山本屋 (圍方)

营业中

休息中

次次都見到好長龍，今日終於的起心肝排隊。排隊有段小插曲，對高級兩位（冇著圍裙）員工唔存在嘅服務態度非常失望，成功排咗一個鐘之後以為自己去咗茶仔。講返食，叫咗味噌湯底親子烏冬+炸豆腐+天婦羅蟹柳。其實仲叫咗個雞翼，不過佢冇落到單，所以就算喇。叫嘅都係menu推介嘅嘢，但係真好普通。烏冬好彩加咗牛，如果唔係得細細幾條幼雞柳真係好冇份量。牛就話可以生生地上，不過同行食豚肉嗰個都一樣係半生咁上，好似有啲驚。明明大家都一樣叫親子烏冬，但係我隻蛋係全生咁上，佢嗰隻係全熟咁上，完全冇準則可言😮‍💨 另外，小食係冇乜味嘅 — can totally skip.雖然係熱推什麼名古屋過江龍，但係服務質素同格調完全冇日本氣質⋯ 雖然冇去過日本嗰間，但係完全覺得佢做壞人哋個名。所以都係信其他reviews, 唔好嘥時間排隊，等他日冇隊先去試啦。

Me and my wife waited for 45 minutes in line, which I didn’t mind since we really wanted to try this place. When it was finally our turn at the front of the line the lady asked if I have everyone here for our table of two. I said my wife is sitting down on the benches literally 5 meters away. She didn’t even give me 10 seconds to call my wife over, she’s also pregnant, and she gave our table away to the next customer. When we told the other guy that works there what happened he wasn’t apologetic

未落風球、星期六下午茶時間去，目測有10人係到排隊等入，期待一試日本烏冬專門店山本屋嘅名物：煮込みうどん🍜店鋪唔算大，有30-40個位，排隊時會派一人一張點餐紙，先揀入去坐底就可以食🙆🏻‍♀️店面職員真係有日本人，仲有位著住浴衣🤣🤣剛好安排坐2連位，頭頂有射燈，影食物打卡一流，影人就….😅步驟：1️⃣先揀想食嘅烏冬2️⃣湯底(個人推介味噌湯底，但唔好以坊間/吉X家味噌湯比較，唔係果種鹹味)3️⃣追加配料(較特別有：有年糕$15、芝士$15、泡菜$10，無限加幾多款，按個人喜好😋)4️⃣一品料理，小食類(較特別有：炸紫菜雞柳$38、燒地雞手羽$48、山本屋特製沙律$48，亦都無限加幾多款)5️⃣飲料(有茶、可樂、氣泡酒、梳打)，或享用熱茶都OK🙆🏻‍♀️叫左味噌湯底吉烈豬扒煮烏冬($108)、黃金鰹魚湯底美國安格斯牛肉煮烏冬($108)、天婦羅拼盤($58)及山本屋特製沙律🥗($48)。由小食先上，食得7788，就會上埋主菜烏冬。天婦羅拼盤($58)-有5件，2件炸蝦、1件炸菇、1件炸南瓜、1件炸蕃薯。炸得剛剛好，金黃色，鬆脆唔油膩。價錢：❤️❤️❤️🤍🤍味道：❤️❤️❤️❤️🤍推介：❤️❤️❤️🤍🤍山本屋特製沙律🥗($48)-和

排了一個小時，都聽到人話唔好食，唔信，去試下，平平無奇，唔值得排一個小時，嗰碗所謂湯，咸到封喉，真係要去洗賢。其他食品，無乜特別，食完啲烏冬，啲湯真係唔好飲，加10蚊牛肉，比啲熱湯淥到老到不得了，啲蔥白又老。

因為佢哋懷疑我同我阿媽遲咗落Order, 又冇送到餐好耐, 又超過成個1個鐘, 又搞到我哋兩個發爛渣同埋爆粗要投訴, 結果搞到我哋自己要走人, 所以我哋以後唔好再嚟呢間, 非常唔公平😡😡😡😡😡

第一次去圍方，當然諗住試下最多人排的名古屋烏冬，一去到已經見到有多過二十人排緊，猶豫左一下都係決定照排隊。大約排左30分鐘就入座，我哋二人點左雞皮餃子，雞翼，一碗吉列豬扒咖喱烏冬，一碗天婦羅蝦鏗魚湯烏冬。兩款小食好快就上菜，味道係幾好食既，符合預期，而且仲熱辣辣。點知食完小食之後就等左40分鐘先有烏冬，我見其他人都係咁等，就無專登催促。不過有覺得如果烏冬可以快啲上的話，餐廳的turnover 好以多啲同快啲。講返兩碗烏冬，上枱時好似煲仔飯咁一人一煲烏冬，但一夾落就發覺其實份量唔算多，碗鏗魚湯底係淡而無味，最大問題係啲烏冬唔係煙韌，而係煮唔熟的感覺，仲食到個粉團的口感，等左咁耐食到碗咁的野真係失望！至於咖哩烏冬，個咖哩湯底開頭食落幾惹味，至少啲烏冬係熟既，但係愈食就覺得個湯底愈，好似落左好多味精咁！總括來說烏冬的性價比低，雖然小食係好食，但主打的烏冬卻另人失望，仲要咁排隊，應該無下次了。

