十下火鍋

成日見到人地啲相~一直都好想試呢間 ~今次朋友終於肯陪我試~我地三個女仔叫左二人餐都一樣夠飽~份量多~十下二人精選套餐 $358/位 (加一)湯底有四款 因為有朋友係海鮮控 所以揀左龍蝦鮑魚海鮮鍋 (+ $40)加錢都抵, 因為個鍋真係好足料, 青口, 蝦, 螺乜都有, 隻主角龍蝦又夠大隻!全部都好鮮甜 蜆都無沙家~十下三寶滑 (大推介)鯪魚滑加左臘腸 估唔到咁夾~牛滑加左辣椒同馬蹄~辣辣地又有咬口~墨魚滑就超彈牙!脆炸響鈴好脆口呀!! 而且唔會過厚, 好容易就索到啲湯!寬冬粉好多地方都係得烏冬同薯枌~呢個餐竟然跟冬粉~比薯粉更有咬口~吸哂啲湯好正呀~成餐飯都食得好開心 好好味呀~

冬天咁凍既日子係要打下邊爐先開心，朋友推介話幾好食，於是就黎試一試佢啦！黎之前睇咗op嘅食評，都係一心諗住叫個二人餐裝修同餐具係懷舊嘅中國風～好似屋企用個d😝醬汁同配料都好齊全睇落都好新鮮因為晚市都幾忙下，好彩有book枱，唔係應該食唔到。湯底我地揀咗麻辣同埋蕃茄魚湯😋麻辣個邊都唔錯，啱哂我呢d重口味嘅🤣辣度適中。魚湯個邊仲會有條魚係入面🐟😱好足料！煲到咁上下店員會幫你撈條魚出黎，魚肉都好滑雖然睇落每一碟都好似唔多，但其實食落係勁飽兩個人係唔會食得哂。🍡我自己好鐘意食個陳皮魚蛋🤤正！打邊爐黎講，每位$288 係有小小偏貴。 但呢間邊爐都算係高質既

店內裝修好懷舊, 而且不停播放懷舊金曲，好有80年代feel😎環境好寬敞，坐得舒服又唔逼MenuMenu有兩個價位, 288 or 358 per person湯底同配料都會有唔同 最後點左火瞳花膠魚肚雞湯套餐 ($358 per person)湯底好足料 有好多花膠魚肚 仲有半隻雞就咁飲個湯已經覺得好香好滋補好岩女仔!!配料份量好多 配料包括: 三寶滑, 貢丸, 香腸, 蟹肉餃,響鈴, 炸魚骨, 蔬菜, 冬粉最正係三寶滑有墨魚x鹹蛋黃滑，鯪魚x臘腸滑，辣椒牛肉滑每隻味都好獨特，質感又爽口我最鍾意係墨魚 x鹹蛋黃滑，真係超級正!!!調味料： 職員會提供調味架比客人自由調醬料

※本文以用餐當日的環境、服務和食物質素為準，口味亦因人而異，文章只作參考之用。-上星期終於食到呢間充滿香港地道風味既十卜打邊爐，餐廳位於銅鑼灣的永光中心。打開電梯門，已見到格仔磚牆上掛著「十下火鍋」四字。小妹當日大約六點多去到，時間尚算早，但發覺店內已有不少人在打邊爐了，可見「十卜」的愛歡迎程度。步進店內，牆上既霓虹燈、大排檔圓枱、地磚同碟等都很有味道。坐低可以先揀自己的醬料和調味料 $15/位，每位最低消費為$180。餐牌上有散叫的火鍋配料和湯底，光是湯底都有十一款，比較特別既有「白玉菊花鍋」、「火瞳花膠魚肚雞湯」、「養生豆乳白鍋」、「龍蝦鮑魚海鮮鍋」，仲有較養生既「清燉山藥菌菇湯」，不過只有標明「可鴛鴦」的才能製成鴛鴦湯鍋，其他材料較豐盛的湯底都只可以一大鍋上。火鍋配料餐牌亦有兩個二人套餐可以揀，兩款可以選擇既湯底都唔同，一個有花膠雞湯底無牛肉食，另一個有手切牛肉就無雞湯底，所以小妹都諗左好耐先揀到。十下二人套餐每位 $288（包一罐飲品，另加一），揀了「烤花生沙嗲鍋」和「十下麻辣火鍋」。套餐亦包括: 大刀手切本地牛肉、、十下三寶滑、懷舊果皮魚蛋、蒜味香腸、三星蔥醬爆貢丸、黑爽豬肉

