山本屋 (圍方)

营业中

休息中

我地星期六諗住行下圍方，行到6點幾肚餓，就周圍搵野食，知道呢到有間名古屋過江龍，就諗住試吓啦大概行到7點到就去排隊，已經打緊蛇餅，目測都有四個圈，咁一場嚟到點都試吓啦，再加上7點半關閉排到咁上下，有個侍應叔叔行出來話已經截龍，一日350碗，排到我哋後少少就賣哂，好難唔繼續排，咁侍應叔叔都好好，同我哋講唔好意思要等咁耐，又有茶俾我哋飲，態度真係好好㗎👍🏻👍🏻等咗差唔多個幾鐘，終於可以入得去，落單紙同menu好唔一樣，Menu好多嘢，但落單紙就好多都無既😅咩泡菜烏冬、平烏冬都係無既😥咁我哋就嗌左炸豬扒、蝦天婦羅同埋豚肉烏冬，另外仲叫咗吉列蝦，炸豆腐同埋冷盤凍豆腐小食小食就不過不失，冷盤都幾好食，幾濃豆腐味，炸豆腐熱辣辣👍🏻吉列蝦個皮同天婦羅唔一樣，吉列蝦都唔錯，唔會太厚粉👌🏻四個烏冬我哋分別淨係嗌咗清湯同味噌湯，清湯就梗係冇問題啦，味噌湯亦唔算好咸，不過唔係同個烏冬好夾，無掛汁。至於麵質方面，山本屋主打手打烏冬，可以睇得到烏冬條條大細不一，但食落去就冇滑溜感覺，可能係我唔好彩，我個碗口感亦都唔係幾好，好似啲麵團咁，亦都唔係好熟，完全冇平時食烏冬煙煙韌韌嘅感覺，加上同個味噌湯唔係好夾，難聽啲

下午茶時間見排隊人龍不多就試一下，點了咖哩湯炸豬扒烏冬，等了15分鐘烏冬先上枱，勁熱，先試啖湯，竟然係咖哩味勁淡，比日式咖哩磚開水煮餸還淡，烏冬入口硬而無味，炸豬扒上台，薄薄的也是無味!真係冇下次，勁伏勁失望。

前陣子位於大圍的圍方終於開幕，趁著週末去湊湊熱鬧，中午時分每家餐廳都需要排隊等候。在人群中，山本屋兩位身著和服的職員引起了我的注意，加上店內的廚師正在熟練地揉麵團，看似吸引，於是決定排隊試試✨親子煮烏冬（$88）雞肉和生雞蛋，雞肉質地柔嫩，但份量稍嫌不足✨蝦天婦羅煮烏冬（$108）兩隻天婦羅大蝦半浸在烏冬之中，即使未完全浸泡，天婦羅皮仍然保持脆嫩，蝦身的大小也相當滿意兩款烏冬湯底都選擇了老店傳統的味噌湯底。味噌湯底濃郁香濃，不過吃到最後有點略微鹹，至於烏冬本身的口感則比較硬身有嚼勁，口感特殊✨炸紫菜雞柳（$38）以紫菜包裹著雞柳，呈現出脆嫩的口感，幾特別雖說是日本人氣過江龍，但並沒有給我太大的驚喜。而且，餐廳排隊時間長達一個多小時，而烏冬的出餐時間也需要超過20分鐘。等候時間過長，性價比不高。不過，作為一家新開張的餐廳，宣傳模式確實成功吸引人

新登場！當相受歡迎👏🏻環境幾靚✨山本屋已有百年歷史，第五代傳人日藉青木先生嚟到香港駐場‼️每日全人手現場製作正宗手打烏冬！可以睇到青木先生認真製作的一面，而且佢為人友善、可愛😆烏冬$78起‼️👍🏻 有3款湯底選擇～我哋揀咗：招牌咖喱蝦天婦羅煮烏冬 $108招牌咖喱美國安格斯牛肉煮烏冬 $108咖喱湯底好味喎🤤👍🏻 味噌湯試咗2啖都唔錯！下次試下鰹魚清湯先☺️烏冬幾有咬口，整體嚟講值得一試👍🏻天婦羅拼盤 $58好抵食！！唔錯呀👍🏻日式炸豆腐 $28幾好味🤍

