四季芬芳

营业中

休息中

進入冬天，想食蛇好耐沙田商場見到有得食，就入去食啦！店內裝修有特色，有幾張圓枱是半開放式的午市選擇唔多午市套餐是一個飯再加一個湯或羹飲品，小食，加餸就要加錢餐牌唔易睇超過一半既選擇要加錢如果分開加錢項目會清晰好多小食和蛇羹也要加錢的涼拌皮蛋有一隻份量，一開四的靚皮蛋，流心的，蒜蓉辣椒🌶️不加錢轉蛇羹，會有例湯蛇羹好足料但小心有骨三餸蒸飯 380g三個餸也不用額外加錢三餸可選一蔬兩肉芋頭夠稔鮮花枝，剛好，不會難咬土魷肉餅，不錯不錯丫。飯原本是280g可免費選380g⭕️全店職員戴上口罩 ⭕️進店前量度體溫 ⭕️提供酒精搓手液 ⭕️座位間有透明膠板相隔

好耐無去沙田新城市廣場行逛, 其實新城市加埋隔離宜家傢俬嗰楝都幾大幾多野行, 只係D舖頭咁多年黎都無咩點變有D悶。我唔食蛇羹, 選擇四季芬芳食LUNCH係因為上網見佢有不少特色小菜同小食, 加上裝修古典雅致, 用色新潮鮮艷但又能給人一種懷舊中式感覺。大約11:45AM到達, 不用等位。我地都揀左三餸一湯套餐。餸我就揀左芋頭, 蝦醬腩片同招牌潤腸, 老公就揀菜心, 磨豉醬牛筋牛腩, 黑椒牛仔骨, 同埋加左$5轉煲仔蔥油拌麵。蒸飯套餐 - 好失望, 其實佢既蝦醬腩片同招牌潤腸味道唔錯, 但個蒸飯真係非常差, 咬落去D飯又乾又碎, 究竟係D米品種問題定煮法出現問題, 完全唔似一般米既質感同味道, 好怪。芋頭都唔好味, 又硬又無芋頭味。蔥油拌麵套餐 - 麵就煮得腍左, 不過蔥油味香。餸我就只係試左牛筋, 口感硬亦都唔入味。好彩老公SHARE啲麵比我食, 個胃先有少少實在既感覺。四季芬芳既米飯真係令人難以下嚥, 點講好, 我會形容佢係擁有米飯既外表, 但食落口係另一種食物, 一種唔好味既食物。就算屋企樓下賣$2X兩餸飯既餐廳, 就算佢地既米飯唔係咩靚米, 就算落得唔夠水去煲, 都唔會煮到變成咁。

之前趁限聚前要食返餐好既，今次去開新城市見天氣又凍左咁多，想試呢間岀名食蛇羹既中菜，門面裝修幾靚，鐘意食蛇既人一定唔可以錯過！但由於我同男朋友都唔識蛇，所以要左花膠竹絲雞羹，上菜賣相好靚，又足料，真係色香味俱全！飯要左黑松露北菇滑雞煲仔飯，店員上菜後，會用火去燒下佢，等佢焗多陣，令更有飯焦香。飯既份量超多，仲要打包埋，原來黑松露同煲仔飯都幾夾！之後要左薑蔥焗蠔，同麵醬魚腩煲，同樣份量好多，算好抵食。食得岀大大隻蠔既海水鮮味，再加上魚腩煲，酸酸甜甜咁，送飯一流，真心推介！而特別之處係竹絲雞百花丸，雖然先得兩粒，但好值得一試，佢會有個滴管去滴醋，剛炸起既熱辣辣，好香口，正！呢間食中菜好多選擇，份量又多，好適合多人聚會！

