225
15
9
| 餐廳: | The Flame Bar & Restaurant |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵觀塘站 A2 出口, 步行約7分鐘
繼續閱讀
電話號碼
92329838
開飯介紹
餐廳鄰近觀塘地鐵站，交通便利；供應以西式為主的多國菜，還有本地口味的特色料理。店內以吊橋主題風景照片作裝潢，餐檯椅帶點復古感覺，環境簡潔舒適。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | The Flame Bar & Restaurant |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
新年聚會，選了這間觀塘出名的西餐廳。店內的裝潢以黑色為主調，吧台上方倒掛滿空酒瓶，在燈光照耀下閃爍。餐廳有二人餐和四人餐，我們點了一個二人餐($608)。店員先端上鬆軟餐包，餐包份量足，配上牛油突顯麵包的香軟，或配濃湯都非常可口。是日餐湯，頂層灑上香草碎，湯濃郁香滑，把一口餐包沾點餐湯吃，餐包掛上濃湯，更香熱和有多層次口感。香煎大蝦伴牛油果沙律，大蝦爽口，牛油果和火箭菜新鮮。火箭菜量多，爽口，是一道開胃菜。西班牙海鮮燴飯，飯粒口感和湯汁味道跟在西班牙市場吃到的海鮮燴飯一樣。煎過的大蝦尤為爽口，飽滿飯粒完全掛滿湯汁和海鮮的鮮味，加上其它海鮮，非常惹味。安格斯牛西冷扒，外層煎得香口，內層多汁，拌上蒜頭粒吃，更突出其牛肉的鮮味。意大利芝士蛋糕，厚實又帶點綿密鬆軟之感，芝士味不會過濃，口感和味道都甚佳。火焰法式焦糖燉蛋，最好吃的焦糖燉蛋，沒有之一。上桌時以特別黑色紙包圍焦糖燉蛋，由店員點燃黑紙，黑紙迅即變成大火焰，然後便看到焦糖燉蛋。焦糖面香脆，燉蛋做得奶滑，入口即溶，焦糖和燉蛋相輔相成。熱伯爵茶，以透明茶壼盛著熱水和茶包，喝完可請店員加熱水。熱抹茶($48)，抹茶有拉花，很適合打卡。抹茶味濃郁，帶點奶味，香滑可口。
繼續閱讀
餐廳在觀塘地鐵站附近，交通方便，今晚約了朋友在這裏晚膳。餐廳面積不少，還有戶外部份，座位也闊落舒適，裝修高雅，氣氛不俗。翻開餐牌，見2人晚市套餐內容豐富：餐湯、沙律、主菜、甜品、餐飲，菜式亦很吸引，於是便點了個「2人套餐」。沙律：「香煎大蝦伴牛油果沙律」有4隻大蝦，肉質鮮甜彈牙，配上火箭菜、牛油果、奇異果等新鮮蔬果，口感清新。是日餐湯：忌廉湯綿滑濃稠，上面灑上香草，口感更好。主菜1（3選1）：「西班牙海鮮燴飯」有多種新鮮海鮮：大大隻鮮帶子、大蝦、墨魚、大蜆，更有西班牙火腿，材料豐富，海鮮飯煮得爽口，米粒分明，而且醬汁惹味。主菜2（4選1）：「安格斯牛西冷扒」厚切西冷牛扒，肉質鮮嫩，鬆軟口感。配菜有香蒜、蘆筍、粟米芯、薯角等，淋上特備醬汁，尤其滋味。甜品：「意大利芝士蛋糕」三層朱古力慕絲蛋糕，味道濃郁。「火焰法式焦糖燉蛋」服務員首先送上用紙包住的燉蛋，然後點火，燒去紙包，露出真容，相當有趣。燉蛋上面蓋住一層焦糖，燉蛋香滑，焦糖脆脆，雙重口感。咖啡、茶咖啡香濃，份外提神。這裏的環境氣氛、菜式質素、服務態度都有高水準，性價比還相當高。
繼續閱讀
假期到了，相約朋友去唔同嘅餐廳聚舊！現在興北上消費，我決定留港支持！朋友推介我一間餐廳，佢話lunch嘅時侯都會有人等吓位，試過環境幾舒服配柔和燈光，最緊要嘢食都唔錯。【The Flame Bar & Restaurant】，呢間位於亞太中心嘅餐廳以西式多國菜為主打，裝潢特色非常吸引。牆上掛咗幅吊橋主題嘅風景照片，配埋柔和嘅復古燈光，整體感覺舒適又帶點懷舊氣氛，無論係浪漫約會定係朋友聚餐，都非常適合。去到餐廳係7點半左右，餐廳都已經滿左7成人，入面地方都幾大，差不多E形既舖位，就算爆場的話都會覺得闊落，每張枱之間都好寛鬆，完全冇壓逼感。MENU簡單地點了一個二人餐，我見佢有個牛扒任食Package，在場男士都有點喔！✨香煎大蝦沙律開場菜點選咗香煎大蝦沙律，果然係一個好開始。