影片
港鐵旺角站 E1 出口, 步行約1分鐘
繼續閱讀
電話號碼
35650737
開飯介紹
來自台灣的人氣連鎖一人主題火鍋專門店，以獨有的石頭火鍋湯底作主打，供應多款肉類及海鮮套餐，亦有無限量供應的自助吧。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關餐廳
餐廳告示
全新升級放題模式，平日午餐$159起
2024-11-04
平日午市套餐最低$159起(不含湯底)，最高享75品以上任食任飲100分鐘，
可點擊網址查看高清版本menu https://jhujian.com/2qDXq
詳情
有關獎賞計劃
相關文章
係台灣食過好出名既無老鍋，我自己覺得馬馬，但係今日有Fd出糧請食飯，佢竟然話Lunch想打邊爐就帶左我黎食築間，佢話係台灣年銷售過萬既靚字號，我既食後感係真係唔錯wo，舖頭係正朗豪坊對面，E出口一上轉右就到，一啲都唔難搵，同台灣一樣，佢係方形枱兼一人一鍋，比起港式邊爐Chill同享受性高好多，佢有四個唔同價錢，我地食Lunch又想食和牛就嗌左$279既餐！*佢呢度係人頭收費，一個價錢就包左湯底(十幾種選擇)+任食既主食同蔬菜吧100mins＋仲有飲品同甜品，包滿足！太多好多食，我就略略揀最鍾意同少少分類去講啦澳洲黑毛和牛霜降 — 刀功非常好，切薄到紙咁，簡單落湯一浸就已經可以拎上黎食冷藏手切溫體牛 — 牛味好重，細細一塊但比其他厚身牛板腱 — 將原本厚厚既牛板腱薄切到可以烚下烚下，一樣咁好味，口感一流美國熟成霜降牛 — 我個人覺得佢係牛味最 濃厚，口感鞋身得黎有咬口伊比利黑豬梅花 — 油脂比較分佈平均，有豬味澳洲嫩羊肩— 膻味淡淡，就算怕膻既人都唔需要擔心，入口實淨好味鱸魚 — 兩個魚我都鍾意，如果你鍾意食蟹既我建議鱸魚，因為佢既肉一疏一疏，口質好似蟹肉石班片 — 石班片就實淨彈牙，骨都係粗骨易吐，魚味重嗌左個台式麻辣湯(幾辣下，台灣豆腐一如想像咁好味，鴨血都不過不失)；另一個係老佛爺雞白湯，雞肉嫩滑又入味，淡淡既藥材味令湯頭好正蔬菜吧 — 種類款式都唔錯，菜係好新鮮有揀過先放出黎既明顯，台式豆腐一如以往係必食既甜品係任食架，焦糖布蕾面層脆身，底下係燉蛋咁既Feel，唔係死甜又唔滯；另外嗌左個黑糖白玉奶酪一樣咁好味，白玉既質感沾上黑糖係好吸引，奶酪味道似布蕾但又多種滑溜既感覺！
繼續閱讀
見到網上評價唔錯，係台灣一年銷售900萬鍋嘅國民火鍋品牌，第一間海外分店就揀咗黎香港開，緊係要黎食下~套餐包湯底＋主食＋任食自助吧＋飲料＋甜品，限時100分鐘，都係$165起，平日午市主餐最低$88起添，又豐富又抵食。環境非常整潔寬闊，一啲都唔逼，坐得好舒服。今次要咗極奢套餐。湯底有石頭湯同龍蝦湯，石頭湯有唔少乾魷魚作配料，而龍蝦湯非常香濃。肉類選擇非常多，而且好鮮甜，個人最中意霜降牛同豬梅花，肉味非常濃。海鮮方面，估唔到居然有海虎蝦，大大隻，蚵仔好肥美，三文魚同魚片冇骨又嫩滑。自助吧有唔少蔬菜同丸類，任君選擇~最後仲有飲品同甜品，甜品有焦糖布丁同埋唔同味嘅奶凍。
繼續閱讀
