116
2
3
港鐵銅鑼灣站 F1 出口, 步行約4分鐘
繼續閱讀
電話號碼
26920233
90830805 (WhatsApp)
開飯介紹
高質壽司店，由日本直運新鮮食材製作廚師發辦。日式木系裝潢氣派十足，配上金黃色的燈光，明亮舒適，坐在壽司吧檯更可近距離觀賞師傅製作菜式。
繼續閱讀
營業時間
今日營業
12:00 - 15:00
18:30 - 23:00
星期一至日
12:00 - 15:00
18:30 - 23:00
以上資料只供參考, 請與餐廳確認詳情
有關獎賞計劃
食家推介
《鮨本 - 銅鑼灣》三月慶祝月仲未完😂今次又同車車 @kchelseapy 去左食好西啦😝呢間壽司店既出品十分高質，店內既壽司師傅好talkative 又風趣🫣成餐飯同匡師傅傾下計又食下野十分愉快🤓Lunch hour 既Omakase 套餐其實唔算好貴，比起晚市套餐足足平成一半，如果想食得化算啲既不妨於午市先黎食😉不過座位有限，記住book位呀💁🏻♀️今次我地兩個人都各選左不同既omakase set，價錢分別為$580同$780，唔同既係$780 set會再多兩款送酒前菜同埋一件卷物，客人可以視乎返食量而決定試邊一個套餐💁🏻♀️茶碗蒸第一次見咁豐富嘅茶碗蒸，入面有螢光魷魚、紫蘇葉、冬菇等重味嘅食材，一打開個碗已經聞到濃濃嘅海鮮味，仲有好清香嘅菇菌香，蛋味都好濃郁而且食落有層次，食材十分豐富，螢光魷魚軟滑得黎又唔腥，原來可以同茶碗蒸咁夾嘅💁🏻♀️馬友魚一夜干第一款酒肴前菜係烘到勁香脆嘅馬友魚一夜干，個皮脆到好似食薯片咁，好簡單嘅調味再配埋青檸汁已經可以帶出到魚嘅鮮味，馬友魚食落肥美又香口，入口魚油爆曬出嚟😉呢道菜要係叫$780個套餐先有㗎💁🏻♀️小長井華蓮蒸蠔 第二款酒肴竟然有蠔食，個名巨長😂不過因為佢味道好鮮而令我想記低佢個名，個蠔蒸到半生熟，師傅落左啲青檸汁同埋黑椒簡單調味，肉身軟滑有奶香，蠔汁鮮味而突出💁🏻♀️骨膠原鯛魚 第一件壽司個名好得意，原來養呢款鯛魚要用特定嘅飼料去餵魚，啲魚由細到大食含有骨膠原嘅supplement長大，所以可以做到肉身軟滑又彈牙，口感令人印象深刻，我依稀記得佢哋嘅Wasabi較平時食到嘅濃身，有回甘嘅效果💁🏻♀️深海池魚 接住落嚟係肥美肉彈嘅深海池魚，唔知師傅點樣處理過，感覺佢嘅質地比平時爽脆，但係同樣油香十足💁🏻♀️汁煮過嘅半熟帆立貝 帆立貝壽司上枱嘅時候令人眼前一亮，師傅用咗特別嘅刀工去切呢個帆立貝，令到帆立貝個肉可以掛滿醬汁，而個汁嘅味道好似鮑魚汁，原來係用咗帆立貝粒帶子去熬煮，食落特別香濃💁🏻♀️池魚頭先出現過深海池魚，之後又係池魚？🤔原來兩種魚係唔同品種來的，用咗師傅特製嘅香蔥調味提香，味道有點清新而又帶出到池魚既甘甜，好食👍🏻💁🏻♀️禾稈草煙燻春魚第一次食春魚，口感十分鬆軟，入口有煙燻木香，原來係用咗禾稈草去煙燻而成，味道好特別👍🏻💁🏻♀️半生熟尺竹海老食到咁上下，廚房另外一個師傅就拎咗香噴噴嘅燒蝦出壽司枱，我哋可以由頭到尾睇住壽司師傅處理個海老然後製作壽司🥰口感好得意，外面軟糯而入肉質彈牙🦐赤紅色嘅外皮同樣都好吸睛💁🏻♀️小肌 