山本屋 (圍方)

营业中

休息中

今日一家三口特登去到圍方搵食，行過阿女話想食依家 山本屋嘅烏冬，卒之排咗一個半鐘頭，期間見到師傅喺度打烏冬，上OpenRice碌下啦，睇吓有乜嘢好介紹，見到好壞參半，咁膽粗粗試吓啦，喂 唔差喎～ 叫左下例食物五目烏冬 味噌味味噌同菇類好夾，配上軟糯有咬口的烏冬一流美國安格斯牛肉烏冬 +牛肉 黃金鰹魚湯牛肉配合鰹魚湯互相配合，小朋友都食到唔停口蝦天婦羅烏冬 黃金鰹魚湯 +生蛋+多蔥軟糯嘅烏冬加上香香嘅鰹魚湯再配埋蛋黃～滑滑嘅蛋黃掛起烏冬上面一啖入口～十分滿足天婦羅拼盤蝦x2 (食咗隻先記得影) 炸漿 脆薄包住蝦 唔錯唔錯南瓜同番薯 有少少本身嘅甜味 讚，冬菇都唔錯*ps 真係要攤一攤先好食，真係熱到”辣”親咀日式炸豆腐正常野，但都係果句，真係要攤一攤先好食另外，烏冬上檯期間，有職員親自介紹烏冬類型。戴返頭盔先，我覺得好唔好食≠你覺得好唔好食，好唔好食因人而異。飲埋佢。