趁依家仲凍，要繼續打多d邊爐🤤🍲呢間火鍋店除左裝修、擺設、餐具都係行懷舊風之外，連播既歌都係80年代既經典廣東歌😆🎶坐定定就匀下醬先，要落大量蒜同葱😍湯底就揀左養生豆乳白鍋同麻辣火鍋，湯入面仲有鴨血同冰豆腐😛配料選擇都好多，3人份量叫到成枱都係，叫左黑豚肉爽、響鈴、紅薯粉、金菇、鮮蝦雲吞、黃金麻吉燒同美國肥牛😝特別推介鮮打鹹蛋黃蝦滑🦐，蝦滑爽口彈牙，加埋粒粒分鹹蛋黃碎鹹香嘅味道幾突出😋

銅鑼灣登龍街有間火鍋店，環境懷舊得嚟而且優雅。我哋上到去啲Staff好有禮貌地安排座位及介紹咗佢哋嘅”二人精選套餐”，咁介紹得梗要試下。我哋選擇Order椰子燉雞湯底，上湯底前先提供咗配料俾我哋，都有10幾樣選擇，唔錯唔錯！個湯底一上，椰子味已經芬香撲鼻，Staff再介紹呢個湯係用咗椰子肉加半隻雞熬制，可以滾一陣先，然後試試湯嘅味道。等咗10分鐘，真係要飲吓係咪真係咁掂，不出所料個湯值得俾100分，椰子味及雞味香濃，而且雞湯鮮甜，飲一碗真係唔足夠，但又怕飽食唔到嘢，好難取捨。飲湯途中夾舊雞食下，雞肉滑得嚟勁有雞味。稍後套餐啲嘢食嚟喇，Staff先推介牛白胸膀油，話說係牛嘅肩膀，只要放落煱6-8秒便可，講完後即刻試試，一放入口已感受到滿口牛啲味道，非常淋同肥美。之後再試試手切本地牛肉，牛肉入口即融，可媲美和牛般。啲湯滾緊嘅時候落定啲三寶滑（辣椒馬蹄牛筋滑、鹹蛋黃蝦滑、臘腸鯪魚滑）同果皮魚蛋，淥到浮面食得。果皮魚蛋細細粒而先浮上湯面，食落彈牙而好香果皮味道。馬蹄牛筋滑幾重辣椒味，馬蹄亦清甜；鹹蛋黃蝦滑以蝦膠跟半隻鹹蛋黃打成一團，食落相當野味；而臘腸鯪魚滑都好足料，鯪魚滑內充滿著臘腸粒，真係

Suppa 十下十下 懷舊風邊爐天氣轉涼最岩就係打邊爐 而家十下出左2人餐 （hkd288-358 / person) 唔洗分開叫又怕食唔哂 可以叫多幾款野食MFD最中意個湯底 火瞳花膠魚肚雞湯飲完湯之後再加水打邊爐十下三寶滑係mix and match既墨魚滑牛肉滑同魚滑 好特別另外我地都叫左豬腸粉本身都唔知係真係腸粉原來腸粉都可以用黎打邊爐 仲幾滑添餐廳環境仲好有feel添 周圍都係香港舊式裝修 有好多懷舊擺設 仲有雞毛掃添

十下二人套餐🍲$288; 8.5/10💡湯底：番茄鮮魚鍋🍅，胡椒豬肚湯🌶💡推介：大刀手切本地牛肉，果皮魚蛋，三寶滑，脆炸魚骨🥩🍴今次試咗銅鑼灣呢間好多人食嘅邊爐👍🏼佢有兩款套餐，一款288／ 位，另一款就係358／位不過個套餐都真係包咗幾多嘢，其實3個人食再散叫啲嘢都可以，食完好飽🤦🏻‍♀️🤦🏻‍♀️湯底方面我哋比較鐘意胡椒豬肚湯🍲，好香口而且胡椒味都好重，亦都好足料😍番茄鮮魚湯🍅🐟其實都好好味嘅，比較鮮甜，同埋真係有成條魚喺底，都幾滑架😍但係相對上就冇咁特別配料方面都好有特色，手切牛肉好正，好爽口，入口鮮甜牛味重🥩另外果皮魚蛋都出奇地好好食！爽口彈牙同埋真係新鮮嘅☺️🍢至於三寶滑其實係辣椒馬蹄牛筋滑、鮮打鹹蛋黃蝦滑同埋臘腸鯪魚滑🍢🍤全部都好有特色，同埋好彈牙有嚼勁最鐘意就係蝦滑👍🏼仲有好多其它配料都好好味架，例如個炸魚骨🐟，有別於平時嘅魚皮，會再炸得香啲脆啲🤤寬冬粉係類似薯粉啲frd😂，放落番茄個湯底好索湯🍜整體黎講都幾高質，值得一試😆