聽說閃令令外皮嘅魚一般都比較腥，但係呢個小肌就絕對冇腥味，不過魚肉嘅味道都幾重，有啲似沙甸魚嘅味道，可能因為師傅處理得好，所以成件壽司反而帶出咗更深層嘅魚肉味💁🏻♀️BB吞拿魚 🥹食咗人哋個BB，吞拿魚肥美肉香就係人都知，原來醬油漬左既吞拿魚BB個味道會同平時食到嘅咁唔同，肉質相對嫩滑少少同埋濃味d，算係比較稀有嘅部位💁🏻♀️北海道馬糞海膽 差唔多去到尾聲，梗係食重頭戲嘅北海道馬糞海膽🫶🏻師傅絕對冇慳住，每一件壽司都放滿鮮甜嘅海膽，紫菜十分脆身，包住醋飯同埋滿滿嘅海膽，一啖放入口滿足感爆棚💁🏻♀️鯖魚棒正當我回味緊頭先見海膽時，師傅已經切緊預先製作好嘅鯖魚棒，鯖魚刺身超肥，放入口中滿口都係油香，中間仲隱約食到不少配料，不過個重點都係騙脆卜卜嘅紫菜同埋肥到出汁嘅鯖魚🥹打破咗我對鯖魚味道嘅睇法，好好食😍可以話係當日壽司排名既top three💁🏻♀️中拖太卷呢一件太卷就要叫$780個套餐先有得食㗎，入面包住中拖羅、青瓜、蟹柳等食材，仲有自帶甜味嘅脆蘿蔔，口感豐富，就咁影相都已經好好睇😉睇得又食得💁🏻♀️白身魚湯食完晒壽司，店員隨即拎咗兩碗白身魚湯俾我哋，望落去奶白色好吸引，飲落有浸清香嘅豆乳味，creamy又濃郁，但係師傅話佢哋冇用到豆腐，只係用咗好多魚去做呢個湯，好surprise🤓飲完成身暖笠笠，好似飲咗好多膠原落肚咁💁🏻♀️江户前玉子燒&芝士味雪糕由我哋踏入餐廳嘅第一刻開始，就已經𥄫住放喺焗爐度嘅玉子燒，大大話話都見證住佢焗左成個半鐘，蛋香味超濃郁，有人第一眼見到就已經話想食晒成底玉子燒喇😝果然蛋香味十足，用咗超多雞蛋製作嘅蛋糕咁，食落濕潤而又好重蛋味，每人得兩件太少喇😭不過我哋仲有芝士雪糕，有啲似忌廉芝士嘅味道，作為呢一餐嘅結尾嚟講真係十分圓滿
繼續閱讀
難得同朋友聚舊，比佢發辦食乜好，佢話不如食omakasa，事關佢係發燒友黎，一個月試一間新野，猶疑左陣，算喇，我都好耐冇食，就捨荷包陪君子喇！經佢推薦黎到銅鑼灣，佢話呢間想食好耐我問佢點解成日食omakase佢話「每次食日式野，可以望住廚師精心處理食材，都覺得成件事好賞心悅目」或者omakase之所以咁多人中意，大家享受食材既同時，享受埋服務，依家係香港的確賣少見少佢話每間omakase既style都好唔同，同一款食材但經唔同師傅做出黎，成件事成個味道都會有好大差別，成晚就聽佢講左好多佢對omakase既心得睇法，同時我都不忘影低啲野食！難得食次好野當然要影吧XD好記得第一道係帆立貝，第一下食落去覺得好驚豔，肉質好似一絲絲咁好分明，咬落去爽到呢，係未接觸過既口感！之後到壽司，逐件逐件上，貝類比較多，而且啲貝類真係特別爽口，魚類亦冇乜腥味，而我就比較中意蝦類壽司，有件小白蝦同半生熟赤蝦都唔錯，爽口鮮甜，其他都有中上水準。驚喜在後頭，我未試過食海膽係甜到笑，今次佢做到了，同以前食過既馬糞海膽比，果啲真係不值一提，唔影包裝是不行的！個玉子燒好似蛋糕仔咁，做到外脆內軟，軟係鬆軟果種軟。最後仲有甜品同個湯，整體黎講今餐好滿足，師傅手勢好，壽司岩食，有驚喜位，環境乾淨企理，仲有個朋友幫我做omakase解說專員XD
繼續閱讀
1249 瀏覽