由於盡量少去街食而家多數都係外賣返屋企食今次試下蛇王芬嘅四季芬芳佢哋推出左抗疫十二道滋味嘅菜主菜可以12揀一另外配一個小食係四選一然之後飲品或者湯就六選一價錢就跟你揀嘅主菜而訂請外賣仲有額外七五折今次主菜排咗馬拉盞通菜炒牛肉配白飯小食叫咗涼拌青瓜飲品叫咗恐龍美祿 （$88）菜炒得好入味亦唔會太鹹小食份量唔太多另外一個係宮保蝦球配白飯小菜叫咗由於芽菜配薏米水 （$108）主菜都算係幾好食蝦球好大隻同埋唔辣但係由於晏咗就冇乜味同埋份量比較少最後叫咗一個三餸一湯蒸飯套餐仲叫咗菜心石斑滑雞 ($78) 另外加咗海底椰雪梨蘋果燉豬展(+$18)豬展湯湯完全唔係味精湯因為佢哋都標榜不含味精總括而言食物質素還好但係因為而家外賣有額外七五折及八折所以埋單只需要$224其實都算係幾抵食如果諗唔到食乜都係可以一試之選

天氣開始轉冷 係時候食吓啲補身食品 特登過嚟試吓蛇羹🤤🤤花膠太史蛇羹依個蛇羹上枱嘅賣相好靚 有啲脆卜卜、檸檬葉同蔥花可加 材料十分足料 入冬滋補一下簡直係首選竹絲雞百花丸成粒百花丸炸得好香脆 炸醬薄同脆口 加埋附上嘅黑醋汁 成粒鬆脆可口👍🏻👍🏻👍🏻荷葉飯呢個荷葉飯嘅份量真係好大 睇佢上枱嘅時候好似日式便當咁樣 係個中等size嘅蒸籠入邊 冇諗過打開原來係收埋咁多飯嘅 啲飯同象拔蚌都好有蒜香味😋😋😋檸檬雞我最鍾意依個檸檬雞嘅醬汁係另上 食到最後一嚿都唔驚會腍哂 醬汁嘅份量仲有好好好多tim👍🏻👍🏻蛋餅蛋餅煎得好香口 加埋潤腸散發嘅油香味 令蛋餅嘅味道昇華咗🤩

「四季芬芳」是中環蛇羹老字號「蛇王芬」的分店，總店已經連續多年獲得米芝蓮推介餐廳的榮譽，分店的食物自然有質素保證。「四季芬芳」的裝潢以新中式作主題，有傳統感覺之餘亦有新潮感，與它作為新派蛇店的定位吻合。這裡除了有以蛇入饌，亦提供小菜，當中更有不少特色菜。竹絲雞湯豆苗先來這道清淡的蔬菜作熱身，小巧的一碟以精緻的高腳碟盛著，觀賞指數大增。豆苗上面蓋著柔軟的雞絲，豆苗浸着烏雞清湯，清甜美味。黃金荔蓉帶子炸得酥脆的黃金荔蓉帶子，外層入口即化，中層是綿綿的芋頭蓉，內裡包裹著雪白的帶子，三重口感，三重美味。潤腸魚蓉煎蛋角金黃色的煎蛋角賣相非常吸引，潤腸口感粉粉糯糯的，入口甘香，魚蓉口感彈牙，兩者裹在蛋角中，味道甚佳。鮮象拔蚌仔荷葉蒸飯以象拔蚌仔來蒸飯，感覺不過不失。值得一讚的是荷葉飯中加入了蒜蓉，再加上荷葉香，為飯粒增添美味。蒸飯份量甚多，足夠四人吃了。

放假去咗沙田搵朋友Hea下，我哋去咗新城市三期一間中菜館食晚飯🥢，餐廳叫做「四季芬芳」。等位期間，我哋見到大大個「蛇王芬」燈箱，其後更知道佢哋嘅淵源😉。由於我哋晏咗落去食，八點鐘坐滿人，得番包箱有位，但店員好好人俾我哋坐🤣。餐廳環境好靚，佢由地板以至牆身都經過精心設計，裝潢帶點中式風，用上湖水藍色調更顯瑰麗💙。呢度嘅餐具以至餐牌都好有心思😍，每樣均印有餐廳名字，而且餐紙更䆁述餐廳嘅起源背景，令客人留下深刻印象。題外話，餐廳收茶位每人$10。灌湯竹絲雞百花丸($38粒)，餐廳嘅食物出品賣相好靚，呢粒百花丸玩味十足😜，因為佢將湯汁放入滴管，再讓我哋插入丸中間灌入。百花丸大大粒，炸外皮超酥脆，仲冇無油膩嘅感覺；而入面就有蝦膠同雞絲🍤，好味。花膠太史蛇羹($98)，蛇羹大大盅，裝嘅器皿紅色底座勁有霸氣😎。伴旁有薄脆、檸檬葉同埋白菊花，店員介紹傳統係用嚟癖腥，不過我覺得蛇肉一啲腥味都無。話說其實今日係我第一次食蛇羹🐍，本身都驚自己未必食到，但食落感覺無乜嘢，口感幾似雞絲。蛇羹夠熱好滋味，而且配料仲有花膠、木耳絲等等，好足料。甜酸苦辣四小碟($98)，顧名思義，即係甜酸苦辣各有一碟，包括甜嘅洛神花

