築間幸福鍋物

星期四晚上，目測入坐約50%，我地2條友同另外2個唔識既坐埋一張4人檯，都好體貼咁有塊板隔下既......限時100分鐘，ok 明白，第一次黎(應該都係最後一次)求其點幾碟野食先，跟住朋友想點，吓，要等7分鐘先可以落一次單?乜x野黃金比例呀，每張單限點6碟? 每碟有5件咁多呀，食材都做合格啦，湯底普通質素，唔記得夠鐘前30分鐘無得點，想飲多杯野都無，同朋友傾計食野，唔覺唔覺10幾分鐘先點一次，唔通要較鬧鐘點野食? 自取區唔駛問都係平價野，丸丸菜菜咁，每人3百幾放題唔駛好高要求，但求坐得唔好衰過茶餐廳，食物份量唔好咁小家，得d 平價野我去普通酒樓食好過啦。