圍方新店 | 人氣店🇯🇵100年名古屋手打烏冬 : 山本屋最近日本百年老店山本屋嚟咗圍方開店😍有第5代傳人青木先生駐場，佢切烏冬超型😆擺pose好funny😝開店前半個鐘已經有人排隊🫣人氣超勁🍜烏冬係有咬口煙韌厚實嘅感覺，每日新鮮人手製作，用日本伊賀燒砂鍋煮，特別保溫熱辣辣🔥🍲有3款湯:✨老店傅統味噌🐟鰹魚清湯🥘招牌咖喱+$10味噌湯底用至少三年時間製成，味道濃郁(不會偏甜)。個人鍾意咖喱湯，惹味啲😋佢哋嘅炸物岀色👍🏻吉列豬扒好脆，雞翼好食😋夠乾身，推薦加配料芝士🧀️湯底會夠濃郁，年糕會溶化煙韌口感。沙律係炸雞肉沙律🥗✧ 吉列豬扒煮烏冬 $108✧ 親子煮烏冬 $88✧ 燒地雞手羽 $48/3隻✧ 山本屋特製沙律 $48✧ +年糕$15 +雞蛋$10 +芝士$15 +蔥$10📍山本屋大圍圍方5樓527號舖

2023年8月9日12:20喺大圍商場圍方 人氣必排隊手打烏冬 山本屋，叫咗三個餐：親子煮烏冬跟味憎湯底、親子煮烏冬跟咖哩湯底加燒地雞手羽同 蝦天婦羅煮烏冬跟味憎湯底，埋單354元連加一。人均118元。題外話小故事：店舖喺1130營業，我地11點15左右開始排隊，食唔到第一輪，喺第二輪嘅頭3個，要等到1220。事緣有一對男女喺第一輪，入到去叫咗野食，但喺佢地喺1210左右開始情緒激動，話啲餐好耐都未到，最後決定離場唔食（並稱之後都唔會嚟食）而剛好佢地走左之後，格離台嘅女仔都食完埋單，我地可以入場。因為第一輪有同事喺度食緊，所以都知佢地出餐比較慢（餐廳有提示喺手打烏冬，製作需要二十分鐘）所以喺排隊時間已諗定食咩，同一入座就馬上寫好落單建議：服務員可以提示排隊嘅客人，烏冬製作需時，同派定紙仔比客人填定食咩，有啲服務員好似唔知做緊咩，建議可以扮吓工味道方面：感覺到喺手打烏冬嚟嘅，同平時食個啲唔同（同事話似食緊刀削麵）雞翼好食！（同事話洗咩特登排隊入嚟食雞翼）咖哩湯底唔夠濃～可能食撈烏冬會好味啲，味增都喺一般～如果要排隊真喺唔會特登嚟食～暫時唔會喺固定飯堂～

日本百年老店「山本屋」首間海外分店正式登陸香港，店舖設於大圍新商場圍方，主打手造烏冬，每日新鮮製造，每條烏冬規定為4毫米，煮法都一樣十分講究，將生烏冬放入伊賀燒砂鍋裡燉煮，令到本身個湯變得更杰身，令到每條烏冬都能吸附滿滿湯汁，每日只賣300多碗，售完即止原隻蝦天婦羅煮烏冬揀左味噌醬，濃郁得黎唔會話過咸，烏冬好有咬口，非常煙韌，蝦天婦羅個漿粉都幾厚下，浸係個湯太耐會好快變淋，要快d食先保持到鬆脆親子煮烏冬入面有雞肉，再加左隻日本雞蛋，食落變得更加滑身黑豚肉煮烏冬分別揀左咖喱同清湯，咖喱味一d都唔辣，幾惹味，相比下清湯味就較淡較失色，黑豚肉亦都唔算特別嫩滑出面長長既人龍皆因廚房得8個爐，每轉只可煲8煲，日本人追求慢工出細貨，所以等既時間頗耐，食客要耐心等候，但整體味道我覺得一般，唔洗等太耐都可以一試，等2個鐘就建議食過第間好了

