十下火鍋

今次其實已經係第3次黎到”十下”打邊爐今晚再黎 龍蝦鮑魚海鮮鍋🐙🦑🦐🦀呢個鍋鮮甜到不得了 基本上 唔洗點任何醬油已經好好味 而且每樣海鮮都啖啖肉仲會有專人 會提提你 要食邊種海鮮先 怕會過熟 唔好食☺️☺️ 好貼心。

中國人有句說話叫做《冬大過年》，今日帶爸爸媽媽去食飯預祝冬至又怎麼可以馬馬虎虎呢！天寒地凍去打邊爐就最啱，經朋友介紹知道銅鑼灣有間叫<十下>的火鍋店主打懷舊老香港路線，一於就試試它吧等位的時候看見門口放了2張充滿懷舊風格poster，未吃都已經好期待哦！等了一會兒才可以安排入坐，內裡果然充滿老香港情懷的裝修和擺設，勾起了爸爸媽媽不少往事回憶呢。預祝做冬當然要吃得豪氣一點，所以我們選了這個貴一點的套餐。話明要豪氣，湯底當然選<火瞳花膠魚肚雞湯>啦奶白色的湯底除了有火瞳翅，花膠和魚肚外還有紅棗杞子和香蔥。湯底滾起後香味撲鼻，我們都忍不住先喝一碗，湯底香濃醇厚而且還好像有淡淡的藥材味呢這個湯底用料矜貴，當然要另外夾起食材先吃啦！！半邊雞嫩滑味濃，花膠又大又厚，火瞳翅數量多得可以用筷子夾起。喝過第一次湯底後便可以再要求另加湯認真打邊爐，等待湯底滾起的時候可以吃這個《脆炸魚骨》。其實說是魚骨但我覺得比較像魚皮多一點，炸得酥酥脆脆再加上調味粉，香口得來又惹味，好邪惡喔湯底滾起後當然第一時間要吃響鈴，輕輕浸泡三秒就既可以保持響鈴的豆香又可以吸到湯底餃子不是其他普通的貨

是夜銅鑼灣找火鍋食， 見食評不俗兼有80年代裝潢的十下，就今晚試試😌7時到達，好在早到，因為他們分了時段，我們8:30便要交檯。 坐下當然先選鍋底 ：侍應都細心介紹鍋底， 最後選了十下麻辣鍋 + 番茄鮮魚鍋， 魚居然是一整半條魚先放入鍋中， 待一滾起便撈魚出來先吃， 魚肉很滑很新鮮， 同時也令煲中的湯很鮮甜，另外麻辣方面很香，入面也有豆卜及鴨血， 很入味的 由於我們點了二人套餐， 我們就等美食送來，值得一讚是平時兩人食火鍋點的食物種類很局限（因為二人點食每碟也不只給兩人），但在這裡點一個套餐，所有打邊邊爐想吃的食物也可以全食到了炸魚骨很好食，炸得香口熱辣， 邊食邊等湯滾陳皮魚蛋是街邊好食那種魚蛋， 用來打邊爐不但好夾也很特色，不是每間火鍋店也有二人份量其實很多，而且有寬東粉， 在麻辣鍋那邊煮一流看圖便見食物新鮮， 牛有咬口及牛味夠 最重要是價錢ok， $634兩人埋單。

今日天氣凍，得13度，最岩打邊爐，咁岩朋友介紹，銅鑼灣有間懷舊特色火鍋，我們決定去試。我們入到店內已感受到80年代既氣氛，而且會播好多舊歌（梅姐：將冰山劈開）很有氣氛！店內清潔。我地揀左2人餐，有11款式食物揀，份量絕對夠（下面有圖）。有多款醬料比你選擇湯底揀左沙爹同蕃茄魚湯，特別魚湯係使用成隻魚調製，絕對足料，湯底又鮮甜！響鈴夠脆，唔厚料，好味，醬爆貢丸彈丸，而且內裡肉味夠同爆漿多汁，我最鍾意手切牛肉，肉味夠，嫰滑有咬口丸類方面最鍾意陳皮魚蛋，彈牙，鮮味足，好食。炸魚皮厚切，夠脆夠味，啖啖魚皮，正！蔬菜新鮮爽甜，高質素！最後，員工服務態度好，會主動加湯，執野，加上食物不錯，絕對有質素！HKD634 絕對值，下次我會再黎惠顧。

