四季芬芳

营业中

休息中

秋風起，三蛇肥。開始入秋就梗係要帶媽媽嚟嘆番個蛇宴，補補佢啦😆 之前都知米芝連餐廳「蛇王芬」有一條新開嘅副線品牌，原來係喺沙田新城市廣場插旗⛳️「四季芬芳」有別於一般典型蛇店，哩到以主色調藍色為主，裝潢設計嘅中國宮廷風格甚濃，十分古色古香，而且格調亦提升不少。講番嚟哩到嘅重點就梗係美食啦🤤🤤- 花膠太史蛇羹 $98哩到嘅蛇羹果然係名不虛傳，蛇絲同雞絲都處理得十分幼細，而且食材亦絕不斯場，每一匙都食到滿滿嘅蛇/雞絲、冬菇絲等等，加上養膠嘅花膠，如此美味簡直超值😎食完之後仲即刻暖笠笠添- 豉椒排骨白鱔煲仔飯 $108秋涼嘅天氣又點少得嗌番個煲仔飯，當季嘅白鱔就係必試之選，肥美白鱔嘅魚油完全滲透哂入飯底到，加埋秘製豉油同微焦嘅飯焦，真係食唔停口呀！- 灌湯竹絲雞百花丸 $38/ 粒乒乓波咁大粒嘅百花丸係即食即炸嘅，上台仲熱辣辣，外層蝦滑炸得金黃香脆，內層灌湯竹絲雞肉汁滿溢😋- 甜醋豬腳薑 $98 百年老店用上百年老字號嘅同珍甜醋煮成嘅豬腳薑，再加上石頭鍋上菜，真係別有一番風味，份外好食。豬腳炆得勁入味，而且入口即溶，唯一係薑嘅份量佔大部分。

在網上看到這店服務差，開頭也不太相信，給它菜式圖片吸引，雖然價錢不太便宜，也不妨一試。去到店拿了票等一會入坐，入坐前服務員才告訴用餐時間只60分鐘，還説這是公司規定，真心說一句連大家樂也不如，試想每人點一個蛇羹，再點幾個小菜，怎樣60分鐘吃完？只有轉身離開。此店應該改名「四季芬芳快餐店」，蛇羹降價到三十元，就可以一試。生意已經不太好，還要維持這制度，不去也罷！天天海南雞同一集團，祝生意興隆，蒸蒸日上。

天氣開始轉涼，秋風起就係時候食煲仔飯同蛇羹啦！要數沙田環境靚又坐得舒服嘅蛇羹店，一定係四季芬芳。舖頭新開，睇得出裝修十分用心，牆壁、天花、地板、餐具全部都係精心設計佈置，大膽用色，仲有好搶眼嘅霓虹燈，將新舊元素融合，呈現十分繽紛有活力的中國風～專門嚟四季芬芳梗係要食蛇啦！招牌菜必數蛇羹🐍同蛇碌花膠太史蛇羹 $98蛇羹賣相精緻，湯羹口感濃稠滑溜，蛇羹配料豐富，份量夠兩個人share。蛇肉唔會腥，未試過蛇嘅朋友可以嘗試下蛇羹，好容易接受。另外食蛇羹必不可少嘅配料精緻咁用小碟裝起，有脆片、香蔥同檸檬草～ 建議試完原味後，可以加d檸檬草，口感好清新，味道層次更豐富。蛇碌炆雞煲 $248食蛇必點蛇碌，啖啖蛇肉先滿足～呢個蛇碌雞煲份量都幾足，有成6、7舊蛇碌，雞肉都唔少，用超厚砂鍋上台，新鮮滾熱辣。一上台香氣撲鼻，d汁仲翻騰緊～記得撈一撈煲底d雞，以免燶底，個煲真係好熱。最正係食到最後煲內嘅食物都仲係溫熱！蛇肉都係完全唔會腥，好容易接受，醬汁十分惹味，雞肉嫩滑，食到停唔到口。豉油排骨白鱔煲仔飯 $108秋風起，就係食煲仔飯嘅好時節～呢個煲仔飯d 白鱔真係好出色啊！肉質柔軟嫩滑肥美，仲要完全冇泥腥味

