山本屋 (圍方)

营业中

休息中

大圍圍方新開商場，見到呢間山本屋日日都排長龍，見佢又過江龍又每日限售咁緊要就慕名而來。排咗成個鐘，終於入到去，滿心歡喜，諗住食餐好嘢。叫咗個蝦天婦羅烏冬同埋豚肉烏冬，另加兩杯飲品（無諗過飲品只係罐裝不過都唔緊要，我係嚟試烏冬嘅）。一嚟，個蝦天婦羅烏冬係咁點樣上枱㗎呢？係連湯放喺個碗到冚住個蓋上，結果啲蝦天婦羅索哂啲湯稔哂，再試吓啖湯，冇味嘅！再試埋傳說中限售嘅手打烏冬，硬到～～我唔知自己食緊啲咩。個豚肉烏冬都唔洗再講，一樣都係冇味。呢個價錢，呢個質素，唔會再有下次。