭，估計裝後可能有新班底，點了$398餐，白胡椒波士頓龍蝦粉絲，灼豬粉腸，灼豬脷，豉椒炒蜆，泥鰍粥，食評睇圖片。重點是胡椒煲一上，一開蓋再啫起來，香味已令人好想熱住都想食，可想而知大廚功力不錯。服務員好主動換骨碟，亦不時窩心問你味道如何，有需要再叫佢地。埋單兩位茶錢$20，花生$20，加一$40，$480埋單，味道十足，份量足夠，吾可以話好平，但質素合理，今次令我有回頭的衝動。

收工搵吃，又不想吃太飽。隨便走到這小店。前菜有我喜歡的水尤。目標是很想吃炒麵。好吃的炒麵很難找啊。雞粥很滑及軟綿綿。細細碟的炒硯。可以過下口引。仲可以食埋蟹。份量剛剛好。

在旺角行街食宵夜 朋友食過話呢間宵夜幾正咁 所以就去試下啦 餐廳喺旺角洗衣街 十分方便我們已經是9:30到 想不到還是滿座看來真很受歡迎😋宵夜套餐有三款 分別係398蚊龍蝦套餐 ，598蚊瀨尿蝦套餐 ，還有698蚊的蟹套餐我地選左龍蝦套餐😆宵夜套餐包括兩款小食我們分別點了豬肚和魷魚豬肚很有驚喜大家也可試試相比之下 魷魚便較淡味了~粉絲非常入味 食落有淡淡胡椒香 仲有龍蝦嘅香味 大大嚿龍蝦肉 鮮甜味美 十分新鮮 啖啖肉真係好食到要用手黎食😋仲有避風塘炒蜆 隻隻蜆都非常之肥美炒蜆的醫汁非常惹味 正套餐最後一擊 泥鯭魚粥 💛真係有成條泥鯭魚魚粥很鮮甜 但食時要小心魚刺 最後再送糖水~~ 喳咋🤩好多豆好多芋頭粒😋好好食三人食 一個餐加多碗粥Total 537蚊 食海鮮黎講真係好正好抵 推薦!!

胆粗粗同老婆兩丁友入去試試，估唔到海鮮🦞會咁新鮮，價錢又唔太貴！想係鬧市食新鮮海產餐廳可以入去試試！佢個🐽肺湯好好飲！必試！另外個胡椒龍虾粉絲煲都好有水準！前菜九菜花同海捷頭都不能錯過！😋😋😋

因為要準備搬家，所以很夜才吃晚餐，得知這𥚃有宵夜時間，由九點十五分開始，便來到吃晚餐。想不到這麼晚，還是人山人海，好彩有張二人枱可以坐下來。選了白胡椒粉絲蟹套餐$698。包兩小食、蜆、雞粥。小食要了韮菜花和海蜇頭。韮菜花很嫩，沒有渣，只有爽脆和清甜。海蜇頭爽口而不靭，帶點嚼勁。兩個小食只需配上辣椒豉油，味道更佳。油鹽水蜆，蜆肉沒有沙，油鹽水內有大量韮王，帶起了蜆肉的鮮甜，而湯頭味道適中，配得上是正宗的油鹽水蜆。白胡椒粉絲蟹煲，用砂鍋裝著，熱騰騰的鍋蓋打開時，嗅到一股白胡椒的香味，蟹件被粉絲覆蓋著，粉絲吸收了白胡椒和蟹肉的味道，變得更加美味，第一時間就吃完粉絲先。白胡椒的味道令到蟹肉更加鮮甜，很快連蟹肉都清除埋。最後來到是兩碗雞粥，粥底很綿，而雞件亦非常之有雞味，吃完雞粥，到已經覺得飽了。想不到店員，最後還送上兩碗紅豆沙，雖然是送的，不過味道質素都很好，用甜品作為今晚完美的結局，就最合適不過。

見出咗糧所以決定食好啲，所以OpenRice搵左呢間旺角海鮮菜館。見到有個套餐夜晚915後，就有個扺食既套餐，所以決定等到9點3後去試吓呢間鋪頭，不得不讚門口有好多新鮮海鮮，而且環境都幾舒服。佢有三個餐，龍蝦，瀨尿蝦同蟹，價錢分別係398，598同698。決定食貴少少嘅698！揀咗薑蔥炒蟹，白灼魷魚，豬脷，豉椒炒蜆同埋鴨河。其實佢有好多選擇，詳情可以參考返張圖。首先講左前菜，白灼魷魚同白灼豬脷先，要講既係好新鮮，魷魚有鮮味，而且好爽口，又唔會咬唔爛，前菜一流！白灼豬脷亦值得一讚，食落去好易入口，而且好咬口！跟住就黎左豉椒炒蜆，呢個炒蜆係我食過最好食，第一佢好入味，第二啲蜆完全冇沙，食得出係有洗乾淨，第三每一隻都係好新鮮大隻，啲殼開曬，如果有飯應該一流！之後終於到重點，薑蔥炒蟹！一上枱已經好香，夠晒鑊氣。隻蟹好大隻，啖啖肉，好鮮甜，啲蟹好入味，又多膏，基本上全程冇停過不斷讚佢好食，兩個都不停食，極力推介大家一定要點呢個！大家可以參考下呢個蟹腳，啖啖肉，又入味！最後黎左鴨河，一開頭覺得鴨沖冇乜特別，原來係因為啲鴨油未撈到落個河粉到，所以一開頭覺得一啲淡，但係食完蟹之後，鴨油開始滲入湯，變得

