山本屋 (圍方)

营业中

休息中

次次都見到好長龍，今日終於的起心肝排隊。排隊有段小插曲，對高級兩位（冇著圍裙）員工唔存在嘅服務態度非常失望，成功排咗一個鐘之後以為自己去咗茶仔。講返食，叫咗味噌湯底親子烏冬+炸豆腐+天婦羅蟹柳。其實仲叫咗個雞翼，不過佢冇落到單，所以就算喇。叫嘅都係menu推介嘅嘢，但係真好普通。烏冬好彩加咗牛，如果唔係得細細幾條幼雞柳真係好冇份量。牛就話可以生生地上，不過同行食豚肉嗰個都一樣係半生咁上，好似有啲驚。明明大家都一樣叫親子烏冬，但係我隻蛋係全生咁上，佢嗰隻係全熟咁上，完全冇準則可言😮‍💨 另外，小食係冇乜味嘅 — can totally skip.雖然係熱推什麼名古屋過江龍，但係服務質素同格調完全冇日本氣質⋯ 雖然冇去過日本嗰間，但係完全覺得佢做壞人哋個名。所以都係信其他reviews, 唔好嘥時間排隊，等他日冇隊先去試啦。