今日小弟同女友人黎左沙田覓食，我地之前已經係度食過天天海南雞覺得都唔錯,其實當時已經留意到佢隔離有呢間四季芬芳. 有得食蛇羹, 所以今次我地特登返黎食.. 野食我地叫左花膠太史蛇羹，冬瓜瑤柱燉嚮螺，檸檬雞，子薑咕嚕肉同埋鮮象拔蚌仔荷葉蒸飯. 味道就真係唔揀錯 佢個蛇羹好杰好足料落埋d小配料去食簡直不得了好甘香, 女友人食既冬瓜瑤柱燉嚮螺就都足料同埋好青甜,個檸檬雞做法好特別佢係汁同肉分開上既咁就可以自行調節酸味而又保到d雞肉既脆口, 個子薑咕嚕肉就真係第一次試, 平時食開既都係用菠蘿或姐蜜桃黎調汁,用子薑就真係第一次試 感覺都唔錯係有d驅風既澀味整體都🆗.最後食埋個象拔蚌荷葉蒸飯就飽晒啦, 個荷葉蒸飯焗得好香好濃味， 食一口飯加一啖象拔蚌肉就真係一絕..

今晚黎到沙田揾好野食，行到新城市廣場，俾一間食中菜既叫四季芬芳吸引住左見到蛇王芬個名，就知道應該有蛇羹食餐廳裝修新淨，環境開揚，枱同座位都夠晒闊落好坐餐廳既設計好有古色古香既感覺，係我最鐘意既中國風，二話不說就決定入去幫襯餐牌上既菜式都好吸引，我地考慮左一陣先決定到值得一讚係呢到既茶具，碗具都十分精美，未開始食野心情都會好起上黎，茶發出陣陣幽香首先上場既係焦糖龍井煙燻炸雞。一放上枱已經聞到好香，雞皮炸到金黃色，脆卜卜。雞肉好嫩滑，而且充滿雞汁，食落仲帶有茶葉既香味呢個灌湯竹絲雞百花丸十分特別，會有支細細既管裝住湯汁，食之前插係百花丸上面，然後將湯汁打入去入面。百花丸外皮十分鬆脆，炸既時間掌握得好好，而且入面既蝦肉十分彈牙爽口，再加上有熱辣辣既湯汁，呢個可以俾滿分鮮象拔蚌荷葉蒸飯真係份量十足，而且足料。象拔蚌好鮮味，食落好彈牙，每一粒飯都索晒醬汁既味道，而且有荷葉既香氣叫左個淮杞圓肉燉竹絲雞湯，天氣涼飲啖熱湯個人即時暖笠笠。個湯好清甜，而且冇落味精，好有屋企既感覺今晚呢餐好滿意，吾止環境好，餸菜味美，而且都係香噴噴，下次會再幫襯

今晚煮唔切飯，用咗外賣平台叫咗沙田新城市廣場「四季芬芳」即是「蛇王芬」晚餐，點了：1. 一碗太史五蛇羹$98味道唔錯，不過蛇肉看來不夠多，陳皮味道比一般蛇舖的蛇羹少，而且沒有跟白色的菊花瓣及薄脆。2. 一個家鄉雜菜煲$88材料有切薄的紅蘿蔔、白色的菇、粉絲、很粗的菜心、木耳，湯底唔錯，但係並不太出色。3. 一個花膠百合燉水鴨湯$98呢個超好飲，湯渣超好食，啲水鴨燉到骨都稔埋，我照左之後全部吞晒落肚！啲湯好香，好鮮甜！4. 芋頭臘味煲仔飯$88呢個勁好食！啲飯焦脆得來唔會一餅野咁，唔會吉親上顎，飯焦又香，啲飯又香，切咗片嘅臘腸、鴨潤腸和臘肉又唔會過鹹、太過稔或者太過硬，令人回味無窮！熱辣辣！啲煲仔飯豉油都唔落都已經好夠味。芋頭好粉、好香濃！而且啲臘腸鴨潤腸咬落去唔會爆脂肪咁有罪惡咁！合共$372，加埋$20運費係$392。阿爸勁鍾意食👍👍👍今晚我6:00點餐，個餐7:05才到，但是絕對值得！

