276
20
18
| 餐廳: | 花圖 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
電話號碼
26882408
66396688 (WhatsApp)
營業時間
今日營業
11:00 - 22:00
星期一至日
11:00 - 22:00
*星期一至日: 16:00 - 18:00 (休閒時段只供飲品)
以上資料只供參考, 請與餐廳確認詳情
有關獎賞計劃
優惠
| 餐廳: | 花圖 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
好友甜魔一家過年前由加拿大回港渡新歲！我當然不會放過跟她們見面的機會，於大年初五相約一起去吃中式的下午茶。選到位於尖沙咀海港城的花圖 Voynich享用這頓下午茶，以俄羅斯輪盤作爲餐廳入口設計玩味甚濃。甫踏入餐廳先會經過這型格酒吧！再往前走便到達我們用餐的地方。下午茶的飲品選了我最喜歡的荔枝烏龍茶！純白浮雕的茶具非常優雅，用它來品茶徒添高貴之味。我們選的Voynich Afternoon Tea$638/2位！包括以五鹹三甜點心組合而成設置於鳥籠架賣相挺吸睛。鹹點包括有鮮嫩的柚子醬香脆帶子、金光閃閃的香脆薄荷醬脆蝦卷、鮮香的黑蒜蟹肉燒賣、酥脆惹味的紅寶石雞肉酥及我最喜歡的紅甜椒蘆筍鮮蝦餃皇，最吸引肯定是烹得半熟的柚子醬香脆帶子。甜點只有三款喜歡的朋友應該會有點失望！三款當中有幽香滑溜的茉莉花奶凍、香甜的荔枝汁漬荷蘭小串茄及像金條般的黃柑香橙菲林卷，當中茶香撲鼻的茉莉花奶凍最能討我歡心。多謝好友於網上預訂這頓優惠的下午茶只需$190/位變得特別抵吃。
繼續閱讀
兩個人食左$1833, 唔係話食唔起, 但係畀得呢個價錢會有要求, 呢間野真係淨食裝修同打卡服務無水準, 侍應無培訓, 餐牌設計失敗食物重咸, 無一樣覺得出色, 只有普通同難食兩種程度下面慢慢講裝修幾靚, 尤其門口好有氣派, 一睇就感覺係高級地方侍應帶我地穿過長長走廊先入到黎小人數用餐區呢個位o既裝修畀我感覺係歐洲式又帶點香港懷舊感但敗筆係樓底好低叫野食開始頭痕, 因為佢有好多種套餐最後我揀左個感覺性價比較高o既餐個餐牌設計問題係令人以為無寫價錢, 佢有三道主菜選擇如果主菜只揀一道或兩道或要三道個套餐就會唔同價多餐揀唔係問題, 問題係我睇唔到價錢其他餐牌都會最底清晰寫住幾錢, 咁我就問侍應幾錢啲侍應無受訓咁佢地有啲都知價錢望左我畀佢個餐牌一陣, 話搵另一個侍應過黎解答然後面對住仲有四五個套餐比較, 