SAVVY

SAVVY自助晚餐一定要提前預訂，平日夜晚食都好full呀~ 馬可孛羅酒店官網仲做緊優惠，50% off‼️ 今次決定帶埋屋企人一齊食，慶祝生日🎂亞洲特色自助餐，必食推薦✅✅刺身拼盤新鮮的刺身一定係回本攻略之一，包括有三文魚、吞拿魚、油甘魚等等，仲有不同的壽司卷物鵝肝拼和牛香軟鵝肝煎得恰到好處，表面香脆，我自行配上印度薄餅一齊食(印度廚師即場烤製)估唔到又幾夾!! 和牛好嫩滑，一口size同鵝肝一齊食，真係好正😇醬燒鮑魚鮑魚新鮮彈牙，搭配特製香甜醬汁，估唔到鮑魚鵝肝和牛都可以仼食!! 師傅好好一次過放曬係客人碟，滿足三個願望😋🦞芝士燒龍蝦除咗凍龍蝦，唔食凍海鮮嘅朋友絕對不能錯過依道芝士燒龍蝦。芝士燒到半溶狀態，配上鮮嫩的龍蝦肉，熱辣辣新鮮整成👍值得一題龍蝦湯，都十分出色😍 芝士燒龍蝦同凍龍蝦都未夠喉的話，飲埋龍蝦湯就完成咗龍蝦大餐😎芒果糯米飯絕對係需要encore，雖然食一碗已經會好飽。 糯米好煙韌，有泰國當地食嘅感覺，十分有驚喜。DIY 椰汁珍多冰自由搭配紅豆、綠豆和水果，食飽飽之後當甜品，好滿足呀🤤甜品鐘聲響起，仲有即場淋上朱古力醬同果仁粒嘅Haagen-Dazs雪糕批，大人小朋友都食得開心😋…查看更多

一入門口就有冷盤凍龍蝦、凍蟹腳及蟹肉！沙律🥗，cold cut，芝士應有盡有，仲有cocktails 蝦、螺肉及青口，已經令人眼花撩亂，睇見樣樣想食！主食大致分為日式，印度，泰式，港式及西式！🍴西式嘅主食都非常驚艷，主要有四款熱食:芝士開邊焗龍蝦、既切燒澳洲牛肉、烤焗黑豚肉、香煎三文魚扒！🇯🇵日式有壽司及刺身油甘魚、三文魚、吞拿魚、甜蝦及八爪魚！不能錯過‼️鐵板香燒鵝肝，‼️譏燒鮑魚配香蔥醬‼️鐵板燒和牛配蒜片！鵝肝入口即化，甘香油脂濃香、鮑魚軟腍好入味，和牛肉味香濃，好鬆軟！🇮🇳印度菜有各式咖哩、印度烤雞配Nann Bread，我就鍾意烤大蝦，蝦殼勁香口，肉質彈牙又脆！🇹🇭 泰菜方面，有泰式豬頸肉、船麵及自製珍多冰！食咗兩碗船麵嘅我表示真係好味，船麵嘅湯底濃郁，有四款粉麵選擇，仲可以自選配菜丸類！珍多冰自己調，好玩之餘，口味自己配搭！🇭🇰港式主要係熟食，有燒味、蒸魚、小炒、炒飯，時令蔬菜！咁樣講好似好平凡，但各樣都高質又好食！燒味嘅燒鵝啖啖肉，皮薄肉嫩，有水準！海鮮炒飯粒粒分明，用料上乘！🧁甜品方面有好吸睛嘅朱古力噴泉，有各式嘅泰式甜品，芒果糯米飯、椰汁西米、彩色椰糕等等！仲有我最愛嘅蛋糕、朱古力opera cake，Charlotte cake，cheese cake，fruit tart，全部都好decent！仲有Häagen-Dazs朱古力雪糕bar！☕️自助餐包非酒精類飲品，有果汁，茶類，而咖啡仲係capsule 咖啡，氣味濃郁滿滿嘅 crema，配甜品一流！…查看更多

🍴Weekend Brunch Buffet (小童:$388；成人$538）朋友慶祝我搵到新工，帶我嚟呢度食自助餐；原來餐廳係亞洲特色餐廳，中式、西式、日式、韓式、泰式甚至印尼菜都有，冷盤熱食都一應俱全，唔同口味嘅人都滿足到🦞海鮮區有龍蝦、長腳蟹蟹鉗同蟹腳；龍蝦多膏，肉質彈牙，長腳蟹蟹鉗同蟹腳肉質鮮美🍞餐包前菜鹹甜餐包都一應俱全，連Parma ham，多款芝士都有🥗冷盤沙律沙律選擇多，仲有蜆、青口同鮮蝦；泰式粉絲沙律酸酸辣辣好開胃，四喜烤麸吸附濃郁的醬汁非常入味，意大利麵沙律非常清新，客人可以按自己嘅口味𢳂配料自製沙律🍽️熟食區有印尼炒飯、咖喱雞，港式燒味，沙嗲串燒，三文魚柳，澳洲烤牛肉等等，甚至可以叫廚師即煮泰式船麵🍰甜品有唔同嘅西式蛋糕、中式嘅杞子桂花糕，仲有泰式嘅蛋糕仔、千層糕，斑蘭蛋糕等；蛋糕做得精緻小巧，甜度適中而不膩；泰式千層糕突然間聽到鈴鈴聲，原來係職員會即席派朱古力脆皮雪糕批，仲可以自選topping，雪糕用咗Häagen-Dazs士多啤梨雪糕，咬落去仲有淡淡士多啤梨果肉，朱古力脆皮夠凍同厚☕️ 飲品除左常見嘅coffee and tea，仲有橙汁、蘋果汁同罐裝飲品，連香茅薑茶都有，仲可以自製泰式椰汁冰🤵🏻 餐廳座位寬闊坐得舒服，而且唔嘈可以傾偈，職員收碟同refill食物嘅速度快手💰而家系Savvy嘅官網訂座仲有優惠…查看更多