沙田新城市廣場三期重新裝修後，有眾多不同餐廳進駐👍🏻 絕對是覓食好地方🤤 今次和朋友來想吃中菜，就選定了這家四季芬芳。餐廳位置比較不顯眼，就在天天海南雞飯後面，路過別錯過🤣餐廳裝潢非常有特色，走中國風但以藍綠色作主調。👉🏻食物: 4.5/5整體水準不錯👍🏻▪️温泉蛋陳皮和牛肉餅煲仔飯🤩🤤一切開流心蛋超正！和牛肉餅一入口陳皮味佈滿口腔、超香😋，口感軟、肉質嫩，咀嚼幾口後就吃到牛味，有點像山竹牛肉般的口感！煲仔飯吸了陳皮香，煲底有香脆的飯焦，整體質素高👍🏻▪️焦糖龍井煙燻炸雞一上桌打開著就煙香撲鼻😍欣賞雞皮十分香脆，配合甜的焦糖十分美味！雞肉能品嚐到煙燻香👍🏻如果雞肉再嫩滑一點會更加分！▪️竹絲雞湯豆苗豆苗浸過雞湯後十分鮮甜👍🏻面層舖滿竹絲雞絲！▪️椒鹽鮮花枝花枝厚身、肉質鮮嫩，但炸粉略嫌較厚。▪️桃膠菊花桂花雪梨茶滋潤之選👍🏻我最愛吃桃膠😍每樽都超足料，桃膠、雪梨粉等佔了整枝三分二！

剛剛行經沙田一田，發現附近都多了不少新型食店，正好行到累，就可以休息補充一下。一眼望向這家餐廳，就被佢既特色裝修吸引住，空間感又足夠，又有宮廷建築嘅精緻度，不論地板或天花板都有設計過。一坐下店員就奉上一壺茶，特別一讚，呢度既茶，質素不錯，茉莉花茶夠香，茶味亦夠濃。首先叫了個焦糖龍井煙燻炸雞，與一般炸子雞完全不同，炸雞外脆內軟，肉質又夠滑。加上雞皮上塗上一浸焦糖，以龍井茶葉煙燻過，龍井味滲入雞肉之中，絕對來到一定要試！！！不論賣相還是味道都令人難以忘記。然後叫了清酒大蜆蒸水蛋，呢道菜既賣相同樣地非常吸引，水蛋夠滑，清酒大蜆夠鮮，亦完全沒有沙，配上蒸魚豉油及蔥花，一道食落十分舒適既家常小菜就完成了✅。主菜就叫了溫泉蛋和牛肉餅煲仔飯，配上本店非常特別既清酒火焰豉油，有視覺效果，亦帶來味覺上的衝擊🤪🤪。有別於一般嘅煲仔飯，和牛肉餅肉質較軟林，食落非常好配飯。特別一提的是佢嘅清酒火焰豉油，一開始食時，酒味濃郁配上飯食有前所未有嘅感覺，慢慢食落，酒精開始揮發，甜豉油嘅味道較出，有不同層次既享受。最後，剛剛入秋，試試餐廳推介嘅石榴紫背天葵山楂蜜。味道清甜，又開胃又滋潤，飯前飯後都適合飲用。整體來講，

上次食過新城市間天天海南雞，一直好想試埋隔離間四季芬芳，今日終於有機會試下。坐低先知原來同天天係同一個集團，環境同餐具都俾人一種好高貴嘅感覺。熱茶都係用earl grey好好飲。XO醬爆三鮮 - 雖然望落顏色好淡，但食落連配料三色椒都煮得好入味。三鮮係指蝦球、帶子同珊瑚蚌。蝦球好滑口感爽脆，帶子軟綿好鮮甜，珊瑚蚌爽嫩好好味。焦糖龍井煙燻炸雞 - 上碟時侍應用蓋冚住，一打開就成陣蒸氣爆發出嚟，茶香味四散。雞肉無乜肥膏雞皮炸得好香脆，雞肉好嫩滑，食落有陣茶味好特別。另外大部份雞肉已經去骨，方便又貼心。鮮象拔蚌仔荷葉蒸飯 - 象拔蚌咬落幾煙韌，味道幾清甜。糯米飯軟硬適中有淡淡嘅荷葉香味，食落好飽肚份量都幾多，兩個人都食唔曬。

