YAKINIKU KAKURA (新城市廣場一期)

營業中

休息中

呢間餐廳提供九州產極上A5等級黑毛和牛，經佐賀縣農業行會認證💮仲有唔少罕有牛肉部位作燒烤🐃💗壺漬 KAKURA牛胸腹肉 ($138)原塊牛胸腹腍滑細嫩，肉味濃厚且油脂豐厚，醬濃香甜🍖💗黑毛和牛肉橫膈膜 ($188)牛橫膈膜肉質相對鮮嫩有嚼勁，脂肪少且肉味特別濃🐮💗黑毛和牛腹柳小排 ($148)腹柳小排油花分佈均勻，肉質軟嫩細膩，油脂香四溢🥩💗蔥塩味牛上舌 ($128)薄切牛上舌脆嫩爽滑，以蔥鹽醬調味更香濃惹味👅💗海鮮拼盤 ($178)海老選用刺身級，蝦身大隻爽口，蝦鮮味濃🦐；帆立貝同樣選用刺身級，以牛油調味，肉厚鮮甜🐚；烏賊𠝹花厚切，煙韌爽彈🦑💗冷麵($72/ 大)冷麵煙韌彈牙，味道清爽酸甜；配以熟蛋、泡菜、芽菜、青瓜絲、牛蒡，有助消除燒肉油膩感🍜💗佐賀紫菜飯 ($48)佐賀日和米飯粒粒煙韌飽滿，連同紫菜、温泉蛋、燒肉汁拌勻，每一啖都非常惹味🍚✨晚市送上甜品盛盒- 杏仁豆腐、雲呢拿雪米糍

提早同男朋女食情人節晚餐。佢揀左依間近我公司，係#沙田 嘅 #日本燒肉 店 @yakinikukakurahk 食#燒肉 。佢嘅位置係#沙田新城市廣場 七樓。七樓岀面有個超靚嘅 燈光#空中花園 。入面都有唔少情侶係到🤣講番燒肉先，我地目標明確，就係要食#黑毛和牛 ！所以就叫左個 雅 嘅和牛套餐$998。個套餐入面有唔同嘅和牛部位，包括上肋骨中肉，腹前小排，橫膈膜肉，牛胸腹肉，牛舌，仲有重頭戲180G 嘅和牛西冷。💋和牛西冷肉味同和牛油香味嘅終極配合，厚身西冷肉加上油花滿滿又平均分布，每咬一啖都爆岀濃濃肉味嘅同時超軟滑。一點兒肉筯都冇。💋牛舌不是誇張，真係食過最好食嘅牛舌。係其他燒肉店食嘅牛舌好多時都偏紅色，係牛舌嘅前端，味道相對失色。但呢到嘅牛舌，你一睇就知好新鮮同偏粉色。因為佢係偏牛舌嘅根部，愈近根部愈多油脂。食落爽口得黎係好香。💋牛胸腹肉牛胸腹，即係牛版五花腩肉。肉質相對結實同時油脂十足。係最濃肉味嘅一款，口感軟嫩帶有嚼勁。💋 橫膈膜肉每隻牛可以取下嘅橫膈膜肉並唔多，大約只有6公斤。所以唔係間間燒肉店都有得食。今次亦係我第一次食。因為係內臟肌肉，所以口感幾獨特。真係要試過先知係點！

之前去過其他分店覺得質素好好，所以今次專誠到沙田既新開分店，品質依然keep到。鹿兒島和牛他他 雞蛋黃、蔥粒、洋蔥、紫菜拌勻後，再加入調好的醬汁，和牛肉質鮮嫩，入口即溶。除咗和牛軟滑口感，加入松子仁，食時特別香口，亦增加了解香脆口感。黑毛和牛厚切西冷和牛西冷真係厚切，有180G重，份量真係唔少，油花分佈均勻，口感非常非常軟滑，肉味很濃郁，有入口即溶感覺! 另外再配及雜錦蔬菜，南瓜、洋蔥、冬菇同雞脾菇。黑毛和牛腹前小排 油花很豐滿，用大火將肉燒到少少燶邊，香口美味，亦都入口即溶，口感幼滑。冷麵 朋友就叫白飯配和牛食，我就叫咗碗細的冷麵，配菜很豐富，冷麵凍凍的味道帶少少酸令人很開胃。