YAKINIKU KAKURA (新城市廣場一期)

營業中

休息中

之前食過YAKINIKU KAKURA另外兩間分店，今個月又心思思拉埋奴才爸再去食😋😋呢間分店係沙田市中心入面，仲有架𨋢直接上到七樓tim，幾方便易搵👍🏻番茄沙律🍅番茄夠甜夠新鮮，上枱仲凍凍地，點埋沙律醬甜甜酸酸好開胃😋大判燒！黑毛和牛西冷🥩呢個係每次都必叫，西冷薄切大火係爐上燒一燒辣一辣，逼出油脂之餘微微焦香更帶出和牛香氣🐃😌黑毛和牛腹前小排🐃咁多款和牛之中油脂最重，睇落好鬼似大拖羅🤣🤤呢個部位既和牛要燒熟啲焦啲，將油脂揮發留下濃濃既牛味😋黑毛和牛特上嫩肩里肉🐃咁多款和牛，呢款肥瘦最均勻，有齊油脂香同較濃郁牛味😋一樣都係燒香帶微焦，一片牛肉有齊和牛口感、油脂香同濃郁牛味，大推🙌🏻壺漬 KAKURA牛胸腹肉🐃呢款壺漬胸腹肉最深得我心，雖然有雪花紋既牛入口即溶係正，但我最愛都係胸腹肉ハラミ既口感同超濃既牛肉味🤤🤑 人均消費：～$500🤩 推薦指數：7.5 / 10📍 餐廳資料：YAKINIKU KAKURA (新城市廣場一期) (沙田)沙田沙田正街18號新城市廣場一期7樓701號舖

大判燒!黑毛和牛西冷 $178招牌菜，值得一試。油花靚，輕燒過後，配埋日本溫泉蛋，口感好嫩滑，入口即溶。如果想火喉恰到好處，可以搵職員代燒。壺漬 KAKURA牛胸腹肉 $138壺內裝住長長既牛胸腹肉，本身已經調左味，配埋洋蔥一齊燒，好夾。鹿兒島和牛他他 $128生牛肉肉質更鮮嫩，軟綿綿既口感，撈勻醬汁，好正😋蔥塩味牛舌 $98簡簡單單既調味，更加食到食材既品質，口感夠爽，有嚼勁。辣牛肉湯 $88石鍋上，一開頭熱辣辣，小心熱親。好多片牛肉，而且唔會好辣。佐賀紫菜飯 $48食燒肉絕對要配埋紫菜飯，將蛋汁、紫菜同白飯撈埋一齊，仲搭配燒肉😗😗

呢間餐廳提供九州產極上A5等級黑毛和牛，經佐賀縣農業行會認證💮仲有唔少罕有牛肉部位作燒烤🐃💗壺漬 KAKURA牛胸腹肉 ($138)原塊牛胸腹腍滑細嫩，肉味濃厚且油脂豐厚，醬濃香甜🍖💗黑毛和牛肉橫膈膜 ($188)牛橫膈膜肉質相對鮮嫩有嚼勁，脂肪少且肉味特別濃🐮💗黑毛和牛腹柳小排 ($148)腹柳小排油花分佈均勻，肉質軟嫩細膩，油脂香四溢🥩💗蔥塩味牛上舌 ($128)薄切牛上舌脆嫩爽滑，以蔥鹽醬調味更香濃惹味👅💗海鮮拼盤 ($178)海老選用刺身級，蝦身大隻爽口，蝦鮮味濃🦐；帆立貝同樣選用刺身級，以牛油調味，肉厚鮮甜🐚；烏賊𠝹花厚切，煙韌爽彈🦑💗冷麵($72/ 大)冷麵煙韌彈牙，味道清爽酸甜；配以熟蛋、泡菜、芽菜、青瓜絲、牛蒡，有助消除燒肉油膩感🍜💗佐賀紫菜飯 ($48)佐賀日和米飯粒粒煙韌飽滿，連同紫菜、温泉蛋、燒肉汁拌勻，每一啖都非常惹味🍚✨晚市送上甜品盛盒- 杏仁豆腐、雲呢拿雪米糍