大蝦煎得外層微微焦香，內裏鮮嫩多汁，蝦味十足。沙律菜新鮮清爽，配埋少許清新嘅沙律醬，帶出一陣酸甜清香，為味蕾打開序幕！✨羅宋餐湯佢哋嘅羅宋湯比想像中濃郁，滿載番茄嘅自然甜味，同埋煙韌嘅牛肉粒。湯底煮得好入味，每啖都感受到西餐經典嘅地道滋味，特別適合冷冷嘅天氣享用！✨西班牙海鮮燴飯主菜之一係西班牙海鮮燴飯，絕對係一道視覺同味覺雙重享受嘅佳作。飯粒煮得軟硬適中，帶有濃郁嘅高湯香氣。海鮮料非常足，蝦同帶子都新鮮彈牙，每一啖飯都充滿海洋嘅味道，令人忍唔住一口接一口！✨西班牙伊比利黑毛有骨豬扒豬扒煮得啱啱好，肉質嫩滑多汁，帶有一絲絲脂肪嘅香味。用鹽同胡椒簡單調味，將豬肉原有嘅鮮味完全帶出，骨邊位更係油香濃郁，值得細細咀嚼。配菜亦有心思，搭配咗醬汁同烤時蔬，為整體菜式增添層次感！✨火焰法式Crème Brûlée甜品環節必點嘅火焰法式Crème Brûlée，外層焦糖即場用火槍燒到脆卜卜，敲下去聽到「咔嚓」聲，內裏係滑溜溜嘅奶香蛋漿，甜度適中，帶有淡淡嘅香草味。睇住啲火燃燒嘅過程亦係一個享受！ENCORE！！！！💯✨Tiramisu佢哋嘅Tiramisu同樣係高水準之作，咖啡味唔算太濃，但奶油同芝士嘅口感非常綿密細膩，甜而不膩，作為飯後甜品就啱啱好！✨Cocktail: Expresso Martini & Mount Fuji飲品方面，Expresso Martini係一款驚喜之作，濃濃嘅咖啡香氣加埋酒精嘅微醺感，調酒甜度比一般略高，非常適合作為餐後提神一杯。Mount Fuji就以梳打酒精為基底，加上奶蓋，酸甜之餘又帶有奶香，外觀真係整到一座好靚嘅富士山樣，口感輕盈而層次分明！【The Flame Bar & Restaurant】無論前菜、主菜到甜品同飲品，每一道菜都可以感受到廚師嘅用心。同時，裝潢氣氛亦令人放鬆，最值得推薦係火焰法式Crème Brûlée！！！
繼續閱讀
見網上啲人介紹，影到啲牛扒幾靚，所以諗住去試吓點知…. 任食 澳洲特級安格斯牛扒（ 8安士） + 薯條牛： 多牛筋叫左三成熟，但係仲熟過七成🤣 另外一塊叫五成 都一樣咁鞋，咁多牛筋 超市求其買一塊牛扒應該仲好食過佢 🤦🏻♀️ 薯條就淨係得頭頭尾尾，仲要唔熱嘅 ，任食都冇用 做任食但係質素咁差，真係唔會有下次 雖然價錢好似好平$268，但如果加沙律/湯或者甜品，再叫杯嘢飲 ，再加服務費其實都唔平咁嘅價錢食其他仲開心，食完呢餐返屋企仲要食公仔麵 😓
繼續閱讀
為咗獎勵吓自己又過一關，呢晚搵埋朋友仔陪我食餐好嘅，等自己輕鬆吓🥳 我哋約咗喺 #apm 集合，沿住扶手電梯到地面，行過隔離棟商廈，好快就到我哋嘅目的地「The Flame Bar & Restaurant」。嚟到餐廳嘅大門，已經感受到周圍熱鬧嘅氣氛🍻 幾乎坐滿嘅室內位置，原來仲有批客人坐喺室外，可以話係各自各精彩😎 服務員推薦我哋可以試吓佢哋個二人優惠套餐🍽️ 既然有人幫我哋安排好，一於試吓佢🤤我哋先點咗兩杯特色飲品🍹我要嘅 #沖繩菠蘿特飲 味道唔會太甜，菠蘿嘅香氣同蘇打水混成一體，味道好清新🌱🥑 #香煎大蝦伴牛油果沙律大大隻蝦仁非常爽彈，配上沙律菜，連埋啲牛油果一齊食，味道非常配搭🤤🌽 #粟米湯師傅將打碎咗嘅粟米煮成湯，味道非常濃郁🤤🦐 #香辣蒜香蕃茄醬虎蝦意粉成個拳頭咁大嘅虎蝦，加埋蕃茄醬同意粉一齊煮，味道辣辣地寧舍惹味🤤🐮 #安格斯西冷牛扒半熟嘅安格斯西冷牛扒肉質特別鮮嫩，師傅將牛扒微微煎香，而切出嚟嘅牛肉仲係粉紅色嘅，入口帶有少少肥膏，好香口🤤🔥 #火焰法式焦糖燉蛋最後當然唔少得佢嘅特色甜品「火焰法式焦糖燉蛋」🔥 服務員提醒我哋準備相機，二話不說就將我哋面前嘅 #焦糖燉蛋 包裝點火，有睇頭之餘，個甜品仲好好食🤤 脆卜卜嘅焦糖皮，軟綿綿嘅燉蛋，味道甜甜地相當有層次🤤餐廳整體氣氛非常熱鬧🥳 美食配埋帶有英倫風嘅餐廳裝修，感覺好chill呀！📍 The Flame Bar & Restaurant (觀塘) 觀塘道414號1亞太中心3樓303號舖
繼續閱讀