朋友好大食但係又唔想肥，通常我哋就會變咗係下午或者中午時段去食放題或任食邊爐，不過唔係間間餐廳都會開放中午，因為中午未必有太多人選擇食打邊爐或者放題。首先一坐低就有好豐富嘅調味料，可以自己慢慢溝。見到食評裏面好多人都係選擇花膠湯底，但係今次我就比較特別，揀菊花湯底！白玉菊花裏面嘅湯頭係用雞骨同埋豬骨牛仔而成，仲有養生白菊花、鮮魚、杞子、淮山同埋冬瓜丸子同埋加入黃菊所以味道係非常清香，唔會油膩，真係芳香撲鼻！未食之前梗係要飲一飲個湯底，好有鮮味，裏面係配搭左包括雞肉，豬肉，魚和蝦，如果多啲人就仲好，可以一齊分享呢一份鮮味。裏面已經有半隻新鮮雞，唔需要煮好耐，啱啱熟就可以食。店員仲幫我地切埋，好香滑又新鮮。除此之外原來湯底裏面仲有豚肉以及大大隻鮮蝦，真係要快啲攞出黎食先得，口感爽口夠晒新鮮。十下三寶滑總共有三款不同的滑，包粉有辣椒馬蹄牛筋滑、鮮打鹹蛋黃蝦滑、臘腸鯪魚滑全部各有各特色，牛筋嗰個真係幾辣，如果唔食得辣都幾大件事！蝦滑除咗爽口先甜之外亦都鹹香十足，因為有鹹蛋黃；臘腸鯪魚裏面沒有骨，加埋少少臘腸好過癮。蒜味香腸三星蔥醬爆貢丸香腸有啲蒜蓉味好有趣，最特別係呢個貢丸，一咬落去嘅時候爆曬

今晚同朋友去左銅鑼灣打邊爐,去左十下度食店入面走既係懷舊風,7-80年代既感覺出晒黎播既歌都係以前細個聽既歌擺置等等都係有70年代FEEL,都幾特別入到去睇左個餐牌就決定叫SET個餐入面有十下三寶滑,蒜味香腸.三星蔥醬爆貢丸,蟹肉蟹粉餃,脆炸響鈴,脆炸魚骨,寬冬粉,蔬菜拼盤,湯底4選一要左卜卜蜆煲混醬都算多選擇,多蒜多蔥再加下醋卜卜蜆煲--少少辣,湯好甜....好有鮮味,蜆冇沙,冇沙係好重要的D蜆鮮甜好味道,仲有D菜在底位,店員好幫忙經常黎隔下油換下店,好服務蒜味香腸.三星蔥醬爆貢丸--香腸有蒜香味,貢丸好香口,咬落去D汁必晒出黎,正呀十下三寶滑-臘腸鯪魚滑-平時成日食鯪魚肉,不過加埋臘腸又幾香幾得意,又唔係好肥咸蛋蝦滑-好特別同時好香口,咸蛋加蝦打邊爐真係第一次辣椒馬蹄牛肉滑-隻味溝埋都幾好食蟹肉蟹粉餃--入面蟹味非常濃,又香又正,連汁一口食左佢,一流脆炸響鈴--好吸湯味,落幾秒即食,正呀脆炸魚骨--超香口,落一落湯食仲正....脆脆地,又魚香寬冬粉--同樣係吸湯好味道,入口同平時既粉麵唔同,好好食蔬菜拼盤--有冬菇,粟米,白蘿蔔,生菜,津白D菜都幾新鮮,食下菜清清地,唔錯成枱都食物

 被餐廳裝修吸引咗黎, 地道風格既裝修, 加上本土特色食材, 點都要支持下.見到啲碗碟, 好有親切感, 就好似細個果時出街食飯果時咁.佢地有套餐揀, 唔使煩, 我地5個人叫咗2個餐都夠食, 個個飽住咁走.湯底我地揀咗蕃茄鮮魚鍋拼沙嗲鍋. 鮮魚鍋足一條好大既魚尾, 打到尾聲起黎食都好滑好甜沙嗲湯會即場加啲花生同炒過既椰絲落去, 味濃又夠香.個餐好多嘢食, 除咗牛肉, 丸, 菜等一般配料外, 仲有牛白(胸膀油)、炸魚骨同三款自家制既十下三寶滑.就係臘腸鯪魚滑、辣椒馬蹄牛筋滑、鮮打鹹蛋黃蝦滑. 牛白絕對推介, 店員教放湯10秒即可以食.唔油膩又爽滑脆炸魚骨, 炸到好脆, 唔硬, 全條可食, 唔會有骨落地自家制十下三寶滑, 必試呢道雖然裝修扮大排檔, 但地方好闊落, 枱與枱唔迫又唔會好嘈.整體唔錯

