鮨山月

一直都好期待嘅 omakaseee～今日終於嚟到銅鑼灣呢間高質日料店，午市套餐超豐富，每一道菜都係藝術品咁靚，味道仲令人回味無窮！前菜 茶碗蒸し（Steamed Egg Custard） 蟹肉白飯魚蒸蛋，滑溜、鮮味四溢。-つまみ 4品（四款前菜）右口魚配柚子酸汁柚子酸汁清新提味，令魚肉更顯鮮甜；鰆魚配醬漬洋蔥：魚肉鮮甜，洋蔥微酸，清新醒胃。 凡立貝：超大粒炙燒貝，焦香撲鼻，鮮嫩多汁，好香口！鱈魚白籽配酸汁碎蔥：入口即化，冇腥味，清爽得嚟好滑。🍣 十貫握壽司匯聚海洋精華深海池魚滑溜清爽；赤貝爽甜彈牙；鰤魚與拖羅入口即化，油脂豐厚。炭燒銀鱈魚焦香撲鼻；鯖魚棒脆別緻有層次；秋鮭鮮香滑順；燒右口魚魚邊焦香迷人；池魚緊緻清新。壓軸三文魚籽配北海道海膽，鮮甜美味爆發，極致享受。卷物碎拖羅卷油脂豐富，滿滿一整支碎拖羅卷，超滿足。湯品 暖暖地收尾，味道細膩。デザート甜品 可以揀咖啡或甜品，午市整杯咖啡真係完美～醒神…查看更多

趁住Weekend去Chill下，今次同屋企人去咗「鮨山月」食Omakase，於木質餐桌前望住廚師手握精緻壽司，非常滿意，整體體驗一流，推廣壽司控必試！*此餐廳收取全單10%服務費。Omakase Lunch 壽司10貫套餐（一人$880），茶碗蒸，花咲蟹白飯魚新鮮海苔蒸蛋，口感滑溜，食落鮮味十足。主菜四品（跟餐$0），右口魚鮫魚配柚子醋，味道清爽；角切赤貝刺身，採用秋田產蓴菜、秋葵、昆布、青瓜點綴，口感更加豐富，味道清新；炙燒帶子，肉質非常厚肉、食落帶有一絲絲口感，已預先使用醬油醃過，然後，微微炙燒，配以紫菜食用，好滿足；炭燒鰆魚配燒洋蔥粒，鰆魚經過炭燒之後，肉質魚皮微脆、魚肉嫩滑，油脂被逼出，配以帶薑味的食用花、小菊食用，可以中和油膩感。壽司十貫（跟餐$0），深海池魚壽司，食落好新鮮；甜蝦昆布漬壽司，甜蝦切碎之後，加入蝦膏拌匀，再加上昆布醃漬，雙重蝦味享受；炭燒刺身級銀鱈魚壽司，帶有煙燻味道，食落好香口；秋鮭壽司，肉質厚嫩；鯖魚棒壽司，採用昆布包裹住鯖魚、烤洋蔥、白飯，意想不到的配搭；吞拿魚赤身壽司，赤身色澤紅艷，肉質沒有筋位，口感軟嫩；大拖羅吞拿魚腩壽司，色澤粉嫩，脂肪分佈均勻，油脂味濃；池魚壽司，配以蔥薑醬食用，食落有點類似中式蔥油雞的味道；香蔥右口魚鮫魚裙邊壽司，炙燒之後，食落入口即化；三文魚籽海膽蓋飯，海膽份量多，味道鮮甜，自家醃漬三文魚籽食落沒有腥味。卷物（跟餐$0），吞拿魚蓉手卷，表面鋪滿吞拿魚蓉球，內有吞拿魚蓉、青瓜、日式醃黃蘿蔔，而手卷內吞拿魚蓉、白飯為一比一比例，由頭到尾都充滿吞拿魚蓉。麵豉湯（跟餐$0），內有剪腳滑子菇、香蔥，味噌醬味道較為輕盈，清淡的湯品可以有助去除油膩感、幫助消化。前菜（跟餐$0），包括有柚香漬白蘿蔔、甜酸薑片。甜品（跟餐$0），開心果雪糕，口感幼滑，內有開心果果仁碎末，略嫌奶味稍為蓋過開心果味道。抹茶（跟餐$0），茶味濃香。…查看更多