之前經過見到宵夜有特價海鮮套餐有蟹，瀨尿蝦，龍蝦揀門口有幾個大魚缸，放住d瀨尿蝦好大隻今晚上完堂就黎試下入到去，環境似以前舊式靚嘅酒樓，好熱鬧甫坐低就有小食花生，沾上淮鹽，香脆可口套餐3選1，揀咗蟹套餐2款小菜揀咗粉腸同海蜇頭海蜇頭食落驚喜！好爽口！再黎豉椒炒蜆上台熱辣辣，好有穫氣蜆肉大粒，而且味道啱啱好，唔會太咸，好食！揀咗泥猛粥,估唔到一人一碗每碗真係有一條泥猛！好足料最後就上今日嘅主角 ：避風塘炒蟹上到嚟見到鑊氣十足 ，d炸蒜熱辣辣又香脆 撥開就見到完整嘅一隻大蟹 ，即刻攞隻蟹鉗黎食蟹鉗大到佔碟嘅將近 一半，份量十足肉質彈牙，食落鮮甜，食得出隻蟹非常新鮮，有 驚喜 另外有部長姐姐態度親切，見佢滿場飛同食客傾計，好有人情味嘅感覺 推介一班人黎食，可以試到多d嘢！

經常落金魚街買水草買用品，總會經過哩間海鮮菜館，最吸引我係門口寫住米芝蓮三隻字，朋友話想試吓，就帶咗我落去試吓哩間標榜米芝蓮嘅餐廳.我坐近門口，睇住D好大隻嘅瀨尿蝦好生猛噤游黎游去，好enjoy! 再望望環境，裝修得唔錯，感覺高尚.點咗個波士頓龍蝦套餐，豉椒炒蜆，白灼海蜇頭同鮮魷魚，燒鴨河粉.豉椒炒蜆最緊要蜆夠新鮮同芡汁好味，芡汁帶甜，微辣，味道係我中意嘅回憶味道，超讚！早年係尖東返工，有間茶檔極惹味豉椒排骨飯，就係哩個芡汁味，令我當時一個星期幫襯2~3餐，哩個芡汁令回憶反哂黎，懷念喲！白灼海蜇頭極之爽口，鮮魷魚介哂花，好靓，當然，兩款前菜都要點小小辣豉油先好味.波士頓龍蝦用上大量黑胡椒同粉絲，粉絲吸收哂黑胡椒味，極辛辣，中意食黑胡椒一定中意！龍蝦肉新鮮彈牙，味道同黑胡椒都幾夾，滿意.講到哩到，D生猛瀨尿蝦又係眼前遊黎遊去，好吸晴.最驚喜係碗燒鴨河粉，平時食D河粉總係好厚身好糊口，哩碗河粉切得比較幼身，河粉本身較薄，口感極佳，係我中意嘅口感，燒鴨肉嫩，湯底清甜，極有避風塘風味，單係食哩碗河粉己經滿足！唔記得叫佢多蔥添！其實我好怕去D什麼五星級，什麼米芝蓮，或者D名人推介嘅餐廳，經常中伏

旺角很多海鮮美食,但未必到到坐得舒服在旺角逛完街想坐得比較舒服就來這間海鮮菜館。這裏價錢很公道而且食物質素好。一個套餐只是300幾蚊，但已有大大份的海鮮餐喇。龍蝦粉絲煲，粉絲滿滿的黑椒香，味道也十分黑椒，而龍蝦很甜而且有咬勁，是新鮮的哦！炒蜆的蜆子肉很飽滿，肉質結實，蒜香味夠濃套餐還有兩款海鮮小碟可選擇魷魚非常爽口，再點埋餐廳提供的辣豉油就夠晒風味啦!最後還有燒鵝河粉，河粉滑，湯底清，燒鵝夠新鮮。吃完套餐真的捧腹而回。很滿足!龍蝦啖啖肉而且有咬口蜆肉夠肥美,蒜味勁香魷魚爽口一定要點辣豉油食海蜇大大的條河粉超滑燒鵝肉質實的的餐廳坐得舒服

今日和朋友來到她推介很久的海鮮菜舘，他們乍看隻是尋常小菜館，但這家裝修帶點八十年代風味的海鮮小店實在是不試便走寶的滄海遺珠。聽朋友說這家菜館大廚經驗老到，曾是米芝蓮二星中菜館御寶軒的廚師，聽到也知道不得不試。我們看中了九時十五分後的消夜時段，消夜時段二至三人套餐有蟹$698、瀨尿蝦$598、龍蝦$398再配搭【旺角六小福】- 白灼六選二，炒蜆三選一同埋粥/粉/麵三選一，光是價錢也很吸引很超值。先說說我們點了的菜式，美國波士頓龍蝦（白胡椒粉絲煲），白灼深海魷魚、白灼海蜇頭、避風塘炒蜆，最後是沙田滑雞粥。白灼深海魷魚和白灼海蜇頭這是套餐的海鮮前菜，白灼深海魷魚看上去沒有花巧，口感一流，爽口彈牙，而海蜇不是一般的酒樓食到的海蜇絲，他們是用粗切，晶瑩剔透，鮮味十足，可以一提的是海鮮本身沒有調味，所以吃的都是本身的鮮味。避風塘炒蜆蜆肉很大隻，全開口而且沒有沙，避風塘炒蜆的重點當然是做到香、辣、惹味，蜆肉再配合金蒜和鮮辣椒非常惹味，是十分不錯的前菜。美國波士頓龍蝦店員推介白胡椒粉絲煲，這個菜式實在令人非常有驚喜，煲蓋一打開，便是撲鼻的白胡椒香味，胡椒味完全的附在粉絲和龍蝦上，龍蝦肉非常鮮甜，龍蝦肉