這場巳是上月的一頓午餐！車媽媽一直想試蛇王芬的分枝四季芬芳趁著到沙田Staycation前便特意到來捧場！位處沙田新城市廣場三期的四季芬芳，裝潢在摩登與傳統之間穿梭挺有特色我喜歡喔！相信老饕都懂店家的燉湯是寶吧！牆上亦放了是日的四季燉湯系列，近來天氣乾燥氣溫下降更加渴求這熱騰騰的靚湯。我們在平日的1:30pm多到來也等了10分鐘才有位！甫坐下先開壺茶而茗茶雖收＄10/位。不是太餓的我倆只點了一客三餸一湯蒸飯套餐＄78另加＄15配一份涼拌皮蛋作小食！皮蛋有溏心亦沒討厭的*壓*味，不過汁醬的味道挺重口味不是人人接受到哦！我們點的自選三餸一湯蒸飯套餐內有明爐老火湯，這天是木瓜湯不是車爸爸的菜所以額外加了＄28升級至冬瓜瑤柱燉響螺湯，上檯時以富中式的紅彤盛器配翠綠湯盅奉客賣相很優雅！冬瓜瑤柱燉響螺湯非常足料內裡包括有冬瓜、螺頭、雞肉、精肉和瑤柱等食材，燉湯到來是熱騰騰的喝下鮮甜濃香而且不會太油膩味道不俗！而蒸飯可以在肉類、海鮮和臘味共十六款中任選兩款、另在素菜中亦可四選一來合成三餸(當中有數款要加錢升級)！我們選了鮮滑雞、蛇王芬招牌潤腸、和需另加＄5的蟲草花！套餐貼心之處是米飯可以由原本280

岀糧日 帶媽咪食沙田新開張既中菜🥰媽咪對食好高要求 如果唔係朋友介紹都唔敢帶媽咪黎🥳餐廳裝修好精緻 睇得岀係好用心佈置😎坐位都好闊落😜餐牌好多選擇 俾媽咪發板揀左幾個菜先黎一個蛇湯雲耳米線個碟係一條魚型 未食見到已經流曬口水🤩呢個米線比較清淡 但飲落完全冇味精感覺🤡米線好彈牙 我地清曬所有湯👻然後叫左象拔蚌仔荷葉蒸飯🤖好鮮味呀呢個 蒸飯濕濕地索曬啲汁好香濃😆食得好滋味 食完仲覺得唔夠喉添☺️仲有個子薑麵醬魚腩煲🧞平時係街好少有呢個配搭呢個味道好濃！如果食得落送白飯應該一流！總結媽媽對今次既晚餐都好滿意😆

今日媽咪話想食中菜，我見呢間都幾多人排隊，見佢係食蛇，不過佢都有好多中菜例如煲仔飯、雜菜煲，食物款式都幾多，所以就諗住同媽咪入去食。我哋叫咗個家鄉釀豆腐，佢啲醬汁都幾濃味但係唔鹹嘅，而且豆腐味都幾重，豆腐都好滑，做得幾出色！佢仲有舊豬肉喺上面，有幾舊都係瘦肉但係有少少就肥咗啲啲不過都好好味！我哋叫咗個家鄉雜菜煲，佢啲粉絲都幾多而且幾彈牙，個菜嘅種類都好多，有菜心蘿蔔雲耳等等，佢唔算濃味但我反而幾鍾意因為食咗咁多濃味嘢梗係要食返啲清淡蔬菜中和下。我哋跟住叫咗個龍井焦糖煙燻炸雞，佢比我想像中好食，佢啲龍井茶葉真係用焦糖燒過所以真係甜甜地好脆好好食！啲雞都幾多肉幾大隻。最後呢個溫泉蛋陳皮和牛肉餅煲仔飯好勁，個waiter落左d酒落去個煲仔飯度，成個煲仔飯着咗火好厲害！個飯酒味好香之餘，仲用和牛做肉餅，係一個好高級嘅煲仔飯！