開幕幾星期，見人介紹好似好好味咁，趁平日放假，決定嚟試下😂 lunch time去到都要排1個鐘以上，決定睇完戲先再嚟😂 4點半左右，等咗15-20分鐘就入得🫣點咗蝦天婦羅味噌烏冬$108+雞蛋$10上菜個陣，搵咗好耐蛋係邊😂 原來放咗係腐皮下面，等我影完兩張相，隻蛋已經變咗熟蛋，已經點咗招牌推薦嚟食，估唔到都中伏☹️ 湯底好咸🫠 咸到有陣苦澀味，食完都好口渴天婦羅放落去淋曬，雖然都預咗🥲除咗天婦羅，得腐皮同京蔥烏冬食得出係手打嘅，因為大細唔一樣，但未熟透🤧中間心仲見到少少白色老實講嘅，我自己煮可能仲好味😂😂😂試一次就可以啦！應該唔會去第二次🥲真係唔值排咗耐隊去試🤧食嘢中途，聽到幾枱都咗漏單

名古屋百年老店登陸香港！係首間海外分店！仲有第五代傳人青木晃佑遠赴香港坐鎮，包保正宗！百年老店主打每日新鮮全人手製嘅烏冬，以及醃製超過三年嘅味噌湯底。原個砂鍋上枱好有風味，門口仲可以欣賞到師傅即場製作烏冬嘅過程。✨親子煮烏冬 $88✨吉列豬扒煮烏冬 $108烏冬口感同想像中有啲唔同，質地偏硬身，而唔係軟彈煙韌個種。湯底有三款：味噌、咖哩、鰹魚清湯~ 🌟老店傳統味噌保留味噌獨特香氣嘅同時，調節岀鹹度較低嘅口味。不過重口味人士就覺得鹹啲濃厚啲會食得爽啲。🌟招牌咖喱 +$10 就係平時食開嘅日本style，甜甜地完全唔辣~湯底唔算好杰身，但麵條掛汁能力都幾高，變相索到味之餘又唔會太膩。食到最後仲可以加飯一齊食！親子煮烏冬嘅雞肉唔會煲到好柴，好重雞味，不過就唔算好嫩。反而吉列豬扒有驚喜！炸皮薄脆唔油膩，肉質軟腍好重肉味。額外加嘅牛肉 +$20 都唔會煮到好老，同樣質素唔錯牛味濃。內付嘅腐皮索滿湯汁超正。✨天婦羅拚盤 +$58✨燒地雞手羽 (3本) +$48小食都有十二款俾大家揀~ 可惜今次就食唔到超邪惡嘅雞皮餃子。天婦羅炸皮香脆唔油，唔會太厚。蝦肉軟彈，南瓜番薯香甜軟綿，算係中上水準。雞翼外脆

看到報導新開的名古屋老店 還有日本師傅坐鎮 本身鍾意食烏冬的我 特登去圍方試食一下未到6點排隊人龍超長 排左7-80分鐘終於等到  試左招牌的親子鳥冬 另點了紫菜炸雞 菌類 和炸豆腐等左十幾廿分鐘 個鳥冬終於黎到  一到店員就起蓋  但個湯唔係熱到起泡果D 應該只算係暖 烏冬份量唔多 夾起來散修修 但睇得出係手打 不過食落真心差  咬落唔彈牙  質地好粉又有D硬唔係煙韌果種 係似雪左好耐未解凍好的口感  不過人流咁多應該唔會咁  估計人龍太多  師傅整太多份產品質量就保持唔到  火喉未到就上菜  重點本身個湯唔熱又冇蓋  就唔可能令麵身更適中其他食品都麻麻地  天婦羅色澤較暗又油淋淋  成張吸油紙透晒仲滲油  不過佢地唔係主打天婦羅唔怪佢但個紫菜炸雞真係淡而無味  食到係一舊熱的雞肉  唔沾醬油根本冇味可言  食完拿拿林走唔好阻人位收銀循例問聲好唔好食  我認真答: 好難食  但店方日本店沒錯  店員卻有濃厚的香港本地文化日本如果我咁答  店員同老闆  通常會先抱歉  再問有什麼不足的地方  會嘗試加以改進香港店員聽到我話難食唔會問點解  就直接話可能我食唔慣 手打烏冬係煙韌D其實我都