早陣子去日本玩足10日，飽嘗美食。回港之後有一段時間未食過壽司，今日終於忍唔住口，去銅鑼灣食午市 omakase，揀了未試過的【鮨本】。位於銅鑼灣渣甸街的「亨環」，除了一組16個位左右的壽司吧之外，還有一間VIP房。星期日午膳時段全店滿座，沒有刻意分開兩個時段，只做一輪生意。餐牌只有兩款午餐omakase。問了服務殷勤的壽司師傅，原來尚有一個隱藏餐牌，共有四至五款和食，主要都係和牛、鰻魚，以滿足少數不吃壽司客人的需要。揀了10貫壽司（$580）。沒有沙律、前菜、酒餚，第一道菜就是茶碗蒸。芡汁有很多蟹肉碎及蟹黃，又加了幾粒碗豆點綴。蒸蛋稀稠程度恰到好處，幼滑、但沒有水汪汪；入口暖胃，蛋黃濃郁，鰹魚高湯調味啱啱好。壽司環節開始前，師傅放下一小碟漬物：蘿蔔及薑。兩者都是切粒而非薄片，一向較喜歡切粒漬物，爽脆口感更勝切片。彷彿 味清淡。寧可吃白身魚，例如鯛、鮃、鰈，味道反而更清新，亦有更佳口感。池魚 一向喜歡吃池魚，但魚味未夠濃郁，缺少了池魚應該有的賣點，有點失望。帆立貝 很大的一片，原本以為是平貝。軟綿，鮮甜。正常水平，未算突出。梭子魚 只輕輕火炙的魚皮有少許香脆，要細味才能嚐到魚皮的香脆。魚皮下的油份溶化後滲入了魚肉，由於梭子魚肉質鬆散，吸收了魚油後有入口即化的效果。去到第四件壽司，終於步入佳景。時不知野生鮭 鮮橙色的賣相有別於常見的大體型三文魚，亦沒有一般三文魚的白色粗脂肪紋。席前即時用醬油稍為浸漬，入口軟嫰、順滑，油脂豐富；並非一般三文魚的結實質感可以媲美。石垣貝 並非來自石垣島的石垣貝，貝味濃，但有少少貝腥。原隻石垣貝的肉質有不同層次，整體而言偏軟身，貝頭肉質較為爽口彈牙，貝身就更柔軟及軟綿，有點似蜆肉。特點在於口感較為複雜，但更喜歡象拔蚌的爽口及響螺的爽脆彈牙。鰹魚 經過和桿草煙燻處理，魚皮有少少焦香味。魚肉的煙燻香氣相當濃烈，肉質鬆化，油份低；魚味突出。赤蝦 望著師傅從廚房拿出剛剛蒸熟的生赤蝦，即時浸冰水降溫、剝殼，然後造成壽司。很少見（這個價位）午市omakase會如此認真處理熟蝦壽司。蝦肉大概五成熟，外軟內綿、微温暖，蝦味鮮，冇渣。始終是赤蝦，生蝦肉質的爽口彈牙及熟蝦肉質的結實，及不上花竹蝦；但仍然好味過普通熟蝦壽司。海膽 採用北海道厚岸水產商的海膽，但水產商只係加工單位。日本的水產商很多時候都會標籤海產食品的原產地，這盒海膽也沒有例外；木盒上註明原產地係「ロシア」，即係 Russia (俄羅斯)。好多人都話北海道最好味嘅海膽來自利尻、禮文兩島，到底同北海道其他漁港撈獲嘅海膽是否有分別？小編冇機會同一時間品嚐，很難下判斷。但就覺得，一般北海道產海膽同俄羅斯產海膽（如果係同一品種），味道應該不會有太大分別 - 因為都係來自同一海域嘅北太平洋鄂霍次克海；但就肯定好味過韓國或大連海膽。望見每瓣海膽的大小、顏色皆相當一致，係優質貨色。味道鮮甜，入口甘甜；雖然未算很濃郁，勝在有淡淡回甘，沒有腥澀。中とろ 壽司吧盡頭有個熟成櫃，用來熟成おトロ。午市價位的 omakase 當然沒有高質熟成おトロ，換上了普通中とろ。油脂雪花紋唔明顯，只呈淡鮮紅色；但入口原來油脂豐膄，既有油花，又有酸度平衡的金槍魚肉鮮味。