今晚行經，見到大大隻‘蛇王芬’三個字，入面裝修都幾特別，比佢吸引左入去食晚餐😂我哋叫左子薑麵醬魚腩煲、薑蔥焗生蠔、豉椒排骨白鱔煲仔飯、灌湯竹絲雞百花丸兩粒😋全部都係海鮮咁滯😂全部餸送到上枱既時候都係熱辣辣的！d汁仲喺度滾緊！😆子薑麵醬魚腩煲有好多舊魚，好厚肉，食落啖啖肉！正！味道有d甜仲有酸薑既味道，幾特別！不過要小心d骨！薑蔥焗生蠔既蠔都幾新鮮，亦都有好多舊，唔錯！呢2道餸送飯一流！👍🏻灌湯竹絲雞百花丸好得意，有2枝醋可以比我地吱入去～外形好靚，皮脆肉嫩👍🏻😋啖啖肉😋豉椒排骨白鱔煲仔飯係我地最推薦的！飯焦好好味！索哂排骨同鱔既油之後，飯變得好滑！排骨都醃得幾好味！鱔又幾新鮮！😋

朋友放左工話要帶我去食好野，佢話秋意漸濃，要開始進補，佢約我黎到沙田新城市廣場，走入一間四季芬芳蛇王芬餐廳，幸好朋友預先訂左位，餐廳坐滿了客人，傳統的食蛇地方通常係街鋪，門口通常放住困係籠子內既蛇作招來，但哩間餐廳四周裝潢都帶中國色彩，比較時尚，天花仲用牡丹花牆紙佈置埋，打開餐牌，原來哩度除左有蛇肉食之外仲有煲仔飯、文昌雞、燉湯、小菜等食，同朋友商議後原本想食文昌雞鍋，但客人太多，我地坐既枱無安置電磁爐又轉唔到枱，所以同朋友再商議完，決定轉食煲仔飯、加隻藥膳乳鴿同蛇肉羮凍。乳鴿好快就上枱，比想像中大隻，花鵰香氣朴鼻，食落凍凍地，北芪當芯的味道超濃郁，簡直滿口都係藥膳味道，令到我食指大動，食唔停，超正。煲仔飯可能因為即時製作，所以等既時間比較耐，大概等左20分鐘左右先上枱，店員拎左支豉油比我地自行添加，朋友一倒出，豉油唔係傳統水汪汪那些，哩款豉油結身得黎帶點甜味，適合同煲仔飯撈埋食，朋友叫豉椒排骨白膳煲仔飯，排骨食落好夠味，保持嫩滑口感，膳肉肥美得黎帶油份，朋友好喜歡食。我就叫左黑松露滑雞北菇煲仔飯，黑松露味道好香，雞肉全部都起左骨，方便食用，雞肉食落嫩滑，北菇就切左片，成個飯都好方便食

真係冇諗過蛇羹可以係大型商場真有得食。 一般食蛇羹都係d老店, 入到地仲會見到有蛇, 好多盒裝住, 或者係舊式酒樓食, 而家竟然咁親民, 商場都有, 真係唔講得少。 黎到四季芬芳, 好大個招牌蛇王芬。 雖然係平日黎食, 但都算幾多人, 等左1張枱就有得入。因為天氣仲幾熱, 試下佢既蛇肉羹凍, 幾特別, 冇諗過會蛇羹凍食, 仲幾足料, 唔錯。 灌湯竹絲雞百花丸係值得讚既, 好新式既做法, 炸得黎唔會太油, 雖然得2粒，但好足夠, 入面既湯好鮮味。 白涼瓜炒牛肉, 好少地方用白涼瓜, 好吸引, 炒出黎唔苦已經好易入口, 加上佢用牛柳粒, 好嫩消, 非常配合。潤腸魚蓉煎蛋角就普通d, 不過都ok, 好家常菜。油浸荀殼魚真係要試, 好好味。 炸過條魚keep到肉質好滑, 連朋友唔愛食魚都話好食。 就連薑絲都好啱味，真係好正。最後我地都試埋佢既甜品陳皮紅豆沙+桂花糕，棗皇糕。 糕點我本身麻麻, 加上飽飽地, 但佢個紅豆沙真係煮得唔錯, 下次再黎要留肚食呀。