炸豆腐冇味，叫咗炸豬扒烏冬，後加錢叫埋牛肉，啲牛肉同任食打邊爐嗰啲牛肉一樣冇分別，湯底完全一般貨色，如果係日本食到咁嘅味道我一定唔去食，除咗招呼好禮貌之外，所以食嘅嘢都好一般

排隊是不能幸免，見只排到第二行所以一試。排了五分鐘後，人龍已到第三行的大半。最後排了約40分鐘，一如其他日本食店，排隊時已給菜單先選，以減入座時間。我們選了“五目煮味噌湯底烏冬（加葱和三品菇類盛）”、“蝦天掃羅咖哩湯底烏冬”和“山本屋特製沙律”。三品菇特盛和山本屋特製沙律最快的到。菇特盛原來是天掃羅，其實最適合是五目烏冬的餸，可惜太早送到，在約20分鐘後，烏冬到但菇特盛已冷卻。五目煮估計昰田舍煮五款材料，包括杏包菇，冬菇，蟹爪菇，葱和腐皮，加上老店傳統味噌，味道平衡，唯烏冬其實未熟，剛到枱時吃的和到留到最後才吃的麪條，明顯的留到最後的烏冬才是最好吃。另一款蝦天掃羅的烏冬也有相同情況。 所以建議食家可在烏冬到枱後等多十至十五分鐘，待陶鍋的保溫使烏冬熟透過才開始進食，才能嚐到烏冬麪的真正質素。當然，最好是店家改良烹調方法，以免浪費造烏冬師傅的作品。

食評看得多，第一次食完後心想必須寫食評！排隊超過一個小時不要緊，為着這網紅店衝着去😅。終於輪到我和太太入座😋，位置靠近後門——是一個擺放雜物和員工小休的狹小地方，當員工出入時看見裏面擺放混亂，甚至聽到員工們爆粗對話。座位間隔距離適中（在香港小店考慮），衛生情況一般，看着員工們收拾桌子後都是用同一塊未經清洗或消毒後的抹布擦枱😰，大部份員工木暮表情(可能是太忙的關係😅），工作怠慢，從落單、倒茶、上菜都極不積極，當每次有員工經過時要求落單或加茶時，不是沒有反應就是回覆「等陣先喇」，當時感覺就是一所茶餐廳的服務，可是這是一間百年日本餐廳分店啊，而且是要給服務費哦！我和太大點了一份炸雞翼、蝦、雜菌天婦羅和吉列豬扒咖喱烏冬，炸雞翼好食外脆內多汁，醃製時間足夠，我最怕的血腥味都沒有🥳，其他食物啊一句話「難食」，天婦羅多油麵粉極厚吉列豬扒口感，像是工廠預制急凍食物般的，最後餐廳引以為傲的烏冬上菜，口感偏硬因是現場做的關係，口感不如評價因人異議，我和太太冇食曬，咬得太累了！烏冬不是長長的，是一小段一小段的，粗幼亦不一！不會再有下次幫襯，不是我的菜😜

好多時，應該話九成過江龍都係無當地甘好。 不過味道係濃郁，麵係煙靭，都仲入到口，只係份量只合適女生們及小朋友。食開龜丸質素及價錢，就會覺得尼到吾多底食，配菜完全欠奉。如果要等多15分鐘排隊，就真係無甘既必要。

自商場開幕，每次經過都一直排長龍，有次晚市見過要等近3hrs! 今次約fd特登早啲去排隊，未1130已排左條長龍，兜左3行 再排去salon 位… 好彩早去排第一行，1st round 入到去食。鋪頭唔大，啲烏冬又新鮮手工製，所以出邊排隊等完，入到鋪又要等上菜🫣 等埋朋友到先order (大概比同round 其他人遲10mins 落單)，最後係要到1210先上到菜，另一碗要差唔多1225先上… 真係人哋食完我地先開始食🥲 本身怕味噌會好鹹，但好似比較出名都照叫，好在食落係色水深 ，唔算太鹹。烏冬手打比較煙韌，但可能趕住出貨，最初食有啲好似未熟透。但個味噌湯汁滾住上，到我食下一條都熟曬😂 order 既黑豚肉烏冬味道叫ok 不過不失，小食會出色啲。朋友叫既吉列豬扒煮烏冬啲豬扒都炸得唔錯 , 唔會太厚粉。但等待時間太長，亦無得拎飛等，短期內都唔會再去。