影片
開飯介紹
佐賀人氣燒肉店登陸香港，由日本直運九州產的A5黑毛和牛，當中的稀少部位更加鮮嫩美味。座位闊落，環境舒適，適合和家人或朋友聚餐。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
呢晚收工後，同老婆去行沙田新城市Dino Park，之後去食燒肉，餐廳水準依然👍🏻。🍽️大判燒！黑毛和牛西冷 $178每次嚟食都必嗌和牛西冷，店員幫手燒，火喉十足，燒得好惹味😋🍽️黑毛和牛裏腹小排 $188牛肉好香，油脂分佈平均，唔覺得好肥膩，食完想encore🙈🍽️石燒肉泡菜鍋飯（免治雞肉使用） $88熱辣辣石鍋飯香噴噴，有多款配料，令泡菜飯味道豐富，免治雞肉偏咸，啱晒鍾意重味道嘅人。🍽️星期三 海鮮拼盤 $108星期三有海鮮拼盤，比起海鮮盛合 $168優惠 （份量相異），但已經足夠2-3人享用，烏賊同海老優質。🍽️七味豆腐鍋$76呢個鍋味道豐富，既有豚肉嘅甜味，同泡菜嘅酸辣味，好開胃，雞蛋同豆腐零舍滑嫩，好出色👍🏻🍽️宮崎黑毛豚香腸 $68香腸經煙燻處理，老婆好鍾意食🤣🍽️冷麵（小）$38睇落平平無奇，食落有小驚喜！泡菜湯酸味味，好開胃，啱夏天食😆而且性價極高，午市嚟食個冷麵加燒肉都唔錯👍🏻🍽️雜茸錫紙包$68🍽️醃鱈魚胃袋 $58🍽️凱撒沙律 $58🍽️巨峰提子乳酸梳打$42🍽️四周年優惠：火炙黑毛和牛壽司☺️📍YAKINIKU KAKURA (新城市廣場一期) (沙田)沙田沙田正街18-19號新城市廣場一期7樓701號舖
繼續閱讀
📍 YAKINIKU KAKURA今次黎到呢間日本九州過江龍既人氣燒肉店，位於沙田新城市廣場7樓，餐廳環境舒適，座位好闊落，設有四人同六位卡枱，好適合聚會😍近期推出左大判燒🥰黑毛和牛西冷！亦都係海外店限定，一定要黎試試佢😆🌟大判燒•黑毛和牛西冷！$178期間限定既產品～一上枱既時候已經見到一大片，係高級嘅黑毛和牛🤩肉眼可見和牛紋理清晰，雪花油脂好平均；然之後可以請店員幫手燒，每邊燒咗幾秒嘅時間就已經食得，火候控制得啱啱好！配埋日本溫泉蛋一齊食，和牛入口即溶😋完全理解得到點解係皇牌🌟黑毛和牛腹柳小排 $148柳小排係厚切，一共有五大片～因為係厚切，所以食落相對有口感；油脂明顯比較重，入口Juicy😈牛味濃郁，佢特製嘅醬汁好唔錯，雖然偏鹹，但啱曬重口味嘅我🌟蔥塩味上牛舌 $138牛舌必食！！！食落超級爽口，比平時食開嘅牛舌再品質好少少，輕輕燒一燒就食得，基本上食親燒肉一定會食牛舌😋🌟黑毛和牛上肋骨中肉 $198造型好特別，用咗個日式瓷壺裝住啲肉🫢完整成條上肋骨中肉咁上枱，同時亦都好厚身！牛肉嘅質地偏鬆軟，剪成一片片就食得啦；呢個有數量限定，賣曬就冇㗎啦😣🌟海鮮拼盤 $178一共有三款海鮮：巨型海蝦、帶子同埋魷魚～海蝦真係有成隻手掌咁大🖐️蝦肉偏爽口；帶子都好唔錯，大粒之餘又好鮮甜！🌟石燒肉泡菜鍋飯 $88連石頭鍋飯都好有驚喜！