一間裝潢是懷舊家居的設計，就連我都未經歷過這年代的家居擺設，感覺幾有趣，吃起飯來都感覺像是在家跟朋友或家人一起用膳。我們一行二人，點選了「十下二人精選套餐(每位$358)」，此套餐湯底可四選一，不過我們就另加$40 要「龍蝦鮑魚海鮮鍋」及加$10 要「冬瓜茶」(原本餐包2罐汽水)。「十下二人精選套餐(每位$358)」火鍋食材：十下三寶滑蒜味香腸蟹肉蟹粉餃脆炸響鈴脆炸魚骨寬冬粉蔬菜拼盤難得在港可以喝到台灣的冬瓜茶，當然要必點，但味道太甜，甜得像喝糖水，不太合我口味，感覺亦不太健康，希望下次再來會有所改善。由於我們不太慣食火鍋沒牛肉，於是忍不著要滿足一下，單點叫了一份大刀手切本地牛肉(小)200g  $158，牛味非常新鮮濃厚，份量都不算少，吃下吃下就終於知飽了。當海鮮鍋食材熟透了，店員會為客人撈出海鮮，以免過熟變得口感過韌。海鮮鍋裡面有多種海鮮，雖然細細隻，但勝在種類多。店員更細心提議未開始放火鍋料時，每人先裝一碗海鮮湯底當湯喝，果然是很好的建議，湯底除了海鮮味鮮甜突，當中的蕃茄更是湯底的精髓。餐牌:

Suppa has always been on my top list for Hotpot! If you are fond of something moist, coconut chicken soup was the top choice I recommend!First of all, the pot came aromatic and hearty, with plentiful of coconut pieces and tender chicken in it!The staffs served us closely, filtered the chicken for us after boiled.Then it comes to the ingredients! The set for two came with my favorite 脆炸響鈴, 寬冬粉, which was something like 薯粉 and 三星蔥醬爆貢丸, excitingly juicy in your mouth!Above all, the soup base was th

冬天一定係打邊爐的節奏☃️好欣賞裝潢咁有特色的火鍋店，而且空間感十足岩哂gathering啊！餐具亦都充滿本土特色😍想食記住訂位，當晚全場爆滿好多人等位～值得一讚的是醬料很豐富😍任你選擇！#十下二人精選套餐 每位$358 已包醬料費湯底4選1 : 龍蝦鮑魚海鮮鍋 (另加$40)十下三寶滑、蒜味香腸、三星蔥醬爆貢丸、蟹肉蟹粉餃、脆炸響鈴、脆炸魚骨、寬冬粉、蔬菜拼盤先講湯底，我們選了 #龍蝦鮑魚海鮮鍋 🦐原隻龍大隻到丫😍😍😍蝦同鮑魚新鮮又彈牙，仲有象拔蚌、本地鮮帶子、扇貝、翡翠螺、魷魚同鮮蜆，配上香濃蕃茄湯🍅真係非常足料😋湯底鮮甜👍🏻最中意係#十下三寶滑 ！ 有辣椒馬蹄牛筋滑🌶鮮打鹹蛋黃蝦滑🍤同臘腸鯪魚滑🐟配搭創新，味道都好夾😝以前從來無試過💕另外跟餐加了$10轉酸梅湯霍洛神花茶🌸非常解渴消膩，打邊爐必試😍