簡約日式和風裝修，開放式L型吧枱，坐每個位都可以望到師傅處理食材，可以同朋友一邊傾計一邊享受美食。成個用餐體驗都好享受，食材新鮮高質，從食物中的配搭創作，感受到師傅們的心思，呢間鮨店真係好高質！🔶茶碗蒸： 蟹肉+白飯魚+新鮮海苔的蒸蛋，口感滑嘟嘟。🔶前菜四品：◻️平政刺身｜清甜爽身，配柚子醋吃很開胃◻️赤貝｜配搭青瓜、秋葵粒，用鹽漬昆布調味，加埋一齊食個口感似海洋版啫喱。◻️醬燒帆立貝｜帶子超厚肉，包住紫菜食，幸福感爆棚☺️◻️煙薰鰆魚｜ 洋蔥粒的甜味令鰆魚鮮甜更昇華🔶手握壽司10貫：◼️深海池魚｜爽脆清甜◼️秋鮭｜油脂豐富，喜歡油香溫柔地化開。◼️甜蝦｜完美運用埋蝦油蝦膏做出這個鮮甜無比◼️炭燒銀鱈魚｜備長炭燒出焦香邊，入口即化◼️鯖魚棒壽司｜夠紥實，醋漬平衡，很有特色◼️吞拿魚赤身｜醬油醃漬過更帶深層韻味◼️大拖羅｜油脂甘香，食完回味無窮◼️池魚｜配薑蔥蓉食幾清新◼️右口魚裙邊 ｜炙燒後迫出油香，邪惡又肥美◼️馬糞海膽三文魚籽｜海膽creamy，三文魚籽卜卜脆，雙重鮮味爆擊！🔶卷物：吞拿魚蓉手卷｜最後仲有塞滿餡料好大條嘅吞拿魚蓉手卷，好飽好滿足！🔶湯：味噌湯｜食完咁多壽司飲返碗熱湯暖胃又暖心。🔶甜品：開心果雪糕｜開心果味好香，食完個口仲有餘韻，完美句號🍨…查看更多

Weekend梗係要去Relax下☀️所以約埋朋友去氛圍舒服嘅「鮨山月」食Omakase👨🏻‍🍳享受師傅所準備嘅細膩味覺之旅😌 .⚠️此餐廳收取10%服務費💰.Omakase Lunch🍽️套餐$880💰.茶碗蒸🥚套餐包含💰花咲蟹白飯魚海苔蒸蛋🦀蟹肉配新鮮海苔芡汁，入口滑溜鮮美😛.主菜四品🌊套餐包含💰右口魚鮫魚配柚子醋🍊酸香醒胃😉赤貝刺身配上秋田產蓴菜🇯🇵秋葵、昆布、青瓜🥒清新爽脆💦帶子🐚超級厚肉😍用醬油醃過後輕輕炙燒，幸福感滿滿🥰炭燒鰆魚配燒洋蔥🧅再加上帶薑味嘅食用花同小菊💐🌼味道鹹甜惹味😋.壽司十貫🍣套餐包含💰深海池魚壽司，肉質緊緻🐟甜蝦昆布漬壽司🦐甜蝦切碎後，同蝦膏混合一齊，再加上昆布醃漬😗蝦味香濃Creamy💯炭燒銀鱈魚壽司，帶淡淡煙燻味道🔥秋鮭壽司，入口軟綿👍🏻吞拿魚赤身壽司，赤身粉嫩😊大拖羅壽司，脂肪紋理平均，入口即化❄️池魚壽司，刺身上放上蔥同薑整嘅醬🌱三文魚籽配海膽壽司🧡三文魚籽醃製後無腥味😱海膽濃郁鮮甜🤤鯖魚棒壽司🍙鯖魚外層以昆布包圍，融合得好好😙右口魚鮫魚裙邊壽司，火炙後油脂大爆發，超邪惡😈.卷物🍘套餐包含💰吞拿魚蓉手卷🐠食到底都仲有吞拿魚蓉😬.麵豉湯🥣套餐包含💰加入了菇菌🍄‍🟫麵豉味道較輕盈☺️.前菜🥢套餐包含💰有柚子蘿蔔🥕酸薑🫚.甜品🍮套餐包含💰開心果雪糕🍨…查看更多

今次去到鮨山月食午市 Omakase，氛圍好舒服，節奏慢慢來，好似一場悠閒又細膩的味覺旅程 😌開場先係茶碗蒸，口感又滑又香，帶住淡淡嘅高湯鮮味，入口暖入心，好快就放鬆咗😚 之後嘅前菜四款都各有特色，鮫碟魚襯上柚子醋清爽開胃，干燒目光魚略帶焦香又鹹香十足，燒帶子嫩滑 juicy，一咬落去就覺得幸福感滿滿 🥰最後嘅子池香魚則有少少油脂同微妙嘅苦香，令味道更有層次😋 嚟到壽司十貫，可以話係整頓午餐嘅重點❤️ 由深海池魚開始，口感緊緻鮮甜，跟住嘅野生秋鮭脂香平衡得剛剛好 🐟碳燒銀鱈魚帶住淡淡炭香，入口又濃又香🥰 而甜蝦昆布漬就鮮嫩清甜，加埋昆布旨味特別突出 🍤中拖羅同大拖羅油脂分明，入口即化，好治癒 🥹鯖魚押壽司用咗關西風，酸香、魚鮮同米飯紮實感融合得好靚😘 最後嘅火炙左口魚同海膽配醃三文魚籽，炙燒香氣同濃郁海味為呢趟旅程劃上完美句號👍 尾聲有一碗清爽湯品，幫味蕾清理返乾淨，再嚟一杯咖啡 ☕由濃烈變返平靜，好似將整個體驗收成一個舒服嘅圓🤗 鮨山月嘅午市唔浮誇，但每一口都感受到主廚嘅心思同對食材嘅尊重，成個體驗好自然、好細緻，係一頓會令人想慢慢回味嘅餐😋 …查看更多