Plato Cafe & Bistro (裕民坊YM²)

今晚約了一位好耐無見的朋友吃飯，知佢鍾情於西餐，所以揀咗間舒服嘅西餐廳同佢一聚。餐廳環境很舒適，裝潢優雅，燈光柔和，室內和室外都有座位，卡座相當闊落，是暢談食嘢的好地方。晚巿有很多選擇，有二人晚餐、一人晚餐、單點菜式、甜品和飲品。今晚我地各選一份一人晚餐，再追加前菜和甜品，好豐富！每款晚餐包是日餐湯和$32或以下餐飲一杯。是日餐湯竟是我最愛的南瓜湯($0/跟餐)，太好彩！口感綿密幼滑，稀稠度適中，味道稍稍香甜，喜歡！另外升級法式蟹肉龍蝦湯（+$38），內有些鮮嫩嘅蟹肉，陣陣鮮香，入口順滑，味道濃郁，好得！北海道帶子沙律（+$38）肉質鮮嫩，面層稍稍輕煎，帶些焦香，內裏半熟，柔軟嫩口，好食！沙律清爽新鮮，配咗一些酸咪咪黑醋汁，好醒胃！軟殼蟹黑松露忌廉意大利飯 （$138）原隻軟殻蟹上枱，賣相一流！炸至乾身而不油膩，外脆肉腍，香口入味。意大利飯滿有黑松露嘅幽香味道，唔會過於濃烈，沾滿香濃的忌廉，相當creamy，較易咀嚼。露絲絲瑪莉香草燒羊架（$218）指定七成熟，燒至有些焦香。肉質相當腍嫩，內肉呈粉紅，啖啖肉汁，肉味香濃，能嚐到微微的羊羶，更顯羊肉風味，蘸些燒汁也美味。旁邊嘅焗薯焗得剛好，粉綿得來又有咬口，滿有薯香，伴着蛋黃醬同吃，好味！熱玫瑰朱古力 （+$14）和熱榛果朱古力（+$14）的拉花也得美，令人喜悅！朱古力味香濃，味道甜美，但玫瑰和榛果味不太突出。開心果麻糬提拉米蘇 (+$48) 賣相一流，見到都開心！香滑嘅開心果忌廉芝士配上濕潤嘅手指餅、煙韌嘅麻糬、香脆嘅開心果碎和焦糖餅，美味的組合，用心之作！…查看更多

今日同朋友去咗觀塘呢間Plato Cafe & Bistro，裝修走工業風混合木系元素，柔和燈光加上寬敞卡座，傾偈打卡都好舒服，有部份位仲係貼住窗邊，chill and relax😍🥩二人套餐超豐富 ($458/兩位)▫️前菜：酸忌廉煙肉薯條粗身薯條炸得金黃脆身，灑滿煙肉碎同酸忌廉，邪惡但停唔到口！▫️湯品：法式蟹肉龍蝦湯 + 是日餐湯龍蝦湯超驚艷！濃郁得嚟帶蟹肉絲，飲到淡淡海鮮甜香；是日餐湯係甘筍雜菜湯，口感順滑～▫️主菜：🇦🇺澳洲肉眼牛扒 (7成熟)份量好大😳外層煎得焦香，切開呈完美粉紅色，肉汁鎖得住，牛味濃，配埋紅酒汁真係無得輸～🍝北海道帶子松露野菌蔥粉帶子煎到外脆內嫩，意大利寬粉掛滿松露醬，仲要係多汁，每啖都係享受！▫️甜品：開心果白朱古力心太軟流心效果澎湃！開心果醬混合白朱古力，甜而不膩配雲呢拿雪糕超夾～芝士蛋糕質感綿密，芝士味濃，作為飯後完美句號！☕️飲品：冰果茶（少冰少甜）＋ 青檸梳打果茶清新解膩，佢哋仲有好多款特飲，今次太飽就無order咁高質素嘅二人餐，喺觀塘區絕對係性價比之選！牛扒大件得嚟保持水準，環境又chill，已經bookmark定下次再encore～…查看更多