星期日終於同老公去咗我心心念念好耐嘅 SAVVY，試佢個Weekend Brunch Buffet！🦞我哋一早book定枱，果然冇失望～ 由西式、印度、印尼、泰式到中式熱葷，樣樣都有得食。❤️冰鎮海鮮❤️一入到去已經見到個冰鎮海鮮區好壯觀，龍蝦、雪蟹腳、小龍蝦堆到滿一滿！龍蝦肉爽甜，雪蟹腳輕輕一拗就拆到肉，我同老公都encore咗幾轉～ 老公仲好專攻啲海蝦，話夠鮮甜，我就鍾意青口，口感好鮮嫩。🧡熱葷🧡印式咖哩蝦個咖哩幾香濃，點埋烤餅食超正！泰式紅咖哩鴨都好惹味，仲有中式烤鴨同叉燒，老公話叉燒肥瘦適中，好入味～ 西式嘅燒澳洲牛肉都好嫩，配埋燒肉汁同芥末，好有驚喜！🔔特別環節🔔食到中途突然聽到鈴鈴聲，有職員即場整Haagen-Dazs脆皮雪糕批，淋一層濃郁嘅朱古力醬同自選toppings，小朋友同大人都開心！🍫🍦💛沙律同甜品💛沙律吧有好多選擇，我試咗泰式海鮮粉絲沙律，酸酸辣辣好開胃。甜品方面，抹茶荔枝蛋糕好特別，抹茶味濃之餘又有荔枝嘅清甜。仲有得自製泰式芒果糯米飯！將糯米飯上面加上椰奶同芒果，芒果香甜，糯米暖笠笠軟糯，為成個brunch作完美句號。💚飲品💚有冰鎮果汁、罐裝汽水，仲有熱檸檬草茶，我自己就整咗杯DIY泰式飲品，好玩又好飲。💰Adult $538 + 10%💰Child $388 + 10% …查看更多

Dinner buffet令人琳琅滿目，走亞洲特色風味，美味佳餚由日式、泰式到東南亞香料風，令人大飽口福。🦞龍蝦、長腳蟹、海鮮、刺身海鮮區豐盛滋味，以新鮮龍蝦為主角，肉質彈牙，令人食指大動。長腳蟹和巨型蟹鉗，蟹腳入口香滑柔順，蟹鉗啖啖肉，鮮味十足。刺身壽司區：刺身有: 吞拿魚、帶子、三文魚、油甘魚及甜蝦，魚鮨豐盛。吞拿魚散發魚油甘香，甜蝦鮮甜誘人。三文魚厚身，入口綿滑。帶子口感滑溜，令人一吃愛上。冷盤沙律選擇多，有酸辣泰式豬頸肉沙律，到清爽的長管粉意式沙律，酸甜鹹辣，各有所愛，加上青口及螺肉等，當作開胃前菜，十分滿足。菠菜芝士焗龍蝦芝士焗龍蝦是可以無限refill，肉質鮮美，焗製後更加細膩多汁。表面香脆芝士層，令人垂涎，融合新鮮的菠菜，口感清新，使每一口都充滿驚喜。鐵板熟食區 鐵板和牛粒帶焦香，肉汁在口中散發，軟嫩多汁。燒鮑魚口感帶嚼勁，鮮味吸引。豐腴的鵝肝多士油潤綿密，濃郁脂香，入口即化。螺頭燉雞湯燉湯十分足料，響螺口感黏糯，💖綿軟的雞腳，好味又滋補，暖笠笠的感覺。冬蔭公酸辣滋味，加入鮮蝦肉，增加鮮味，入口微微香辣，滲出椰奶香氣。泰式船麵湯頭濃郁，加入肉丸、芽菜及魚腐，麵條吸收了濃湯底，美味窩心。甜品區令人回味，泰式甜品最引人注目。芒果糯米飯倒上香稠的椰漿，口感柔滑，加上甜美的芒果肉，令人甜絲絲。椰汁西米糕，啖啖粉綿西米，陣陣椰子幽香。自製椰奶珍多冰，紅豆香甜和綿密涼粉，椰味濃厚誘人。朱古力噴泉也是人氣所在以棉花糖及水果沾上，好玩又好吃! 蛋糕款式多，芝士蛋糕綿密順口，散發濃厚芝味。杞子桂花糕入口Q彈，淡淡桂花清香，冰涼清爽。最後必吃Häagen-Dazs朱古力脆皮 雪條，職員把雪條浸進朱古力，脆皮可口，加入Oreo碎及朱古力粒粒，增加口感，甜蜜蜜的句號。…查看更多