我又唔記得左個價錢再問都係問一個唔得又係話要搵另一個侍應黎答好笑係後來發現餐牌最底有幾行極細字寫個價錢點計你地自己侍應都唔知要搵人黎解答期望客人會喺咁暗環境睇細節條款咁地毯式搜索價錢係邊嗎其實個價錢同其他餐牌一樣清楚寫係下面咪好神奇係啲有侍應自己都唔知寫左要再搵其他人問餐具一開始畀左刀叉筷子杯就完侍應無諗過你食啲野係唔係要隻碟墊下先來前菜荔枝汁漬荷蘭串茄+川小籠包+蟹膏蟹肉酥食完呢個其實覺得幾好所以對前面講o既野未有咁大反應但因為除左呢個OK, 後來連續失望所以不吐不快荷蘭串茄酸酸甜甜幾清新小籠包多湯汁辣辣地惹味蟹膏蟹肉酥最出色 熱辣辣勁酥脆 揀呢間餐廳唔係因為有大量好評, 係因為有爵士湯因為我好鐘意飲但無乜地方有而且好多都要開一煲畀8人以上用呢到可以一位計所以就過黎 結果勁失望個味似龍蝦湯多過爵士湯仲要重味到我都唔知係甜到極致反而太咸定點然後舊疑似花膠物體真係無花無假好膠成塊野都係整體同一口感, 唔會有啲位淋啲滑啲真係覺得自己食梗一塊膠 憑住對香港高級餐廳信心, 應該唔駛食元素表先敢吞呢碟叫風沙紐西蘭羊架Its English name is Breaded Rack of Lamb with Garlic無論中英文名都理解唔到呢碟野係幾辣個餐牌會唔會可以做得好啲, 畀啲指引人係辣野本身譚仔食到中辣都覺得太辣我唔係食唔到個辣度, 但係照顧下啲唔食得辣o既客人會唔小心叫左同埋佢啲辣o既作用好絕係辟除羊味, 唔係令到啲羊更香口根本主要係食辣多過羊味上左呢碟菜侍應都係無意識畀隻碟我地呢道菜咁多碎料都唔知佢地咩料問侍應拎碟佢應左你但係唔做野頂唔住再叫先慢吞吞拎畀你當晚係星期四已經無乜客人成班係到發夢隔離枱已經嘈左好耐點解炒飯仲未上XO醬露筍炒蟶子皇無鑊氣 唔知係唔係擺盤都搞到凍左唔係好熱蟶子一般貨色, 無話特別鮮甜但超碼唔會太咸見唔少人讚呢個流沙黃金銀雪魚 全晚最失望係呢個, 咸到痴線食第一件都要挖走塊皮先食到一舊魚兩個人只係各自食到一舊我諗讚o既人一定係食鹽多過我食米失敬失敬魚湯鮮菌浸菜苗無特別 唔難食 唔過咸 唔鮮甜蝦頭醬龍蝦粒炒絲苗味道正常偏咸, 但佢個咸都算接受範圍內當晚食唔落因為已經食左好多又咸又重口味野反而打包拎返屋企蒸返食可以接受但都係普通炒飯蜜瓜甘露又係多人讚好多人係咪今世未飲過維他蜜瓜豆奶? 建議試一試會發現身邊有很多平價小確幸呢碗野同維他蜜瓜豆奶一樣咁稀, 味道唔見得比維他好裡面有為數唔多o既西米粒同柚子如果將呢碗野改為做特飲會比較好受總之呢間野就係擦靚個門面放啲有手有腳侍應同砌靚啲食你唔壞o既野好耐都無寫食評, 佢都算勁令我可以打返咁多字完全口語, 因為想快, 但都執左好耐, 希望呢篇幫到有緣人
繼續閱讀