今日一家三口特登去到圍方搵食，行過阿女話想食依家 山本屋嘅烏冬，卒之排咗一個半鐘頭，期間見到師傅喺度打烏冬，上OpenRice碌下啦，睇吓有乜嘢好介紹，見到好壞參半，咁膽粗粗試吓啦，喂 唔差喎～ 叫左下例食物五目烏冬 味噌味味噌同菇類好夾，配上軟糯有咬口的烏冬一流美國安格斯牛肉烏冬 +牛肉 黃金鰹魚湯牛肉配合鰹魚湯互相配合，小朋友都食到唔停口蝦天婦羅烏冬 黃金鰹魚湯 +生蛋+多蔥軟糯嘅烏冬加上香香嘅鰹魚湯再配埋蛋黃～滑滑嘅蛋黃掛起烏冬上面一啖入口～十分滿足天婦羅拼盤蝦x2 (食咗隻先記得影) 炸漿 脆薄包住蝦 唔錯唔錯南瓜同番薯 有少少本身嘅甜味 讚，冬菇都唔錯*ps 真係要攤一攤先好食，真係熱到”辣”親咀日式炸豆腐正常野，但都係果句，真係要攤一攤先好食另外，烏冬上檯期間，有職員親自介紹烏冬類型。戴返頭盔先，我覺得好唔好食≠你覺得好唔好食，好唔好食因人而異。飲埋佢。

上個月圍方新開同呀B去行吓，我哋見到呢間日本過江龍餐廳，排哂長龍，就想試吓，我哋結果排咁一小時左右就入座。我叫咗味噌天麩羅烏冬，而呀b叫咗咖哩豬扒烏冬，我哋仲叫咗個紫菜炸雞小食✌🏻味噌天麩羅烏冬：味噌濃度夠，可惜烏冬根本未煮透，唔係煙韌果種，而天麩羅蝦上枱果陣已經被湯慘到軟身唔脆口，選用嘅蝦唔係大蝦，粉皮比例多過隻蝦好多。咖哩豬扒烏冬：咖哩唔太濃，豬扒正常發揮，上枱夠熱。以上兩樣主菜質素有點失望😓紫菜炸雞小食：三樣野之中最好食，夠熱夠脆雞肉汁有被鎖住，高質之作👍🏻

大圍圍方新開商場，見到呢間山本屋日日都排長龍，見佢又過江龍又每日限售咁緊要就慕名而來。排咗成個鐘，終於入到去，滿心歡喜，諗住食餐好嘢。叫咗個蝦天婦羅烏冬同埋豚肉烏冬，另加兩杯飲品（無諗過飲品只係罐裝不過都唔緊要，我係嚟試烏冬嘅）。一嚟，個蝦天婦羅烏冬係咁點樣上枱㗎呢？係連湯放喺個碗到冚住個蓋上，結果啲蝦天婦羅索哂啲湯稔哂，再試吓啖湯，冇味嘅！再試埋傳說中限售嘅手打烏冬，硬到～～我唔知自己食緊啲咩。個豚肉烏冬都唔洗再講，一樣都係冇味。呢個價錢，呢個質素，唔會再有下次。

今日係打完十號風球嘅星期六，諗住呢間成日排隊嘅舖頭應該冇乜人，點知去到都發現有兩條隊。我哋大約12:30到，等到差唔多1:15就可以入去。排隊嘅時候已經會比一張紙你寫食咩烏冬。一入到去會即刻落單。離譜嘅係，我哋係下午1:21分落嘅單，要等到1: 50分先至有第一碗烏冬送黎。雖然已經知道佢係即叫即整要等20分鐘，但係我哋差唔多等咗半個鐘先有得食。個烏冬麵質，係外面淋入邊未熟透，有少少面條係夾生，咬開仲見到一絲白色。因為咁食落都有啲咬口，但係唔會係好食。而味噌湯真係幾重口味，黑豚片就係急凍豬肉片。食完要係咁飲茶，同埋喉嚨好似太鹹拿住拿住咁（我冇飲面湯）。雖然睇落好大份，但係其實得好少。以等咗一個鐘頭多啲嘅時間嚟講，我真係唔明白呢間過江龍有乜咁值得排隊。呢種水準嘅煲仔烏冬，自己喺屋企可能都整到。如果日本嘅師傅，諗住攞呢個食物水準嚟香港開鋪，我建議佢哋去食一食其他日本舖頭，改善下食物水平先啦。