好野緊係要番轉頭再幫襯 七點到 全場FULL哂坐低左又情不自禁地望住佢啲碗碗碟碟 雖然係懷舊既STYLE但真係好靚好吸睛三秒之後侍應又已經放低左啲醬料俾我地其實我真係超欣賞哩度有莞茜提供 好多其他地方都要另外加錢先有而且成盤醬料都好乾淨 抵讚今次本身想試下另外一個二人SET 但都係覺得哩個SET既湯底比較吸引最後叫左蕃茄鮮魚鍋同養生豆乳白鍋其實最令我念念不忘既係哩個牛白胸膀油 係其他地方真係搵唔到 淥6-8秒就食得爽爽地 油而不膩 真係好好食牛肉仲KEEP到啱啱開個陣既水準 唔會做耐左就將貨就價另外就係哩個炸魚骨 其實感覺有啲似炸魚皮但炸魚骨更有口感我就中意淥耐少少 又淋又脆脆地咁最好食黑爽豬肉餃好足料果皮魚蛋如果可以做到彈牙少少就更好蒜味香腸唔錯 醬爆貢丸 經過之前既經驗今次食得好小心 但入面既汁實在太澎湃 今次都係必左啲汁去塊面度哈哈三寶滑 最中意係臘腸鯪魚滑 臘腸啲油其實已經融入左落去啲鯪魚滑度基本上食每一啖都有臘腸既油香味 好好食寬冬粉 今次淥夠5分鐘先食 粉吸哂湯底既味 煙煙UN UN咁什菜 啲菜睇得又食得 粟米超甜侍應服務態度超好 乜都係自動自覺唔會要我地三崔四請先埋尼幫

天寒地凍最好去打邊爐，見這間火鍋店評價不錯，於是放工就同朋友黎試吓。我們點了二人套餐，每人$358加一，主要我哋想試吓個魚肚花膠雞湯湯底，有半隻雞同埋都幾多花膠、魚肚，湯底滾起後，有店員幫忙撈起切件再攞返出嚟，個湯底比想像中鮮甜，有少少藥膳味但不會太濃。火鍋料方面，我最欣賞脆炸魚骨、蒜味香腸、三寶滑、蟹肉蟹粉餃。特別是魚骨，比一般用魚皮打邊爐好味好多。蟹肉蟹粉餃餡料非常足，我仲食到有少少蟹殼，其他湯底嘅選擇其實都好吸引，下次再試吓其他湯底！

這晚又是火鍋夜，很喜歡十下懷舊的氣氛、懷舊金曲和精緻的食物，所以又來十下十下，我們選了十下二人套餐，除了套餐，也可以散點的！鴛鴦湯底，一共有五款湯底可以選，我們選了養生豆乳白鍋和烤花生沙爹鍋！套餐包兩罐非酒精飲品！我比較喜歡養生豆乳白鍋，淡淡的藥材味，裡面有紅棗、杞子等，還有豬紅，感覺很補身！這個套餐陣容相當強勁，有大刀手切本地牛肉、牛白胸膀油、三寶滑、懷舊果皮魚蛋、蒜味香腸、三星蔥醬爆貢丸、黑爽豬肉餃、脆炸響鈴和魚骨，還有寬冬粉和蔬菜籃。第一次吃牛白胸膀油，跟朋友研究了很久也不知道，於是問一下店員。原來是牛胸部兩排肋骨中間的肉，甘香爽口不油，不要以為是肥膏啊！大刀手切本地牛肉有別於一般火鍋店的肥牛，首先是偏瘦，鮮紅色極之新鮮，鮮嫩不鞋口，牛味濃郁！很有特式的三寶滑，牛肉配馬蹄、墨魚滑配咸蛋黃、魚肉配臘腸！我特別偏愛墨魚滑裏加上鹹蛋黃，有咸香，惹味！脆炸魚骨屬於硬脆口感，我個人喜歡即食，淥湯就會鬆化一點！懷舊果皮魚蛋很有趣，大約比波子大一點點，有點煙韌的感覺，微微果皮香！蔬菜種類也有很多，不怕吃膩啊！真的很喜歡這裡的懷舊feel，特別有家的感覺！