今日經過沙田四季芬芳，見到有不少人在排隊等候入座，所以我和朋友也湊熱鬧，拿了一張飛等候入座。等了大概15分鐘，便有位了！一坐下，店員就送上了一壺熱騰騰的熱茶。茶味清香，感覺不是用一般的茶葉去沖。而且餐具都具有中國風的感覺。十分別緻。以下是部分menu:Menu 厚厚的，有多款食物任君選擇。以下是ordered food:海底椰雪梨蘋果燉豬展 $78湯頭十分清甜，淡淡的雪梨及蘋果味，加上海底椰，真的非常好飲，飲完都覺得好滋潤。再加上餐具精緻，為食物畫龍點睛。XO醬爆三鮮 $128海鮮十分足料，有帶子，蝦球，珊瑚蚌，三色椒，炒埋一碟真的不錯！連不喜歡吃青椒的我都把青椒吃光了蛇湯雲耳龍躉米線 $198首先，賣相已經係滿分，米線分量很多，絕對夠兩至三個人食。材料包括黑木耳，超厚肉龍躉，蛇肉，非常足料！湯底也非常不錯！圖中可見龍躉非常厚肉，非常新鮮，真的非常好吃！黑松露滑雞北菇煲仔飯 $98 這個煲仔飯我極力推薦大家去試！真的超級起級好吃！首先賣相了得，材料豐富，上菜時會淋上有酒的豉油，所以淋上的那一刻會着火冚蓋焗一焗之後，一打開，馬上聞到黑松露味，再撈一撈，發現有不少滑雞，香菇，非常足料！滑雞

天氣終於轉涼喇，明明食蛇應該係9-11月嘅事，今年結果等到12月先食平時去開食蛇嘅餐廳都比較平民，今次帶朋友一齊就去咗間行新派精品路線嘅，等大家都可以慢慢坐底傾下計雖然係新派，但都係由老字號蛇王芬開嘅，質素應該有保證，同港島本店應該分別不大嚟到呢度點可以唔食蛇羮喎，先嚟一個花膠太史蛇羮，上枱賣相精美，唔好以為只有面頭好少，隻碗係深到落最底㗎！入邊蛇肉同配料都好豐富，絕無欺場，又夠熱辣辣，天氣咁凍食一啖個人就即刻暖哂朋友就揀咗個燉湯，花膠百合燉水鴨，材料一樣咁俾貨，水鴨髀仲有四五舊花膠，味道濃郁，感覺係將食材嘅精華帶哂落去湯入邊，飲到一滴不剩呢飲完湯羮，就到主食上場，先叫咗鮮象拔蚌仔荷葉蒸飯，一打開荷香四溢，象拔蚌鋪滿飯面，每塊都有返咁上下份量，唔會碎濕濕，食落口飯粒分明，每粒都索哂海鮮嘅精華，配合埋金蒜粒，啖啖荷香啖啖滋味平時係本店食開嘅子薑麵醬魚雲煲，嚟到呢度就變成咗魚腩煲，味道不變，醬汁帶有子薑風味，酸酸甜甜咁，仍然係我嘅至愛，一煲都有7-8舊大魚腩，一家人嚟食都唔洗爭😛另外呢到都有啲精品菜式，必試嘅一定係呢款灌湯竹絲雞百花丸，中間係雞肉，外邊由大量鮮蝦打成，咬落去非常彈牙，食得出