又一間日本過江龍黎香港喇!!!今次插旗喺最近人流爆登嘅圍方。山本屋有近百年歷史，主打全人手製作烏冬，好彩仲可以見到青木師傳即場製作烏冬🤩中午打哂蛇餅，今次晏晝4點幾食等半個鐘就入到—— 蝦天婦羅煮烏冬 $108採用陶鍋熬煮，湯底上枱仲一路滾煮緊，煮到烏冬都上哂色入哂味好正，口感偏煙靭，食到人手製成每條烏冬都有微細嘅分別，但個心就實實地未煮得透咁😵‍💫味噌湯底唔錯，濃郁豐厚又唔會過鹹；配料以腐皮為主，索哂湯揀直唔輸蝕過烏冬😍蝦天婦羅炸粉偏厚，建議盡快食如果唔係好快腍😂總結個湯好味，可惜煮烏冬到天婦羅有啲失望，依個價錢質素就未必值得排咁耐去食—— 燒地雞手羽 $48雞翼幾香口，咬落有肉汁，同係名古屋食嘅差唔多，醬油味惹味鹹香🌟推薦指數：6/10▫️▫️▫️▫️▫️▫️▫️▫️▫️▫️▫️▫️▫️📍 山本屋 (#大圍)大圍車公廟路18號圍方5樓527號舖

難得男友放假，佢就早啲黎到最近好出名嘅山本屋排定隊等埋我收工一齊食飯。佢到個時已經17:30左右，因為冇得攞飛，門口已經排咗4-5個圈嘅人龍。Around 18:00我到咗，條龍係冇乜點郁，咁繼續一齊排，排到7點終於入得。舖頭面積唔大，大約淨係坐到40個人左右，相信都係大排長龍嘅其中一個原因。而我同男朋友一人嗌咗一個烏冬，等咗起碼15分鐘先上菜，感覺佢啲烏冬係一輪輪起，一起幾枱一齊起。我就叫咗個廚師推介嘅親子煮烏冬配味噌湯，加年糕(+$15)。首先，部分烏冬係痴埋，散唔開；然後個湯係無味，隻生雞蛋放喺個湯上面都無作用；啲雞肉份量較少，食落有雪味；啲腐皮食落普通，最激氣係個年糕，唔知係個湯太熱定點，溶咗，中間完完全全冇味。男朋友嗌咗天婦羅烏冬加腐皮，點知用10幾蚊加嘅腐皮都係碎上。而隻天婦羅蝦浸住啲湯，一夾皮肉分離散哂，隻蝦細過隻手指尾。仲要佢個湯底同我個個唔同，唔知點解越食越杰。最後唯一值得讚嘅係個煲由頭熱到尾😂同埋個波子汽水好飲😂埋單成$271，食唔飽又要排個幾鐘～我自己就絕對冇下次～～

排左40分鐘左右，入到去有幾空枱，佢哋又唔肯安排你入座，俾你見到好似好多人排隊咁。叫左個牛肉烏冬同炸豬排烏冬，D牛肉正正常常，我個frd話有少少鞋口。但係個味噌湯真係唔得，味噌味係好重，好咸，又唔好飲。D烏冬太硬，好似未煮熟咁。個炸豬排勁難食，塊豬排質感好差。烏冬個腐皮食食下有陣酸味，好奇怪。叫左隻生雞蛋佢浸左落個湯度，變鬼左做熟蛋。見到有好幾枱都剩低左D餸，隔離枱仲話譚仔都好食過佢🤣🤣。賣咁貴又冇返咁上下質素，以後一定唔會再去😡😡。

今日放假，去圍方行吓，行完所有餐廳，見呢間最多人排隊，又見係日本手打烏冬(百年老店)，幾吸引，就排隊試吓。今日係間日，都幾快，入門前派定點餐紙，剔好咗，入去坐底，等吓等吓，等咗好耐，店員話，烏冬要專誠煑20分鐘。冇所謂啦，我放假，同時亦都充滿期望，專誠煑，應該好好食。等咗差不多半個鐘，第一個烏冬到……表面睇，冇咩配菜，一個麵豉湯底，好似漿糊咁，食吓啲材料：烏冬(硬而無味)牛肉(好細塊，冇乜味)腐皮(冇質感，冇味)湯底(冇麵鼓香味，亦冇其他味，合成感覺)雞蛋： 呢個係唯一好食(用靚蛋)一碗烏東，百多元，其實唔係貴，喺大商場，舖租成本都貴，只係我一時間唔記得咗，一心諗住百年老店，一心諗住以為是手打，期望過高，所以失望(但比起一般日式店，還是有很大差距，不會再來)。我通常都係，唔啱食，伏咗，就即刻停手(叫屋企人都停)，止蝕離場，結果出咗去大圍火車站果邊，食個茶餐，算了。

從未寫過食評，呢次係因為實在太難食，所以先寫，希望其他人唔好中伏！叫左兩碗烏冬，一碗係豚肉烏冬味噌湯底，打開蓋第一眼望落去已唔開胃，個樣就好似一窩隔左夜嘅打邊爐咁樣，油益味，豚肉好鞋。另一碗親子烏冬，估唔到可以比豚肉更鞋，唔知道用咩方法可以煮到呢一個口感，無雞咁，唔講都唔知係食緊雞肉。烏冬方面，好似煮唔熟咁，感覺就似食油麵。另外還叫左一客雞翼同天婦羅蝦，雞翼係可以嘅，外脆內軟，亦好juicy，天婦羅一般。呢一問無下次！