11.12.2017(星期一)同老公剛去試過蕃茄魚及菌的鴛鴦煱再加一個海鮮盤(一隻波士頓龍蝦、2隻象拔蚌、2隻原貝、2粒急凍帶子肉、2隻鮑魚仔、一堆蜆、魷魚仔及4粒大螺)，唔計新鮮及好食否，3佰多圓一個海鮮盤係抵嘅! 另加一碟細嘅安格斯牛，一碟所謂黑豚爽肉(覺得係條狀嘅豬下青)，一碟蝦滑，一碟唐生菜，一碟紅薯粉(因冇生麵唯有試呢個)，2罐啤酒及1jar 花茶，食物質素一般，海鮮盤除咗2隻象拔蚌仔比較鮮甜D外冇乜特別好食，魷魚仔有D苦❗覺得D海鮮唔係咁新鮮，可能冇魚缸嘅關係掛！😓蝦滑實而不彈冇鮮味❗😔之前係潮福食過嘅蝦丸及安格斯牛好味D，黑豚爽肉有蘇味！感覺似下價肉，紅薯粉一淥就黏埋一堆，粉絲會好食D，煱底有蕃茄、半條綄魚(魚尾)及不多嘅普通菰類，霸皇花就一大堆，蕃茄魚嗰邊尚算ok，招呼係好嘅，但限時2個鐘！😓兩個人共$1,012，所謂懷舊裝修我唔識欣賞，D櫈當然冇梳化卡位咁舒服啦，但枱與枱之間夠濶落，唔會再去，因咁嘅價錢有好多比呢間更加好嘅選擇，試過就算！有一樣要提吓煱底係每位計！😥

之前有兩次朋友約過我嚟呢度打邊爐，但係次次都約唔成，今次同老公去開完會就黎呢度食個消夜邊爐啦！不論門面定係內部裝修都好有懷舊嘅味道，對於我呢啲咁鍾意舊物嘅人就真係好啱心水！超有80年代感覺，連播啲歌都係八九十年代好Hit嘅廣東歌！超有feel !雖然去到嘅時候已經10點多，但係依然座無虛席，就知道呢度嘅受歡迎程度係有幾勁啦！夜麻麻，唔想食到咁飽，諗住嗌個二人餐應該唔會話好飽姐，點知都真係好足料，食到捧住個肚返屋企！睇個調味料盤就知好嘢，佢啲炸蒜有埋炸乾蔥㗎！仲有麻醬，好正！我想講呢個湯底真係不得了！我同大少兩個淨係食晒呢個湯底啲嘢都已經好有睇頭，講下入邊有啲咩先。有半隻雞，兩塊大花膠，好多魚肚，仲有啲菜！個湯底本身已經好鮮甜，加埋隻雞真係好滑好滑，係直頭想再encore隻雞嗰隻！你睇吓隻雞滑到呢！！！三寶滑有蝦，牛同魚！啱晒唔同人嘅口味！佢個蝦滑彈牙爽口，鯪魚滑又夠香，個牛滑先至正，有少少辣，但係中彈牙過平時出去買嗰啲牛筋丸！個醬爆貢丸真係冇得彈！有咩理由食丸會好似食到小籠包咁先得格！超好味！個腸仔就好似啲台灣腸咁，但係洗洗條好過癮！終於到要講呢一隻蟹粉餃啦我都算得上係邊爐精！但真係好