加入咗好多唔同嘅配料，大概有紫菜、泡菜、芽菜等腌菜，開胃之餘，泡菜又會太辣；份量多到兩個人都食唔曬～🌟檸檬威士忌梳打 $58食燒肉飲酒係最佳選擇😋一洗返工既辛勞🫢威士忌嘅味重嘅，唔會話溝到好淡～加埋檸檬就會比較fresh啲🌟 巨峰提子乳酸梳打 $42相對比較健康啲，飲得到提子嘅味道～比較解渴⭐️好味指數：10/10📍 YAKINIKU KAKURA (新城市廣場一期) (沙田)沙田沙田正街18號新城市廣場一期7樓701號舖#沙田 #YAKINIKUKAKURA #燒肉 #日本過江龍 #大判燒 #黑毛和牛西冷 #黑毛和牛腹柳小排 #黑毛和牛 #海鮮拼盤 #石燒肉泡菜鍋飯 #蔥塩味上牛舌 #牛舌 #Wagyu
繼續閱讀
放假又四圍去覓食，突然心癢癢，又想食燒肉，決定去沙田「YAKINIKU KAKURA」，食好西。😋餐廳使用QR code點餐，是日選擇：1️⃣黑毛和牛大判燒拼US牛板腱肉🔸沙律、餐湯、小食、甜品🔸巨峰提子乳酸梳打（加20元）🍽大判燒濃厚肉味，有咬勁，肉質嫩、有彈力，仍可保持肉汁。US牛板腱脂肪較少，有咬口。2️⃣日本若雞盛合🔸 沙律、餐湯、小食、甜品🔸白桃提子乳酸梳打（加20元）🍽不同部位的雞肉，配搭醬汁，更可提升風味。3️⃣黑毛豚無骨小排🍽脂肪分布均勻，燒烤後，表面焦香，內裡鮮嫩。4️⃣雞腿🍽嫩滑的雞腿，令人食完想再食的感覺！5️⃣帆立貝🍽新鮮帆立貝，加上牛油香氣，瞬間清晒！
繼續閱讀
高質日式燒肉店，位於沙田新城市廣場7樓701號舖，主打日式燒肉，店舖寬敞整齊以卡位為主，最啱一班朋友食燒肉暢談，落單點選了多款肉食、海鮮、冷麵同乳酸梳打特飲。大判燒！黑毛和牛西冷，油花豐滿均勻，遇火即時油香四溢，加入溫泉蛋更滑，一點都唔覺油膩，非常軟滑好食。壺漬KAKURA牛胸腹肉，厚切牛胸腹肉放入壺中上枱，整件牛燒再用剪刀分割，保留豐富肉汁，有驚喜。牛板腱肉同腹前小排油脂相對較少，但肉質都好好，黑毛豚脛肉有豐富油脂，肉質爽彈。海鮮拼盤包含3隻巨大海蝦，另有魷魚片同帆立貝，份量好足夠三人分享，各樣海鮮亦新鮮美味。冷麵酸酸甜甜好涼爽，仲加入泡菜、蛋等配菜，好食。最後餐廳送上每人一客甜品，一件雪米糍加一杯杏仁豆腐，滿意。
繼續閱讀
喺大時大節嘅時候，和屋企人一齊享受一頓美味嘅日式燒肉，真係最佳選擇！🤭我屋企附近有間一直想試嘅日式燒肉店，今次剛好遇到期間限定嘅優惠，於是我哋就決定一齊去品嚐🤩佢個優惠仲要每日唔同😚E間店嘅裝修好寬敞舒適，令人覺得放鬆，同埋都唔會聞到有燒肉嘅味道，抽風做得好好👍🏻菜單上最吸引我嘅係佢哋嘅和牛🤩特別係來自佐賀嘅高品質和牛🥳🌸大判燒黑毛和牛西冷，肉質彈牙，咀嚼時有十足嘅嚼勁，搭配少少海鹽，更加突出肉嘅鮮味😋🌸黑毛和牛腹前小排，肉質鮮嫩，油花分佈均勻，咬落去時，肉汁即刻喺口中散開，帶住濃郁嘅肉香，真係令人陶醉😎🌸華味鳥嘅雞肝滑順得如奶油，入口即化，伴隨住微微嘅鹹香，令人無法抗拒🌸雞胸腹肉則有淡淡嘅甘甜，口感鮮嫩，食完真係好滿足。🌸腹柳小排嘅油脂豐富，食上一口簡直係享受🌸塩味牛舌就係另一番風味，嫩滑嘅口感中帶住淡淡嘅鹹味，令人回味無窮🥳🌸和牛搭配埋佐賀紫菜飯，米飯嘅香氣同海苔嘅鮮味形成絕佳對比，仲加埋蛋香同秘制醬汁令整餐更加豐富🤤我哋仲叫咗杯可樂，清爽嘅氣泡感同肉類嘅濃郁味道相得益彰🤩🌸甜品方面，雪見雪米糍外皮柔軟，內裡嘅雪糕香甜可口，杏仁豆腐則清新滑口，微微嘅杏仁香氣真係令人心情愉悅😍
繼續閱讀