天氣突然變涷，當然要食蛇羹暖暖身~蛇肉切絲，入口很滑，加入大量其他配料，例如木耳絲、花膠、肉絲等等，料多實在。個羹不會太杰，顏色偏淺色。另上三寶，脆片唔會林晒，又可以自己調節份量💕花膠百合燉水鴨燉湯真係啖啖精華！三片花膠真材實料~湯面有薄薄膠質，聞到啖啖鴨香味加陣陣的杞子味。兩款的賣相都好美！！略嫌碗有點細！🤪飲多碗都仲得！誠意推介👍🏻灌湯竹絲雞百花丸有枝似針筒的東西插在丸上，原來裏面係裝住黑醋用作調味。百花丸外脆內軟，大大粒，裏面很彈牙，保持濕潤，不會很扎實，同平時食非常不同！豉椒排骨白鱔煲仔飯冬天必食之飯！雙拼餸，大魚大肉！除了白鱔比較多骨，但肥美~排骨很滑，醃得入味！飯甘香，加少許醬油已足夠！煲底有一大塊飯焦，脆卜卜🤪🤪🤪甜品係最有驚喜。只有套餐，包括兩件糕點加一碗糖水！盛着糕點的器皿，跟宮廷劇宮女拿着的一個籃子甜點一樣。清熱潤喉露更飄出仙氣。。。有一剎那以為自己去咗古代😂😂😂潤喉嚨清熱潤肺，加入雪梨粒，更用中藥胖大海，很有心思，飲完喉嚨很舒服！棗皇糕，棗味醇厚，煙韌留香~💕桂花糕晶瑩剔透，香味馥郁💖⚠️大家一定要留肚食甜品！！⚠️

於附近購物完畢，身驅疲累，在附近看見這間餐廳裝潢有特色，氣氛也不錯，便選擇了這間餐廳作為今晚的晚餐。十分肚餓的我，看見餐牌內的食物，每款也想試試，無論是湯品、煲仔飯、火鍋、小菜等，好像也有特色。但友人還是制止了我，避免我吃不完浪費食物🤣點餐後，過了一會才上菜，證明食物不是預先烹調。第一道菜是薑蔥焗生蠔，熱辣辣的煲仔蠔，看見也令人垂涎🤤我把蠔夾起，配上薑和蔥絲，咬下半口，還有蠔汁的味道，這個是我最愛薑蔥蠔的味道😍蠔的尺寸算大，內裏份量亦不少（大約有8-9隻）👍🏻👍🏻然後是潤腸魚蓉煎蛋角，潤腸和魚蓉的份量多，蛋不會煎過熟，潤腸的油香令蛋角的味道提升一個層次。焦糖龍井煙燻炸雞的外表吸引，有淡淡的茶香，吃下便知皮脆肉滑，不會像其他餐廳一樣偏咸，反而茶香配脆皮雞更有特色！壓軸登場的是豉椒排骨白鱔煲仔飯。原本已經有點飽的我，看見這個香噴噴的煲仔飯，又再次燃起我的食欲😍白鱔滑嫩口，味道鮮甜，排骨肉質不韌，飯質不太軟也不太硬，配上特製豉油，胃口大開👍🏻👍🏻👍🏻友人喜歡吃飯焦，結果通通吃完🤣這家餐廳實在很適合喜歡吃中菜的一家大小而又想有氣氛的人，絕對會光顧，推薦👍🏻👍🏻整個用膳期間，員工也很有禮貌和熱心