一直都十分想試位於銅鑼灣的這家火鍋店，有一次和朋友們即興來但因為爆滿關係而沒有吃。今次特意相約朋友來，事先訂桌！果然沒有來錯，十分之多打卡位！裝潢設計是老香港的味道。兩個人便點下「十下二人套餐 」$288選了番茄鮮魚鍋和烤花生沙爹鍋。值得一提的是鮮魚是一尾上鍋的！有大半條鯇魚，是煎香過後再放入火鍋，翻熱後便可將鯇魚上碟！十分喜歡吃魚的我是絕對地吃個不停！兩個人吃完魚也飽了3成，哈！套餐包括以下食物：大刀手切本地牛肉牛肉牛味是十分足的，但整體質感偏韌，喜歡有咬口的朋友一定會喜歡！牛白胸膀油這個是牛的脂肪，原以為會很快融掉，但原來是爽口的質感！溫馨提示不要煮太久，否則會很韌！十下三寶滑有蝦滑、墨魚滑和陵魚滑。質感爽滑彈牙！喜歡呢！懷舊果皮魚蛋（圖下）這個是我廷喜歡的！因為不是很多地方都可以吃...陳皮味突出，不錯。蒜味香腸、三星蔥醬爆貢丸（圖左）有點像台灣香腸的味道，偏甜的。值得一提是！貢丸是十分醬爆！所以一定要小心燙口！朋友已不小心地被燙到了...哈！黑爽豬肉餃（圖右）餃子味道也不錯，一人分一粒更覺矜貴。脆炸響鈴整體不會很油，我和朋友都很喜歡。脆炸魚骨是我特別推介的！很小地方吃到！一試愛

早陣子為食同事向我推介位於銅鑼灣登龍街一間叫十下的火鍋店，話食過唔錯同環境好有懷舊feel的，所以今個月好友聚會決定選這兒了，一星期前已Book位，一行四人到達後立即安排入座，侍應亦很有禮貌，睇現場環境裝修真係好似坐左時光機返返去七十年代咁(裝飾及餐具都很懷舊)，隨後安排左我們坐一張大圓枱，好快侍應將調味料拼盤送到枱上，講返食物先我地叫左兩份十下二人套餐選左個雙拼鍋底(蕃茄鮮魚湯配烤花生沙爹鍋)、套餐內有手切本地牛肉、牛白胸脆油、三寶滑、果皮魚蛋、蒜味香腸、黑爽豬肉餃、炸響鈴、炸魚骨、寬冬粉同蔬菜拼盤等，整體食物好有水準，特別推介牛白胸脆油，只需焯十秒左右就食得，好有牛香同咬口👍🏻👍🏻😋(較小地方有得食)，另外至愛既響鈴同炸魚骨都炸得很香脆可口，這餐真係一餐非常滿足的打邊爐👏🏻👏🏻整體食物，環境，店員服務都好好(時常來加湯同收碟)，這間十下絕對值得向大家推介👍🏻👍🏻正

天氣凍最好嘅選擇當然係打邊爐，而今晚就係呢到食了個十分滿足真材實料嘅火鍋，餐廳內部裝修好有懷舊感覺，最正係中間個大招牌，當然食物先至係最吸引嘅地方，如果唔想唸可以食套餐，朋友望到呢個二人精選套餐每位$358，食物選擇啱口味就點了這個，而我選湯底時見到龍蝦飽魚海鮮鍋(另加$40)當然要呢個湯底呢，而套餐就包兩罐飲品或以優惠$10轉冬瓜茶酸梅湯或落神花茶，包埋醬料費，計落都抵吃！醬料有九種材料配搭，個人較喜歡香蒜生蒜加埋啲辣椒豉油夠晒味道！好快就上齊今晚精選套餐嘅材料，主角龍蝦鮑魚海鮮鍋，望見成個鍋放滿了海鮮，中間正正就係開邊嘅龍蝦，兩旁有好多不同嘅海鮮，有鮑魚、翡翠螺、墨魚仔、蜆，湯底味道鮮甜，未開始放其他材料時，就要先處理鍋內嘅海鮮，龍蝦肉質爽口彈牙味道鮮甜，而鮑魚肉質亦好煙韌彈牙鮮味，而其他嘅湯底嘅海鮮配料亦十分之鮮味，一開始已經可以不停地吃！一輪狂吃海鮮後就開始慢慢放入其他食物，有至愛嘅蒜味香腸，入口時完全感覺到陣蒜香嘅味道加埋肉質煙韌夠晒口感！另外蟹肉蟹粉餃真係十分足料，咬開眼到充滿蟹肉，入口時蟹肉嘅鮮味從餃中散發出來充滿口中！真係十分好味！而個三星蔥醬爆貢丸吃嘅時候小心中間爆汁