就喺海港城！我同朋友經過嘅時候，整個外面裝修已經吸引到我哋喇！！整個地方充滿宮廷氣息，一踏入去就有種精緻宮廷嘅feel，勁正覺得不論聚會定係約會，都係個唔錯嘅去處，真係好有面子！🦢酱香泡騰鵝一上枱就勁吸引，鵝肉個頭又大，香氣同顏色都超誘人，食落口又嫩又入味！🐟 順德生拆魚蓉羹入面仲有陳皮同莴笋絲，整個煮得好濃稠，湯底新鮮得令人直呼過癮！✅ 鳳巢京蔥牛肉造型超可愛，牛肉份量又多，入口又軟又滑，彈牙得嚟又有口感，加埋嗰脆脆甜甜嘅糖絲，真係唔錯過！🐓 花圖和牛寶盒和牛切咗件件咁食超方便，香嫩夠味，川菜嘅風味真係滲入咗肉身，食完直呼過癮！另外，店入面其他菜式都唔輸，例如榄菜黑豚肉四季豆，口味夠地道，完全唔老套，正好表現咗中國風嘅韻味！
繼續閱讀
裝修華麗典雅，闊落舒服，再次到訪，食物依然精緻美味，令約會聚餐增添儀式感✨ 薰 晚市套餐 $388/位薰晚市套餐每人包括了兩款前菜、一款湯羹、一款主菜、一款時蔬、主食及甜品，也可以追加不同的點心前菜與🙎🏻♂️一人選擇兩款，剛剛好可以試試全部～🌼 桂花百合山藥清脆爽口的山藥，加入清甜的桂花及百合。🥚擂椒醬皮蛋皮蛋配搭微辣辛香的擂椒醬，味道濃郁滑嫩，很醒胃。🦐 黃金蝦多士花朵造型的蝦多士漂亮，炸至金黃酥脆，很香口。🌊 麻辣黃瓜海哲頭清脆的黃瓜及彈牙的海哲頭充滿陣陣麻辣醬香氣。香辣爽口。🐟 順德生拆魚蓉羹味道鮮美，啖啖足料，加入米通增加口感變化，吃完整個人暖暖的😍主菜🐮 鳳巢京蔥牛肉牛肉嫩滑，京蔥清香，搭配鳳巢的酥脆口感，喜歡😋🐷 經典醋香豚肉豚肉鮮嫩爽彈，帶著醋香，酸甜鹹香完美平衡，開胃可口。🥬 蒜蓉炒時蔬鮮嫩翠綠，帶有蒜蓉香氣。🍚 海膽海參燴日本稻米日本稻米吸滿鮮美湯汁，除了有海參，更加入了鮮甜的海膽提鮮，味道豐富又奢華🤤🤤🫘是日甜品是甜潤的紅豆沙，暖心滋補。飲品選擇了Snow Globe🥂，漂亮又清新易入口💖💖如果想更豐富，可以以每款$28追加1件：-素餃紫玉 （素）-廚師推介 藥膳小籠包-蟹膏蟹肉酥-法芥牛肉春卷-紅寶石雞肉酥
繼續閱讀
又到咗每月一次嘅好西日🤭🤭 今次去咗間好有儀式感嘅餐廳《花圖》💐 呢間餐廳分為幾個區域🏘️，包括bar、邊爐區、中菜區、VIP房等⋯ 全部環境都超靚超有氣派㗎！我哋叫咗《Lavender 薰》套餐，$388就有好多嘢食😋😋前菜及點心🧆🌼桂花百合山藥🍤黃金蝦多士🥒麻辣黃瓜海哲頭🦪椒鹽鮮鮑魚（+$38）前菜有五款，每人可以揀兩款，款款都好精緻又開胃😚 湯🍲🐠順德生折魚蓉羹🦁花圖爵士湯（+$68）兩款湯品都好好飲🥰 魚蓉湯超足料，個湯好鮮甜，仲可以加入脆米通增加口感😙 爵士湯係呢度嘅signature，湯料有海螺頭、花膠、瘦豬肉等等，好滋補💓主菜🍲🐮鳳巢京蔥牛肉🐠原籠古法蒸海斑球京蔥牛肉切粒都好嫩好多汁，調味甜蜜、擺盤都好精緻💕 海斑球更鮮甜肉嫩😍蔬菜🥬🥬蒜蓉炒時蔬菜芯翠綠新鮮，加入蒜蓉炒香又唔鹹👍🏻主食 🍚🌾海膽海參燴日本稻米主食係特別嘅燴飯，加入海膽同海參，超豪華🤤甜品🍧🍨蜜瓜玉露🫘陳皮紅豆沙甜品方面有凍有熱，兩款都夠晒濕潤滋味～追加點心🥧唔夠喉仲可以叫多啲點心享用，我哋就試勻🥟藥膳小籠包、🦀蟹音蟹肉酥！
繼續閱讀