天氣開始凍，心思思想飲啖湯暖下身，所以去咗沙田間蛇王芬。當日我嗌咗燉湯，冬瓜瑤柱燉響螺（88蚊）。 個湯好清，好甜，好解渴。入面好足料，粒螺頭好大粒，已mun到好林。仲叫左竹絲雞湯豆苗 （98蚊）呢個菜好少會係屋企煮，都幾花功夫。個湯底係竹絲雞湯， 好滋補，面頭有幼幼嘅竹絲雞絲。個菜應該用蒜頭爆香過。所有野好夾，幾好味。主菜我地叫左焦糖龍井煙燻炸雞（ 168蚊半隻）。 呢度菜喺openrice好多人都推介 又係一道功夫菜。佢用龍井煙燻隻炸雞。 上碟時用個蓋冚住，一打開個蓋嘅時候，啲煙出曬嚟，係好濃郁嘅龍井味。隻炸雞嘅皮好脆，啲肉有淡淡嘅煙燻味。 食雞通常走雞皮嘅我都忍唔住連皮食曬佢。好食！ 去到一定要試下！本身仲想叫灌湯竹絲雞百花丸，但已經賣晒了，所以好可惜冇得試🤤 下次再黎嫁話，仲想試埋佢個龍躉米線。😂😀😀餐廳定價合理，唔算貴，坐位闊落，幾大間，裝修幾靚，侍應都好親切。我覺得可以encore。

上次食完天天海南雞 見隔離呢間四季似係同集團 裝修幾有特色除左有好多蛇羹既菜式 仲有好多其他種類既中菜 family day就同兩老一齊尼試下薑蔥焗生蠔 $128生蠔size唔細 而且份量都多 大約有8-9隻 食極都仲有咁薑蔥炒夠火喉又香口 嫩滑生蠔香得尼唔腥 飽滿啖啖肉 好惹味！芋頭臘味煲仔飯$88味覺同視覺都大滿足既煲仔飯！無諗到煲仔飯會落火焰豉油咁ig-able 臘腸，潤腸，臘肉份量好多 每啖飯都有肉送飯臘腸唔多肥膏 岩我~ 臘肉鹹度岩岩好 好香口又唔硬 唔錯~黃金荔蓉帶子$108成餐飯最回味既一道菜芋蓉好粉 帶子，芋蓉，鹹蛋黃3樣野加埋入口即融炸粉好薄又唔漏 每人一粒咁大粒竟然會覺得唔夠喉~玉米星斑$148魚肉連皮厚切但唔厚粉 有好多件 粟米汁有好多我仲用埋d汁撈煲仔飯 另一番風味~蛇湯豆苗隻碟雖然細 但入面好深 菜既份量非常多 食極都仲有面頭鋪滿蛇肉絲 蛇湯清甜 每啖加埋炸過既蒜頭一齊食 味道更加提升兩老其實仲有好多菜式想試 蛇羹都未叫 不過食完個煲仔飯實在太飽喇 唯有留待下次~

沙田新城市廣場嘅Marks and Spencer shopping之後，喺對面見到呢間餐廳，因為攞住好多野，唔想再行去搵第二間食，所以同朋友一齊入去坐低食晚飯。入面裝修都係幾中國化，好在都乾淨企理。睇完menu之後就叫咗鼓椒排骨白鱔煲仔飯($108)，子薑麵醬魚腩煲($128)，薑蔥焗生蠔🦪($128)，花膠太史蛇羹($98)。鼓椒排骨白鱔煲仔飯唔會話好大㷛咁，但係都幾好食，排骨白鱔鋪滿晒飯面，肉汁流晒落去啲飯度，仲有就係㷛仔飯嘅靈魂-飯焦超好味😋。薑蔥焗生蠔🦪用㷛仔上枱，一路可以keep住溫度，正，呢㷛嘢有成十隻蠔，隻隻差唔多大細，啲汁剛剛好可以包住晒，唔會太多太厚汁，正！蛇羹個presentation 好靚，食入口都好味道！

今日同朋友約左係新城市見面朋友話轉天氣想食蛇羮我就諗起四季芬芳 裝修都好中國傳統特色 但又不失少少modern 味睇餐牌都有好多唔同的中餐菜式 幾吸引朋友叫左的蛇羮 好足料唔小家竹絲雞百花丸 仲有試管俾你將d 汁送入丸入面 幾新趣 亦都好脆口 作為小食黎講唔錯啫啫雙腸芥蘭煲 好入味 配搭唔錯 魚腩煲都有5-6 舊 美中不足係有少少幼骨食的時候要小心一點最後叫左一個白鱔排骨煲仔飯好飽肚 又有少少飯焦 上菜個時仲好熱排骨唔老 都值得一試總括黎講 食中菜唔會old school的中菜之選