:) 2025年9月22日 (星期一) 3:00pm 34°C 菜式以歐陸西餐為主，體驗各國風味，招牌菜包括：西班牙黑毛豬鞍、安格斯肉眼牛扒及水牛城雞翼等。 除了經典的歐陸西餐，這裡還有一些別出心裁的創新菜式。比如黑松露芝士薯條，黑松露的香氣和芝士的濃郁，以及薯條的香脆，構成了一道讓人欲罷不能的美味！ 環境裝潢時尚，光亮整潔，餐具乾淨。 為慶祝 ※懶懶熊大聯盟※ 16週年，特地選擇此餐廳用膳。:) 人數：2 人 HK$211 提早一天用 Whatsapp 預訂座位 不用排隊 紅酒燴牛肋條配意粉 - 牛肋肉質軟腍，不算靱，茨汁濃郁，完全入味。麵條則偏硬，如果再煮多些時間會更軟滑，紅蘿蔔鮮甜。 黑松露野菌意大利飯 - 熱騰騰，香噴噴，蒜蓉味濃，配搭黑松露和菇菌，提昇精華，忌廉白汁亦濃厚，口感超絕，美味！【推介之選】❤❤❤ 香芒牛角窩夫配雪糕 - 質感有些乾硬，芒果肉不夠甜，整體味道一般而已。 自家製開心果味麻糬提拉米蘇 - 突破傳統概念，開心果碎具咬口，綠色色澤很美，質感幼滑，中間藏著麻糬，煙靱煙靱，底層是提拉米蘇，層次分明，使人喜出望外。【推介之選】❤❤❤ 餐湯 - 忌廉磨菇湯，十分濃郁，菌類攪碎，更易入口。 熱檸檬柚子蜜 - 酸酸甜甜，味道清新，適合秋季。【推介之選】❤❤❤ 熱英式奶茶 - 淡淡茶葉香，不會濃烈。 美式咖啡 - 咖啡香濃，醒腦提神。《 環 境 》：《 餐 牌 》：【 溫 馨 提 示 】：❶ 每款食品都是即叫即製❷ 另收加一服務費…查看更多

喺觀塘食飯行到去裕民坊就揀咗這間餐廳真係好多人，差一步就要等位，都食完出嚟都仲有人等位都係揀返平時食開嘅精選二人套餐，又抵食又啱食是日餐湯最初以為係蘑菇湯，原來係椰菜花湯，熱辣辣，味道溫和而濃郁，感覺都幾清新。 煙三文魚凱撒沙律份量都算好多夠兩個人食，裡面有一啲芝士同埋麵包粒，食落唔會覺得好酸，配埋煙三文魚鹹香味就更加好味。波士頓龍蝦汁意大利飯龍蝦汁濃郁鮮美，飯粒吸足醬汁而且保留咗爽口感，海鮮味足上面嘅開邊龍蝦，龍蝦身同埋係龍蝦鉗都好多肉，餐廳仲跟埋一個龍蝦夾俾我哋夾開龍蝦殼，都幾細心澳洲肉眼牛扒覺得好滿足好大塊share兩個人食都好滿足牛肉肉身夠厚，肉味濃郁牛扒仲配一個小焗薯，覺得好好，唔係一般淨係放啲薯條，小焗薯薯味好濃郁冰果茶，份量充足，底有椰果甜度同冰度都覺得係好合適重點係呢一個凍飲完全唔使另外加錢甜品可以揀芝士蛋糕或者Dreyers多啤梨雪葩或者朱古力雪糕。 我哋就揀咗朱古力雪糕比利時朱古力雪糕，朱古力味濃郁，甜度適中，完美口感最尾以Dreyer’s雪糕作為甜品收尾，雪糕香滑，甜度適中，完美平衡餐後口感，令人回味無窮。總體嚟講，Plato Cafe & Bistro嘅餐點整體表現出色，味道豐富，份量足夠，加上舒適環境同細心服務，絕對係觀塘區內值得推薦嘅餐廳，性價比高。服務方面都值得一讚，店員態度親切。…查看更多

平日貪人少少同老公去左觀塘裕民坊食飯拍拖，享受下兩人世界，最後揀左間西餐，原來中文意思係柏拉圖💕出面環境開始已經好有Feel！整體真係好正啊！叫左個二人餐，龍蝦湯好濃郁，食落有咬口；果茶啲百香果甜度啱啱好，Oreo奶昔奶味濃郁又順滑，前菜薯條又脆又夠熱，仲可以揀兩款醬，酸忌廉同番茄醬，而我最鐘意點番茄醬🥫。主菜真係出乎意料之外好好食，尤其係西班牙黑豬鞍架，因為西班牙豬唔洗煮到全熟，所以入口即化超嫩滑，仲鎖住咗肉汁，同埋配蘋果醬清新口感，可以一齊享受唔同層次嘅味道，沙律同沙律汁都好夾。龍蝦意大利飯食落滿滿龍蝦味，仲加咗龍蝦膏，味道同出面唔同，但有三色椒差啲想差評，點知三色椒處理得好好，竟然冇草青味！估唔到冇搶晒龍蝦味，最後係有食哂d椒。😂甜品雪糕窩夫外脆內軟綿密，唯獨芝士蛋糕有啲遜色，可能其他菜太出色啦。整體味道偏濃郁啲，但好岩我口味😍 之前食過其他分店嘅同款菜式，但係冇觀塘呢間咁驚喜，希望可以保持水準。服務態度都唔錯有禮貌，如果可以留意下客人杯主動加水就更好啦。連平時要求多多既老公都一路食一路贊！叫我要上黎打個食評😂 十分推介俾大家拍拖/朋友聚會🎈…查看更多