十下火鍋

成日見到人地啲相~一直都好想試呢間 ~今次朋友終於肯陪我試~我地三個女仔叫左二人餐都一樣夠飽~份量多~十下二人精選套餐 $358/位 (加一)湯底有四款 因為有朋友係海鮮控 所以揀左龍蝦鮑魚海鮮鍋 (+ $40)加錢都抵, 因為個鍋真係好足料, 青口, 蝦, 螺乜都有, 隻主角龍蝦又夠大隻!全部都好鮮甜 蜆都無沙家~十下三寶滑 (大推介)鯪魚滑加左臘腸 估唔到咁夾~牛滑加左辣椒同馬蹄~辣辣地又有咬口~墨魚滑就超彈牙!脆炸響鈴好脆口呀!! 而且唔會過厚, 好容易就索到啲湯!寬冬粉好多地方都係得烏冬同薯枌~呢個餐竟然跟冬粉~比薯粉更有咬口~吸哂啲湯好正呀~成餐飯都食得好開心 好好味呀~