最近去咗旺角嘅築間幸福鍋物，呢間台灣一年銷售900萬鍋的火鍋品牌，終於登陸香港🤩👏平日午市主餐＋自助吧任食 ，最平都係$88 起，用餐時間100分鐘。我同朋友揀咗$279極奢放題，由湯底到肉類、海鮮都高質好食，真係物超所值😋😋👍❣️❣️餐廳環境寬敞舒適，服務都不錯～一人一鍋可以揀唔同湯底🥰湯底足料又好味！❇️老火淬濃雞湯，雞味好香濃，味道突出，飲落好暖胃❇️爆炒龍蝦湯既龍蝦味濃郁，夠晒鮮味👍👍套餐包咗多款肉類、海鮮、主食:❇️美國牛板腱、熟成霜降牛🐮🐮🥩🥩🥩兩款牛都高質！油花分布均勻，輕輕一灼就已經好嫩滑，入口即化，牛味濃郁🤤💓💓❇️伊比利黑豬梅花、松阪豬都肉質鮮嫩吃得出的優質食材🐷❇️草原嫩羔羊都好好味，肉質軟嫩，唔會太韌😋❇️海虎蝦、龍躉石斑魚片、極甜鮮魷魚、沙白、鮮鱸魚🐟🐟🦑🦑🦐海鮮全部都好新鮮‼️海虎蝦非常大隻！蝦肉質彈牙，鮮味十足～沙白漲卜卜夠大隻，鮮魷魚爽口鮮甜。特別必點石斑魚片，魚肉細嫩好食🤩👍👍❇️自助蔬菜配料區既款式唔少，蝦滑和墨魚滑都不錯❇️阿里山冷泡烏龍茶、鳳梨冰茶🍍🍍台式飲品清新解膩，唔會太甜好好飲～❇️甜品揀咗芒果奶酪，口感細滑，芒果味濃郁🥭完美為呢餐畫上句號🥰💓💓📍 築間幸福鍋物 (旺角)旺角砵蘭街240-244號MPM文華商場1樓C號舖#築間幸福鍋物 #旺角美食 #火鍋放題 #香港美食 #吃貨日常 #美食推薦 #飲食紀錄 #探店 #台式火鍋 #台式火鍋第一品牌
繼續閱讀
早前食過銅鑼灣築間酸菜魚同旺角燒肉Smile都好滿意該台灣品牌上年開始進軍香港首個海外市場今次就帶鐘意打邊爐既本月之星黎食築間第3部曲之幸福鍋物一人一鍋放題任食100分鐘環境舒適Step 1 揀套餐4選1帶本月之星黎食豪D – 極奢套餐Step 2 揀湯底14選1鎮店招牌石頭湯👍🏼餐牌寫住台灣年銷售超過500萬鍋果然係好鮮味！松露燦金雞湯松露怪見到有松露湯底 即揀散發住微微松露湯底含嫰滑雞腿肉Step 3 自調醬料及配料自助吧醬料整體味道偏淡特別在有蘿蔔蓉配料必食築間酸菜魚店都有既蛋餃 同埋芋泥肉丸Step 4 主食用QR code落單 清晰方便快捷出餐速度快 冇漏單情況系統點餐時間需要每隔7分鐘所有肉類上枱都冇標示 較難分辨各款肉類大部分肉類屬於薄切追求口感 可以打孖一齊食牛當日只有5款其中熟成牛五花再encore羊紐澳嫩羊肩 冇騷味豬4款都不錯海鮮海潮鮮鱸魚 肉質嫰滑龍躉石斑魚片 近魚皮位有滿滿骨膠原極甜鮮魷魚 爽口彈牙澱粉蒜片豬油飯脆蒜配鹹香豬油飯 當日雪蟹膏拌飯已售罄 小失望雖然只有一款粉麵 – 粉絲但粉絲同鎮店招牌石頭湯底好夾飲品冬瓜檸檬阿里山冷泡烏龍茶甜品 有驚喜芒果奶酪 奶味濃郁厚實焦糖布蕾 上脆下creamy 小甜
繼續閱讀
星期四晚上，目測入坐約50%，我地2條友同另外2個唔識既坐埋一張4人檯，都好體貼咁有塊板隔下既......限時100分鐘，ok 明白，第一次黎(應該都係最後一次)求其點幾碟野食先，跟住朋友想點，吓，要等7分鐘先可以落一次單?乜x野黃金比例呀，每張單限點6碟? 每碟有5件咁多呀，食材都做合格啦，湯底普通質素，唔記得夠鐘前30分鐘無得點，想飲多杯野都無，同朋友傾計食野，唔覺唔覺10幾分鐘先點一次，唔通要較鬧鐘點野食? 自取區唔駛問都係平價野，丸丸菜菜咁，每人3百幾放題唔駛好高要求，但求坐得唔好衰過茶餐廳，食物份量唔好咁小家，得d 平價野我去普通酒樓食好過啦。
繼續閱讀