玉子 驚喜之作，出色的玉子，很久沒有吃過如此出色的玉子！原個玉子壽司新鮮出爐，當然要打卡影相！當然不是普通玉子，全部用雞蛋、蛋白、蝦膠、魚湯制作，不含任何麵粉，打發起泡後焗制成形，好似蛋糕一樣。切成丁方後可以觀察到質感綿密，如同海綿蛋糕一樣。入口結實，但咬落軟綿；蛋香蝦香混為一體，原來有蝦味嘅玉子可以咁好食！鮮螺肉清湯係有心之作。湯清而不油膩，味鮮而不過濃；啖啖都係海鮮味，難得又沒有貝類海產的過鹹及臊腥。以開心果雪糕作為完結。甜度適中，但果仁香氣稍為偏淡。魚料新鮮，師傅技巧及刀功相當好。師傅雖然不會主動同客人攀談，但如果客人問及香港的 omakase 質素及食材問題，師傅非常樂意分享及解答，整體用餐過程賞心悅目。
繼續閱讀
環境好好～～好啱慶祝生日刺身1.岩鹽青檸石鯛魚配海膽魚肉好爽配埋海膽味道勁濃郁，超好食！2.平貝配紫菜師傅特登煎過貝類先再配紫菜，生熟程度啱啱好，食落去超好食呀！3.馬友魚一夜乾好脆嘅魚皮，魚肉就keep住都係好嫩滑！4.蟹味道好濃～～師傅建議我哋食咗蟹鉗！再將蟹膏撈埋蟹肉！5.慢煮鮟鱇魚乾壽司1.魷魚食落去好Juicy！2.煙鱒魚醬油漬同平時嘅煙鱒魚好唔同，味道就好creamy！3.炭香黑目魚一入口超香嘅炭香味，令人食慾大開！4.鳥貝係勁大隻！入口成口都係鳥貝肉～～好滿足呀！5.馬糞海膽好大板嘅馬糞海膽！滿到就嚟到倒瀉出嚟啦～～師傅超級大方，擺咗好多落去每一個人嘅壽司度～～～！6.吞拿魚魚骹位好少食呢個位置嘅吞拿魚，感覺味道都唔錯！7 .華漣好耐冇食過華漣，都係我其中一隻好鍾意，好creamy，口感好豐富既蠔！今次食埋佢嘅壽司！師傅好細心，將蠔切成一半再包壽司醋飯，簡直係一流～～！8.海鰻丸入口即溶嘅感覺，令人回味無窮！最後有京畿雞湯，好濃郁！作為甜品嘅南瓜布丁都超級出色！布丁味同南瓜味都match得超好！
繼續閱讀
午市嘅廚師發辦分別係$580及$780!✨螢光魷魚茶碗蒸茶碗蒸嫩滑到吹彈得破... 上面仲放咗三條非常可愛嘅螢光魷魚... 顏值滿分!✨馬友一夜干 馬友表面燒得香脆... 食落鹹香肉嫩!✨北海道慢煮鮟鱇魚肝 完全冇腥味... 嗒真仲好順滑㖭!✨壽司🍣石門鯛 - 油份重... 感覺口入即化!🍣天然深海池魚 - 鮮味嘅白身魚... 清爽帶甜!🍣北海道櫻鱒魚 - 用醬油醃漬過... 口感香滑... 有豐富油脂!🍣北海道北寄貝 - 加咗柚子皮喺入面... 好夾... 冇貝類刺身嘅腥味... 食落好清新!🍣佐賀關關池魚 - 肉質鮮嫩肥美... 脂厚油香... 入口魚油甘香細膩!🍣赤足海老 - 半生熟嘅紅蝦肥美又爽口!🍣赤身醬油漬 - 吞拿魚身... 冇筋、好滑!🍣燒太刀魚 - 即係我哋所講嘅牙帶道... 好厚身... 燒完肉質嫩滑!🍣野生中拖羅 - 油花精緻... 香氣四溢!🍣赤馬糞海膽 - 味道濃厚甘甜!🍣干飄 - 經過慢煮、炒乾嘅葫蘆瓜... 香甜簡樸!✨江戶前玉子燒 超驚喜! 唔講仲以為係古早味蛋糕... 原來呢款玉子燒係用咗蝦肉、淮山、雞蛋去整... 完全無麵粉、食落冇粒感... 完全似是蛋糕口感... 但帶海鮮嘅鮮味!✨雪糕/咖啡以雪糕或咖啡為呢餐廚師發辦劃上完美句號!
繼續閱讀