叫了一個椰子雞煱同埋一個清湯+麻辣湯。食品物質素唔錯但冇驚喜。飲茶的話有兩款揀，用啤酒樽裝住，非常特別。環境一流超懷舊，見到一部舊雪櫃，雪櫃面有枝雞毛掃。服務員超nice! 全場播懷舊廣東歌！

sem break 訓到自然醒 是常識吧~佢唔知做咩提早咗收工, 又唔知何來嘅狠心... 猛咁打電話黎叫醒我, 話佢 chic 起條筋好想打邊邊...我無奈地番訓咗 n 次後, "準時" 出到去銅鑼灣揾佢... XD個人未醒, 我真係諗吾到去邊打邊邊好, 好在黎過幾次嘅十下有做午巿 lunch 時段都開嘅!佢又係開心仔混醬啦响度~set 堅係抵得多嘅其實, 但係... 作為早餐黎講, 我想 "食清啲", 唔想一起身就食陳皮魚蛋同蒜香腸, 所以就任性地同佢講 我想散叫, 菜類主打~睇佢混得幾開心...每次上黎, 都好有家嘅感覺...番番去細個哥陣咁...可㤨婆婆對腳痛又怕搭車頭暈...唔係嘅話, 我真係好想同婆婆黎 "回到過去" 呀!!!場景真係好似細個婆婆湊我嘅屋企咁...我都係例: 蕃茄鮮魚湯, 佢話比我補下 所以叫個養生豆乳鍋比我食喎~拿拿聲飲番碗由細到大嘅 "賣飛佛" 先~心情靚曬, 笑番曬~ (被硬叫醒, 心情總有不爽, 你懂的 bro!)除咗佢好想好想好想食嘅牛牛, 我地都係菜菜子朋友~我無飯面唔得架, 所以... 叫埋烏冬同銀針粉~蔬菜拼盤豆苗菜質量好 ok 架, 佢肉食怪

十下二人精選套餐🥘(每人$358)可從四款湯底選擇，今次點了美肌滋潤的火瞳花膠魚肚雞湯🐔，在加湯底和其他材料稀釋前，先喝了兩大碗清香鮮甜的魚肚雞湯🤤湯底材料豐富且新鮮，半隻白切雞肉嫩滑，點沙茶醬吃一流！套餐另外包括十下三寶滑、蒜味香腸🐽、三星蔥醬爆貢丸、蟹肉蟹粉餃🥟、脆炸響鈴、脆炸魚骨、寬冬粉、蔬菜拼盤🥗和飲品。兩個人吃得捧著肚皮離開🙈蟹肉蟹粉餃和鮮打鹹蛋黃蝦滑是必點！三寶滑包括辣椒馬蹄牛筋滑🐮、鮮打鹹蛋黃蝦滑🍤和臘腸鯪魚滑🐟☺️價錢雖然不便宜，但用料和份量對得上價錢😋 有興趣記得訂位，平日晚上已經座無虛席。食物 ⭐️⭐️⭐️⭐️環境 ⭐️⭐️⭐️1/2服務 ⭐️⭐️⭐️⭐️價錢 ⭐️⭐️⭐️1/2📍地址: 十下火鍋Suppa🥘銅鑼灣登龍街28號永光中心2樓 #hkgoodeatscwb

今日同一家人去左銅鑼灣，諗起之前有朋友介紹過附近有間幾有特色既火鍋店，於是就決定去試下。一入門口，裝修佈置果然別有一番風味，有懷舊感覺，連碗筷都係我小時候果D款色有時去打邊爐，選食咩配料同湯底都好頭痛，今次簡單D, 直接選兩個2人餐，加上老婆唔食牛，呢個一流湯底我地要左火瞳花膠魚肚雞湯，一D都唔欺場，湯料十足入面有半隻雞仲有大大既花膠湯底加左北芪，杞子，飲落有陣陣藥材味道，雞同火腿鮮味亦都突出，冬天補身一流。魚骨炸到卜卜脆，好似食緊炸魚皮咁。蟹肉蟹粉餃，鮮味十足，蟹肉頗多，唔係得幾條絲蒜味香腸，估唔到原來台腸同火鍋幾夾，好好食三星蔥醬爆貢丸，呢個真係要好小心食，肉丸入面既湯汁比正常多，十分彈牙寬冬粉，感覺係比較幼身既河粉，入口好順滑，吸收埋湯汁，唔錯不得不提三色滑，包括麻辣馬蹄牛滑，咸蛋蝦滑，臘腸鯪魚滑。三個都未試過三款都好彈牙牛滑麻辣味頗重，加埋爽脆馬蹄粒，我個人最欣賞蝦滑亦幾鮮味，混合少少咸蛋，增加咸香味道鯪魚滑加臘腸，聽落好創新味道不錯由響鈴做今餐結尾吧，由於侍應會不斷加雞湯，到最尾變成濃濃湯汁，響鈴吸收晒雞湯精華不得了情懷，味道都另家人十分滿意的一餐